Гулчанбаргузории Шавкат Мирзиёев бар пойи муҷассамаи Ислом Каримов

Зодрӯзи Ислом Каримов: Мирзиёев бар пояи муҷассамаи ӯ гулчанбар гузошт

365
(Таҷдидшуда 15:09 30.01.2021)
Дар ин маросим намояндагони дастгоҳи президент, аъзои парлумон ва ҳукумат, аҳли илму фарҳанг, ҳамсари президенти аввал - Татяна Каримова ширкат карданд

ДУШАНБЕ, 30 янв — Sputnik. Агар умр вафо мекард, имрӯз президенти нахустини Ӯзбекистон Ислом Каримов 83-сола мешуд.

Шавкат Мирзиёев ба ифтихори ин сана хотири Ислом Каримовро гиромӣ дошта, ба пояи муҷассамаи ӯ дар Тошканд гулчанбар гузошт. Дар ин бора котиботи раисиҷумҳури Ӯзбекистон хабар медиҳад.

Дар ин маросим ояҳо аз Қуръони Карим қироат шудаву барои солҳои хидмат ба ватан ва мардум аз Ислом Каримов сипосгузорӣ карда шуд. Ҳозирин садоқати ӯро ба идея ва эътимод ба ояндаи бузурги Ватани худро қайд карданд.

Дар ин маросим намояндагони дастгоҳи президент, аъзои парлумон ва ҳукумат, аҳли илм ва фарҳанг, зиёиёни эҷодкор, ҳамсари президенти аввал - Татяна Каримова ширкат варзиданд.

Гулҳои тару тоза имрӯз ба пояи муҷассамаҳои Ислом Каримов дар Самарқанд ва Қаршӣ низ гузошта шуданд.

Моҳи ноябри соли 2018 Бунёди Ислом Каримов хотираҳои ҳамсари президенти аввали Ӯзбекистонро дар бораи кӯдакии Ислом Каримовро нашр кард.

Ба гуфтаи Татяна Акбаровна, ӯ дар овони кӯдакӣ нархи нони ба даст овардаро мефаҳмид. Пас аз ҷанг ҳама хеле сахт зиндагӣ мекарданд. Оилаашон камбизоат ва оддӣ буд, ки дар қисмати қадимаи шаҳри Самарқанд зиндагӣ мекард.

Ислом Абдуғаниевич ҳангоми ба мактаб рафтан забони русиро намедонист, аммо ба туфайли хислат, истодагарӣ ва азми қавӣ мактабро бо омӯзиши амиқи забони русӣ бо медали тилло хатм кард.

365
Барчаспҳо:
гулчанбаргузорӣ, Ӯзбекистон, Ислом Каримов, Шавкат Мирзиёев
Эмомали Рахмон и Шавкат Мирзиёев в Самарканде

Самарқанд ва Саратов бародаршаҳр шуданд

51
(Таҷдидшуда 10:13 04.03.2021)
Шаҳрдори Самарқанд ва муовини шаҳрдори Саратови Русия дар мавриди барқарории равобити бародаршаҳрӣ қарордоди ҳамкорӣ имзо карданд

ДУШАНБЕ, 4 мар — Sputnik. Ба гузориши хабаргузории “Форс”, Бобурмирзо Облоқулов, шаҳрдори Самарқанд ва Алексей Никитин, муовини иқтисодии шаҳрдори Саратови Русия дар мавриди барқарории равобити бародархондагӣ қарордоди ҳамкорӣ имзо карданд.

Гуфта шудааст, ки дар қарордоди мазкур ҷалби сармоягузор, иҷрои тарҳҳои муштараки сармоягузорӣ, ҳимоят аз ҳамкориҳои мутақобили байни созмонҳои омӯзишии шаҳрҳо ва ҳамчунин заминаҳои фарҳангиву гардишгарӣ мавриди тавваҷуҳ қарор гирифтааст.

Пешниҳоди Панҷакенту Самарқанд барои сабт дар феҳристи ЮНЕСКО

Дар ин қарордод ду тараф ҳамчунин барои рафъи муштараки паёмадҳои ҳамагирии корона низ ба тавофуқ расиданд.

Қайд карда шудааст, ки дар вилояти Саратови Русия беш аз 3 ҳазор нафар ва дар шаҳри Саратов беш аз 1100 шаҳрванди Ӯзбакистон иқомат мекунад.

51
Барчаспҳо:
равобит, бародаршаҳрӣ, бародаршаҳр, вилояти Саратови Русия, Самарқанд
Линии электропередачи, архивное фото

Шабакаи барқи Эрон, Русия ва Озарбойҷон ба ҳам мепайвандад

134
(Таҷдидшуда 13:31 03.03.2021)
Сафири Эрон дар Озарбойҷон эълон кард тавофуқ шудааст, ки то ба зудӣ шабакаи барқи Эрон, Озарбойҷон ва Русия ба якдигар пайваст шаванд

ДУШАНБЕ, 3 мар — Sputnik. Саидаббоси Мусавӣ дар мусоҳиба бо хабаргузории  Trend гуфтааст, ки бо муттасил шудани шабакаи барқи Эрон, Озарбойҷон ва Русия имкони баҳрабардорӣ аз барқи афзун бар ниёзи ин кишварҳо барои тарафҳои дигар фароҳам мешавад, иттилоъ додааст радиои тоҷикии Садои Хуросон.

Сафири Эрон дар Озарбойҷон ҳамчунин бо ибрози норизоятӣ аз ҳаҷми 500 миллион доллари равобити тиҷории ду кишвар гуфт: “Муътақидам бо ҳамкориҳои наздик ва иҷрои проектҳои муштараки бештар, қодир хоҳем буд то ҳаҷми равобитро то 5 миллиард доллар афзоиш диҳем” .

Мусавӣ ҳамчунин гуфт, ки Эрон ба унвони ҳамсояи Озарбойҷон, аз фурсатҳои зиёде бархӯрдор аст ва метавонад ба давлат ва мардуми ин кишвар дар заминаи бозсозии Қарабоғ кӯмак кунад.

134
Барчаспҳо:
энергетика, барқ, Русия, Эрон
Люди в медицинских масках на автобусной астановке в Душанбе

Вазорати тандурустӣ: вазъи санитарию эпидемиологӣ дар Тоҷикистон муътадил аст

0
(Таҷдидшуда 10:02 04.03.2021)
Тибқи таҳлилҳои ситоди вазорат тандурустӣ, айни замон вазъи санитарию эпидемиологӣ дар Тоҷикистон муътадил мебошад

ДУШАНБЕ, 4 мар — Sputnik. Ахиран вазорати тандурустии кишвар эълон доштааст, новобаста аз он, ки аз 10 январи соли 2021 дар Тоҷикистон ягон ҳодисаи  нави гирифторшавии шаҳрвандон ба бемории COVID-19 ба қайд гирифта нашудааст, ҷаласаи Ситоди Вазорати тандурустӣ ва ҳифзи иҷтимоии аҳолии Тоҷикистон доир ба пешгирӣ ва табобати бемории COVID-19 ҳамарӯза дар ду марҳила, субҳ ва шом барои таҳлили вазъи санитарию эпидемиологии кишвар ва баррасии дигар масъалаҳои соҳа ба тариқи онлайн доир мегардад.

Тибқи иттилои дафтари матбуоти вазорати тандурустӣ дар ин ҷаласа вазир, муовинони вазир,  сардорони як қатор раёсатҳои зерсохтори вазорат, сардорони раёсатҳои тандурустии шаҳри Душанбе, ВМКБ, вилоятҳои Хатлону Суғд, роҳбарони муассисаҳои тандурустии шаҳру ноҳияҳои кишвар иштирок менамоянд.

Гуфта шудааст, ки дар ҷаласаҳои ситоди вазорат пеш аз ҳама масъалаҳои гардоишҳои хонагӣ, назорати шаҳрвандоне, ки аз хориҷ ба Тоҷикистон ворид мешаванд, вазъи нигоҳубини занони ҳомила, иммунизатсиякунонӣ, вусъати корҳои ободониву созандагӣ ба истиқболи ҷашни бузурги миллӣ-30-солагии Истиқлолияти давлатии Тоҷикистон ва дигар масъалаҳо таҳлилу баррасӣ қарор дода мешаванд.

Махсусан, зимни ҷаласаҳои ситоди вазорат роҳбарони КАТС-и шаҳру ноҳияҳои мамлакат доир ба натиҷаи гаштҳои хонагӣ, вазъи саломатии шаҳрвандони аз хориҷи кишвар воридшуда ба роҳбарияти вазорат ҳисобот пешниҳод менамоянд.

Тавре аз таҳлилҳои ҷаласаҳои ситоди вазорат бармеояд, хушбахтона, айни замон вазъи санитарию эпидемиологӣ дар кишвар муътадил мебошад.

0
Барчаспҳо:
муътадил, вазъ, тандурустӣ, вазорат, вируси корона, Тоҷикистон