Строящееся правительственное здание в Кабуле

Ҷанҷоли кабку бедона дар дастгоҳи раёсати ҷумҳурии Афғонистон

207
(Таҷдидшуда 14:46 30.01.2021)
Дар Афғонистон нашр шудани хабар дар бораи харидории 18 навъи гӯшт танҳо барои ниҳодҳои марбут ба раёсати ҷумҳурии Афғонистон ғавғоеро хезонд

ДУШАНБЕ, 30 янв — Sputnik. Расонаҳои Афғонистон чанд рӯзи ахир аст, ки дар бораи "Ҷанҷоли кабку бедона дар дастгоҳи раёсати ҷумҳурии Афғонистон" гузоришҳо медиҳанд.

Бино ба иттилои манобеъ, хабари як намояндаи парлумон дар бораи он ки дар кишвар танҳо барои идораҳои марбут ба раёсати ҷумҳурӣ 18 навъи гӯшт, аз гӯшти бедона то кабкро харидорӣ мекунанд, ҷанҷолеро барпо кардааст.

Тавре "Парс тудэй" менависад, Хон Оқои Ризоӣ намояндаи порлумони Афғонистон дар бораи қарордоди хариди 18 навъи гӯшт барои ниҳодҳои марбут ба раёсати ҷумҳурии Афғонистон хабар дод ва аснодеро низ дар ин маврид нашр кард.

Санаде, ки намояндаи Кобул дар маҷлиси намояндагони Афғонистон дар сафҳаи Твиттериаш мунташир карда нишон медиҳад, ки пешниҳоди хариди 18 навъи гӯшт ба арзиши ҳаддиақали 63 миллиону 940 ҳазор афғонӣ ( ҳудуди 500 ҳазор доллар ) барои раёсати идораи умури раёсати и ҷумҳурии Афғонистон, дар торихи 1399/9/29 ( 19 декабри 2020 ) барои таъйид ба идораи тадорукоти миллии ин кишвар фиристода шудааст.

Бар асоси ин санади ширкати довталаб барои ин қарордод ҳаддиақал 67 миллион афғонӣ ва ҳаддиаксар 81 миллион афғонӣ қимат пешниҳод кардааст.

Идораи умури раёсати ҷумҳурии Афғонистони пеш аз ин бо радди иддаои харидории 18 навъи гӯшт гуфта, ки маҷмӯи ҳазинаи сабзиҷоти харидорӣ шуда дар соли 1399 хуршедӣ ҳудуди 60 миллион афғонӣ ( 800 ҳазор доллар ) будааст, ки барои ҳазорон корманд дар даҳҳо идораи давлатии Афғонистон, аз ҷумла раёсати ҷумҳурӣ, шӯрои мусолиҳа ва дафтари Ҳомид Карзай раиси ҷумҳури пешин харидорӣ шудааст.

Ду Президенти як давлат ба тавофуқ расиданд: буҳрони сиёсии Афғонистон хотима меёбад?

Бо тавваҷӯҳ ба вазъияти иқтисодии номусоид ағлаби мардуми Афғонистон, ин хабари вокунишҳои бисёр манфии ононро дар пай доштааст.

207
Новоизбранный премьер-министр Садыр Жапаров

Дар Қирғизистон номзадии Содир Ҷабборовро ба ҷоизаи Нобел пешбарӣ карданиянд

398
(Таҷдидшуда 14:22 01.03.2021)
Тарафдорони президент Қирғизистон Содир Ҷабборов мехоҳанд ӯро ба ҷоизаи сулҳи Нобел пешбарӣ кунанд

ДУШАНБЕ, 1 мар — Sputnik. Ин пешниҳодро узви ҳизби "Мекенчил", собиқ вакили парлумон Нуъмонҷон Аркабаев пешниҳод кардааст.

Ба гуфтаи ӯ, Содир Ҷабборов 15 сол аст, ки бо вуҷуди таъқибот ва мушкилоти зиндагӣ барои волоияти қонун дар кишвар ва ҳифзи ҳуқуқи инсон мубориза мебарад.

"Замоне ба президенти Африқои Ҷанубӣ Нелсон Мандела барои он мукофот дода шуд, ки тамоми ҳаёти худро ба ҳимояи ҳуқуқи инсон бахшидааст. Содир Ҷабборов инчунин барои фаъолияти пурсамар дар ҳимояи ҳуқуқи инсон сазовори ҷоизаи Нобел аст", - гуфт Нуъмонҷон Аркабаев.

Ёдовар мешавем зиндонии собиқ Ҷабборов пас аз гирдиҳамоиҳои сиёсӣ дар Қирғизистон баъди интихоботи парлумонӣ, ки санаи 4 октябри 2020 баргузор шуд, ба қудрат расид. 

Пас аз эълони натиҷаҳои интихоботи парлумонӣ, дар Бишкек эътирозҳои тарафдорони ҳизбҳое, ки ба парлумон роҳ наёфтанд, оғоз ёфт. Баъдтар, Кумисюни марказии интихоботи Қирғизистон интихоботи гузаштаро беэътибор донист ва овоздиҳии нав эълон кард ва Сооронбой Жээнбеков истеъфо дод.

Дархости Ҷабборов аз мансабдорон: "акси маро дар ҳуҷраҳои корӣ наовезед"

Дар пайи истеъфои Сооронбой Жээнбеков Ҷабборов моҳи декабр сарвазир таъин шуд ва рӯзи 10 январи соли ҷорӣ дар пайи интихоботи фаврии президентӣ бо ба даст овардани 79 дарсади раъйи интихобкунандагон барандаи ин маъракаи сиёсӣ эълон шуд.

398
Барчаспҳо:
Ҷоизаи Нобел, Қирғизистон, Содир Ҷабборов
Президент Туркменистана Гурбангулы Бердымухамедов, архивное фото

Ашқободҷон ё Пойтахтҷон: Бердимуҳаммадов ба навзодҳо ном мегузорад

468
Қурбонгулӣ Бердимуҳаммедов, раисҷумҳури Туркманистон феҳристе аз номҳои духтар ва писарро барои навзодҳо пешниҳод кардааст

ДУШАНБЕ, 27 фев — Sputnik. Қурбонгулӣ Бердимуҳаммадов ба навзодҳо ном мегузорад.

Тавре "Парс тудей" менависад, раисиҷумҳури Туркманистон барои навзодоне, ки қарор аст 25 майи соли 2021 ва дар 140-умин соли таъсиси Ашқобод мутаваллид шаванд, феҳристе аз номҳоеро пешниҳод кардааст.

 Туркманистон рӯзи шанбе Комиссиюни вижаи давлатиро барои созмондиҳии ин маросим эҷод кард ва Қурбонгулӣ Бердимуҳаммедов, раисиҷумҳури ин кишвар низ феҳристе аз номҳои духтар ва писарро барои хонаводаҳое, ки фарзандонашон 25 май ва ҳамзамон бо солгарди таъсиси Ашқобод (Aşgabat) мутаваллид мешаванд, пешниҳод кардааст.

"Раисиҷумҳури Туркманистон гуфта, ки ин иқдоми намодин аст, ки исми писари нахусти хонаводаро, ки 25 майи соли 2021 мутаваллид мешавад "Пойтахт" ё "Ашқобод" ва исми духтари нахустро ҳам " Марҷон" ё "Мая" бигузоранд", - менависад манбаъ.

Раисиҷумҳури Туркманистон ҳамчунин дастур додааст то ҳадяҳое барои ин навзодон, ки дар 25 моҳи май мутаваллид мешаванд, таҳия шавад.

Петар хабар дода шуд, ки раисиҷумҳури Туркманистон, Қурбонгулӣ Бердимуҳаммадов писарашро ба симмати муовини сарвазир таъйин кард.

Сардор Бердимуҳаммадов ба вазифаи муовини сарвазир ва раиси Палатаи олии назорат таъйин гардид. Гузашта аз ин, узви Шӯрои амнияти миллӣ низ интихоб шуд.

"Дунёи маънавии туркманҳо": нашри китоби дигари Бердимуҳаммадов, раҳбари Туркманистон

Кишвардори Туркманистон гуфтаст, ки тасмим гирифт, ба кабинаи вазирон боз як вазифаи муовини раисро ворид кунад. Ба гуфтаи ӯ, муовини нави раиси ҳукумат, Палатаи олии назоратро низ сарварӣ карда, узви Шӯрои амният хоҳад буд.

Вазифаҳои муовини сарвазир, рақамисозӣ ва ҷорӣ намудани технологияҳои инноватсионӣ дар системаи ташкилотҳои давлатӣ ва ҷамъиятӣ, тандурустӣ, маориф, молия ва иқтисодро дарбар мегиранд.

Ҳамзамон, Сардор Бердимуҳаммадов аз вазифаи вазири саноат ва истеҳсолоти сохтмон озод карда шуд.

468
Барчаспҳо:
номгузорӣ, навзод, Қурбонқулӣ Бердимуҳаммадов, Туркманистон
Церемония открытия учений Центр-2019

Покистон: мо ҳамаи ихтилофот бо Ҳиндро ҳал мекунем

0
(Таҷдидшуда 15:14 02.03.2021)
Вазири умури хориҷаи Покистон аз тасмими ин кишвар барои ҳаллу фасли тамоми ихтилофот ва танишҳову масоили дуҷониба бо Ҳинд хабар дод

ДУШАНБЕ, 2 мар — Sputnik. Ба нақл аз хабаргузории "Форс", Шоҳмаҳмуди Қурайшӣ, вазири умури хориҷаи Покистон гуфт: Мо мехоҳем ҳамаи масоилро бо Ҳинд аз тариқи гуфтугӯи сулҳомез ҳал кунем.

Вай изофа кард, ки Покистон мехоҳад мутобиқ бо қатъномаҳои Шӯрои амнияти Созмони Милал бо Ҳинд дар мавриди масъалаи Кашмир гуфтугӯ кунад, аммо мо наметавонем аз мавзӯи ҳуқуқи башари кашмириҳо чашмпӯшӣ кунем.

Қурайшӣ ёдовар шуд, ки Покистон қасди ҳуҷум надорад, аммо агар ҳодисаи Болокут такрор шавад, медонад чӣ гуна аз худ дифоъ кунад.

Ба гуфтаи вазири умури хориҷаи Покистон, Ҳинд 26 феврали 2019 аз марзҳои Покистон убур ва Болокутро бомбаборон кард то ба ҷаҳониён бигӯяд, ба як урдӯгоҳи шибҳинизомиён ҳамла кардаву ҳудуди 300 террористро куштааст. Аммо имрӯз ба ҷаҳон собит шудааст, ки ҳеч урдӯгоҳе аз шибҳинизомиён дар он ҷо набуда ва ҳеч террористе дар онҷо кушта нашудааст.

Қурайшӣ таъкид кард, ки Покистон дунболи ташдиди танишҳо нестем, аммо мехоҳем ба ҷаҳониён собит кунем, ки қодир ба муҳофизат аз худ ҳастем.

0
Барчаспҳо:
таниш, ихтилофот, мушкилот, Покистон, Ҳинд