Города мира. Нью-Йорк

Дипломатҳои амрикоӣ гирифтори вируси корона шуданд

223
(Таҷдидшуда 17:42 22.06.2020)
Вазорати умури хориҷаи Амрико доштааст, ки 20 тан аз дипломатҳо, корфармоён ва кормандони маҳаллии сафорати ин кишвар дар Кобул ба вируси корона мубтало шудаанд

ДУШАНБЕ, 22 июн – Sputnik. Як дипломати амрикоӣ эълом кард, бо вуҷуди ин ки ҳамаи тадбирҳои амнияти беҳдоштии коркунони сафорати Амрико дар Кобул фароҳам будааст боз ҳам озмоиши вируси коронаи гурӯҳе аз онҳо, ки теъдодашон ба 20 тан мерасад мусбат шуда ва онон таҳти муроқибатҳои вижаи беҳдоштӣ қарор гирифтанд, иттилоъ додааст радиои Садои Хуросон.

Пеш аз ин теъдоде аз неруҳои амрикоии мустақар дар пойгоҳҳои Созмони Атлантики шимолӣ (НАТО) ва пойгоҳҳои низомии ихтисосии Амрико дар  Афғонистон низ ба вируси корона мубтало шуда буданд.

Вазорати беҳдошти Афғонистон рӯзи шанбе эълом кард, дар ин кишвар ба 28 ҳазору 424 нафар ба вируси корона олуда шудаанд.

Бояд гуфт, ки ахиран Устондори Кобул ва сарпарасти Вазорати беҳдошти Афғонистон, таъкид доштааст, ки теъдоди воқеии фавтидаҳо ва беморони коронавирус дар ин кишвар нисбат ба он оморҳое, ки дар расонаҳо нашр мешаванд ба маротиб зиёд мебошад

Муҳаммадяъқуби Ҳайдарӣ, устондори Кобул ва сарпарасти Вазорати беҳдошти Афғонистон, ахиран дар нишасти хабарӣ гуфт, эҳтимол дорад беш аз як миллион нафар фақат дар Кобул, пойтахти Афғонистон ба бемории коронавирус мубтало шуда бошанд.

Устондори Кобул аз тамоми шаҳрвандони Афғонистон хост, то тавсияҳои Вазорати беҳдоштро ҷиддӣ бигиранд ва аз гаштугузорҳои ғайризарурӣ худдорӣ кунанд, зеро бетаваҷҷӯҳии онон ба фоҷеа дар ин кишвар хоҳад анҷомид.

223
Барчаспҳо:
вирус, Афғонистон, Кобул, сафорат, дипломат, Амрико, Тоҷикистон
Российской военно-транспортной авиации 89 лет

Даргузашти ҳунарманди машҳури Ӯзбекистон Абдураим Абдуваҳҳобов

120
(Таҷдидшуда 14:29 14.07.2020)
Сабаби даргузашти ҳунарманд - Абдураим Абдуваҳҳобов, ки дар синни 57-солагӣ аз олам даргузашт, то ҳол маълум нест

ДУШАНБЕ, 14 июл – Sputnik. Ҳунарманди шоистаи Ӯзбекистон - Абдураим Абдуваҳҳобов аз олам даргузашт, хабар медиҳад Вазорати фарҳанги Ӯзбекистон.

Сабаби даргузашти ҳунарманд то ҳол маълум нест, ӯ ҳамагӣ 57-сол дошт.

Даргузашти Назарбегим Муборакшоева, собиқ раиси шаҳри Хоруғ

Абдураим Абдуваҳҳобов 8 августи соли 1963 дар шаҳри Тошканд ба дунё омадааст. Ӯ дар филмҳои "Шум бола" -  (Садои дард), "Суюнчи", "Мухаббат синовлари", "Назира" ва сериоли "Шайтанат"  ва дар дигар намоишномаҳо нақш бозидааст.

Мусибат дар хонаводаи раиси вилояти Хатлон: модарашро аз даст дод

Ҳамчунин Абдуваҳҳобов дар филми "Жўра овчи" - и "Тоҷикфилм" нақш офаридааст.

120
Барчаспҳо:
ҳунарманд, даргузашт, Ӯзбекистон
Пограничный пост, архивное фото

Ҳаракати нақлиётӣ миёни Русия ва Тоҷикистон баста боқӣ мемонад

427
(Таҷдидшуда 12:41 14.07.2020)
Дар Сафорати Русия дар Тоҷикистон аз имконияти бозгашт тариқи Ӯзбекистон ва Қазоқистон ёдоварӣ шуданд

ДУШАНБЕ, 14 июл — Sputnik. Ҳаракати нақлиётӣ миёни Тоҷикистон ва Русия баста боқӣ мемонад, хабар доданд дар хадамоти матбуотии Сафорати Русия дар Тоҷикистон.

"То ҳол аз ҷониби Ӯзбекистон ва Қазоқистон барои ҳаракати транзитӣ иҷозаи расмӣ гирифта нашудааст", - қайд карданд дар хадамоти матбуотӣ.

Сафорати Русия дар Тоҷикистон қайд карданд, ки вазъро таҳти назорат гирифтаанд ва бо ронандагон дар алоқа ҳастанд.

Анҷумаи ширкатҳои сайёҳии Русия бозшавии сарҳадҳоро пешгӯӣ кард

Қайд мешавад, ки феълан мақомоти Русия бо ҳукумати Ӯзбекистон ва Қазоқистон барои иҷозаи ҳаракат дар гуфтушунид аст.

Санаи барқароршавии парвозҳои байналмилалӣ дар Русия дақиқ шуд

"Вазъи ҳамагирии COVID - 19 - ро дар Ӯзбекистон ва Қазоқистон ба назар гирифта аз шаҳрвандон даъват мекунем, ки тариқи парвозҳои вижа ба Русия ҳаракат кунанд", - қайд карданд дар Сафорати Русия дар Тоҷикистон.

427
Барчаспҳо:
қатъи ҳаракати нақлиёт, Тоҷикистон, Русия
Раиси шаҳри Истаравшан Баҳром Иноятзода

Додситони кулл: раиси пешини шаҳри Кӯлоб барои ҷиноятҳои марбут ба замин боздошт шуд

0
(Таҷдидшуда 14:45 14.07.2020)
Имрӯз зимни нишасти матбуотӣ додситони кулли Тоҷикистон таъкид дошт, ки парвандаи собиқ раиси шаҳри Кӯлоб дар ҳолли баррасӣ аст

ДУШАНБЕ, 14 июл – Sputnik. Юсуф Раҳмон, додситони кулли Тоҷикистон, имрӯз дар шаҳри Душанбе  зимни нишасти матбуотӣ таъкид дошт, ки Баҳром Иноятзода, раиси пешини шаҳри Кӯлоб барои ҷиноятҳои марбут ба замин боздошт шудааст.

“Баҳром Иноятзода, собиқ раиси шаҳри Кӯлоб барои дағалона вайрон кардани ҷиноятҳои марбут ба замин ба ҷавобгарӣ кашида шудааст”, - қайд кардааст Юсуф Раҳмон.

Дар ҳамин ҳол, прокурори генералӣ овозаҳои бо дастури Иноятзода ба фурӯш гузошта шудани кумаки башардӯстонаи ба шаҳр воридшуда, аз ҷумла маҳсулоти хӯрокворӣ ва маводи тиббиро рад кард.

Моҳи гузашта нирӯҳои амниятии Тоҷикистон Баҳром Иноятзода, собиқ раиси шаҳри Кӯлобро бо гумони "фасодкорӣ" дастгир карданд.

Рӯзи 8-уми июн Кумитаи давлатии амнияти миллии Тоҷикистон эълон кард, ки маъмуронаш Баҳром Иноятзода, раиси шаҳри Кӯлобро бо иттиҳоми "фасодкорӣ" дастгир карданд.

КДАМ хабар дода буд, ки 27-уми майи соли 2020 ронандаи автомашинаи хизматии Баҳром Иноятзода – Хуррамов Хурсандалӣ Пардаевич ва  3 июни соли 2020 мудири қабулгоҳи Раиси шаҳри Кӯлоб Қурбонов Фирӯз Давлатхоҷаевич бо ҷурми қаллобӣ ба ҳабс гирифта шуданд.

Ба иттилои манбаъ, дар рафти тафтишоти пешакӣ Хуррамов Хурсандалӣ ва Қурбонов Фирӯз нишондод пешниҳод карданд, ки онҳо ин кирдорҳояшонро бо супориши раиси шаҳри содир намудаанд.

"Ҳамчунин, аз сокинони шаҳри Кӯлоб якчанд ариза доир ба амалҳои коррупсионии раиси шаҳр Б. Иноятзода ворид гардид. Ҳангоми санҷиш далелҳои дар аризаҳо овардашудаи ҷабрдидагон тасдиқи худро ёфтанд",- хабар дода буд КДАМ Тоҷикистон.

Ҳамзамон, додситони кулли Тоҷикистон гуфт, дар шаш моҳи аввали соли ҷорӣ 513 парвандаи ҷиноӣ вобаста ба замин ва заминфурушӣ оғоз шуда, садҳо нафар барои қонуншиканӣ ба ҷавобгарӣ кашида шудаанд.

Юсуф Раҳмон, афзуд, 3248 нафар барои қонуншиканӣ ба ҷавобгарии интизомию маъмурӣ кашида шуда ва беш аз 6286 гектар қитъаи замин ба ҳолати аввал баргардонида шудааст. Зарари расида аз ин ҷиноятҳо 1,6 млн сомонӣ барқарор карда шуд.

0
Барчаспҳо:
замин, ҷиноят, баррасӣ, шаҳри Кӯлоб, парванда, додситони кулл, Тоҷикистон