Вид на город Самарканд в Узбекистане. На заднем плане - площадь Регистан.

Дар Ӯзбекистон 24 объекти фарҳангиро ғайриқонунӣ фурӯхтаанд

159
(Таҷдидшуда 08:54 10.01.2021)
Ҳокимияти чанде аз шаҳру навоҳии Ӯзбекистон соли гузашта даҳҳо объекти фарҳангиро ба фурӯш баровардаанд

ДУШАНБЕ, 10 янв – Sputnik. Соли гузашта дар Ӯзбекистон ҳокимияти маҳаллӣ ғайриқонунӣ 24 объекти фарҳангиро фурӯхтааст, хабар медиҳад Podrobno.uz.

Дар ин бора зимни нишасти матбуотӣ дар Тошканд раҳбари Вазорати фарҳанги Ӯзбекистон Озодбек Назарбеков хабар дод.

Ба гуфтаи вай, дар соли 2020 фурӯши ғайриқонунии объекти фарҳангӣ дар минтақаҳои гуногуни Ӯзбекистон сабт шудааст.

Маълум шуд, ки ҳамаи объектҳо қаблан ба тавозуни мақомоти маҳаллӣ дода шуда буданд.

"Аммо дар ниҳоят, онҳо бидуни мувофиқа бо Вазорати фарҳанг фурӯхта шуданд", - гуфт вазир.

Вай афзуд, ки ҳашт объекти фарҳангӣ дар Қарақалпоқистон ва вилояти Сурхондарё, 13 объекти дигар дар вилояти Фарғона ва сеи дигар дар Тошканд ҷойгиранд.

"Қонун дар бораи фаъолияти фарҳангӣ ва созмонҳои фарҳангӣ равобити моро бо дигар идораҳо ва созмонҳо ба таври возеҳ муайян мекунад. Пас аз ин ҳодиса, мавқеи мушаххаси вазорат дар робита ба чунин масъалаҳо муайян мешавад", - таъкид кард вазир.

Ҳамзамон, қаблан  гуфта шуд, ки 12 миллиард сӯм (1,1 миллион доллар) маблағҳои буҷа аз ҷониби Вазорати фарҳанг ғорат карда шуданд ва барои таҷдиди ёдгориҳои фарҳангӣ пул боқӣ намондааст.

159
Барчаспҳо:
фурӯхтан, Вазорати фарҳанг, Ӯзбекистон

“Фасоди ахлоқӣ ва беғайратӣ”: чаро ронандаҳои афғон аз дарёфти рақами 39 худдорӣ мекунанд

1080
(Таҷдидшуда 12:58 16.01.2021)
Ривояте хурофотӣ аз иртибот доштани фасоди ахлоқӣ бо адади 39 боис шуд, ки давлати Афғонистон тасмим бигирад то ин ададро ба сурати комил аз раванди сабти рақами мошинҳо ҳазф кунад

ДУШАНБЕ, 16 январ - Sputnik. Тайи солҳои ахир хурофоте, ки адади 39 - ро намоди “фасоди ахлоқӣ ва беғайратӣ” унвон мекунад, сабаби мушкилоти фаровоне дар Афғонистон шудааст, иттилоъ додааст хабаргузории ИРНА.

Дар Афғонистон мошинҳои дорои рақами 39 афзун бар он ки ба ронандаҳо ба чашми афроди фосид нигоҳ мешавад, ҳангоми харидуфурӯш низ ба далели доштани ин адад дар пилок, як сеюми қиматро аз даст медиҳанд.

Худдории шаҳрвандон аз дарёфти рақами дорои адади 39 фурсатро барои фасод дар идораҳои ронандагӣ дар Афғонистон ба вуҷуд овард, ба тавре ки гоҳе маъмурони судҷӯ ва фосид ба муштариҳое, ки барои гирифтани рақам ба идораи ронандагӣ муроҷиа мекарданд, эълом мекарданд, ки навбати онҳо ба адади 39 расидаву онон маҷбур ҳастанд пилоке бо ин адад бигиранд.

Аммо муштариён аз гирифтани ин навъ рақам худдорӣ кардаву ба маъмурон пешниҳоди ришва мекарданд, ки боиси густариши фасод дар ин идора гардиду аз тарафи дигар осеби ҷиддӣ ба буҷети давлат низ ворид кард.

Акнун давлати Афғонистон тасмим гирифтааст, ки барои ҷилавгирӣ аз фасод ва гирифтани ришва аз муроҷиин дар идораи роҳнамоӣ - ронандагӣ аз рӯзи шанбеи 16 январ адади 39 - ро ба таври комил аз чархаи сабт дар пилокҳои худравҳо ҳазф ва заминаи ришваву фасодро аз байн бибарад.

1080
Барчаспҳо:
ронанда, мошин, рақам, Афғонистон
Юношеская сборная Таджикистана

Як сол инизорӣ: Чемпионати Осиё миёни наврасону ҷавонон лағв шуд

23
(Таҷдидшуда 12:46 16.01.2021)
КФО ин тасмимро бо дарназардошти номуайянӣ ва хавфҳои марбут ба пандемияи COVID-19, ҳифзи саломатӣ ва амнияти иштирокчиён гирифтааст

ДУШАНБЕ, 16 янв – Sputnik. Имсол Чемпионати Осиё миёни наврасону ҷавонон лағв карда шуд, хабар медиҳад Федератсияи футболи Тоҷикистон.

Тибқи қарори Конфедератсияи футболи Осиё (КФО) чемпионатҳои Осиё оид ба футбол миёни наврасон (U-16), ҷавонон (U-19), ҳамчунин Чемпионати Осиё оид ба футзал имсол доир намешаванд. 

"КФО ин тасмимро бо дарназардошти номуайянӣ ва хавфҳои марбут ба пандемияи COVID-19, ҳифзи саломатӣ ва амнияти иштирокчиён гирифтааст. Баҳрайн ва Ӯзбекистон ҳуқуқи мизбонии марҳилаҳои ниҳоии Ҷоми Осиёро байни наврасон (U-17) ва ҷавонон (U-20) дар соли 2023 ҳифз кардаанд", - менависад манбаъ.

Ҳаким Фузайлов сармураббии тими “Динамо”-и Самарқанд шуд

КФО, ҳамчунин Чемпионати Осиё оид ба футзалро, ки мебоист аз 23 март то 3 апрели соли равон дар Кувайт доир мешуд, барҳам дод. Тибқи қарори КФО, Кувайт низ ҳуқуқи баргузор кардани 16-ум Ҷоми Осиё оид ба футзалро дар соли 2022, ки мунтахаби Тоҷикистон низ ширкат мекунад, ҳифз кард.

Чемпионати Осиё-2021 оид ба футзал, ки бояд дар Тайланд доир мегардид, ба соли 2023 гузаронида шуд.

23
Зима в городе Душанбе

Вазорати тандурустӣ: омори шабонарӯзи ахири коронавирус ба сифр баробар аст

0
(Таҷдидшуда 18:21 16.01.2021)
Вазорати тандурустӣ ва ҳифзи иҷтимоии аҳолии Тоҷикистон гузориш додааст, ки шабонарӯзи ахир дар Тоҷикистон ягон нафар ба коронавирус гирифтор нашудааст

ДУШАНБЕ, 16 янв – Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ  ягон ҳодисаи нави гирифторшавии шаҳрвандон ба бемории коронавируси нави COVID-19 ба қайд гирифта нашудааст.

Дар маҷмӯъ то имрӯз, 16 январ дар кишвар 13308 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 13218 нафар ё 99,3% шифо ёфтаанд. Инчунин, 90 нафар бар асари ин беморӣ фавтидаанд.

Қобилҷон Гиёев, собиқ сардухтури Шифохонаи марказии ноҳияи Рашт пештар дар сӯҳбат бо Sputnik Тоҷикстон гуфт, дар COVID – 19 дар Тоҷикистон ҷазояшро дид, аммо набояд ғафлат кард.

Ин пизишке, ки аз замони оғози гирудор бо “вируси корона” бо усули ғайримаъмулии табобаташ мавриди таваҷҷӯҳи расонаҳо қарор дошт, ба Sputnik Тоҷикистон гуфт, пирӯзии мардум ва ҳукумати Тоҷикистон, дар навбати аввал, раҳбарияти вазорати тандурустӣ ва тамоми пизишкони кишвар шароитеро ба вуҷуд овардааст, ки “вируси корона” дигар ба он вусъату паҳно сар боло накунад.

Пас аз бемории коронавирус иммунитети бадан то кай пойдор мемонад?

“Агарчи дар кишварҳои дигари ҷаҳон ин вирус ҳанӯз бедодгарӣ мекунад, дар Тоҷикистон бо сабабҳои комилан маълум шикаст хӯрдааст. Қабл аз ҳама, дар ҷомеа масъунияти умумӣ ба вуҷуд омад, ки густариши ин маризиро батамом кунд кард. Аз сӯи дигар, боду ҳаво, маҳсулоти аз лиҳози экологӣ тоза ва ҳам гум шудани воҳимаву тарси мардум мӯҷиби ин шикаст шудааст”, - гуфт Қобилҷон Гиёев.

0