Муроҷиати пурдарди пизишки қазоқ ба мардум: "пулу дору нест, худатонро ҳифз кунед"

726
Пизишки дармонгоҳи шаҳрии № 4 – и Алмаато дар робита ба авҷи маризии коронавирус дар Қазоқистон муроҷиати пурдарди аудиоиро сабт намуд, ки дар шабакаҳои иҷтимоӣ паҳн гардид

ДУШАНБЕ, 21 июн — Sputnik. Муроҷиати аудиоии табиби дармонгоҳи шаҳрӣ, Болат Тусупханов зуд дар шабакаҳои иҷтимоӣ паҳн гашт.

"Ба ҳамаи шумо муроҷиат мекунам. Ман пизиш ҳастам ва фикр мекунам ба гапи ман бовар мекунед. Алъон дар буҷа барои мубориза бо маризии коронавирус маблағ нест. Мардум дигар аз ин мушкилӣ гурез мекунанд. Ба қарантин мераванд ва аз пайи ҳалли проблемма намешаванд", - афзудааст пизишки қазоқ дар муроҷиати худ ба мардум.

Ба изҳори ӯ ду табиби ҷарроҳ, ки пайваста бо маризони коронавирус дар тамос буданд, худ мубталои ин беморӣ гардиданд.

"Яке аз онҳо муддати давроз дар шӯъбаи эҳёгарӣ қарор дошт. Вазъияташ хеле вазнин буд, вале хушбахтона бо азоби зиёд шифо ёфт. Имрӯз як табиби дигар ҳам мариз шуд. Мо пайваста бо ӯ дар як ҷо хӯрок мехӯрдем ва зиндагӣ мекардем. Эҳтимол мо ҳам олудаи ин маризӣ шудем", - изҳор доштаст Тусупханов.

Бозгашти қарантина ба Қазоқистон бинобар хуруҷи дубораи коронаврус

Табиби қазоқ мегӯяд, феълан дармонгоҳҳои Алмаато аз маризон пур шудааст. Ӯ мегӯяд дар палатаҳо ва шӯъбаи эҳёгарӣ барои хобондани маризон ҷой нест.

"Ин ҳақиқати талх аст. Худатонро ҳифз кунед. Ҳоло ҳеҷ кас хоҳиши анҷоми кореро надорад ва дору ҳам нест. Барои сар назадани бетартибиҳо касе чизеро гуфта наметавонад", - бо таассуф изҳор доштааст ӯ.

Зикр мегардад, ки муроҷиати аудиоии пизишк мавриди тафтиш қарор гирифт ва собит шуд, ки дар асл ҳам ин табиб дар дармонгоҳи шаҳрӣ фаъолият мекардаст.

Бар тибқи маълумоти тафтишотӣ, пизишк гӯё муроҷиати мазкурро танҳо барои пайвандон ва дӯстони худ сабт намуда ирсол кардаст, вале баъдан он дар тамоми шабакаҳои иҷтимоӣ паҳн гашт.

726
Барчаспҳо:
муроҷиат, пизишк, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон (625)
Президент Казахстана Касым-Жомарт Токаев, архивное фото

Тоқаев бо ҷамъи шаҳрвандони Қазоқистон хотири қурбониёнро пос доштанд - навор

71
Нимаи дуюми рӯз, раисҷумҳур, мансабдорону вакилон, пизишкон ва шаҳрвандони оддӣ ба кӯчаҳо баромаданд, то хотири қурбониёни COVID - 19 -ро пос бидоранд

ДУШАНБЕ, 13 июл – Sputnik. Дар Қазоқистон имрӯз Мотами миллӣ эълон гардидааст. Дар робита ба ин, раисҷумҳур Қосим - Жомарт Тоқаев бо ҷамъи мансабдору вакилон, пизишкону шаҳрвандони оддӣ, хотири қурбониёни маризии коронавирусро пос доштанд.

Гуфта мешавад, дар сартосари Қазоқистон имрӯз парчамҳо поён фароварда шуда, ҳамчунин баргузории тамоми чорабиниҳои фароғатӣ манъ карда шудааст.

Дар Қазоқистон ба хотири қурбониёни COVID-19 мотами миллӣ эълон шуд

Sputnik Қазоқистон хабар медиҳад, ки соати 12: 00 дақиқа, назди майдони Акорд, раисҷумҳур, мансабдорон ва аъзоёни сенат ҷамъ омада, барои поси хотири қурбониён чанд лаҳза сукутро ихтиёр карданд.

Гузашта аз ин, пизишкон низ барои поси хотири ҳампешагони худ ба кӯчаҳо баромаданд. Таъкид мешавад, ки дар дасти аксар пизишкон расми нафароне буд, ки қурбони ин маризӣ гардидаанд.

Аз оғози пандемия дар Қазоқистон қариб 60 ҳазор ҳолати сироятшавӣ ба коронавирус ошкор карда шуд.  Беш аз 34 ҳазор нафар шифо ёфтанд, аммо 375 нафар қурбон шуданд.

71
Барчаспҳо:
навор, мотами миллӣ, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон (625)

Афзоиши рекордии гирифторони COVID - 19 дар Ӯзбекистон

1468
(Таҷдидшуда 14:54 12.07.2020)
Рӯзи панҷум мешавад, ки дар Ӯзбекистон шумораи рекордии сироятшудагон ба бемории коронавируси навъи COVID - 19 сабт мешавад

ДУШАНБЕ, 12 июл – Sputnik. Дар Ӯзбекистон шумораи рекордии гирифторони вабои аср ба қайд гирифта шуд, хабар медиҳад Вазорати беҳдошти ин кишвар.

Бар пояи омори ин ниҳод дар давоми 24 соати гузашта дар ҳудуди Ӯзбекистон 500 ҳолати нави гирифторӣ ба коронавруси навъи COVID - 19 ба қайд гирифта шуд. Шумораи умумии беморон аз 12,7 ҳазор кас бештар шуд.

"То 12 июли соли равон дар ҳудуди Ӯзбекистон 12 706 кас аз бемории коронавирус сироят шудааст", - омадааст дар хабарнома.

Қайд мешавад, ки давоми панҷ рӯзи охир теъдоди гирифторони ин маризӣ дар ҳоли афзоиш аст: 11 июл 483 ҳолат, 10 июл - 464, 9 июл - 421, ва 8 июл – 379.

Тибқи иттилои манбаъ, шумораи умумии шифоёфтагон дар Ӯзбекистон  7,7 ҳазор нафарро ташкил медиҳад. Дар ҳоли ҳозир 4,9 ҳазор маризи COVID-19 таҳти назорати пизишкон қарор доранд.

Духтурон мегӯянд, ҳоли 45 шаҳрванд вазнин буда, авзоъи боз ҳафт бемори дигар ваҳим арзёбӣ мешавад.

Дар баробари ин дар давоми шабонарӯзи гузашта дар Ӯзбекистон се нафар аз коронавирус фавтид.

Дар умум аз рӯзи аввали сабти ин беморӣ дар қарамрави Ӯзбекистон то кунун 58 нафар қурбони ин вабо шудааст.

 

Дар Ӯзбекистон дар робита ба дубора авҷ гирифтани бемории коронавирус то 1 август ҳаракати нақлиёт манъ карда шуда, барои ашхоси аз 65-сола боло ҳамарӯза ва барои дигар қисми аҳолӣ рӯзҳои истироҳат қарантина эълон шудааст.

1468
Барчаспҳо:
афзоиш, гирифторони беморӣ, вируси нав, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон (625)
Журналисты, архивное фото

Додситонии кул ба рӯзноманигорон ҳисобот медиҳад

0
(Таҷдидшуда 17:01 13.07.2020)
Рӯзи 14 июл чор ниҳоди давлатӣ дар доираи иҷрои амри раисиҷумҳури Тоҷикистон ба хабарнигорон дар бораи фаъолияташон дар 6 моҳи гузашта иҷозат медиҳанд

ДУШАНБЕ, 13 июл — Sputnik. Додситонии кул, Кумитаи рушди маҳали назди Президент, Кумитаи ҳифзи муҳити зист ва  Хадамоти назорати давлатии бехатарии корҳо дар саноат ва соҳаи кӯҳкории Тоҷикистон аз ҷамъбасти фаъолияташон дар нимсолаи аввали соли 2020 нишасти матбуотӣ баргузор мекунанд.

"Роҳбарияти Прокуратураи генералӣ соати 09:00 дар маҷлисгоҳи Прокуратураи генералӣ ва Кумитаи ҳифзи муҳити зист соати 11:00 дар Кумитаи мазкур ба суолҳои намояндагони воситаҳои ахбори омма посух медиҳанд", - хабар дод Ховар.

Манбаъ афзуд, нишастҳои матбуотии Кумитаи рушди маҳал соати 09:00 ва  Хадамоти назорати давлатии бехатарии корҳо дар саноат ва соҳаи кӯҳкорӣ соати 11:00 дар Маркази матбуоти ҷумҳуривии "Ховар" баргузор мешаванд.

Таъкид шудааст, ки бо назардошти аз байн нарафтани хавфи мубталошавӣ ба коронавирус, ба диққати масъулин ва иштирокчиёни нишастҳои матбуотӣ расонида мешавад, ки талаботи муайяннамудаи Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19-ро қатъиян риоя намоянд.

Нишастҳои матбуотии роҳбарони идораҳои давлатӣ соле ду бор дар доираи дастури Эмомалӣ Раҳмон, раисиҷумҳури Тоҷикистон баргузор мешаванд.

0
Барчаспҳо:
рӯзноманигорон, амри президент, нишасти хабарӣ, Тоҷикистон