Медицинские работники во временном госпитале для пациентов с COVID-19, архивное фото

Дар Қазоқистон фавт аз илтиҳоби шуш ва коронавирус афзудааст

190
(Таҷдидшуда 14:12 17.10.2020)
Дар Қазоқистон панҷ нафар аз маризии илтиҳоби шуш ва чор нафари дигар аз бемории сироятии коронавирус ҷон бохтанд

ДУШАНБЕ, 17 окт — Sputnik. Шабонарӯзи гузашта дар Қазоқистон аз маризии илтиҳоби шуш ва коронавирус дасти кам 9 нафар ба ҳалокат расиданд, хабар медиҳад Вазорати тандурустии ин кишвар.

Омори илтиҳоби шуш

Рӯзи гузашта дар Қазоқистон 158 мавриди ҷадиди мубталошавии шаҳрвандон ба илтиҳоби шуш сабт гардид. Ҳамчунин чаҳор ҳолати фавти шаҳрвандон аз ин дард ба қайд гирифта шуд.

Дар маҷмӯъ аз авоили август 35 717 нафар гирифтори илтиҳоби шуш гардида, 380 мариз ҷон аз даст доданд. Ҳамзамон 28 165 нафарро табибон тавонистанд муолиҷа карда ба хонаҳояшон мураххас кунанд.

Дар Нурсултон дар робита ба афзоиши ҳолатҳои нави гирифторшавӣ ба коронавирус, қарантин шадидтар шуд.

Омори коронавирус

Шабонарӯзи гузашта дасти кам 100 қазоқистонии дигар ба коронавирус гирифтор шуданд ва панҷ мавриди фавт ба қайд гирифта шуд.

Вазорат: дар Тоҷикистон 10 374 нафар гирифтори коронавирус шуданд

Гуфта мешавад, алъон 2 593 гирифтори коронавирус  бо шумули 125 кӯдак таҳти муолиҷа қарор доранд. Дар муассисаҳои беҳдоштӣ 1 995 нафар ба табобат фаро гирифта шуданд, ки вазъи 80 мариз вазнин арзёбӣ мешавад. Дасти кам 12 нафар ба дастгоҳи нафасдиҳии сунъӣ пайваст шуданд.

Дар маҷмӯъ 109 302 мубталои коронавирус дар Қазоқистон ба қайд гирифта шудааст, ки аз ин миён 1 768 бемор фавтида, 104 921 нафари дигар шифо ёфтанд.

190
Барчаспҳо:
маризӣ, фавт, Қазоқистон
Мавзуҳо:
Пайомадҳои COVID-19 дар Тоҷикистон ва ҷаҳон (810)
Новоизбранный премьер-министр Садыр Жапаров

Танҳо бо роҳи осоишта ҳал мекунем: роҳбари нави Қирғизистон ба қазияи марзӣ вокуниш кард

682
(Таҷдидшуда 16:47 26.10.2020)
Дирӯз КДАМ Тоҷикистон изҳор дошт, ки марзбонони қирғиз сокинони ноҳияи Исфараро зери ҳадафи тирашон қарор доданд

ДУШАНБЕ, 26 октября — Sputnik. Иҷрокунандаи вазифаи президенти Қирғизистон Содир Ҷапаров дастур додааст, ки ҳалли масоили марзӣ бо Тоҷикистон тезонида шавад, хабар медиҳад дафтари матбуоти роҳбари кишвар.

Ҷапаров рӯзи душанбе бо роҳбари Хадамоти марзбонии кишвар Улуғбек Шаршеев мулоқот карда, масоили ба эътидол овардани вазъро дар марзи давлатии Тоҷикистону Қирғизистон баррасӣ кардааст.

"Содир Ҷапаров таъкид кард, ки бояд масоили мавҷудаи марзиро бо кишварҳои ҳамсоя ҳарчи бештар ҳал кард. Вай таъкид кард, ки ба наздикӣ бо сафари чандрӯза ба вилоятҳои Бодканд, Ӯш ва Ҷалилобод меравад, то дар ҷойи қазия бо мушкилии мавҷуда ошно шавад", - гуфтааст намояндаи котиботи роҳбари кишвар.

Раиси хадамоти марзбонӣ ба иҷрокунандаи вазифаи раёсати ҷумҳурӣ гуфтааст, ки дирӯз дар вилояти Ботканд қазияи дигаре бо истифодаи яроқи оташфишон рух дод.

Раҳбари ВУХ Қирғизистон бо сафири тоҷик масъалаи марзро баррасӣ кард

Ба гуфтаи вай, шаҳрвандони Тоҷикистон дар мавзеи баҳснок бо таъмири қубури обгузар машғул буданд ва ба талаби марзбонони қирғиз вокуниш накарданд ва бо ҳамин далел ду тир ба ҳаво кушода шудааст.

Пештар дафтари матбуоти Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд. 

КДАМ таъкид кардааст, ки ин қитъа қаламрави Ҷумҳурии Тоҷикистон буда, марзбонон ба ҷониби сокинон тир кушодаанд, ки иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Ҷапаров аҳамияти ҳалли масъалаи муайянсозӣ ва аломатгузории марзро танҳо бо роҳи гуфтушуниди осоишта қайд кардааст.

"Мушкилие нест, ки ҳал нашавад. Ҳамагуна масъаларо метавон бо роҳи гуфтушуниди осоишта ҳал кард", - таъкид кардаст Ҷапаров.

Ба гуфтаи вай, "ҳалли ин гуна масъалаҳоро бояд тӯл накашид, то дар оянда аз ин гуна қазияҳо пешгирӣ шавад, сокинони минтақаҳои марзӣ бояд дар фазои осоишта ба сар баранд".

Ҳодисаи 25-уми октябор дар марзи Тоҷикистону Қирғизистон нахустин нест. Пештар низ танишҳои марзӣ буданд ва дар натиҷа чанд нафар қурбон низ гаштанд.

Сабаби асосии ин ҳодисаҳо - ин минтақаи муайянношудаи марзист. Тӯли марзи Тоҷикистону Қирғизистон 980 километрро ташкил медиҳад, ки аз он 450 километраш муайян ношуда аст.

 

682
Медицинский работник и пациенты во временном госпитале для пациентов с COVID-19 в ледовом дворце Крылатское.

Дод аз дасти коронавирус: афзоиши бесобиқаи гирифторони COVID-19 дар Осиёи Марказӣ

351
(Таҷдидшуда 11:41 26.10.2020)
Қаблан намояндаи СУТ дар минтақа низ изҳор дошта буд, ки бемории коронавирус дар Тоҷикистон ва дигар кишварҳои Осиёи Марказӣ рӯ ба афзоиш хоҳад ниҳод

ДУШАНБЕ, 26 окт — Sputnik. Вазорати беҳдошти Қирғизистон дар баёнияе бо таъйиди ибтилои 582 нафари дигар аз шаҳрвандони ин кишвар ба вируси куруно эълом кард, шиносоии ин теъдод мубтало аз замони шуюи вируси куруно дар Қирғизистон бесобиқа будааст.

Вазорати беҳдошти Қирғизистон афзуд, аз маҷмӯи ҳудӯди 47 ҳазор мубтало ба вируси куруно дар ин кишвар, ҳазору 126 нафар ҷон бохтаанд.

Вазорати беҳдошти Қазоқистон ҳам бо эъломи шиносоии 179 мавриди ҷадиди ибтило ба куруно, омори фавтидаҳо дар 24 соати гузашта бар асари ин бемориро 5 тан эълом кард.

Теъдоди фавтидагон аз коронавирус дар Эрон аз 32 ҳазор нафар гузашт

Ба ин тартиб, теъдоди кули афроди мубтало ба куруно дар Қазоқистон то кунун ба 110 ҳазору 86 нафар ва шумори ҷонбохтагон ба 1811 нафар расидааст.

Вазорати беҳдошти Ӯзбекистон ҳам эълом кард, бо ибтилои 115 тани дигар шумори мубталоён ба куруно дар ин кишвар ба 64 ҳазору 633 нафар расидааст.

4 фавт ва 600 маризи нав: омори Қирғизистон аз коронавирус барои имрӯз

Ин вазоратхона ҳамчунин марги 541 шаҳрванди узбакистонӣ бар асари ибтило ба куруноро таъйид кардааст.

Вазорати тандурустии Тоҷикистон ҳам аз ибтилои беш аз 10 ҳазору 653 нафар ба куруно дар ин кишвар ва марги 81 тан бар асари ин беморӣ хабар додааст.

351
Эмомали Рахмон в Мекке, архивное фото

Раҳмон ва Абдулқодирзода дар феҳрасти 500 мусалмони таъсиргузори дунё

224
(Таҷдидшуда 10:55 27.10.2020)
Пажуҳишгоҳи исломии Уммон исми Эмомалӣ Раҳмон, раисиҷумҳур ва Саидмукаррам Абдулқодирзода, раиси Шӯрои уламои Маркази исломии Тоҷикистонро ба феҳрасти “500 мусулмони таъсиргузор барои соли 2021” шомил кардааст.

ДУШАНБЕ, 27 окт — Sputnik. Рейтинги таъсирузортарин мусалмонони ҷаҳон, рӯзи гузашта нашр шуд, ки раисиҷумҳури кишвар бори шашум шомили он гаштааст.

Исми Эмомалӣ раҳмон аз соли 2012 ва номи Саидмукаррам Абдулқодирзода бошад аз соли 2015 ба феҳрасти 500 мусалмони таъсиргузор роҳ ёфтаанд.

Дар сархати ин феҳрист дар соли ҷорӣ раисиҷумҳури Туркия Раҷаб Тайиб Эрдуғон қарор дорад. Пас аз ӯ шоҳи Арабистони Саудӣ Салмон ибни Абдул-Азиз ва Оятуллоҳ Сайид Алии Хоманаӣ, роҳбари аъзами Эрон ҷой гирифтаанд.

Оқохони IV Шоҳ Карим ал-Ҳусайнӣ, имоми 49-умини исмоилиён дар зинаи 39-ум мақом гирифтааст. Гузоришгарон мегӯянд, аз Оқохони IV беш 15 миллион нафар дар саросари ҷаҳон пайравӣ мекунанд, ки қисме аз онҳо дар Бадахшони Тоҷикистон иқомат доранд.

Ба панҷгонаи аввал щамзамон шоҳи Урдун Абдуллоҳи II ибни Ҳусейн ал-Ҳошимӣ ва Шайх Муҳаммад Тақӣ Усмонӣ, ки яке аз олимони машҳури ислом мебошад, шомил шудаанд.

Ба TOP-50 инчунин сарвазири Покистон Имрон Хон, валиаҳди Арабистони Саудӣ Муҳаммад бин Салмон, футболбози мисрии клуби англисии Ливерпул Муҳаммад Салоҳ ва ҳамзамон размикори шинохтаи доғистони Ҳабиб Нурмуҳаммадов шомил шудаанд .

Фардо дер мешавад: 5 пешниҳоди Шӯрои уламо ба мардуми Тоҷикистон

Дар ин рӯйхат инчунин Раҷаб Тайиб Эрдуғон, раисиҷумҳури Туркия, Ашраф Ғанӣ Аҳмадзай, раисиҷумҳури Афғонистон, Илҳом Алиев, раисиҷумҳури Озарбойҷон, Қурбонгулӣ Бердимуҳаммедов, раисиҷумҳури Туркманистон ворид шудаанд.

Ёдовар мешавем, ки TOP-500 аз бонуфузтарин мусалмонони ҷаҳон сар аз соли 2009 ҳамасола нашр мешавад.

224