Первый президент Казахстана – Елбасы Нурсултан Назарбаев прибыл в Алматы

Пешсафии ҳизби “Нур Отан”-и Назарбоев дар интихоботи парлумонии Қазоқистон

84
(Таҷдидшуда 12:14 11.01.2021)
Натиҷаҳои пешакии овоздиҳӣ дар Қазоқистон нишон медиҳад, ки сокинони ин кишвар дар интихоботи парлумонӣ бештар аз ҳама ба ҳизби “Нур Отан” овоз доданд

ДУШАНБЕ, 11 январ - Sputnik. Тибқи назарсанҷӣ, ҳизби ҳокими “Нур Отан” дар интихоботи парлумонии Қазоқистон, ки рӯзи 10 январ баргузор шуд, бо ба даст овардани 71,97 дарсад райъи мардум, пешсаф будааст.

Нурсултон Назарбоев, нахустин раисҷумҳури Қазоқистон ва раиси Ҳизби “Нур Отан” алакай аъзоёни ҳизбашро бо пирӯзӣ дар интихобот табрик кард.

"Натиҷаҳои пешакӣ нишон медиҳанд, ки мардуми Қазоқистон ояндаро бо ҳизби мо мебинанд", - гуфт Назарбоев.

Гуфта шудааст, ки дар интихоботи гузашта ҷои дуюмро Ҳизби демократии "Ак Жол" (Роҳи нӯр) бо 10,18% ва ҷои сеюмро "Ҳизби халқии Қазоқистон" бо 9,03 дарсади овозҳо ишғол намудаанд.

Ҳамин тавр, аз панҷ ҳизбе, ки дар интихоботи парлумонӣ ширкат доштанд, се ҳизб тавонистанд ба парлумон роҳ ёбанд.

Тибқи маълумоти Кумитаи марказии интихоботи Қазоқистон, дар интихоботи парлумонӣ дар соли 2021 беш аз 63 дарсад раъйдиҳандагон ширкат варзиданд.

Қарор аст, комиссияи интихоботӣ натиҷаҳои аввали интихоботро баъд аз зӯҳри имрӯз эълон намояд.

Баъд аз эълони натиҷаи интихоботи парлумонӣ кобинаи вазирони Қазоқистон ба истеъфо меравад ва нозирони байналмилалӣ – ҳайати САҲА ва нозирони ИДМ - дар бораи назорати интихобот нишастҳои матбуотӣ баргузор хоҳанд кард.

Бояд гуфт, ки дар рӯзи овоздиҳӣ дар шаҳри Алмаато як эътироз баргузор шуд, ки ширкаткунандагони он овоздиҳиро ғайриқонунӣ донистанд.

84
Барчаспҳо:
пирӯзӣ, пирӯз, Назарбоев, парлумон, интихобот, Қазоқистон
Линии электропередачи, архивное фото

Туркманистон қимати барқро барои Афғонистон 50 дарсад арзон кард

153
(Таҷдидшуда 16:36 19.01.2021)
Қимати барқи содиротии Туркманистон ба Афғонистон 50 дарсад коҳиш ёфтааст

ДУШАНБЕ, 19 янв – Sputnik.  Дар ҳошияи маросими ифтитоҳи хати интиқоли нерӯ аз шаҳри Каркии Туркманистон ба Шибирғони Афғонистон, ки бо ҳузури маҷозии сарони ду кишвар баргузор шуд, Ашраф Ғанӣ, раисҷумҳурии Афғонистон аз давлати Туркманистон барои коҳиши қимати барқ аз 6 сент ба 3,5 сент қадрдонӣ кард, иттилоъ додааст ИРНА.

"Ин тарҳ таъсири мусбате дар таъмини барқи қобили итминон дар устонҳои шимолии Афғонистон ва беҳбуди авзоъ дар ин минтақа хоҳад дошт ва Ишқобод зерсохтҳои лозимро барои афзоиши масрафи барқ дар Афғонистон фароҳам мекунад", - таъкид доштааст Ашраф Ғанӣ.

Гуфта шудааст, ки бо роҳандозии хати интиқоли 500 киловат, теъдоди афроде ки аз барқ дар Афғонистон истифода мекунанд, ба 9 миллион нафар афзоиш хоҳад ёфт, ки гоме муҳим дар таъмини барқи қобили эътимод дар ин кишвар аст.

Дар марҳалаи аввал, Туркманистон барқи шаҳрҳои Андхӯй, Шибирғон ва Мазори Шарифро таъмин мекунад ва дар марҳалаи дувум то авоили соли 2022 барқро ба Пули Хумрӣ ва Кобул ва сипас бо дастрасии бештар ба шаҳрҳои Покистон хоҳад расонд.

153
Барчаспҳо:
коҳиш, арзон, қиматшавӣ, Туркманистон, Афғонистон
Заслуженный артист Узбекистана и Каракалпакстана Рахматжон Курбонов

Даргузашти шашмақомсарои машҳури Ӯзбекистон Раҳматҷон Қурбонов

97
(Таҷдидшуда 17:56 18.01.2021)
Дар Ӯзбекистон шашмақомхон, ки солҳои дароз раҳбарии ансамбли "Лазги" - машҳур дар ҷаҳонро бар дӯш дошт, аз олам даргузашт

ДУШАНБЕ, 18 янв — Sputnik. Раҳматҷон Қурбонов - шашмақомсарои машҳури Ӯзбекистон, ҳунарманди шоистаи Ӯзбекистон ва Қароқалпакистон даргузашт, хабар медиҳад Вазорати фарҳанги кишвар.

Вазири фарҳанги Ӯзбекистон Озодбек назарбеков ба аҳли хонавода ва ёру дӯстони марҳум изҳори таслият кард. Сабаби даргузашти ҳунарманд гуфта нушдааст.

"Дар робита ба даргузашти Раҳматҷон Қурбонов, директори Филармонияи вилоятии Хоразм, муаллими беназир, яке аз рукнҳои санъати Хоразм, мо ба оила ва дӯстони марҳум таъзияи амиқи худро баён мекунем", - гуфт роҳбари Вазорати фарҳанг.

Қурбонов дар тӯли фаъолияти тӯлонии эҷодӣ на танҳо дар ватани худ, балки берун аз он низ дар байни дӯстдорони санъати классикии ӯзбек сазовори муҳаббати тамошобинон гаштааст.

Курбонов ба забонхои ӯзбеки, точикӣ, озарбойчонй, туркманй ва туркй сурудхо сароидааст. Вай бо эҷоди худ дар рушди санъати сарояндагии миллӣ саҳми сазовор гузошт ва дар тӯли солҳои роҳбарии худ ба ансамбли суруд ва рақси "Лазги" санъати хоразмӣ махсусан дар ҷумҳурӣ ва ҷаҳон паҳн гардид.

Раҳматҷон Қурбонов бо ордени Шарафи Меҳнат мукофотонида шудааст. Шоҳасарҳои мусиқии ӯ, ба мисли сурудҳои "Чоргох", "Талкини Рост", "Катта Сувора", "Чапандози Сувора" ва дигарщо ҳастанд.

Даргузашти ҳунарманди шоистаи Ӯзбекистон Клара Ҷалилова

Дар замонҳои гуногун, Раҳматҷон Қурбонов ба даҳҳо кишвари хориҷӣ, аз ҷумла Ҷопон, Чин, Малайзия, Олмон, Фаронса, Англия, Туркия, Аморати Муттаҳидаи Араб ва Русия тсафарҳои ҳунарӣ доштааст.

97
Барчаспҳо:
шашмақом, Шашмақом, ҳунарманд, Ӯзбекистон, даргузашт
Даст ба дуо, акс аз бойгонӣ

Афзоиши фавти эрониён аз COVID-19

0
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

0
Барчаспҳо:
беморӣ, вируси корона, Эрон