Шаҳрдорони пойтахти ду кишвари форсизабон мубориза бо вируси коронаро баррасӣ карданд
(Таҷдидшуда 02:56 16.05.2020)
Шаҳрдорони Теҳрон ва Кобул дар гуфтугӯи тасвирии онлайн бар зарурати интиқоли таҷрибаҳои ду пойтахт дар заминаи муқобила бо вируси корона таъкид кардандДУШАНБЕ, 16 мая — Sputnik. Пирӯзи Ҳиночӣ, шаҳрдори Теҳрон рӯзи ҷумъа дар гуфтугӯи маҷозӣ бо Муҳаммаддовуд Султонзей, шаҳрдори Кобул, иртибототи наздик ва забону фарҳанги муштарак байни Эрону Афғонистонро дар равобити Теҳрон ва Кобул бисёр муассир донист, иттилоъ додааст хабаргузории “Парстудей”.
©
Sputnik / Илья Питалев
Ҳиночӣ афзуд, ҳамкорони афғони бисёре дар шаҳрдории Теҳрон машғули фаъолият ҳастанд, ки дар дидорҳои расмӣ ҳамвора аз заҳамоти онҳо ташаккур шудааст.
Шаҳрдори Теҳрон гуфт, вируси корона нишон дод, ки аз марзҳои қарордодӣ ва сиёсии кишварҳо пайравӣ намекунад ва ҳамаи мардуми саросари ҷаҳон мусофирони як киштӣ ҳастанд.
Ҳиночӣ ҳамчунин пешопеш иди саиди Фитрро ба шаҳрдори Кобул табрик гуфт ва аз ӯ хост, саломи шаҳрдори Теҳронро ба кобулиҳо бирасонад.
Муҳаммаддовуд Султонзей, шаҳрдори Кобул низ дар ин гуфтугӯи маҷозӣ гуфт, мардуми Афғонистон аз Теҳрон хотироти бисёр ширину неке доранд.
Шаҳрдори Кобул аз тамоми шаҳрдорони ҷаҳон хост, нигоҳи инсонии худро бо Афғонистон ба иштирок бигузоранд.
Вай афзуд, Теҳрон дастовардҳое дорад, ки шаҳрдории Кобул хоҳони истифода аз таҷрибаҳои арзандаи он аст.
Муҳаммаддовуд Султонзей, шаҳрдори Кобул аз ҳамтои теҳронии худ хост то баъд аз поёни буҳрони корона ба Кобул сафар кунад.
Барчаспҳо:
Фавти як дардманди дигари коронавирус дар Қирғизистон: шумораи қурбониён ба 17 расид
ДУШАНБЕ, 2 июн – Sputnik. Дар вилояти Нарини Қирғизистон як зани 79 - сола, ки гирифтори маризии сироятии коронавирус буд, ба ҳалокат расид.
©
Sputnik / Табылды Кадырбеков
Ба иттилои муовини вазири тандурустии ин кишвар Нурболот Усенбоев, зани солхӯрдаро ҳанӯз 13 - уми май бистарии беморхона намуданд.
Марҳум дар баробари мубтало шудан ба коронавирус, ҳамзамон аз маризии қалб ва фишорбаландӣ низ азият мекашидаст.
"Вазъи саломатии бемор рӯзи 30 - юми май бад шуда, санаи 1 - уми июн пизишкон ӯро ба дастгоҳи нафасдиҳии сунъӣ пайваст карданд", - шарҳ додааст муовини вазири тандурустӣ.
Усенбоев таъкид кард, ки бо вуҷуди талошҳои зиёди пизишкон қалби ӯ аз тапидан бозмонд.
Тамдиди қарантина дар Ӯзбекистон ва афзоиши мубталоён ба коронавирус дар Қирғизистон
Ҳамакнун теъдоди умумии қурбониёни маризии сироятии коронавирус дар Қирғизистон ба 17 нафар баробар шуд.
Гузашта аз ин, дар Қирғизистон ҷамъан 1845 ҳолати сироятшавӣ ба ин маризӣ сабт гардидааст. Аллакай 1219 нафар пас аз шифо ёфтан аз дармонгоҳҳои ин кишвар мураххас шуданд.
Ёдовар мешавем, ки дар Тоҷикистон ба таври расмӣ бурузи ин маризиро санаи 30 - юми апрел эълон карданд ва то кунин аз ин беморӣ тибқи маълумотҳои расмӣ 47 нафар ба ҳалокат расиданд.
Барчаспҳо:
Таниш дар марзи Ӯзбекистону Қирғизистон: мақомот гуфтушунид мекунанд
ДУШАНБЕ, 1 июн – Sputnik. Кубатбек Боронов муовини вазири Қирғизистон ва Абдулло Орипов нахуст вазири Ӯзбекистон ба далели даргирӣ дар манотиқи марзии байни сокинони Боткенти Қирғизистон ва минтақаи Сухи Ӯзбекистон бо якдигар музокара мекунанд, гузориш медиҳад "Парс тудэй" .
© Sputnik / Виктор Толочко
Бино бар иттилои манбаъ, баррасии иллати даргирии ахир дар манотиқи марзии Ӯзбекистон ва ва Қирғизистон меҳвари дидори масъулони ду кишвар хоҳад буд.
Илова бир ин, тарафайн бо сокинони манотиқи мазкур дидор ва иттилооте дар бораи вазъияти марзҳои муштарак ва иқдомот барои ҳифзи субот ироа хоҳанд кард.
Рӯзи гузашта сокинони манотиқи марзии ду кишвар бо якдигар даргир шуданд.
Бино бар иттилои расмӣ, феълан вазъият таҳти контрол аст ва мақомоти расмӣ дар ҷиҳати оддисозии вазъият иқдом мекунанд.
Таниш дар марзи ин ду кишвар дар ҳолест, ки чанде пеш, дар рӯзи таҷлили Иди Рамазон, 24 май дар марзи Тоҷикистону Қирғизистон низ як баҳси шадид ба миён омад. Намояндагони марзбонии ҳарду кишвар гуфтанд, ба сари мизи гуфтушунид менишинанд.
Вазъи сарбози маҷрӯҳшудаи тоҷик дар марзи Тоҷикистону Қирғизистон хуб арзёбӣ мешавад
Қуръакашии чемпионати футболи Осиё-2020: рақиби мунтахаби кишвар ки хоҳад буд?
(Таҷдидшуда 09:13 04.06.2020)
Қуръакашии чемпионати Осиё-2020, ки дар он дастаҳои ҷавонони (U-16) ва ҷавонони (U-19) Тоҷикистон рақибони худро хоҳанд шинохт, рӯзи 18 июн дар қароргоҳи Конфедератсияи футболи Осиё дар Куала-Лумпур баргузор мешавадДУШАНБЕ, 4 июн — Sputnik. Тибқи иттилои сомонаи ФФТ, қуръакашии чемпионати Осиё-2020 миёни наврасон соати 17:00 ба вақти Душанбе шуруъ мешавад ва қуръакашӣ барои чемпионати Осиё барои мунтахабҳои ҷавонон соати 19:30 баргузор мешавад.
Конфедератсияи футболи Осиё таркиби сабади қуръакашӣ барои финали Чемпионати Осиё-2020-ро эълон кард.
Дастаи мунтахаби наврасони Тоҷикистон (U-16) бо тимҳои Баҳрайн, Ҷопон ва Кореяи Ҷанубӣ дар сабади аввал қарор гирифт.
ФФТ мегӯяд, ин маънои онро дорад, ки мунтахаби мо бешубҳа бо ин дастаҳо дар марҳилаи гурӯҳии чемпионат бозӣ намекунад.
Тибқи тақвими АФК, чемпионати Осиё байни наврасони зери 16-сола аз 16 сентябр то 3 октябр дар Баҳрайн баргузор мешавад.
Манбаъ мегӯяд, дастаи мунтахаби ҷавонони Тоҷикистон (U-19) дар сабқати Чемпионати Осиё-2020 дар якҷоягӣ бо дастаҳои Япония, Австралия ва Индонезия, ки бо онҳо, бешубҳа, дар ин мусобиқот дар ҳамон гурӯҳ бозӣ намекунанд, дар сабади дуввум ҷойгир шуданд.
Зепп Блаттер, собиқ президенти ФИФА гуфт, бо фишори ИМА аз мақомаш рафт
Чемпионати Осиё байни ҷавонон 2020 бояд аз 14 то 31 октябр дар Ӯзбекистон баргузор шавад.
Бояд қайд кард, ки чаҳор дастаи беҳтарини чемпионатҳои наврасон ва ҷавонони Осиё- 2020 ба мусобиқоти ҷаҳонии соли 2021 роҳхат мегиранд, ки мутаносибан дар Перу (U-17) ва Индонезия (U-20) баргузор мешаванд.