Митинг сторонников бывшего президента Кыргызстана Алмазбека Атамбаева на суде, где рассматривается его уголовное дело

Отамбоев озод мешавад? эътирози ҷонибдорони ӯ назди бинои додгоҳ - навору акс

495
(Таҷдидшуда 15:21 14.01.2021)
Қаблан вакилони Отамбоев хабар дода буданд, ки бинобар бад будани вазъи саломатияш, эҳтимол ӯро аз СИЗО озод ва ба ҳабси хонагӣ фиристанд

ДУШАНБЕ, 14 январ - Sputnik. Ҷонибдорони собиқ кишвардори Қирғизистон, Алмосбек Отамбоев дар назди додгоҳи ноҳияи Первомайский даст ба эътироз заданд.

Онҳо бо шиору овезаҳо раҳоии Отамбоевро талаб доранд.

Мурофиаи ӯ имрӯз бо каме таъхиркорӣ шурӯъ шуд ва вакилони Отамбоев бар ин боваранд, ки ба иллати нохуб будани вазъи саломатияш, ӯро озод кунанд.

  • На суде, где рассматривается уголовное дело бывшего президента Кыргызстана Алмазбека Атамбаева, митингуют его сторонники
    На суде, где рассматривается уголовное дело бывшего президента Кыргызстана Алмазбека Атамбаева, митингуют его сторонники
    © Sputnik / Эркин Садыко
  • Процесс, намеченный на 14:00, начался спустя полчаса. Принято решение, что заседание будет в закрытом режиме. Адвокаты ранее сообщали, что бывшего главу государства могут отпустить под домашний арест из-за плохого состояния здоровья
    Процесс, намеченный на 14:00, начался спустя полчаса. Принято решение, что заседание будет в закрытом режиме. Адвокаты ранее сообщали, что бывшего главу государства могут отпустить под домашний арест из-за плохого состояния здоровья
    © Sputnik / Эркин Садыко
1 / 2
© Sputnik / Эркин Садыко
На суде, где рассматривается уголовное дело бывшего президента Кыргызстана Алмазбека Атамбаева, митингуют его сторонники

Дар пеши биное, ки мурофиаи Отамбоев ҷараён дорад, наздики 50 нафар тарафдорони Отамбоев ба шиорҳо нишастаанд.

Ёдовар мешавем, ки феълан Алмосбек Отамбоев дар колонияи ислоҳии рақами 47 табобат гирифта истодааст. Қаблан вай дар боздоштгоҳи Кумитаи давлатии амнияти миллӣ нигоҳ дошта мешуд.

Тирпаронӣ ба мошини зиреҳпӯши Отамбоев: собиқ президент аз сӯиқасд гуфт-видеоҳо

Собиқ кишвардори Қирғизистон барои  даст доштан дар раҳоии ҷинояткори ашадӣ Азиз Батукаев барои 11 солу 2 моҳ равонаи зиндон шуд. Суди Олӣ ин ҳукмро бекор карда, парванда барои баррасии нав ба Суди ноҳияи Первомайский баргардонида шуд.

495
Барчаспҳо:
тарафдорӣ, суд, мурофиа, Алмосбек Отамбоев
В салоне нового троллейбуса в Душанбе

Расонаҳо: рафтуомади автобус байни Тоҷикистону Ӯзбекистон дубора барқарор мешавад

479
(Таҷдидшуда 19:54 12.01.2021)
Ҳаракати автобусҳои мусофирбарӣ миёни Тошканд, Бухоро, Самарқанд ва Тирмиз бо шаҳрҳои Душанбе ва Хуҷанди Тоҷикистон дубора оғоз мешавад

ДУШАНБЕ, 12 янв — Sputnik. Ҳаракати автобусҳои мусофирбарӣ байни Ӯзбекистон ва Тоҷикистон ба зудӣ барқарор мешавад, гузориш медиҳад "Парс тудэй" дар истинод ба сомонаи "Тоҷ Вик".

Бино бар иттилои манбаъ, Шавкат Мирзиёев, раиси ҷумҳурии Ӯзбекистон ахиран қонуни рушди гардишгарӣ дар ин кишварро имзо кард, ки бар асоси он ин кишвар ба зудӣ рафтуомади автобус бо шаҳрҳои Тоҷикистонро, ки ба далели густариши вируси корона мутаваққиф шуда буд, барқарор мекунад.

Бар асоси ин барнома, ҳаракати автобусҳои мусофирбарӣ миёни Тошканд, Бухоро, Самарқанд ва Тирмиз бо шаҳрҳои Душанбе ва Хуҷанди Тоҷикистон дубора оғоз мешавад.

"Ҳамчунин дар рӯзҳои наздик ҳаракати автобус миёни Ӯзбекистон бо ҷануби Қирғизистон аз тариқи қаламрави вилояти Суғди Тоҷикистон аз сар гирифта хоҳад шуд", - афзудааст манбаъ.

Тасмими Тоҷикистону Ӯзбекистон барои содагардонии интиқоли коло тавассути марз

Ин масири кӯтоҳ имкон медиҳад, ки мусофирон аз шаҳри Тошканд бо убур аз Хуҷанди Тоҷикистон ба маркази вилояти Ӯш, дар ҷануби Қирғизистон мунтақил шаванд.

Ӯзбекистон аз моҳи майи соли 2020 ба далели густариши Ковид -19 ҳаракати васоили нақлиёт дар масирҳои заминӣ бо Тоҷикистону Қирғизистонро мутаваққиф карда буд.

479

Беш аз 18 миллион нафар дар Афғонистон ба кумакҳои башардӯстона ниёз доранд

117
(Таҷдидшуда 12:45 12.01.2021)
Созмони Милал эълом кардааст, ки беш аз 18 миллион нафар дар Афғонистон ба кумакҳои башардӯстона ниёз доранд

ДУШАНБЕ, 12 янв — Sputnik. Дафтари ҳамоҳангии умури башардӯстонаи Созмони Милал (OCHA) бо интишори гузорише эълом кард, ки дар соли ҷорӣ 18 миллиону 400 ҳазор нафар дар Афғонистон ба кумакҳои башардӯстона ниёз доранд, ки ин рақам дар муқоиса бо чаҳор соли қабл шаш баробар зиёд шудааст, иттилоъ додааст сомонаи хабарии “Парстудей” дар истинод ба хабаргузории “Ово”.

Ёфтаҳои ин ниҳод нишон медиҳад, барои ҳифзи ҷони ҳудуди 16 миллион нафар дар Афғонистон ба як миллиарду 300 миллион доллар кумак ниёз аст.

Паёмадҳои чанд даҳа буҳрону ҷанг, вуқуи ҳаводиси табиӣ ва фишорҳои иқтисодиву иҷтимоии ношӣ аз густариши вируси корона сабаби афзоиши шумори ниёзмандон дар Афғонистон шудааст.

Ин дар ҳолест, ки Вазорати умури муҳоҷирони Афғонистон эълом кардааст, ки ба далели афзоиши хушунатҳо хонаводаҳои зиёде дар сӣ вилояти кишвар маҷбур ба тарки манотиқи аслии сукунати худ шудаанд.

Ҳамчунин вазорати давлат дар умури расидагӣ ба ҳаводиси табиӣ эълом кардааст, ки дар натиҷаи ҷангҳои дохилӣ ва шиддати хушунатҳо имсол 45 ҳазор хонавода дар Афғонистон овора шуданд.

117
Барчаспҳо:
ниёзмандон, башардӯстона, кӯмаки башардӯстона, кумак, Афғонистон

Эмгузаронии оммавӣ алайҳи COVID-19 дар Русия оғоз мешавад-навор

0
Дар Русия аз ҳафтаи оянда, эмгузаронии оммавӣ алайҳи коронависрус оғоз мешавад. Президенти Русия, Владимир Путин дар ин бора ҳукумати кишварашро муваззаф кардааст

Раисиҷумҳури Русия зимни дастури эмгузаронии оммавии аҳолӣ таъкид карда буд, ки ваксинаи русӣ алайҳи коронавирус шароити хоси интиқолро талаб намекунад ва зарур хонд, ки инфрасохтори зарурӣ ҳарчӣ зудтар фароҳам шавад.

Ваксинаи “Sputnik V” аллакай дар бисёр кишварҳои ҳамсоя истифода мешавад. Аз ҷумла дар як пойгоҳи низомии Русия дар Арманистон, ҳайати шахсӣ бо ин ваксина эмгузаронӣ шуданд.

Таъкид мешавад, ки дар ваксинагузаронӣ ҳама чиз ихтиёрӣ, бо розигии хаттии ҳайати низомӣ ва ҳам дигар гуруҳи шаҳрвандон сурат мегирад.

Дар Беларус "Sputnik V"-ро аввалин шуда, табибон гирифтанд.  Баъдтар, дар саросари ҷумҳурӣ беш аз 5,5 миллион нафар эм карда мешаванд.

Дар Қазоқистон ваксинагузаронӣ ҳанӯз оғоз нашудааст, аммо дар Караганда истеҳсоли доруи Русия аллакай дар авҷ аст. 

Дар Украина низ ба "Sputnik V" таваҷҷуҳ доранд. Онҳо аллакай ба ҷамъоварии имзоҳо барои сабти ном ва истеҳсоли ваксинаи Русия шурӯъ кардаанд.

Bloomberg самаранокии ваксинаи русии "Спутник V" -ро тасдиқ кард

Барои онҳое, ки имкони эмгузаронӣ ҳанӯз ба даст наомадааст, хабари хуш низ ҳаст: Озмоишҳои иловагии пӯсти тӯс барои пешгирии коронавирус ба анҷом расиданд. Даво аз ҷониби олимони ёқутистонӣ сохта шудааст. Тадқиқотҳо нишон доданд, ки он хавфи бемориҳоро кам мекунад ва инчунин раванди барқарорсозиро осон месозад.

0
Барчаспҳо:
вируси корона, беморӣ, навор, Русия, Русия