Президент Кыргызской Республики Сооронбай Жээнбеков

"Ҷаримабандӣ шаванд": интиқоди тунди Жээнбеков аз сарвазир ва намояндагони дастгоҳ

414
(Таҷдидшуда 15:44 19.06.2020)
Сооронбой Жээнбеков масъулони дастгоҳи президентро барои напӯшидани ниқоби тиббӣ ва аксбардории дастаҷамъона, шадидан интиқод кард

ДУШАНБЕ, 19 июн — Sputnik. Акси дастаҷамъонаи собиқ сарвазир ва сарвазири феълӣ дар ҳалқаи чандин намояндагони дастгоҳи президенти Қирғизистон, ки  бидуни пӯшидани ниқоби тиббӣ гирифта шудааст, дар шабакаҳои иҷтимоӣ баҳсе гармеро ба миён гузошт.

Шаҳрвандони Қирғизистон аз он изҳори нигаронӣ намуданд, ки намояндагони ҳукумат аз мардум тақозои риоякаржани реҷаи ниқобро талаб мекунанд, дар ҳоле, ки худ ин талаботро нодида мегиранд.

Истеъфои сарвазири Қирғизистон: дар фурӯши радиобасомадҳо бо арзиши ночиз муттаҳам мешавад

Зимнан, кишвардори Қирғизистон Сооронбой Жээнбеков низ дар ҷаласаи ҳукумат, аксбардории сарвазири тозатаъйин Боронов ва чанд намояндаи дигари ҳукумаро ба риштаи интиқод кашид.

"Худи аъзои ҳукумат, бо риоя накардани ҳамаи талабот оид ба риояи режими ниқоб ва масофаи иҷтимоӣ, акс гирифта, ҳамдигарро ба оғӯш мегиранд. Аксе, ки аъзоёни ҳукумат бидуни риояи масофаи иҷтимоӣ ва ниқоб гирифтанд, дар сартосари кишвар паҳн шуд. Ин амали шумо тамои кӯшиши моро дар самти мубориза бо ин маризӣ барбод медиҳад", - изҳор намудаст Жээнбеков.

Зимнан, Жээнбеков талаб намудааст нисбати кормандони оддии дастгоҳи давлатӣ набояд чораҳои зарурӣ андешида шаванд. Зеро ба изҳори ӯ онҳо бо амри роҳбаронашон барои аксбардорӣ баромадаанд.

"Дигарон ҳама ҷаримабандӣ шаванд", - таъкид намудаст президент.

414
Барчаспҳо:
сарвазир, интиқод, Сооронбой Жээнбеков, Қирғизистон

Кобул шикаста шудани бунбасти музокироти сулҳро рад кард

86
(Таҷдидшуда 10:17 27.11.2020)
Мақомоти Афғонистон эълом кард, ки гузоришҳо дар бораи шикаста шудани бунбаст дар музокироти сулҳ дар Давҳа, ҳақиқат надорад ва музокироти Давҳа пешрафт накардааст

ДУШАНБЕ, 27 ноя – Sputnik. Сиддиқ Сиддиқӣ, сухангӯи раисҷумҳури Афғонистон ахиран дар як нишасти хабарӣ дар Кобул афзудааст, ки далели бунбасти музокироти Давҳа, баҳонаҷӯиҳои Толибон аст, иттилоъ додааст хабаргузории “Парстудей”.

“Толибон хостаҳои хилофи қонунро матраҳ мекунанд, ки на раисиҷумҳур, на ҳукумат ва на мардуми Афғонистон онро мепазиранд”, - гуфт Сиддиқӣ.

Пеш аз ин бархе манобеъ эълом карда буданд, ки бунбаст дар музокирот миёни ҳайатҳои Ҷумҳурии Исломии Афғонистон ва Толибон дар Давҳа шикастааст ва тарафҳо ба тавофуқҳое даст ёфтаанд.

Абдуллоҳ Абдуллоҳ: музокироти сулҳи Афғонистон ба кундӣ пеш меравад

Музокироти сулҳи байналафғонӣ 12 сентябри 2020 дар Давҳа оғоз шуд, аммо токунун ду тараф рӯи дастури кори музокирот низ ба тавофуқ нарасидаанд.

86
Барчаспҳо:
музокирот, сулҳ, шикаст, мақомот, Афғонистон
Микрофон, архивное фото

Интишори албоми сурудҳои ошиқона бар ашъори Камоли Хуҷандӣ дар Теҳрон

125
(Таҷдидшуда 14:24 26.11.2020)
Ба муносибати 700 - солагии Камоли Хуҷандӣ – шоири маъруфи ғазалсарои тоҷик Муассисаи фарҳангии ЭКО дар ҳамкорӣ бо Сафорати Ҷумҳурии Тоҷикистон дар Эрон лавҳи фишурда (CD) - и сурудҳо бар ашъори Камоли Хуҷандиро мунташир кард

ДУШАНБЕ, 26 ноя — Sputnik.  Бино бар иттилои хабаргузории “Парстудей” дар истинод ба пойгоҳи итилоърасонии Муассисаи фарҳангии ЭКО, дар ин албоми навоҳову сурудҳои устодони мусиқии тоҷик ҳамчун Боймуҳаммад Ниёзов, Ҷӯра‎бек Муродов, Абдуллоҳ Султон, Муродбек Насриддин, Ҷӯра‎бек Набиев, Ҷамшед Эргашов, Абдувалӣ Ҷалолов, Баҳрулло Абдуллоев, Маҳмадулло Қурбон, Маҳмадсаид Аҳмадов, Субҳони Саид ва Ғуломҷон Мирдадоев ба сурати савтӣ фароҳам омадаанд.

Ёдовар мешавем Муассисаи фарҳангии ЭКО ба ифтихори ҷашни 700- солагии Хоҷа Камол чанде пеш китобҳои "Рӯзгор ва осори Камоли Хуҷандӣ", асари доктор Бадриддин Мақсудзода ва "Чиҳил дарси Камол" - 40 мухаммаси Сурайё Ҳасансултон - шоири тоҷик бар ғазалиёти Камолро бо хати форсӣ чоп намуд.

Нашри 50 ашъори Камоли Хуҷандӣ ба забони олмонӣ

Камоли Хуҷандӣ, шоири баландовозаи форсизабони тоҷикистонӣ, ки бо ғазалҳои шӯрангезаш шуҳраи офоқ аст, дар Хуҷанд мутаваллид ва дар Табрез ба хок супурда шудааст.

125
Барчаспҳо:
Теҳрон, суруд, Тоҷикистон, сафорат, "Маркази илмии Камоли Хуҷандӣ, Эрон
Мужчина совершает молитву на кладбище

Даргузашти Гев Лоҳутӣ - писари Абулқосим Лоҳутӣ дар Маскав

613
(Таҷдидшуда 21:37 27.11.2020)
Гев Лоҳутӣ, фарзанди дуввуми шоири маъруфи тоҷик, хабарнигор, адабиётшинос ва узви Иттиҳодияи адибони Маскав аст

ДУШАНБЕ, 27 ноя — Sputnik. Гев Лоҳутӣ - писари Абулқосим Лоҳутӣ даргузашт, хабар медиҳад рӯзномаи "Тоҷикистон" дар истинод ба Феликс Лоҳутӣ, писари Гев.

Гев Лоҳутӣ, фарзанди дуввуми шоири маъруфи тоҷик, хабарнигор, адабиётшинос ва узви Иттиҳодияи адибони Маскав буд.

Аз Абулқосим Лоҳутӣ ва Ситсилия –Бону чор фарзанд – Далер, Гев, Ҳотия ва Лайло тавлид шудаанд, ки як умр дар Маскав зистанд.

Гев Лоҳутӣ солҳои охир бемор буд ва дар садади навиштани китоби ёддоштҳо дар бораи падараш ба бемористон интиқол ёфт.

Гев, ки соли равон 83- сола шуд, нигаҳдорандаи бойгонии падар буд. Лайло Лоҳутӣ дар як суҳбат гуфта буд, ки сурудҳои дар асоси эҷодиёти падараш эҷодшуда дар хонаи Гев нигаҳдорӣ мешавад ва онҳо ҳар вақт онро мешунаванд.

Дар меҳмонии Лоҳутӣ ва Н. Махсум: сирҳои нуҳуфтаи тоҷикон аз “Хонаи назди соҳил”-и Маскав

Фелекс қаблан хабар дода буд, ки "Чанде пеш падарам баъзе матлабҳои солҳои пеш дар бораи бобоям дар рӯзномаҳо чоп кардаашро ҷамъ овард ва аз ман хост, ки аз онҳо нусха бигирам. Ӯ мехост, ки онҳоро дар китобе гирдиҳам оварад ва дар саҳифааш дар Фейсбук ҷой диҳад".

613