Рӯҳонӣ: нафароне, ки қоидаҳои беҳдоштиро риоя намекунанд ҷарима хоҳанд шуд

86
(Таҷдидшуда 19:22 04.10.2020)
Раисҷумҳури Эрон хостори истифодаи ҳамаи шаҳрвандон аз ниқоб шуд ва аз ҷаримаи афроде, ки усули беҳдоштиро риоят намекунанд хабар дод

ДУШАНБЕ, 4 окт — Sputnik. Ҳасан  Руҳонӣ, раисҷуҳури Эрон ахиран дар нишасти ситоди миллии муқобила бо коронаи Эрон гуфт, ки сабки зиндагии мардум ба муддати тӯлонӣ тағйир меёбад. Вай афзуд, нафароне, ки  қоидаҳои беҳдоштиро риоя намекунанд ҷарима хоҳанд шуд, иттилоъ додааст хабаргузории ИРНА.

“COVID -19 як бемории одӣ нест ва фақиру ғанӣ ё султону гадо намешиносад ва масъулон, болотарин мақоми кишварҳо ва донишмандонро низ гирифтор мекунад, бинобарин  роҳе ҷуз  тағйири сабки зиндагӣ ба муддати тӯлонӣ надорем ва бояд бидонем, ки агар инзиботи иҷтимоии мо коҳиш пайдо кунад бо мушкилоти бузургтаре мувоҷеҳ мешавем”, - таъки дошт Руҳонӣ.

Инчунин вай афзуд, ки дар ҳар кишваре, ки инзиботи иҷтимоии қавитар аст, онҳо муваффақтар будаанд.

“Онҳо аз мардуми кишвар  хостаанд ва мардуми ҳам бо инзиботи иҷтимоӣ гӯш карданд. Ҳар куҷое мардум муроот накардаанд , мушкилот бештар шудааст”, - зикр кард раисҷумҳури Эрон.

Руҳонӣ ҳамчунин дар бораи ҷаримаи афроди бетавваҷӯҳ ба дастурҳои беҳдоштӣ гуфт, ки кормандоне, ки усули беҳдоштиро риоят накунанд то як сол аз хидмат мунфасил мешаванд ва аснофу бозориён низ дар сурати сарпечӣ аз қонун, пломби коргоҳҳо ва мағозаҳояшон аз як рӯз то як моҳ дар назар гирифта шудааст.

Раисҷумҳурии Эрон гуфт, касе, ки хадамот мехоҳад бояд усули беҳдоштиро риоят кунад ва агар фарде риоят накунад, хадамотдиҳандаро муҷозот хоҳем кард, зеро хидмат додан ба касоне, ки усули беҳдоштиро риоят намекунанд дорои муҷозот аст.

Руҳонӣ таъкид кардааст, бояд ба афроде, ки ниқоб назананд ихтор дода  шавад ва мизони ҷаримаи афроде, ки ниқоб намезананд ҳам ҳафтаи оянда  мушаххас хоҳад шуд.

86
Барчаспҳо:
шаҳрвандон, Раисҷумҳур, риоя кунад, беҳдоштӣ, беҳдошт, ҷарима, ниқоби сиёҳ, Эрон
Мужчины с портфелем в руке. Архивное фото

Мақомдорони Ӯзбекистон аз соли 2021 аз забони ӯзбекӣ имтиҳон месупоранд

72
(Таҷдидшуда 15:44 22.10.2020)
Ҳукумати Ӯзбекистон барои рушд ва таҳкими забони ӯзбекӣ дар ҳамаи соҳаҳо аз ҷумла дар сатҳи байналмилалӣ барномаҳои ҷадид роҳандозӣ мекунад

ДУШАНБЕ, 22 окт – Sputnik. Аз моҳи апрели соли оянда мақомдорони Ӯзбекистон, ки вазифаи раҳбариро бар дӯш доранд вазифадор мешаванд, дар бораи сатҳи забондонии худ шаҳодатнома гиранд.

Дар ин бора Sputnik Ӯзбекистон бо такя ба Вазорати адлияи кишвар хабар медиҳад.

"Оғоз аз 1 апрели соли 2021 сатҳи ҳайати роҳбарикунанда барои коргузории расмӣ бо забони давлатӣ муайян карда мешавад ва барои муйян кардани сатҳи забондонии раҳбарон шаҳодатномаҳо ҷорӣ мешаванд ", - омадааст дар хабарнома.

Ин тадбир дар доираи консепсияи рушди забони ӯзбекӣ ва такмили сиёсати забон дар солҳои 2020-2030 пешбинӣ шудааст.

Раҳмон дар паёмаш гуфт, забонҳои хориҷиро омӯзед, аммо ба забони модарӣ арҷ гузоред

Ҳуҷҷати мазкур бо фармони президенти Ӯзбекистон Шавкат Мирзиёев тасдиқ шудааст.

Дар Ӯзбекситон Рӯзи забони ӯзбекӣ таҷлил шуд. Шавкат Мирзиёев мардуми ҷумҳуриро бо санаи таърихӣ табрик гуфт ва ёдовар шуд, ки имрӯз бо забони ӯзбекӣ тақрибан 50 миллион нафар сухан мегӯянд ва ин ифодагари ба яке аз забонҳои паҳншудаи ҷаҳон табдил ёфтани он мебошад.

Форсӣ забони миллии Афғонистон шуд

Президент таъкид кард, ки имрӯз дар назди аҳолӣ вазифаи масъулиятнок яъне, рушди забони ӯзбекӣ, таҳкими минбаъдаи нақш ва нуфузи он ҳамчун забони давлатӣ истодааст.

72
Барчаспҳо:
сертификат, забон, Ӯзбекистон
Президент Кыргызстана Сооронбай Жээнбеков и премьер-министр Садыр Жапаров на внеочередном заседании Жогорку Кенеша в госрезиденции Ала-Арча. Архивное фото

Жээнбеков аз тарс истеъфо дод? ҷавоби Ҷопаров

1410
(Таҷдидшуда 00:24 21.10.2020)
Содир Ҷопаров ба хабарнигори Al Jazerra дар бораи иттиҳомоте, ки гӯё ӯ ва тарафдоронаш бо роҳи тарсонидан сари қудрат расидаанд, тавзеҳ дод

ДУШАНБЕ, 20 окт — Sputnik. Иҷрокунандаи вазифаи Президенти Ҷумҳурии Қирғизистон Содир Ҷапаров дар мусоҳиба бо шабакаи телевизионии Ал Ҷазерра гуфт, ки ҳеҷ кас собиқ кишвардор - Сооронбай Жээнбековро барои истеъфо натарсонда буд.

 

Сооронбой Жээнбеков истеъфо дод: вакилон қарсак заданд

Хабарнигор аз Ҷапаров дархост намуд, ки иттиҳомот алайҳи ӯ ва тарафдорона, ки гӯё бо роҳи тарсондан сари қудрат омаданд, тавзеҳ диҳад.

"Сару садоҳо дар мавриди он ки, гӯё ман бо роҳи таҳдиду зӯроварӣ сари қудрат омадам, нодуруст аст. Агар мо метарсондем ва таҳдид мекардем, президенти фирорӣ Жээнбеков барнамегашт. Мо ба ӯ пешниҳод кардем то биёяд ва мушкилиро аз роҳи қонунӣ ҳал кунем, нагузорем, ки корхонаҳо аз кор монанд ва иқтисодиёт сукут кунад.... Ҳамаи кор бо музокирот анҷоми. Касе дасту пойи ӯро тоб надода буд", - шарҳ дод Ҷопаров.

Сарвазир ҳамчунин таъкид намуд, ки баъзе одамон дидаву дониста маълумоти бардурӯғ паҳн мекарданд, ки гӯё ҷонибдорони ӯ аснои эътирозҳо сангу шиша ҳаво медоданд.

Ёдовар мешавем, дар Қирғизистон пас аз интихоботи парлумонӣ, ноамниҳо сар заданд ва дар фарҷом кишвардор Сооронбой Жээнбеков истеъфо дод.

1410
Барчаспҳо:
истеъфо, Сооронбой Жээнбеков
Арест, архивное фото

Боздошти Муминов барои қатли тағои 70-солааш: хонаро ба ӯ нею ба додараш додааст-видео

0
(Таҷдидшуда 13:02 23.10.2020)
Вазорати умури дохилии Тоҷикистон аз боздошти як сокини шаҳри Турсунзода хабар медиҳад, ки дар қатли тағояш муттаҳам мешавад

ДУШАНБЕ, 23 окт - Sputnik. Бино ба иттилои ин ниҳод, пулиси шаҳри Турсунзода Муминов Александри 42 соларо барои қатли тағояш боздошт кардаанд.

Ба иттилои манбаъ, боздоштшуда пас аз истеъмоли машруботи спиртӣ ба хонаи тағои 70-солааш Холмуродов Темур омада, ӯро латукӯб кардааст.

Манбаъ мегӯяд, дар натиҷаи латукӯби шадид ҷабрдида ҷароҳатҳои вазнин бардошта ҳалок шудааст.

Боздоштшуда зимни бозпурсӣ гуфт, ӯро барои он кушт, ки хонаро на ба ӯ, бал ки ба додараш Семён додааст.

“Пас аз куштор, барои пинҳон кардани ҷиноят либосҳои ӯро пинҳон карда ҷасадро тавре гузоштааст, ки гӯё ҷабрдида аз беморӣ ҳалок шудааст, аммо ташхис дар ҷисми марҳум аломатҳои марги маҷбуриро ошкор кард”,‑ афзудааст манбаъ.

Гуфта мешавад, боздоштшуда ва фавтида робитаи хешовандӣ дошта, ҷинояти мазкур барои ба даст овардани хона сар задааст.

ВУД мегӯяд, айни ҳол нисбат ба  Муминов Александр парвандаи ҷиноӣ оғоз шуда, тафтишот идома дорад.

0
Барчаспҳо:
парванда, боздошт, қатл, Турсунзода, Тоҷикистон