Учения спецслужб аэропорта по подготовке возможному прибытию инфицированных коронавирусом, в аэропорту Алматы, архивное фото

"Тӯй ва азодорӣ мераванд": Қирғизистон аз эҳтимоли шадид шудани тадобир ҳушдор медиҳад

423
(Таҷдидшуда 13:51 07.06.2020)
Ҳукумати Қирғизистон мегӯяд, бо вуҷуди тавсия ва ҳушдори мақомот шаҳрвандон ҳамоно тӯй мегузаронанду ба азодорӣ мераванд

ДУШАНБЕ, 7 июн – Sputnik.  Тадобире, ки алайҳи пешгирӣ аз паҳншавии маризии коронавирус ҷорӣ гардида буд, аз ҷониби аксар шаҳрвандони Қирғизистон риоя намешаванд, изҳор доштааст муовини аввали сарвазир Кубатбек Боронов.

Ба изҳори Боронов, дар сурати идома ёфтани чунин вазъ, эҳтимол маҳдудиятҳо боз сангинтар шаванд.

"Вазъи эпидемиологӣ дар Бишкек метавонад боиси баррасии чораҳои иловагии амниятӣ ё пурзӯр шудани онҳо гардад", - таъкид намудаст муовини аввали сарвазир.

Сабаб коронавирус: Қирғизистон тадбирҳои амниятӣ дар марз бо Тоҷикистонро шидидтар кард

Риоя нашудани қоидаҳои санитарӣ аз ҷониби шаҳрвандонро намояндагони Вазорати тандурустӣ низ тасдиқ намуданд.

Дар ҷаласаи Саридораи ҷумҳуриявии мубориза бо коронавирус кормандони Вазорати тандурустӣ гуфтанд, ки баъзе шаҳрвандон пас аз тую маъракаҳо ва дигар чорабиниҳои ҷамъиятӣ ба табибон бо гумони гирифтор шудан ба COVID-19 муроҷиат мекунанд.

"Сарфи назар аз мамнӯиятҳо ва тавсияҳо, тӯю азодорӣ дар кишвар бо иштироки шумораи зиёди одамон баргузор мешаванд", - таъкид мегардад дар хабар.

"Вазъи эпидемиологӣ дар Бишкек ташвишовар аст, омор кам намешавад. Қоидаҳои санитарӣ ба қадри кофӣ риоя карда намешаванд. Ин ҳама метавонад ба баррасии чораҳои иловагии амниятӣ ё пурзӯр шудани онҳо оварда расонад. Чунин сурат гирифтани вазъ аз кори нокифояи гурӯҳҳои эпидемиологӣ шаҳодат медиҳад," - гуфт муовини сарвазир.
423
Барчаспҳо:
ҳушдор, тадобир, Қирғизистон
Мавзуҳо:
Пайомадҳои COVID-19 дар Тоҷикистон ва ҷаҳон (739)
Шота Арвеладзе

Сармураббии "Пахтакор" мубталои коронавирус шуд: ӯ дар Қатар аз ташхис гузашт

120
(Таҷдидшуда 18:27 23.09.2020)
Ташхиси Шот Арвеладзе барои ошкор кардани вируси COVID-19, ки рӯзи сешанбе гирифта шуд, натиҷаи мусбат дод

ТАШКЕНТ, 23 сен — Sputnik.  Сармураббии тими "Пахтакор" Шот Арвеладзе мубталои коронавирус шуд, хабар медиҳад котиботи бошгоҳи футболи Тошканд.

Ба иттилои манбаъ, тими "Пахтакор" ҳоло барои иштирок дар лигаи қаҳрамонии Осиё дар Қатар қарор дорад.

"Бегоҳи дирӯз натоиҷи ташхиси сармураббии дастаи "Пахтакор" дмақиқ шуд. Маълум гардид, ки Арвеладзе гирифтори коронавирус аст, - таъкид мешавад дар хабар.

Манбаъ меафзояд, феълан сармурабии тими мазкур дар инзиво қарор дорад.

Зикр мегардад, ки ҳайати дигари дастаи "Пахтакор" сиҳат буда, ба ин навъ маризӣ мубтало нестанд.

Ёдовар мешавем, моҳи июл панҷ бозингари ин даста якбора мубталои коронавирус шуданд.

120
Барчаспҳо:
маризӣ, Сармураббӣ, футбол, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон (739)

Нигаронии СММ аз авҷи хушунатҳои бесобиқа дар Афғонистон

99
(Таҷдидшуда 19:28 22.09.2020)
Созмони Милали Муттаҳид аз ташдиди ҳамалот ва афзоиши кушторҳо дар Афғонистон ибрози нигаронӣ кард

ДУШАНБЕ, 22 сен — Sputnik. Миссияи кӯмаки Созмони Милал дар Афғонистон (UNAMA) ахиран дар як изҳорот гуфт, афзоиши куштор ва хушунат дар Афғонистон дар панҷ ҳафтаи охир дар панҷ соли охир бесобиқа буд, иттилоъ додааст хабаргузории “Парстудей”.

Афзоиши хушунатҳо дар Афғонистон дар ҳоле аст, ки гуфтугӯҳои сулҳи байни афғонҳо дар Қатар идома дорад.

Намояндагии Созмони Милал дар Афғонистон таъкид кардааст, ки бояд иқдомоти фаврӣ барои муҳофизат аз ғайринизомиён ва эҷоди фазои мусоид барои гуфтугӯҳои сулҳ дар Дуҳа фароҳам шавад.

Ин баёния аз тарафҳои дахил дар раванди сулҳи Афғонистон хостааст ба хушунатҳо ва ҷанг поён диҳанд ва барои барқарории оташбас талош кунанд.

Бо афзоиши хушунатҳо дар саросари Афғонистон ҳар рӯз даҳҳо нафар кушта ва захмӣ мешванд.

99
Барчаспҳо:
ҳамалоти террористӣ, афзоиш, нигаронӣ, куштор, СММ, хушунат, Афғонистон
Мусофирбар, акс аз бойгонӣ

“Ман подполковники милиса, мекушамат”: талаби ҷазо барои бетартибӣ дар мусофирбар-видео

0
(Таҷдидшуда 17:48 25.09.2020)
Марде, ки худро подполковники милиса гуфта, дар дохили мусофирбари пуродам дар маҳаллаи Текстили шаҳри Душанбе марди дигарро мавриди таҳқиру таҳдид қарор дод, норозигии корбарони шабакаҳои иҷтимоиро ба вуҷуд овард

ДУШАНБЕ, 25 сен - Sputnik. Ин мард, бо иддаои он, ки гӯиё ӯро аз пушти сараш задаанд, гиребони марди дигареро гирифта, бо дашномҳои дағал таҳдид мекунад, ки медаронад, мекушад.

“Ака даста бигир, илтимос, ман ягон гапи зиёдатӣ гуфтам, чит гуфтам? Илтимос”, - зора мекунад мард аз "подполковнике", ки бо қаҳр аз гиребонаш гирифта, таҳдиди дарондану куштан мекунад. Марди зӯргӯй иддао дорад, ки ӯро аз пушт задаанд, аммо ин қисмат дар навор сабт нашудааст.

Мусофирони дигар дар хитоб ба “подполковник” изҳор медоранд, ки “айбай ака, ин ҷо ҷои ҷамъиятиай”. Аммо марде, ки худро подполковник мегӯяд, аз гиребони марди дигар гирифта, дашномдиҳии дағалонаро идома медиҳад. Навори мазкурро саҳифаи Парвиз.Тв нашр кардаст, ки боиси баҳсҳо дар шабакаҳои иҷтимоӣ шуд.

Ин рафтори марде, ки худро милиса гуфт, норозигии корбарони шабакаҳои иҷтимоиро ба вуҷуд оварда, бархе хостори муҷозоти ӯ барои чунин батартибӣ шудаанд.

0
Барчаспҳо:
мусофирбар, бетартибӣ, ҷазо, Тоҷикистон