Кубики с латинскими буквами

Ӯзбекистон то соли 2023 комилан аз хати сирилик даст мекашад

462
(Таҷдидшуда 02:20 14.02.2021)
Ӯзбекистон тасмим дорад то оғози соли 2023 пурра аз алифбои сирилик даст кашад ва аз алифбои лотинӣ истифода кунад

ДУШАНБЕ, 14 фев – Sputnik.  Вазорати додгустарии Ӯзбекистон ахиран дар баёнияе эълом кард, ки давлати ин кишвар торихи мушаххасшуда ва нақшаи роҳи ин тарҳро таъйид кардааст, иттилоъ додааст радиои тоҷикии Садои Хуросон.

Ин тасмими давлати Ӯзбекистон камтар аз чаҳор моҳ пас аз он эълом шуда, ки Шавкат Мирзиёев, раисҷумҳури ин кишвар  дар фармоне хостори суръати бештар дар гузари комил ба алифбои лотинӣ шуда буд.

Забони ӯзбекӣ ва дигар забонҳои Осиёи марказӣ то авохири даҳаи 1920 бо хати форсӣ-арабӣ навишта мешуд ва сипас алифбо ба лотинӣ тағйир ёфт то он ки Шуравӣ дар соли 1940 алифбои русиро ворид кард. 

Дар соли 1993 камтар аз ду соли пас аз фурӯпошии Шуравӣ, Ӯзбекистон гузар ба алифбоии лотӣнро оғоз кард, аммо алифбоии русӣ ҳамчунон ба таври густардае мавриди истифода аст. 

Дар кишвари Қазоқистон ҳам қарор аст раванди гузар ба алифбоии лотинӣ то соли 2025 комил шавад. 

Туркманистон дар соли 1993 ва Озарбойҷон ҳам дар 25 декабри 1991 алифбои русиро бо алифбоии лотинӣ ҷойгузин карданд.

462
Барчаспҳо:
алифбо, хати лотинӣ, Ӯзбекистон
Председатель Высшего совета национального примирения Афганистана Абдулла Абдулла

Вокуниши мақомоти афғон ба тарҳи сулҳи нави Амрико

253
(Таҷдидшуда 19:13 08.03.2021)
Тарҳи нави давлати Амрико дар бораи ташкили давлати муваққат ё ҳукумати мушорикатӣ бо Толибон дар Афғонистон вокуниши шадиди мақомоти ин кишварро дар пай доштаву давлати Афғонистон таъкид кардааст, ки Кобул ҳаргиз таслими хостаҳои ғайриқонунии Амрико намешавад

ДУШАНБЕ, 8 март – Sputnik.  Раиси Шӯрои олии мусолиҳаи миллии Афғонистон рӯзи душанбе дар вокунише тунд ба номаи ахири вазири умури хориҷаи Амрико гуфт, ки давлати Байден наметавонад бо зӯру фишор хостаҳои ғайриқонунии худро ба мардуми Афғонистон таҳмил ва давлати Афғонистонро водор ба ташкили давлати муваққат кунад, иттилоъ додааст хабаргузории "Парстудей".

Абдуллоҳ Абдуллоҳ дар маросими гиромидошти ҳафтумин солгарди даргузашти Муҳаммадқосими Фаҳим, собиқ муовини аввали раёсати ҷумҳурии Афғонистон дар Кобул изофа кард, ки вахомати авзои амниятӣ мардумро дар шароити душворе қарор додааст ва ҷомеаи маданӣ, расонаҳо, хабарнигорон, уламои динӣ ва ҳеч як аз афроди ҷомеа масуният надоранд.

Дар ҳамин ҳол, Амруллоҳ Солеҳ, муовини аввали раиси ҷумҳурии Афғонистон ҳам дар ин маросим таъкид кард, Кобул сулҳи омиронаро намепазирад ва дар муқобили он меистад.

Амруллоҳ Солеҳ тарҳи нави сулҳи Зулмай Халилзод, намояндаи Амрико дар умури Афғонистонро «санади нанг» номид ва изофа кард, ки мақомоти афғонистонӣ ҳаргиз чунин санадеро имзо нахоҳанд кард.

Муовини аввали раиси ҷумҳурии Афғонистон изҳор дошт, ки ҳамон гуна, ки Амрикову Ғарб ҳақ доранд дар бораи сарнавишти низомиёни худ бо Толибон нишаст баргузор кунанд, мо ҳам ҳақ дорем дар бораи сарнавишти шаҳрвандони худ бар асоси манофеи миллии кишварамон тасмим бигирем.

Амруллоҳ Солеҳ афзуд, ки давлати Кобул ҳаргиз ҳозир намешавад бо сарнавишти мардуми худ муомила ва созиш кунад.

Тарҳи нави Амрико барои сулҳ дар Афғонистон

Вазири умури хориҷаи Амрико дар номае ба Муҳаммад Ашраф Ғанӣ, вайро таҳдид кардааст, ки бо тарҳи нави давлати Амрико дар хусуси ташкили давлати муваққат ва ё ҳукумати мушорикатӣ бо Толибон мувофиқат кунад.

253
Барчаспҳо:
сулҳ, Кобул, Толибон, вокуниш, Амрико, Афғонистон
Архитектурный комплекс Регистан в Самарканде, архивное фото

Ифтитоҳи сарконсулгарии Туркия дар Самарқанд

72
(Таҷдидшуда 17:29 08.03.2021)
Вазири корҳои хориҷии Туркия Мавлуд Човуш Уғлу дар ифтитоҳи консулгарии генералӣ дар Самарқанд ширкат варзид

ДУШАНБЕ, 8 март – Sputnik. Сарконсулгарии Туркия дар шаҳри Самарқанди Ӯзбекистон бо ҳузури вазири умури хориҷаи он кишвар ифтитоҳ шуд.

Мавлуд Човуш Уғлу  дар маросими ифтитоҳи сарконсулгарии Туркия дар Самарқанд гуфт, ки хабари гушоиши ин сарконсулгарииро соли гузашта Раҷаб Тайиб Эрдуғон ва Шавкат Мирзиёев раисони ҷумҳури Туркия ва Узбакистон эълом карданд, иттилоъ додааст радиои тоҷикии Садои Хуросон ба нақл аз хабаргузории Анатолия. 

 Вай афзуд, ки Туркия нахустин кишваре буд, ки Ӯзбекистонро ба расмият шинохт ва аввалин кишвари хориҷӣ буд, ки сафорати худро дар Тошканд ифтитоҳ кард.

Вай ҳамчунин дидори худ бо Раиси ҷумҳурии Ӯзбекистон Шавкат Мирзиёевро нишондиҳандаи аҳамияти равобити ду кишвар барои Анкара донист.

72
Барчаспҳо:
Самарқанд, консулгарӣ, Ӯзбекистон, Туркия
Мужчина плачет, архивное фото

Барои рафтан ба Латвия раводид мекунам гуфт: боздошти сокини пойтахт барои қаллобӣ

0
Вазорати умури дохилии Тоҷикистон аз боздошти як сокини пойтахт хабар медиҳад, ки дар қаллобӣ меттаҳам мешавад

ДУШАНБЕ, 9 мар – Sputnik.  Бино ба иттилои дафтари матбуотии ин ниҳод, марди 34-солаи сокини пойтахт дар пайи аризаи шикоятии сокини дигари 32-солаи пойтахт боздошт шудааст.

Ба иттилои манбаъ, марди 32-сола 18-уми декабри соли 2020, бо роҳи фиреб ба боварии марди 34-солаи дигари пойтахт даромада, барои гирифтани раводиди корт ба давлати Латвия аз ӯ 33 ҳазору 600 сомонӣ гирифтааст.

Манбаъ мегӯяд, на раводит гирифтаасут на маблағашро барнагардонидааст.

Қаллобӣ бо кӯмаки собиқ раиси идораи замин: 13 ҳазор доллари корафтодаро азхуд карданд

Ҳамзамон, гумонбар бо ҳамин роҳ рӯзи 19-уми декабри соли 2020, бо роҳи фиреб ба боварии ҷавони 26-солаи сокини шаҳри Душанбе даромада, барои гирифтани раводиди корт ба давлати Латвия аз ӯ 3 ҳазору 870-доллари амрикоӣ гирифта, то ҳол маблағашро барнагардонидааст.

ВУД мегӯяд, аз рӯи ин ҳодисаҳо тафтишот идома дорад.

0
Барчаспҳо:
ВКД, раводид, қаллобӣ, сокини пойтахт, боздошт