Новоизбранный премьер-министр Садыр Жапаров

Тошканд президенти тозаинтихоби Қирғизистонро ба Ӯзбекистон даъват кард

187
(Таҷдидшуда 09:34 07.02.2021)
Ҳукумати Қирғизистон гуфт, ки кишвар "муносибатҳои барқароршудаи воқеан бародаронаро, ки ба эътимоди тарафайн асос ёфтаанд, қадр мекунад ва омодааст шарикии стратегиро бо Ӯзбекистон минбаъд низ фаъолона рушд диҳад".

ДУШАНБЕ, 7 фев — Sputnik. Сарвазири Ӯзбекистон Абдулло Арипов Президенти нави Қирғизистон Содир Ҷабборовро барои боздид аз ин кишвар даъват кард.

Дар ин бора  РИА Новости  бо такя ба хадамоти матбуоти ҳукумати Қирғизистон иттилоъ додааст.

Қаблан роҳбари он Улукбек Марипов ҳангоми сафари корӣ ба Алмаато бо Арипов дар ҷаласаи Шӯрои байниҳукуматии АвруОсиё мулоқот карда буд.

Ҷонибҳо "доираи васеи масъалаҳои ҳамкориҳои дуҷонибаро дар соҳаҳои тиҷоративу иқтисодӣ, сармоягузорӣ, кишоварзӣ, фарҳангӣ, гуманитарӣ, обу энергетикӣ ва нақлиёт",- баррасӣ карданд.

"Дар мулоқот cарвазири Ӯзбекистон Абдулло Арипов даъватномаро ба президенти Қирғизистон барои ташриф ба Ҷумҳурии Ӯзбекистон расонид", - гуфтаанд дар хадамоти матбуот.

Ҳарду кишвар инчунин омодагии худро барои татбиқи лоиҳаҳои муштарак изҳор намуда, зарурати тақвияти корҳоро барои ба анҷом расонидани бақайдгирии қонунии қитъаҳои боқимондаи сарҳади давлатии Қирғизистон ва Узбекистон таъкид карданд.

Дар ҳоли ҳозир, тақрибан 92% дарозии марз муаян буда, 85% ба созишномаи асосии делимитатсия дохил карда шудааст.

Тақрибан даҳ қитъа то ҳол баҳснок боқӣ мондаанд, зеро ҳеҷ кадоме аз тарафҳо дар бораи табодули воҳидҳои ҳудудӣ байни худ суҳбат намекунанд.

187
Барчаспҳо:
ҳамкорӣ, даъват, Қирғизистон, Ӯзбекистон
Самолет компании Сомон Эйр, архивное фото

Рӯзи барқароршавии парвозҳо байни Тоҷикистону Қазоқистон маълум шуд

44
(Таҷдидшуда 20:26 04.03.2021)
Қазоқистон санаи барқарор шудани парвозҳои мунтазам байни Душанбе ва Алмааторо эълон кард. Парвозҳоро ширкати "Эйр Астана" ва "Сомон Эйр" анҷом медиҳанд

ДУШАНБЕ, 4 мар — Sputnik. Қазоқистон санаи азсаргирии парвозҳои мунтазам аз Алмаато ба Душанберо эълон кард.

Тибқи иттилои хадамоти матбуоти Вазорати саноат ва рушди инфрасохтори ҷумҳурӣ, аз 14 марти соли 2021 ширкати "Эйр Астана" ба нақша гирифтааст, ки парвозҳои мунтазамро байни пойтахтҳои Қазоқистон ва Тоҷикистон оғоз кунад.

Ин тасмим бар асоси вазъи эпидемиологии коронавирус дар Тоҷикистон ва Қазоқистон гирифта шудааст. Парвозҳо дар масири Алмаато - Душанбе - Алмаато ҳафтае як маротиба анҷом меёбанд. Тибқи ҷадвал, парвоз рӯзҳои якшанбе сурат мегирад", - омадааст дар хабари вазорати Қазоқистон.

Қарор аст, аз ҷониби Тоҷикистон парвози аввал рӯзи 18 март сурат гирад. Парвозҳо ҳафтае як маротиба рӯзҳои панҷшанбе анҷом дода мешаванд. Ин масирро ширкати миллии "Сомон Эйр" иҷро мекунад.

Раиси фурудгоҳи Внуково гуфт, кай парвозҳо миёни Тоҷикистону Русия барқарор мешавад

Ёдовар мешавем, ки Тоҷикистон аз 20 марти соли гузашта бинобар пандемияи коронавирус парвози мунтазамро бо тамоми кишварҳо қатъ карда буд.

Истисноҳо парвозҳои махсус барои шаҳрвандони ҷумҳурӣ буданд.

44
Барчаспҳо:
парвоз, Қазоқистон, Тоҷикистон
Эмомали Рахмон и Шавкат Мирзиёев в Самарканде

Самарқанд ва Саратов бародаршаҳр шуданд

124
(Таҷдидшуда 12:00 04.03.2021)
Шаҳрдори Самарқанд ва муовини шаҳрдори Саратови Русия дар мавриди барқарории равобити бародаршаҳрӣ қарордоди ҳамкорӣ имзо карданд

ДУШАНБЕ, 4 мар — Sputnik. Ба гузориши хабаргузории “Форс”, Бобурмирзо Облоқулов, шаҳрдори Самарқанд ва Алексей Никитин, муовини иқтисодии шаҳрдори Саратови Русия дар мавриди барқарории равобити бародархондагӣ қарордоди ҳамкорӣ имзо карданд.

Гуфта шудааст, ки дар қарордоди мазкур ҷалби сармоягузор, иҷрои тарҳҳои муштараки сармоягузорӣ, ҳимоят аз ҳамкориҳои мутақобили байни созмонҳои омӯзишии шаҳрҳо ва ҳамчунин заминаҳои фарҳангиву гардишгарӣ мавриди тавваҷуҳ қарор гирифтааст.

Пешниҳоди Панҷакенту Самарқанд барои сабт дар феҳристи ЮНЕСКО

Дар ин қарордод ду тараф ҳамчунин барои рафъи муштараки паёмадҳои ҳамагирии корона низ ба тавофуқ расиданд.

Қайд карда шудааст, ки дар вилояти Саратови Русия беш аз 3 ҳазор нафар ва дар шаҳри Саратов беш аз 1100 шаҳрванди Ӯзбакистон иқомат мекунад.

124
Барчаспҳо:
шаҳрдор, равобит, бародаршаҳрӣ, бародаршаҳр, вилояти Саратови Русия, Самарқанд

Раҳмон: CASA 1000 миёни Осиёи Марказӣ ва Ҷанубӣ иқдоми саривақтист

0
Раисҷумҳури Тоҷикистон дар 14-умин Саммити Созмони ҳамкории иқтисодӣ иштирок ва сузханронӣ кард

ДУШАНБЕ, 4 мар — Sputnik. Саммити ЭКО имрӯз 4 март дар шакли онлайнӣ баргузор гардид.

Раисҷумҳури Тоҷикистон ҳангоми суханронӣ аз аҳамияти “CASA-1000” ёдрас шуд.

Ӯ аз таъсиси Маркази энергияи тозаи ЭКО ҷонибдорӣ карда, татбиқи лоиҳаи сохтмони хатти баландшиддати интиқоли барқи “CASA-1000”, ки нахустин пули энергетикӣ миёни Осиёи Марказӣ ва Ҷанубӣ хоҳад буд, иқдоми саривақтӣ арзёбӣ намуд.

Эмомалӣ Раҳмон ҳамчунин ба бӯҳрони шадиди иҷтимоӣ, иқтисодӣ ва молиявии ҷаҳонии дар натиҷаи бемории нави сироятии КОВИД-19 ба амаломада, андешаронӣ кард.

Президент изҳори умед намуд, ки натиҷаҳои Саммит ба истифодаи беш аз пеши нерӯи Созмон ҷиҳати рафъи оқибатҳои пандемия ва таъмини рушди устувор дар минтақаи он мусоидат хоҳанд кард.

Президенти Тоҷикистон таъкид дошт, ки тиҷорат дар миёни кишварҳои аъзои ЭКО ҳамагӣ ҳашт фоизи ҳаҷми умумии савдои онҳоро ташкил медиҳад ва ин рақам баёнгари истифодаи нокифояи имкониятҳои тиҷоратӣ дар байни давлатҳо мебошад.

Покистон мехоҳад созишномаи тарҳи CASA - 1000 - ро ислоҳ кунад

Зимни суханронии президенти Тоҷикистон ҳамчунин сатҳи ҳамкории кишварҳои аъзои Созмони ҳамкории иқтисодиро дар соҳаҳои нақлиёт, коммуникатсия, энергетика, саноат, истихроҷу коркарди канданиҳои фоиданок, ҳифзи муҳити зист ва дар бахши аграрӣ таҳлил намуд.

Ӯ густариши робитаҳо ва татбиқи барномаву лоиҳаҳои муҳимро барои таъмини рушди устувор дар минтақа зарур шуморид.

0