Заслуженная артистка Узбекистана Клара Джалилова

Даргузашти ҳунарманди шоистаи Ӯзбекистон Клара Ҷалилова

129
(Таҷдидшуда 15:13 21.11.2020)
Ҳунарманди шоистаи Ӯзбекистон, ки бо нақшҳояш дар беш аз 20 филм машҳур аст, дар синни 82 - солагӣ даргузашт

ДУШАНБЕ, 21 ноя — Sputnik. Ҳунарманди шоистаи Ӯзбекистон Клара Ҷалилова дар синни 82 - солагӣ аз дунё чашм пӯшид, хабар медиҳад хадамоти матбуотии "Ӯзбеккино".

Ҳунарпеша бо нақшҳояш дар филмҳои "Бунт невесток", (Эътирози келинҳо) "Об этом говорит вся махалля", (Ҳама дар маҳалла дар ин бора мегӯянд) "Дуэль под чинарой", (Дуэл дар таги чинор) "Железная женщина" (Зани оҳанин) ва "Личина" машҳур аст.

Солҳои охир ҳунарпеша дар филмҳои ӯзбекӣ фаъолона нақш меофарид.

Сабаби даргузашти ҳунарманд гуфта нашудааст.

Даргузашти профессор Саидқул Сабзаев, собиқ ректори Донишгоҳи давлатии Қурғонтеппа

Клара Ҷалилова 8 июни соли 1938 ба дунё омадааст. Ӯ донишкадаи санъати саноати шаҳри Тошкандро хатм кардааст.

Ин ҳунарпешаро соли 1955 ҳунарманди машҳури опера Ҳалима Носирова муаррифӣ кард.

Вале ӯ пас аз нақши асосӣ дар филми мусиқӣ-мазҳакавии "Очарован тобой" (1958) дар миқёси Иттиҳоди Шӯравӣ машҳур шуд.

Дар умум Клара Ҷалилова дар 22 филм нақш офаридааст.

129
Барчаспҳо:
ҳунарманд, Ӯзбекистон, даргузашт
Президент Республики Таджикистан Эмомали Рахмон

Эмомалӣ Раҳмон дар нишасти СПАД ширкат мекунад

432
(Таҷдидшуда 13:41 02.12.2020)
Маълум шуд, президенти Тоҷикистон дар нишасти Созмони Паймони Аҳдномаи Дастаҷамъӣ чӣ мавзуъҳоеро баррасӣ мекунад

ДУШАНБЕ, 2 дек — Sputnik. Нишасти навбатии СПАД рӯзи чоршанбе, 2 декабр таҳти раҳбарии президенти Русия, Владимир Путин тариқи видеоӣ баргузор мешавад.

Бино ба эълони Кремл, имрӯз дар музокирот диққати асосӣ ба рушди нерӯи посдори сулҳ дар кишварҳои иттиҳод дода мешавад.

Тоҷикистонро дар ин нишаст президенти кишвар Эмомалӣ Раҳмон намояндагӣ мекунад. Соли 2021 Тоҷикистон раисии СПАД - ро бар дӯш мегирад.

Чуноне ТАСС бо такя ба сардори хадамоти матбуотии Вазорати дифоъ, Фаридун Маҳмадализода хабар медиҳад, Тоҷикистон самтҳои асосии рушд дар соли ояндаро баррасӣ хоҳад кард.

Володин: СААД бояд феҳрасти ягонаи созмонҳои террористӣ дошта бошад

Дар навбати аввал Тоҷикистон хостори таҳкими амният дар минтақа аст ва дар назар аст, ки дар ин музокирот масъалаи вазъият дар марзи Тоҷикистону Афғонистон низ баррасӣ шавад. Ҳамчунин ҷонибҳо масъалаи баргузории тамриноти муштараки низомиро, ки соли 2021 дар Тоҷикистон баргузор хоҳад шуд, баррасӣ мекунад.

Мақомдорони СААД вазъи муҳоҷират дар пандемияро баррасӣ кардаанд

Интизор меравад, ки дар ин нишаст президенти Белорус Александр Лукашенко, кишвардори Қазоқистон Қосим - Ҷомарт Тоқаев, иҷрокунандаи вазифаи президенти Қирғизистон Талант Мамитов, сарвазири Арманистон Никол Пашинян ва дабири кулли СПАД Станислав Зас ширкат мекунанд.

432
Барчаспҳо:
нишаст, ширкат, Эмомалӣ Раҳмон, СПАД
Фрагмент мечети Юсуфа Хамадани (XVI в.) в древнем городе Мерве, Туркменистан

Дари масоҷид дар Туркманистон ҳамоно баста мемонад

58
(Таҷдидшуда 15:11 01.12.2020)
Ба хотири пешгирӣ аз густариши ҳамагирии коронавирус дар Туркманистон дари масоҷид то 1 январи соли 2021 баст боқӣ мемонад

ДУШАНБЕ, 1 дек — Sputnik. Дар Туркманистон, ки то ҳол расман вируси корона ба қайд гирифта нушадааст, дари масҷидҳо ва зиёратгоҳҳо "то охири сол" бо мақсади пешгирии паҳншавии бемориҳои сироятӣ "баста хоҳад буд", - менависад торномаи "Туркменпортал" бо истинод ба муфтиёти кишвар.

"Маҳдудиятҳо барои масҷидҳо ва зиёратгоҳҳои Туркманистон, ки бо мақсади пешгирии паҳншавии бемориҳои сироятӣ ҷорӣ карда шудаанд, то 1 январи соли 2021 тамдид карда мешаванд", - омадааст дар хабарнома.

Ҳамзамон дар масҷидҳо ҳар рӯз панҷ маротиба азон садо дода, мусалмононро барои адои намоз даъват мекунад.

Манбаъ таъкид мекунад, ки "ин чораҳо тибқи қарори Комиссияи Фавқулодаи Туркманистон оид ба мубориза бо бемориҳо аз 26 августи соли 2020 андешида шудаанд".

Масҷидҳо ва зиёратгоҳҳои Туркманистон ҳанӯз рӯзи 13 июл баста шуданд.

Тибқи гузориши ҳукумат, дар Туркманистон ягон ҳолати COVID-19 ба қайд гирифта нашудааст.

Ҳамзамон, дар кишвар пӯшидани ниқоб ҷорӣ шуда ва як қатор маҳдудиятҳо, аз ҷумла барои муассисаҳои динӣ ҷорӣ карда шудаанд.

58
Барчаспҳо:
вируси корона, маҳдудият, бастан, баста, масҷид, масҷид, Туркманистон
Ҷавод Зариф, вазири умури хориҷии Эрон, акс аз бойгонӣ

Зариф гуфт, Эрон дубора дар бораи тавофуқоти ҳастаӣ музокирот намекунад

0
Вазири умури хориҷаи Эрон мегӯяд, ИМА бояд бидуни шартгузориҳои ҷадид ба тааҳудоташ дар тавофуқи ҳастаии Барҷом ҳамон тавре, ки дар қатъномаи 2231 Шӯрои амнияти Созмони Милали Муттаҳид омадааст, амал кунад

ДУШАНБЕ, 4 дек – Sputnik. Муҳаммадҷавод Зариф, вазири хориҷии Эрон, зимни нишасти маҷозии гуфтугӯҳои Медитарона гуфт, барои он чизе, ки дар тавофуқи ҳастаӣ ба даст оварданд, дубора музокира нахоҳанд кард.

“Урупо ва Амрико бояд ба иҷрои тавофуқи ҳастаӣ тааҳуд дошта бошанд ва Амрико ҳам дар ҷойгоҳе нест, ки бихоҳад шарт бигзорад. Агар тарафҳои Барҷом ба тааҳудоташон амал накунанд, қонуни "иқдоми роҳбурдӣ барои лағви таҳримҳо ва сиёнат аз  ҳуқуқи миллати Эрон” иҷро хоҳад шуд",- гузориш дод радиои тоҷикии Садои Хуросон аз қавли вазири умури хориҷаи Эрон.

Манбаъ афзуд, бар асоси қонуни "иқдоми роҳбурдӣ барои лағви таҳримҳо ва сиёнат ё худ ҳифозат аз ҳуқуқи миллати Эрон", ки 9 модда дорад, давлати Эрон муваззаф аст дар сурати иҷро нашудани тааҳудоти кишварҳои тарафи тавофуқи ҳастаӣ, як моҳ пас аз тасвиби ин қонун иҷрои довталабонаи санади протоколи илҳоқиро мутаваққиф кунад.

Протоколҳои илҳоқӣ санадест, ки ба муҷиби он кишварҳои узви МАГАТЭ ба бозрасони агентӣ иҷозаи бозрасӣ аз ҳар маконе, ки зарурӣ бидонанд, медиҳанд.

Вазири умури хориҷаи Эрон ҳамчунин дар вокуниш ба сукути се кишвар - Олмон, Фаронса ва Англия дар қиболи террори доктор Муҳсин Фахризода донишманди ҳастаии Эрон гуфт: "Террори доктор Фахризода як таҷовузи байналмилалӣ аст ва мо ҳанӯз мунтазирем Англия, Фаронса ва Олмон онро маҳкум кунанд".

0
Барчаспҳо:
БАРҶОМ, созишнома, тавофуқи ҳастаӣ, Эрон