Избранный президент Кыргызстана Садыр Жапаров. Архивное фото

Ҷабборов мегӯяд шахси иғвогар наметавонад мири Бишкек шавад

274
(Таҷдидшуда 16:17 09.02.2021)
Пештар иҷрокунандаи вазифаи раиси шаҳр Нурғозиев гуфта буд, ки дар вохӯрӣ бо президент нақшаҳои худ пешниҳод кард

ДУШАНБЕ, 9 фев — Sputnik. Президенти Қирғизистон Содир Ҷабборов дар саҳифааш дар Instagram гуфт, намехоҳад шахси иғвогар раиси шаҳри Бишкек таъин шавад.

Ба гуфти ӯ кадрҳои зиёде ҳастанд, ки "ҳангоми суҳбат ростқавл ва омодаи кор" менамоянд.

"Аммо нисбати кадрҳои интихобшуда, ки дар мақомоти қаблӣ кор накардаанд ва дар парвандаҳои коррупсионӣ даст надоранд, маълум мешавад, ки далелҳои авбошӣ ва баҳсҳои моликият мавҷуданд. Аз ин рӯ, ман таъин кардани чунин шахсро шаҳрдори Бишкек номумкин медонам", - навиштааст Ҷабборов.

Ёдовар мешавем, ки бо қарори сарвазир Улукбек Марипов, як соҳибкор аз бахши сохтмон Эрмек Нурғозиев иҷрокунандаи вазифаи шаҳрдори Бишкек таъин шуд.

Дар як нишасти матбуотӣ рӯзноманигорон суол карданд, ки оё вай воқеан дар парвандаҳои қаллобии соҳибони саҳмияҳо даст дорад? Нурғозиев гуфт, ки ӯ ба ин рабте надорад.

Раиси Созмони тоҷикон мушовири президенти Қирғизистон таъин шуд

Вай дар бораи таъинот сухан ронда, гуфт, ки бо президент мулоқот дошт ва дар ҷараёни он лоиҳаҳо ва нақшаҳои худро дар вазифа шаҳрдорӣ пешниҳод кард.

Мири собиқ Балбак Тулобоев пас аз сад рӯз дар ин вазифа истеъфо дод.

274
Барчаспҳо:
иғво, шахсият, президент, Қирғизистон
Вид на город Ташкент

Собиқ вакил раиси Маркази тоҷикони Ӯзбекистон интихоб шуд

652
Дар Ӯзбекистон раиси Маркази миллии фарҳангони тоҷиконро аз нав интихоб карданд. Пештар раиси марказ истеъфо дода буд

ДУШАНБЕ, 22 фев — Sputnik. Гуландом Субҳонова, собиқ вакил дар Ӯзбекистон раиси Маркази миллии фарҳангии тоҷикони кишвар интихоб гардид. Дар ин бора расонаҳои кишвар хабар медиҳанд.

Пештар раиси ин марказ шоир, олим ва файласуф Ҷаъфари Муҳаммад истеъфо дода буд.

"Гуландом Субҳонова раиси нави Маркази миллӣ-фарҳангии тоҷикони Ӯзбекистон интихоб карда шуд", - гуфта мешавад дар иттилои манбаъ.

Ҳамчунин оинномаи нави Маркази миллӣ-фарҳангӣ низ, ки ба тозагӣ таҳия шудааст,  қабул гардид ва барои тасдиқ ба Вазорати адлияи ҶӮ ирсол хоҳад шуд.

Гуландом Субҳонова зодаи вилояти Сирдарё аст. Маълумоташ олӣ, миллаташ – тоҷик. Соли 1971 донишкадаи омӯзгориро дар риштаи забон ва адабиёти рус хатм кардааст.

Борҳо вакили шӯрои вилояти Ҷиззах ва чанде аз ноҳияҳои он интихоб шудааст. Дар вазифаҳои гуногуни роҳбарӣ кор кардааст. Соҳиби мукофотҳои давлатӣ мебошад. Муддати ду соли охир муовини якуми раиси Маркази тоҷикони Ӯзбекистон буд.

Маркази миллӣ-фарҳангии Ӯзбекистон соли 2008 таъсис ёфтааст. Феълан сохтори он ба ҷуз идораи марказӣ аз шаш шуъбаи вилоятӣ, аз ҷумла дар вилоятҳои Қашкадарё, Сирдарё, Намангон, Фарғона, Бухоро, ва Самарқанд ва ду шуъбаи шаҳрӣ – "Ориёно" дар Тошканд ва "Суғдиён" дар Чирчиқ иборат аст.

Дар қатори лоиҳаҳои калоне, ки ин марказ амалӣ намудааст, метавон  роҳандозии ҷашнвораҳоро бахшида ба  2700-солагии Авасто, 1150-солагии сардафтари адабиёти тоҷику форс Абӯабдулло Рӯдакӣ, ҳаёт ва эҷодиёти Абулқосим Фирдавсӣ, Абӯалӣ Ибни Сино, Ҷалолиддини Балхӣ, Мирсаид Алии Ҳамадонӣ, Садриддин Айнӣ ном бурд.

Масъуди Мирзо дар Ӯзбекистон раиси Маркази миллии тоҷикон интихоб шуд-акс

Марказ ҳар сол Рӯзи забони тоҷикӣ, мушоираҳо, мулоқот бо адибони тоҷик,  озмуни донандагони беҳтарини таъриху фарҳанги тоҷик, мусобиқаи фарогир оид ба бозии қадимаи ниёгони мо – шоҳмот доир менамояд, дар таҷлили ҷашнҳои Наврӯз, Сада ва Меҳргон ва ғайра ҳиссаи муносиб мегузорад.

Бо Марказ бисёр шахсиятҳои маъруфи Ӯзбекистон – фарзандони миллати тоҷик, амсоли академики Академияи илмҳои Ӯзбекистон, поягузори Мактаби байналмилалии кайҳоннавардони наврас Шавкат Воҳидов, Қаҳрамони Ӯзбекистон, меъмори самарқандӣ Мирумар Асадов ва дигарон ҳамкорӣ доранд.

652
Барчаспҳо:
вакил, раис, Ӯзбекистон, тоҷик
Город Ташкент, архивное фото

Содиқ Сафоев: ҳамкориҳои Маскаву Тошканд дар соли 2021 боз ҳам хубтар мешавад

105
(Таҷдидшуда 18:15 21.02.2021)
Мақомоти порлумонии Русияу Узбекистон дар бораи ҳамкориҳои дуҷониба, муҳоҷирати корӣ, тавсеаи гардишгарӣ, иқтисодӣ ва бозаргонӣ дар нишасти онлайнӣ ба тавофуқ расиданд

ДУШАНБЕ, 21 фев — Sputnik.  Панҷумин нишасти комиссиюни ҳамкориҳои байнипорлумонии маҷлиси Сенати Ӯзбекистон ва Русия бо ҳузури Содиқ Сафоев, муовини аввали раиси маҷлиси Сенати Ӯзбекистон ва  Илёс Умахонов, муовини раиси Шӯрои федерасиюни маҷлиси федералии Русия ба сурати видеоконфронс баргузор шуд, иттилоъ додааст хабаргузории Форс.

Дар ин нишаст эълом шуд ҳамкориҳои муассир байни маҷлиси Сенати Ӯзбекистон ва Шӯрои федерасиюни Русия барои тавсеъа ва таъмиқи ҳамкориҳои ҳамаҷониба дар чорчуби сохторҳои порлумонии муътабари байналмиллалӣ кумак мекунад.

Тарафҳо ҳамчунин ҳамкориҳои мутақобил дар заминаи муҷтамаъи зироъӣ ва саноъатӣ дар шароити коронаро низ мавриди баррасӣ қарор доданд.

Ӯзбекистон ваксинаи Sputnik V -ро барои истифодаи оммавӣ тасдиқ кард

Тибқи баррасиҳои анҷомшуда дар соли 2020  мубодилоти бозаргонӣ байни ду кишвар нисбат ба соли 2019, 1,5 баробар афзоиш ёфтааст.

105
Барчаспҳо:
иқтисод, тавсеа, муҳоҷират, ҳамкорӣ, Русия, Ӯзбекистон
Дорожная техника расчищает автомобильную дорогу от лавины, архивное фото

Ҳаракати мошинҳо дар роҳи Душанбе - Хуҷанд ва Душанбе - Хоруғ қатъ шуд: ҳушдори КҲФ

153
(Таҷдидшуда 10:11 25.02.2021)
Дар пайи барфрезии ахир ҳаракати мошинҳо бас самти ду вилояти кишвар пурра қатъ шудааст

ДУШАНБЕ, 25 фев — Sputnik. Кумитаи ҳолатҳои фавқулодаи Тоҷикистон мегӯяд, роҳҳои автомобилгарди Душанбе - Хуҷанд ва Душанбе - Хоруғ муваққатан баста шудаанд.

Ба иттилои манбаъ, тайи як рӯзи ахир бар асари боришоти шадид дар километри 67-уми шоҳроҳи Душанбе-Варзоб ва шоҳроҳи Хоруғ-Мурғоб тармафароӣ ба қайд гирифта шудааст.

"Кори рафъи оқибатҳои тармафароӣ идома дорад",-афзудааст манбаъ.

Ғайр аз он, дар давоми рӯзи гузашта наҷотдиҳандагон ронандагон ва мусофирони 28 автомашинаро, ки аз километри 65-ум то 73-юми роҳи Душанбе-Айнӣ банд буданд, берун овардаанд.

ГУфта мешавад, барои таъмини бехатарии ронандагон дар зимистон ва расонидани кӯмаки фаврӣ дар ҳолатҳои фавқулодда, қитъаҳои гуногуни роҳҳо мунтазам аз ҷониби наҷотдиҳандагони шӯъбаҳои вокуниши Кумита посбонӣ карда мешаванд.

Ин ниҳод ҳамзамон аҳолиро аз хатари баланди резиши тарма, сангрезӣ, яхбандӣ, гардиши барф дар қисматҳои кӯҳистонии роҳҳо вобаста ба шароити обу ҳаво ҳушдор медиҳад.

Кумита хотиррасон мекунад, ки эҳтиёткор бошед ва ҳушёриро дар роҳҳо аз даст надиҳед, агар имконпазир бошад, аз ҳаракат дар қитъаҳои хатарноки роҳ, ҷамъоварии ҳезум ва сайругашт дар кӯҳҳо худдорӣ кунед.

Кумитаи ҳолатҳои фавқулодда ва мудофиаи гражданӣ инчунин ба ронандагон муроҷиат мекунад, ки дар сурати яхбандӣ қоидаҳои ҳаракат ва масофаи заруриро дар шароити душвори обу ҳаво риоя кунанд.

153