Полицейские возле места взрыва в Кабуле, Афганистан. 7 августа 2019 года

Мақомдори афғон: Толибон ҳеҷ нияте барои сулҳ дар Афғонистон надорад

225
(Таҷдидшуда 03:30 20.05.2020)
Сарпарасти вазорати кишвари Афғонистон гуфт, гуруҳи Толибон як гуруҳи аҳдшикан аст ва ҳеҷ нияте барои сулҳ дар ин кишвар надорад

ДУШАНБЕ, 20 май – Sputnik. Пас аз ҳамалоти террористии ахир дар Кобул, Нангарҳор, Пактия ва имрӯз душанбе дар шаҳри Ғазнӣ "Масъуд Андробӣ" дар нишасте бо масъулони амниятӣ ва дифоии Афғонистон, гуруҳи Толибонро масъули ҳамалоти террористии ахир дар ин кишвар донист, иттилоъ додааст хабаргузории “Парстудей”. 

Сарпарасти вазорати кишвари Афғонистон таъкид кард: гуруҳи Толибон беэътино ба тааҳудоташ ба манотиқи мухталифи ин кишвар ҳамла мекунад ва толиби ҷангу хунрезӣ аст. 

Дар ҳамалоти террористии ахир дар манотиқи мухталифи Афғонистон, аз ҷумла  Кобул ва имрӯз дар шаҳри Ғазнӣ дар шарқи ин кишвар даҳҳо ғайринизомии афғон кушта шуданд. 

Аз замони имзои тавофуқнома ба истилоҳи сулҳи байни гуруҳи Толибон ва Америка дар ҳудуди се моҳи пеш то кунун, Толибон ҳамалот ба манотиқи мухталифи Афғонистонро афзоиш додааст, ки бар асари он садҳо тан кушта ё захмӣ шудаанд. 

225
Барчаспҳо:
кишвар, гуруҳ, сулҳ, Толибон, Афғонистон

Кохи сафед эълон кардааст, ки тавофуқи Трамп бо Толибонро бознигарӣ хоҳад кард

264
(Таҷдидшуда 13:46 23.01.2021)
Кохи сафед дар баёнияе эълом кард, ки мушовири амнияти миллии Ҷо Байден, раисҷумҳурии Амрико ба ҳамтоии афғонистонии худ итилоъ дода аст, ки Амрико тавофуқи Трамп бо Толибонро бознигарӣ хоҳад кард

ДУШАНБЕ, 23 янв — Sputnik. Ҷек Соливон, мушовири амнияти миллии раиси ҷумҳурии Амрико ба ҳамтоии афғонистонии худ эълом кардааст, ки Иёлоти Муттаҳида тавофуқ бо Толибонро бознигарӣ хоҳад кард, иттилоъ додааст радиои тоҷикии Садои Хуросон ба нақл аз ИРНА.

Пеш‌тар Антони Блинкин, ки аз сӯи Байден номзади ҳидояти вазорати хориҷа шуд, дар ҷаласаи пурсишу посух бо намояндагон дар маҷлиси Сенати ин кишвар гуфта буд, ки тавофуқи давлати Трамп бо Толибонро баррасӣ ва бознигарӣ хоҳад кард.

Ин дар ҳоле аст, ки манобее аз давлати Афғонистону Толибон пештар гуфта буданд, ки ду тараф барои тавофуқи давлати Трамп бо Толибон, мунтазири вуруди Ҷо Байден ба Кохи сафед ҳастанд, то аз мавозеъи ӯ дар қиболи ин тавофуқ ва иқдомоти ӯ огоҳ шаванд.

Рӯзи 20 феврали соли гузашта мақомҳои Амрико ва Афғонистон эълом карданд, ки Амрико ва муттаҳидонаш дар НАТО нерӯҳояшонро дар муддати 14 моҳ аз Афғонистони хориҷ хоҳанд кард, дар сурате ки Толибон ба таъаҳҳудоташ бар асоси тавофуқе, ки дар Давҳа имзо карданд, пойбанд бошад.

Панҷ ҳазор зиндонии гурӯҳи Толибон низ бар асоси ҳамин тавофуқнома аз зиндонҳои давлати Афғонистон озод шуданд, ки акнун давлат муддаӣ аст шумори зиёде аз онҳо ба майдони ҷанг баргаштаанд.

Тавофуқномаи сулҳи Амрико ва ниманизомиёни Толибон баъд аз 11 даври музокирот дар ҳоле ба имзо расид, ки бо вуҷуди давлати қонунии Афғонистон, Амрико ба гурӯҳи Толибон дар умури дохилии ин кишвар иҷозаи мудохила додааст.

264
Барчаспҳо:
тавофуқ, бознигарӣ, Толибон, Трамп, Афғонистон, Амрико
Президент Кыргызстана Сооронбай Жээнбеков прибыл с официальным визитом в Таджикистан

Савгандёдкунии хоксорона: Ҷабборов барои масрафоти зиёд аз кортежу банкет даст кашид

2092
Содир Ҷабборов мегӯяд, маросими савгандёдкунии ӯ бидуни кортежу банкет доир мешавад, зеро намехоҳад беҳуда пули зиёд сарф шавад

ДУШАНБЕ, 22 янв — Sputnik. Кишвардори тозаинтихоби Қирғизистон Содир Ҷабборов тасмим гирифт аз кортежи махсус даст кашад ва мехоҳад маросими савгандёдкунӣ хоксорона доир шавад, хабар медиҳад, котиботи президент.

Чанде пеш дар шаҳри Бишкек, хиёбони Чингиз Айтматовро бинобар тамрини баргузории маросими савгандёдкунӣ бастанд.

Ҳамчунин маълум гардид, ки маблағи умумии масрафи маросими адои савганди президенти феълӣ 15 миллион сомро ташкил медиҳад, ки аз ин миён 10 миллион сом сарф мешавад.

Пас аз ифшои ҳаҷми маблағ, дар шабакаҳои иҷтимоӣ мардум аз сарфи зиёди маблағ ва роҳбандиҳо изҳори нигаронӣ намуданд.

Раҳмон ба Ҷабборов барқия фиристоду ба мардуми қирғиз сулҳу субот таманно кард

Содир Ҷабборов шояд нигаронии мардумро пай бурда, аз кортежу банкет ва дигар чорабиниҳо даст кашид.

"Ман фикр мекунам, ки мардум моро мефаҳманд ва дастгирӣ мекунанд. Ман қарор додам, ки аз кортежи махсус, зиёфат ва дигар чорабиниҳои ташкилӣ, ки хароҷоти калони молиявиро талаб мекунанд, даст кашам.

Ёдовар мешавем, Содир Ҷабборов зимни ноамниҳои ахир дар Қирғизистон аз маҳбас озод шуд ва нахуствазири он кишвар таъйин гардид.

Зимнан, дар маракаи интихоботи президентӣ низ ширкат намуда, дастболо шуд. Ҳоло маросими савгандёдкунии ӯ 28 январ дар толори Филармонияи давлатии Қирғизистон баргузор мегардад.

2092
Барчаспҳо:
президент, маросими савгандёдкунӣ, Қирғизистон
Абдуқодир Тошқулов, вазири маорифи Ӯзбекистон, акс аз бойгонӣ

Норозигии вазири тоҷиктабори навтаъйин дар Ӯзбекистон аз коғазу маҷлисбозӣ ва беташаббусӣ

0
(Таҷдидшуда 20:18 24.01.2021)
Абдуқодир Тошқулов, ки ба тозагӣ аз ҷониби президенти Ӯзбекистон Шавкат Мирзиёев ба вазифаи вазири таҳсилоти олӣ ва миёнаи махсус таъйин шуд, гуфтааст, ки таассуроти рӯзҳои аввали кор дар ин вазорат вайро ҳаргиз қаноатманд намесозад

ДУШАНБЕ, 24 янв— Sputnik. Тошқулов гуфт, дар ин ҷо касе ташаббускорӣ намекунад, зеро тартиби кор дуруст ташкил нашудааст, захираҳои инсонӣ нодуруст идора мешаванд, хабар додааст хабарнигори сомонаи “Фараж” дар Тошканд бо такя ба дафтари матбуоти вазорат дар саҳифаи шабакаи интернетии худ навиштааст.

“Ходимон аз ҷиҳати равонӣ ва ҷисмонӣ хаста шудаанд. Чунин ба назар мерасад, ки онҳо ба оила ва тарбияи фарзандони худ расидагӣ намекунанд. Дар ҷое, ки озод кор кардан ва фикрронӣ нест, барои истироҳат шароит фароҳам оварда нашудааст, натиҷаи кори босамарро талаб кардан имконнопазир мегардад”, - гуфтааст Абдуқодир Тошқулов.

Манбаъ афзуд, ки вазир аз фаъолияти баъзе сохторҳои ин ниҳод ибрози норизоӣ кардааст Ӯ зарур хондааст, ки минбаъд фаъолияти ин сохторҳо мунтазам мониторинг карда мешавад ва мутахассисони хуб қадрдонӣ, вале шартномаи онҳое, ки аз ӯҳдаи иҷрои кори худ намебароянд, бекор карда мешавад.

Ба гузориши “Фараж”, вазири навтаъйин тақозо намудааст, ки ба коғазбозиҳои беҳуда хотима гузоранд, баҳудаву беҳуда маҷлисбозӣ накунанд, ба кору вазифаашон бо эҳсоси масъулият муносибат намоянд.

Абдуқодир Тошқулов аз адами шароит барои профессорҳо-устодони макотиби олӣ ибрози нигаронӣ карда, афзудааст, ки шунидани ҳарфу дарди роҳбарони он аз вазифаҳои муҳими ӯ хоҳанд буд.

Натоиҷи интихоботи такрории Ӯзбекистон эълон гардид: се вакил тоҷиктабор ҳастанд

Тошқулов, ки 29 августи соли 1976 дар деҳаи Пасурхии ноҳияи Бойсуни вилояти Сурхондарё зода шуда, миллаташ тоҷик мебошад, ахиран аз ҷониби президент ва парлумони Ӯзбекистон ба мақоми вазирӣ таъйин гардид.

Бар асоси ҳолнома, Тошқулов соли 1998 факултаи молия ва қарзи Донишгоҳи давлатии Тирмизро хатм кардааст ва дар ҳамин донишгоҳ ба фаъолият оғоз намудааст. Номзади илмҳои иқтисодӣ мебошад. Абдуқодир Тошқулов узви Ҳизби либерал-демократии Ӯзбекистон аст ва дар соли 2017 ректори Донишгоҳи давлатии Тирмиз таъйин шуда, то таъйиноти наваш дар ин мақом кор кардааст.

0
Барчаспҳо:
таъйин, вазир, Ӯзбекистон