Таджикистан отправил Узбекистану помощь

Кумаки Тоҷикистон ба зарардидаҳои обхезӣ дар Ӯзбекистон: 51 қатораи боркаш

1689
(Таҷдидшуда 13:24 20.05.2020)
Ҳукумати Ҷумҳурии Тоҷикистон ба зарардидагони офати таббиӣ ба вилояти Сирдарёи Ҷумҳурии Ӯзбекистон масолеҳи сохтмонӣ кӯмак фиристод

ДУШАНБЕ, 20 май – Sputnik. Кӯмаки хайриявӣ аз ҷумлаи масолеҳи сохтмонӣ семент, бомпуш (шифер) рангу мех иборат буда, субҳи имрӯз тавассути қатора аз истгоҳи Роҳи Оҳан ноҳияи Бобоҷон Ғафуров интиқол дода шудаааст.

Музаффар Юнусов, котиби матбуоти раиси вилояти Суғд, ин иттилоъро ба Sputnik Тоҷикистон тасдиқ кард ва гуфт, кӯмакҳо аз номи мардуми Тоҷикистон ба мардуми Ӯзбекистон, аз ҳисоби офати табиӣ дар вилояти Сирдар ё зарар дидаанд расонида мешавад.

“Ин кумакҳо аз 51 қатораи боркаш иборат буда, барои расонидани он масъулин аз ҳукумати ҷумҳурӣ ва муовини раиси вилояти Суғд, Анвар Яъқубӣ вобаста шудаанд”,- гуфт Юнусов.

Рӯзи 2 уми май дар пайи боридани борони шадид обанбори Сардоба дар вилояти Сирдарёи Ӯзбекистон канда шуда, даҳҳо манзили маҳаллро хароб кард. Бар асари ин офати таббӣ беш аз 60 нафар маҷрӯҳ шуда, чанд нафари дигар ҳам ҳалок шудаанд.

"Наздики 70 нафар сокинони атрофи обанбор ба маконҳои бехавф дар вилоятҳои Сирдарё ва Ҷиззах интиқол дода шуданд. Бештар аз 17 ҳазор нафар аз муоинаи тиббӣ гузаронида шуданд", - иттилоъ дода буд, Кумитаи ҳолатҳои фавқулодаи кишвар.

Таърих собит месозад, ки Тоҷикистону Ӯзбекистон ду ҳамсоякишваранд, ки мардумонаш солҳо ба ин тараф ҳамдигарро дастгирӣ кардаанд, бахус дар айёми сахтиҳову ноҷуриҳои ҳаёт. Бар пояи сарчашмаҳои таърихӣ соли 1966 шаҳри Тошкандро заминҷунбии сахте такон дод, халқи тоҷик он замон бо андуҳи гарон дар канори мардуми узбек истод ва барои рафъи паёмадҳои он дасти мадад дароз мекард.

Соли 1985 як чунин заминҷунбии сахт шаҳри Қайроққум, (ҳоло Гулистон) ва атрофи он дар шимоли Тоҷикистонро такон доду соли 1989 фоҷиаи дар Шарора дар ҷануби Тоҷикистон ба вуҷуд омад.

Аз ин ҳама ноҷуриҳои рӯзгор мардуми ӯзбек аз аввалинҳо шуда бо расонидани кӯмаки саховатмандона ба мардуми тоҷик ғаму андӯҳи худро иброз доштаанд. Дар замони соҳибистиқлолии кишварҳо ҳам ин анъанаи неки байниҳамдигарӣ ҳамоно пойбарҷост.

Чанде қабл ширкати "UzAuto"-и Ҷумҳурии Ӯзбекистон бо мақсади густариши парки махсуси беҳдоштии мошинҳои ёрии таъҷилӣ ва расонидани кумаки саривақтӣ ба беморон дар давраи пандемияи COVID - 19 ба ҳисоби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мошинҳои ёрии таъҷилии тибби тамғаи "Damas" фиристон.

Пештар аз ин ҳам ҳудуди 140 беморхонаи сайёр ё мобилӣ, якҷо бо таҷҳизотҳои махсуси нафасрасонии сунъӣ (ИВЛ) ҳар яке дорои 8 рахти беморӣ аз Ӯзбекистон ба Тоҷикистон тақдим гардид.

Дар баробари интиқоли беморхонаҳои гардон (мобилӣ) аз ин кишвари ҳамсоя дар рӯзи 8 май, ҳашт нафар табибони ӯзбекистонӣ ба ҳисоби пулманолог, реаниматолог, эпидемиолог, вирусолог ва ҳамшираи тиббӣ бо мақсади кумак намудан ба табибони тоҷик, ҷиҳати табобати беморони гирифтори коронавируси нави COVID-19 ба Ҷумҳурии Тоҷикистон омаданд.

Имрӯзҳо, мардуми Ӯзбекистон ба рафиқони тоҷики худ барои рафъи коронавируси COVID-19, ки дар тамоми ҷаҳон ташвишоваранд, кӯмаки саховатмандона мерасонанд. Ҳамингуна, ойини ҳамсоядорӣ миёни халқҳои шарифи тоҷику узбек, солҳо ба ин су пойдор аст.

1689
Барчаспҳо:
кумак, ҳукумати Ӯзбекистон, Тоҷикистон
Учения спецслужб аэропорта по подготовке возможному прибытию инфицированных коронавирусом, в аэропорту Алматы, архивное фото

Афзоиши мубталоёни коронавирус дар Қирғизистон: аз 52 ҳазор гузашт

74
(Таҷдидшуда 15:37 18.10.2020)
Дар ин ҳафта дар Қирғизистон шумораи беморони коронавируси навъи COVID - 19 афзоиш кард. Аз замони ҳамагирии коронавирус то имрӯз дар кишвар 52 044 нафар гирифтори коронаврус шудааст

ДУШАНБЕ, 18 окт — Sputnik. Шабонарӯзи гузашта дар Қирғизистон 554 ҳолати нави гирифторӣ ба коронавируси навъи  COVID - 19 ба қайд гирифта шудааст.

Вирусро паҳн мекунад: пизишк номи "ашёи хатарноктарин" - и ҳифозатӣ аз COVID -19 - ро гуфт

Шумораи бештарини сироятшудагон дар вилояти Ҷалолобод ба қайд гирифта шудааст. Ин ҷо дар муддати 24 соати гузашта — 143 кас мубталои коронавирус шудааст. Омори дигар манотиқ чунин аст: вилояти Ӯш — 105, Ботканд - 90, Бишкек — 88, Ӯш — 38, вилояти Чуй - 46, вилояти Иссиқкӯл — 26, вилояти Норин — 6 ва вилояти Таласс — 12.

Давоми як моҳи гузашта теъдоди гирифторон дар Қирғизистон кам шуда буд, вале ин моҳ боз дубора авҷ гирифт. Сабаби дигари афзоиш ёфтани маризон ин гирдиҳамоиҳо ва тазоҳурот буд, ки дар паи норозигии мардум аз натоиҷи интихоботи парлумонӣ, сар зада буд.

Вазорат марги як тоҷикистонии дигар аз коронавирусро тасдиқ кард: 40 маризи нав

Аз замони ҳамагирии коронавирус то имрӯз дар Қирғизистон 52 044 нафар гирифтори коронаврус шудааст. 

Аз саршавии беморӣ то кунун 45 736 нафар ин бемориро ба хубӣ паси сар карданд.

Аз аввали ҳамагирӣ бошад дар Қирғизистон 1 111 кас қурбони ин вабои аср шудааст.

74
Барчаспҳо:
вируси нав, омор, Қирғизистон
Профилактические меры против распространения коронавируса, архивное фото

Афзоиши теъдоди маризони коронавирус дар Ӯзбекистон: аз 63 ҳазор гузашт

154
(Таҷдидшуда 14:18 18.10.2020)
Вазорати тандурустии Ӯзбекистон омори нави гирифторӣ, шифо ва фавт аз коронавируси навъи COVID - 19 - ро нашр кард

ДУШАНБЕ, 18 окт — Sputnik. Дар Ӯзбекистон теъдоди гирифторони бемории коронавирус ҳамоно дар ҳоли афзоиш аст, хабар медиҳад Вазорати тандурустии ин кишвар.

Тибқи иттилои ин ниҳод, давоми 24 соати гузашта 315 шаҳрванди кишвар мубталои COVID - 19 шудааст. Дар умум аз аввали ҳамагирии коронавирус то кунун беш аз 63 ҳазор кас гирифтори ин беморӣ шудааст.

"То 18 октябр дар Ӯзбекистон шумораи гирифторони коронавирус  63 124 нафарро ташкил медиҳад", - омадааст дар гузориш.

Вазорат қайд карда, ки давоми шабонарӯзи гузашта дар кишвар се тан аз ин беморӣ ҷон бохтааст. Шумораи умумии фавтидагон аз COVID - 19 - 525 нафарро ташкил медиҳад.

Гап сари "корона": коҳиши 62 дар садии сафари хориҷиҳо ба Тоҷикистон

Тибқи додаҳои Вазорати тандурустии Ӯзбекистон, шумораи нафарони аз коронавирус шифоёфта дар кишвар ба 60 080 баробар шудааст.

Олимон гуфтанд, кадом омил хавфи марг аз коронавирусро дучанд мекунад

Дар ҳоли ҳозир 2519 бемори COVID-19, таҳти назорати пизишкон қарор дошта, аҳволи 95 бемор вазнин арзёбӣ мешавад.

154
Барчаспҳо:
гирифторони беморӣ, вируси нав, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон
футзал, акс аз бойгонӣ

Барои "Сипар" як ғалабаи дигар даркор то чемпиони Тоҷикистон шавад

0
(Таҷдидшуда 22:27 19.10.2020)
Кумитаи миллии олимпии Тоҷикистон мегӯяд, барои дастаи “Сипар”-и шаҳри Хуҷанд як пирӯзии дигар даркор аст, то қаҳрамони кишвар дар риштаи футзал шавад

ДУШАНБЕ, 19 окт – Sputnik. Тибқи иттилои Кумитаи миллии олимпӣ, дастаи “Сипар”-и шаҳри Хуҷанд бар тими “Соро компания”-и пойтахт дар ду силсилабозиҳои финали лигаи касбии футзали Тоҷикистон -2020 ғалаба карда, ба дарёфти унвони чемпионӣ наздик шуд.

"Бозии аввали дастаҳои мусовӣ (1:1) анҷом ёфт, вале дар задани силсилаи пеналтӣ бахти хуҷандиҳо омад кард – 4:3. Дар бозии дуюм бошад, “Сипар” бо ҳисоби 6:2 бар “Соро компания” ғолиб омад. Ҳар ду бозии аввал дар шаҳри Хуҷанд баргузор шуданд", - омадааст дар иттилоия.

Кумитаи миллии олимпӣ афзуд, ки ҳамин тариқ, клуби Хуҷанд дар силсилаи бозиҳо бо ҳисоби 2:0 пешсаф аст ва пас аз як ғалабаи дигар аввалин бор чемпион хоҳад шуд.

Зикр гардид, ки бозии навбатии дастаҳо 24 октябр сурат мегирад. “Соро компания” дар Душанбе “Сипар”-ро қабул мекунад.

Инчунин дар ду бозӣ барои ҷои сеюм бошад, дастаи “Муҳоҷир”-и шаҳри Душанбе бар тими “Истаравшан” ғалаба кард. Дар бозии аввал бо ҳисоби 8:5, дар бозии дуюм бо ҳисоби 6:5, тавзеҳ дод Кумитаи миллии олимпӣ. 

Футболбозони “Муҳоҷир” дар силсилаи бозиҳо барои ҷои сеюм бо ҳисоби 2:0 пешсафанд ва мумкин аст дар бозии навбатӣ медалҳои биринҷии лигаи касбии футзали Тоҷикистонро ба даст биёранд.

0
Барчаспҳо:
футзал, Кумитаи миллии олимпӣ, Тоҷикистон