Савгандёдкунии Ҷабборов на бо ҳузури элитаи хориҷӣ, балки мардумони оддӣ доир мешавад

890
(Таҷдидшуда 15:08 21.01.2021)
Маросими савгандёдкунии кишвардори тозаинтихоби Қирғизистон Содир Ҷабборов рӯзи 28 январ дар толори филармонияи давлатии он кишвар баргузор мешавад

ДУШАНБЕ, 21 янв— Sputnik. Ҳудуди 70 дарсади меҳмононе, ки ба маросими савгандёдкунии Содир Ҷабборов даъват шудаанд, намояндагони халқ мебошад, хабар медиҳад Суюнбек Қасмамбетов роҳбари кумитаи ташкилоти ин маросим.

“Даъватнома унвонии намояндагони фарҳанг ва элитаи илмӣ ирсол шудааст. Мо асосан дархостҳои штаби президент Ҷабборовро ба инобат гирифтем. Аз ин рӯ, бо дархости онҳо ҳудуди 70 дарсади меҳмононро одамони оддӣ ташкил медиҳанд”, - шарҳ додааст Қасмамбетов.

Ӯ таъкид намуд, ки ба маросими савгандёдкунии кишвардори нави Қирғизистон элитаи хориҷӣ даъват нашудааст. Танҳо роҳбарони намояндагиҳои дипломатии кишварҳои хориҷӣ, аъзои ҳукумати Қирғизистон, Суди Олӣ, Палатаи конститутсионӣ ва мақомоти марказии давлатӣ ҳузур пайдо мекунанд.

Ҳаҷми маблағи маърака

Барои доир шудани маъракаи савгандёдкунӣ 15 миллион сом, муодили 177 ҳазор доллар ихтисос дода шудааст. Ҳоло бошад, аллакай 10 миллион сом (118 ҳазор доллар) масраф шудааст.

Зимнан, чанде пеш Ҳукумати Қирғизистон бо роҳбарии Содир Ҷабборов дубора ба истеъфо рафт.

Коршинос дар бораи зарфиятҳои Ҷабборов барои ҳалли масоили марзӣ бо Тоҷикистон

Ин тасмимро кабинаи вазирони Қирғизистон дар робита ба эълони натиҷаҳои интихоботи президентӣ гирифтааст.

Ҷабборов дар ҷараёни тазоҳуротҳо, ки пас аз интихоботи парлумонии моҳи октябр сар зада буд, нахуствазир интихоб шуд ва номзадии худро ба мақоми раисҷумҳурӣ пешниҳод кард ва бо ба даст овардани раъйи бештари интихобкунандагон кишвардори Қирғизистон баргузида шуд.

890
Барчаспҳо:
президент, маросими савгандёдкунӣ, Қирғизистон
Вакцина

Оғози озмоиши инсонии дувумин ваксинаи эронӣ бар зидди коронавирус

35
(Таҷдидшуда 18:43 02.03.2021)
Озмоиши инсонии ваксинаи зидди коронаи тавлиди ширкати Розии Эрони мавсӯм ба "Розӣ Куу Порс" оғоз шуд

ДУШАНБЕ, 2 мар — Sputnik.  Ваксинаи ширкати Розӣ, ки нахустин ваксинаи тазриқӣ - истиншоқии корона аст, рӯзи якшанбе бо тазриқи марҳалаи аввали озмоиши инсонӣ ба ду довталаб оғоз шуд, иттилоъ додааст Садои Хуросон.

Бино бар иттилои манбаъ, Муҳаммадҳасани Фаллоҳии Меҳрободӣ, муовини таҳқиқоту фанноварии муассисаи таҳқиқотии Розӣ дар ин маросим шумори довталабони марҳалаи аввали озмоиши инсонии ин ваксинаро 133 нафар эълом кард ва гуфт, ки 13 нафар дар гурӯҳи аввал ва бақия ҳам дар чаҳор гурӯҳи 30 нафараи вориди ин тарҳи мутолиъотӣ хоҳанд шуд.

Гуфта шудааст, ки ваксинаи "Розӣ Куу Порс"  мутобиқ бо дастуруламали Созмони ҷаҳонии беҳдошт тавлид шудааст.

Ёдрас мешавем, ки чанде пеш дар Эрон бо дастури Ҳасани Рӯҳонӣ, раисҷумҳурии ин кишвар эмгузаронии сартосарӣ бар зидди коронавирус бо истифода аз ваксинаи "Спутник V" - и сохти Русия оғоз шуд.

Киёнуши Ҷаҳонпур, сухангӯи Созмони ғизо ва доруи Вазорати беҳдошт, дармон ва омӯзиши пизишкии Эрон дар маросими оғози ваксинатсияи корона дар Эрон гуфт, ки нахустин ҳазор нафар бо ваксинаи русӣ эмгузаронӣ шуданд ва сипас бо тавваҷуҳ ба арзёбии муҷаддад ин кор афзоиш меёбад то ба ҳадди аксар бирасад, иттилоъ додааст хабаргузории ИРНА.

Вай изофа кард, эмгузаронии умумӣ ва ҳамагонӣ бар зидди вируси корона дар Эрон соли 2021 такмил мешавад ва "умедворем ҷузви аввалин кишварҳое бошем, ки ваксинатсияи умумиро ба итмом мерасонад".

Нахусти маҳмӯлаи ваксинаи русӣ бар зидди вируси корона мавсӯм ба "Спутник V" рӯзи панҷшанбе ба Эрон ирсол шуд.

Ваксинаи русии "Спутник-V" дар беш аз 20 кишвар аз ҷумлаи Эрон сабт шудааст.

35
Барчаспҳо:
озмоишгоҳ, тавлид, ваксина, Эрон
Новоизбранный премьер-министр Садыр Жапаров

Дар Қирғизистон номзадии Содир Ҷабборовро ба ҷоизаи Нобел пешбарӣ карданиянд

409
(Таҷдидшуда 14:22 01.03.2021)
Тарафдорони президент Қирғизистон Содир Ҷабборов мехоҳанд ӯро ба ҷоизаи сулҳи Нобел пешбарӣ кунанд

ДУШАНБЕ, 1 мар — Sputnik. Ин пешниҳодро узви ҳизби "Мекенчил", собиқ вакили парлумон Нуъмонҷон Аркабаев пешниҳод кардааст.

Ба гуфтаи ӯ, Содир Ҷабборов 15 сол аст, ки бо вуҷуди таъқибот ва мушкилоти зиндагӣ барои волоияти қонун дар кишвар ва ҳифзи ҳуқуқи инсон мубориза мебарад.

"Замоне ба президенти Африқои Ҷанубӣ Нелсон Мандела барои он мукофот дода шуд, ки тамоми ҳаёти худро ба ҳимояи ҳуқуқи инсон бахшидааст. Содир Ҷабборов инчунин барои фаъолияти пурсамар дар ҳимояи ҳуқуқи инсон сазовори ҷоизаи Нобел аст", - гуфт Нуъмонҷон Аркабаев.

Ёдовар мешавем зиндонии собиқ Ҷабборов пас аз гирдиҳамоиҳои сиёсӣ дар Қирғизистон баъди интихоботи парлумонӣ, ки санаи 4 октябри 2020 баргузор шуд, ба қудрат расид. 

Пас аз эълони натиҷаҳои интихоботи парлумонӣ, дар Бишкек эътирозҳои тарафдорони ҳизбҳое, ки ба парлумон роҳ наёфтанд, оғоз ёфт. Баъдтар, Кумисюни марказии интихоботи Қирғизистон интихоботи гузаштаро беэътибор донист ва овоздиҳии нав эълон кард ва Сооронбой Жээнбеков истеъфо дод.

Дархости Ҷабборов аз мансабдорон: "акси маро дар ҳуҷраҳои корӣ наовезед"

Дар пайи истеъфои Сооронбой Жээнбеков Ҷабборов моҳи декабр сарвазир таъин шуд ва рӯзи 10 январи соли ҷорӣ дар пайи интихоботи фаврии президентӣ бо ба даст овардани 79 дарсади раъйи интихобкунандагон барандаи ин маъракаи сиёсӣ эълон шуд.

409
Барчаспҳо:
Ҷоизаи Нобел, Қирғизистон, Содир Ҷабборов
День 3 марта

Зодрӯзи Акашариф Ҷӯраев ва нахустин пирӯзии Майк Тайсон: имрӯзи таърих

0
(Таҷдидшуда 14:30 02.03.2021)
Рӯзи 3 март Рӯзи байналмилалии табиати ёбоӣ, Рӯзи байналмилалии нависанда буда дар Қирғизистон – Рӯзи парчами давлатӣ ва дар Судон – Рӯзи ваҳдати миллӣ мебошад

Рӯзи 3 март дар ҷаҳон чӣ рух дод

Соли 1842 дар ИМА аввалин маротиба дар таърихи ҷаҳон қонун дар бораи танзими меҳнати кӯдакон қабул карда шуд.

День 2 марта
© Sputnik/ Стас Этвеш/ Мария Вишнякова

Соли 1973 Конвенсия оид ба савдои байналмилалии намудҳои ҳайвоноти ваҳшӣ ва набототи ёбоии зери хатари нобудшавӣ қарордошта қабул гардид.

Соли 1987 боксёри машҳури америкоӣ Майк Тайсон аввалин маротиба унвони чемпиони ҷаҳонро ба даст овард.

Соли 1991 дар Латвия ва Эстония раъйпурсии умумихалқӣ баргузор гардид, ки дар он аксарияти аҳолӣ барои баромадан аз ҳайати Иттиҳоди Шӯравӣ овоз доданд.

Рӯзи 3 март дар Тоҷикистон чӣ рух дод

Соли 1992 миёни Ҷумҳурии Тоҷикистон ва Ҷумҳурии Фаронса муносиботи дипломатӣ барқарор карда шуданд.

Соли 2009  Президенти Тоҷикистон Эмомалӣ Раҳмон фармон ба имзо расониданд, ки тибқи он Муассисаи давлатии таълимии «Донишкадаи исломии Тоҷикистон» ба Муассисаи давлатии таълимии «Донишкадаи исломии Тоҷикистон ба номи Имоми Аъзам» тағйири ном кард.

Соли 2010 ФИФА рӯйхати нави раддабандии худро нашр намуд. Дар раддабандии мазкур дастаи мунтахаби Тоҷикистон  20 зина боло рафта, беҳтарин ҳисобида шуд ва мақоми 128-умро ишғол кард.

Соли 2010 дар ноҳияи Ёвон  бо иштироки Эмомалӣ Раҳмон корхонаи саноатии истеҳсоли борхалтаҳо ба кор дароварда шуд, ки дар як сол метавонад то 10 миллион борхалта барои гирифтани орд, ғалла, намак ва дигар ашёи рўзгор истеҳсол намояд.

Соли 2014 дар шаҳри Душанбе ҷаласаи муштараки  навбатии ҳайатҳои ҳукуматии  Ҷумҳурии Тоҷикистон ва Ҷумҳурии Қирғизистон баргузор гардид.

Соли 2017 Эмомалӣ Раҳмон ба муносибати 25-умин солгарди барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Фаронса ба Президенти ин кишвар Франсуа Жерар Жорж Олланд барқияи табрикӣ ирсол намуд, ки дар он, аз ҷумла, омадааст: "Мо аз он қаноатмандем, ки тӯли ин солҳо муносибатҳои байнидавлатӣ ва ҳамкории гуногунарсаи судманди кишварҳоямон ба таври муассир густариш ёфта, тобишҳои ҷадиду созанда пайдо кардаанд. Тоҷикистон густариши ҳамкориро бо Франсия яке аз самтҳои афзалиятноки сиёсати хориҷии худ медонад".

Ҷашнҳои рӯзи 3 март

  • Рӯзи байналмилалии табиати ёбоӣ.
  • Рӯзи байналмилалии нависанда.
  • Дар Қирғизистон – Рӯзи парчами давлатӣ.
  • Дар Судон – Рӯзи ваҳдати миллӣ.

Рӯзи 3 март дар Тоҷикистон кӣ таваллуд шуд

Соли 1894 — Акашариф Ҷӯраев, ҳофизи мардумии Тоҷикистон. 

Соли 1919 — Александр Усенко, шоири русзабони Тоҷикистон. 

Соли 1940 — Баҳром Сироҷев, собиқадори соҳаи энерджии Русия.

0
Барчаспҳо:
таърих, барои имрӯз, ҷашн, Тоҷикистон
Мавзуъ
Истеҳсоли "Фолксваген" ва шомил шуданиТоҷикистон ба САҲА: имрӯзи таърих
110 сол пеш Тоҷикистонро заминҷунбии шадид ларзонду кӯли Сарез пайдо шуд: имрӯзи таърих
Мавлуди Гул Шералӣ ва ихтирои нахустин лифти электрикӣ: имрӯзи таърих
Дар Украина ҳукм қатл бекор ва дар Тоҷикистон афсарон соҳиби хона шуданд: имрӯзи таърих
Тоҷикистон ба узвияти СММ пайваст: имрӯзи таърих