Скульптура Нет насилию перед фасадом здания ООН в Нью-Йорке

Таъкиди СММ бар оташбаси доимӣ дар Афғонистон

128
(Таҷдидшуда 19:51 16.09.2020)
Шӯрои Амнияти СММ дар қатъномае бо истиқбол аз оғози музокироти Толибон ва давлати Кобул бар истиқрори оташбаси доимӣ ва созиши сиёсӣ дар ин кишвар таъкид кард

ДУШАНБЕ, 16 сен — Sputnik. Шӯрои  Амнияти СММ дар ин нишаст ҳамчунин хоҳони мушорикати занону ҷавонон дар музокироти байни афғон дар Дуҳаи Қатар шуд ва бо сароҳат эълом кард, ки “тавсеаи сиёсӣ  ва пешрафтҳои ҷомеаи маданӣ, аз ҷумла дар заминаи ҳуқуқи занону кӯдакон, ки дар 19 соли гузашта ба даст омадааст , бояд ҳифз шавад ва густариш  ёбад”, иттилоъ додааст хабаргузории ИРНА.

Бино бар иттилои манбаъ, Шӯрои Амнияти Созмони милал дар ин қатънома аз бурузи хушунатҳо дар Афғонистон  ҳамзамон бо музокироти байни афғон ва аз теъдоди талафоти ғайринизомиён дар ин даргириҳо “амиқан” изҳори нигаронӣ кард.

Ин ниҳоди  байналмилалӣ ҳамчунин ба таври қотеъ  ҳамаи таҳаррукоти низомӣ ва ҳамалот дар Афғонистонро маҳкум ва таъкид кард, ки набояд ба гурӯҳҳои террористӣ монанди ДИИШ иҷоза дод, ки аз хоки Афғонистон ба унвони пойгоҳе барои амалиёти террористӣ ва таҳдиди сойири кишварҳо истифода кунанд.

Шӯрои  Амният дар идомаи ин қатънома, Толибонро аз ҳимоят аз гурӯҳҳои террористӣ барҳазар доштааст.

128
Барчаспҳо:
Кобул, сулҳ, музокирот, оташбас, СММ, Афғонистон, Толибон
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

17
(Таҷдидшуда 19:50 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳилле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

17
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон
Абдулла Абдулла

Абдуллоҳ Абдуллоҳ: музокироти сулҳи Афғонистон ба кундӣ пеш меравад

113
(Таҷдидшуда 13:41 30.09.2020)
Раиси Шӯроии олии мусолиҳаи миллии Афғонистон дар дидор бо Шоҳмаҳмуд Қурайшӣ, вазири умури хориҷаи Покистон, таъкид кард, ки музокироти сулҳи байни афғонҳо ба кундӣ пеш меравад

ДУШАНБЕ, 30 сен — Sputnik. Абдуллоҳ Абдуллоҳ, ки ахиран ба Исломобод сафар кардааст, аз ҳимояти Покистон дар заминаи оташбас дар Афғонистон истиқбол карда, афзуд, ки  агар аз фурсати торихии пеши рӯ истифода нашавад, буҳрон дар ин кишвар шадид хоҳад шуд.

Раиси Шӯрои олии мусолиҳаи миллии Афғонистон бо қадрдонӣ аз Покистон ба хотири ташвиқи Толибон ба ширкат дар гуфтугуҳои сулҳ афзуд, ки таъмини сулҳи пойдору одилона дар Афғонистон ба суди ҳамаи кишварҳои минтақа ва ҳамсоя мебошад.

Шоҳмаҳмуд Қурайшӣ, вазири умури хориҷаи Покистон дар навбати худ гуфтааст, ки сафари Абдуллоҳ равобити миёни ду кишвари Афғонистону Покистонро вориди марҳалаи тозае мекунад ва ниёз аст, фасли наве дар равобити ду тараф гушуда шавад.

Вазири хориҷаи Покистон таъкид кард, ки кишвараш уҳдадор ба дахолат накардан дар умури Афғонистон аст ва аз талошҳои сулҳ пуштибонӣ мекунад, зеро Исломобод муътақид аст, ки мушкили Афғонистон роҳи ҳалли низомӣ надорад ва танҳо роҳ, гуфтугӯ аст.

“Набояд аз хоки Покистону Афғонистон алайҳи якдигар истифода шавад ва иродаи сиёсӣ ҳам дар ин замина вуҷуд дорад”, - гуфт Шоҳмаҳмуд Қурайшӣ.

113
Барчаспҳо:
Покистон, музокирот, сулҳ, Афғонистон, Абдулло Абдулло