Боздошти 13 полис дар Афғонистон вобаста парвандаи ҳамлаи террористӣ ба Донишгоҳи Кобул

212
(Таҷдидшуда 13:02 05.11.2020)
13 нафар аз фармондеҳон ва нерӯҳои полиси Афғонистон ба иттиҳоми кутоҳӣ дар таъмини амнияти Донишгоҳи Кобул боздошт шуданд

ДУШАНБЕ, 5 ноя — Sputnik. Фирдавси Фаромарз сухангӯи пулиси Кобул гуфт, 13 нерӯи полис, аз ҷумла фармондеҳи полиси ҳавзаи сеюми амниятӣ ва мудири мубориза бо ҷароими ҷиноии ин ҳавза ба иттиҳоми кӯтоҳӣ дар анҷоми вазифа барои таъмини амнияти донишгоҳи Кобули боздошт ва ба додситонии низомӣ муаррифӣ шуданд, иттилоъ додааст бахши тоҷикии радиои Садои Хуросон.

Донишкадаи ҳуқуқи Донишгоҳи Кобули ахиран ҳадафи ҳамлаи муҳоҷимони мусаллаҳ қарор гирифт, ки ин ҳодиса пас аз шаш соати даргирӣ бо кушта шудани се террорист поён ёфт.

Бархе манобеи амниятӣ гуфтаанд шумори талафоти ин ҳамла ба 35 нафар ва захмиҳо ба 25 нафар афзоиш ёфтааст.

Ҳарчанд масъулияти ин ҳамларо ДОИШ (мамнуъ дар қаламрави Русия)  бар ӯҳда гирифт, аммо Амруллоҳ Солеҳ, муовини аввали Ашрафи Ғанӣ таъкид кардааст, ки Толибон (гурӯҳи мамнуъ дар қаламрави Тоҷикистон ва Русия) масъули ин ҳамла ва гурӯҳи террористӣ ҳаққонӣ низ тарроҳи он будааст.

Ҳамла ба Донишгоҳи Кобул хашми мардум ва мақомоти Афғонистону мақомоти беш аз чиҳил кишварро барангехтааст.

212
Барчаспҳо:
террористӣ, ҳамла, полис, боздошт, Кобул, Афғонистон
Президент Республики Таджикистан Эмомали Рахмон

Эмомалӣ Раҳмон дар нишасти СПАД ширкат мекунад

428
(Таҷдидшуда 13:41 02.12.2020)
Маълум шуд, президенти Тоҷикистон дар нишасти Созмони Паймони Аҳдномаи Дастаҷамъӣ чӣ мавзуъҳоеро баррасӣ мекунад

ДУШАНБЕ, 2 дек — Sputnik. Нишасти навбатии СПАД рӯзи чоршанбе, 2 декабр таҳти раҳбарии президенти Русия, Владимир Путин тариқи видеоӣ баргузор мешавад.

Бино ба эълони Кремл, имрӯз дар музокирот диққати асосӣ ба рушди нерӯи посдори сулҳ дар кишварҳои иттиҳод дода мешавад.

Тоҷикистонро дар ин нишаст президенти кишвар Эмомалӣ Раҳмон намояндагӣ мекунад. Соли 2021 Тоҷикистон раисии СПАД - ро бар дӯш мегирад.

Чуноне ТАСС бо такя ба сардори хадамоти матбуотии Вазорати дифоъ, Фаридун Маҳмадализода хабар медиҳад, Тоҷикистон самтҳои асосии рушд дар соли ояндаро баррасӣ хоҳад кард.

Володин: СААД бояд феҳрасти ягонаи созмонҳои террористӣ дошта бошад

Дар навбати аввал Тоҷикистон хостори таҳкими амният дар минтақа аст ва дар назар аст, ки дар ин музокирот масъалаи вазъият дар марзи Тоҷикистону Афғонистон низ баррасӣ шавад. Ҳамчунин ҷонибҳо масъалаи баргузории тамриноти муштараки низомиро, ки соли 2021 дар Тоҷикистон баргузор хоҳад шуд, баррасӣ мекунад.

Мақомдорони СААД вазъи муҳоҷират дар пандемияро баррасӣ кардаанд

Интизор меравад, ки дар ин нишаст президенти Белорус Александр Лукашенко, кишвардори Қазоқистон Қосим - Ҷомарт Тоқаев, иҷрокунандаи вазифаи президенти Қирғизистон Талант Мамитов, сарвазири Арманистон Никол Пашинян ва дабири кулли СПАД Станислав Зас ширкат мекунанд.

428
Барчаспҳо:
нишаст, ширкат, Эмомалӣ Раҳмон, СПАД
Фрагмент мечети Юсуфа Хамадани (XVI в.) в древнем городе Мерве, Туркменистан

Дари масоҷид дар Туркманистон ҳамоно баста мемонад

56
(Таҷдидшуда 15:11 01.12.2020)
Ба хотири пешгирӣ аз густариши ҳамагирии коронавирус дар Туркманистон дари масоҷид то 1 январи соли 2021 баст боқӣ мемонад

ДУШАНБЕ, 1 дек — Sputnik. Дар Туркманистон, ки то ҳол расман вируси корона ба қайд гирифта нушадааст, дари масҷидҳо ва зиёратгоҳҳо "то охири сол" бо мақсади пешгирии паҳншавии бемориҳои сироятӣ "баста хоҳад буд", - менависад торномаи "Туркменпортал" бо истинод ба муфтиёти кишвар.

"Маҳдудиятҳо барои масҷидҳо ва зиёратгоҳҳои Туркманистон, ки бо мақсади пешгирии паҳншавии бемориҳои сироятӣ ҷорӣ карда шудаанд, то 1 январи соли 2021 тамдид карда мешаванд", - омадааст дар хабарнома.

Ҳамзамон дар масҷидҳо ҳар рӯз панҷ маротиба азон садо дода, мусалмононро барои адои намоз даъват мекунад.

Манбаъ таъкид мекунад, ки "ин чораҳо тибқи қарори Комиссияи Фавқулодаи Туркманистон оид ба мубориза бо бемориҳо аз 26 августи соли 2020 андешида шудаанд".

Масҷидҳо ва зиёратгоҳҳои Туркманистон ҳанӯз рӯзи 13 июл баста шуданд.

Тибқи гузориши ҳукумат, дар Туркманистон ягон ҳолати COVID-19 ба қайд гирифта нашудааст.

Ҳамзамон, дар кишвар пӯшидани ниқоб ҷорӣ шуда ва як қатор маҳдудиятҳо, аз ҷумла барои муассисаҳои динӣ ҷорӣ карда шудаанд.

56
Барчаспҳо:
вируси корона, маҳдудият, бастан, баста, масҷид, масҷид, Туркманистон
Сохтмони роҳ, акс аз бойгонӣ

Оғози сохтмони роҳи дорои 8 хати ҳаракат дар Душанбе бо пули Ҳинд

0
(Таҷдидшуда 16:01 03.12.2020)
Шаҳрдории Душанбе аз оғози сохтмони роҳи автомобилгард аз Дарвозаи Ғарбӣ то маҳаллаи Чортут расман оғоз бахшида шуд

ДУШАНБЕ, 3 дек — Sputnik. Ба иттилои шаҳрдорӣ, роҳи автомобилгард аз Дарвозаи Ғарбӣ то маҳаллаи Чортут тибқи нақша дар се марҳила бунёд мешавад.

“Марҳилаи аввал аз Дарвозаи Ғарбӣ то роҳи автомобилгарди Айнӣ, бо дарозии 4,2 километр марҳилаи дуюм аз роҳи автомобилгарди Айнӣ то роҳи автомобилгарди Шарора бо дарозии 3,2 км ва марҳилаи сеюм аз роҳи автомобилгарди Шарора то пайваст ба кӯчаи Раҳмон Набиеви маҳаллаи Чортут бо дарозии 1,88 км-ро дар бар мегирад”, - омадааст дар иттилоия.

Манбаъ таъкид намуд, ки паҳноии роҳ аз 40 метр иборат буда, 8 хати ҳаракат дар ду самт, пиёдароҳҳо, як адад пул дар болои канали калони Ҳисор ва як гузаргоҳи роҳи оҳан, 2 адад гардишҳои нақлиётӣ, чароғакҳои роҳнамо дар ду қитъа, аломатҳои бехатарии роҳ, хати кабудизор, дарахту буттаҳои ороишию сояафкан дар ду тараф унсурҳои асосии роҳро ташкил медиҳанд.

Зикр шудааст, ки иншоот дар доираи ҳамкориҳои судманди миёни Тоҷикистону Ҳиндустон бо харҷи 46,5 миллион доллари ИМА сохта мешавад.

Лоиҳаи “Сохтмони роҳи автомобилгард аз Дарвозаи Ғарбӣ то маҳаллаи Чортут” яке аз тарҳҳои самарабахши ҳамкорӣ байни шаҳрдорӣ ва Ҳукумати Ҷумҳурии Ҳиндустон маҳсуб меёбад, ки марҳилаи аавали он расман шуруъ гардид.

0
Барчаспҳо:
роҳ, сохтмон, Тоҷикистон