Продукты российского производства на витрине магазина в Душанбе

Made in Russia: тоҷикистониҳо бештар дар мағозаҳо маҳсулоти русӣ меҷӯянд

427
(Таҷдидшуда 16:05 12.09.2019)
Русия яке аз шарикони асосии тиҷоратӣ ва иқтисодии Тоҷикистон ба ҳисоб меравад

ДУШАНБЕ, 30 авг — Sputnik.  Имрӯзҳо маҳсулоте, ки дар Русия истеҳсол мешаваду ба Тоҷикистон ворид мегардад, назаррас мебошад ва миёни мардуми тоҷик маҳбубияти зиёд пайдо кардааст.

Мағозаҳои Тоҷикистон – маҳсулот аз Русия

Имрӯз дар мағозаҳои Тоҷикистон метавон тақрибан тамоми маҳсулоти истеҳсоли Русияро пайдо кард.

Дар мағозаҳо ва мағозаҳои бузурги Тоҷикистон навъҳои гуногуни йогурту нӯшокиҳои шири аз Русия  мешавад.

Пештар шир, қаймоқ ва шири баста ба Тоҷикистон аз Русия ворид мешуд, аммо солҳои охир соҳибкорони тоҷик истеҳсоли маҳсулоти ватаниро ба роҳ монаданд ва маҳсулоти хориҷиро дар бозори дохилии кишвар иваз намуданд.  Акнун аз Русия танҳо йогурту нӯшокиҳои ширӣ ворид мегардад.

Продукты российского производства на витрине магазина в Душанбе
© Sputnik / Амир Исаев
Продукты российского производства на витрине магазина в Душанбе

Аммо ин маънеи онро надорад, ки бо роҳандозии маҳсулоти ватанӣ дар мағозаҳои Тоҷикистон қаймоқу шири истеҳсоли Русия дигар пайдо кардан ғайри имкон аст. Ҳоло маҳсулоти истеҳсоли Русия дар мағозаҳои ҷумҳурӣ  ба момнанди маҳсулоти кишварҳои Аврупо бастабандӣ шуда ба фурӯш гузошта шудааст. 

Содироти масолеҳи кишоварзии Тоҷикистон ба Русия 85,4 дарсад афзойиш ёфт

Тоҷикистониҳо имрӯзҳо барои харидории молҳои истеҳсоли Русия майли бештар доранд. Барои мисол, занҳои тоҷик барои пухтупази кулчақанду шириниҳои гуногун аз равғанҳои омехтаи набототи навъи “Кремлёвский”, “Хозяюшка”-и Русия истифода мебаранд. Аз равғанҳои растанӣ занҳои тоҷик аз “Олейна”, “Слобода” ва ғайра истифода мекунанд. Инчунин, ба тоҷикистониҳои қаҳваҳои навъи мухталифи ҷаҳон, ки дар Русия бастубанд мешаванд, писанд аст. Сокинони Тоҷикистон ҳамчунин барои харидории шакару қанди сафеди Русия майли зиёд доранд. Ба гуфтаи онҳо шакару қанди русӣ нисбат ба он навъҳое, ки дар Тоҷикистон истеҳсол мешаванд беҳтару ширинтар аст. 

Продукты российского производства на витрине магазина в Душанбе
© Sputnik / Амир Исаев
Продукты российского производства на витрине магазина в Душанбе
Аммо яке аз маҳсулоте, ки дили харидорони тоҷикро гарм намудааст, ин маҳсулоти гуногуни ширкати “Макфа” мебошад. Бино бар иттилои madeinrussia.com ширкати “Макфа” яке бузургтарин истеҳсолкунандагони маҳсулоти макаронӣ ва орд дар Русия ба ҳисоб меравад. Ин ширкат дар панҷгонаи бузурги ширкатҳои ҷаҳони истеҳсоли макарон ба ҳисоб меравад.

Ин ширкат маҳсулоти худро ба 35 кишвари ҷаҳон аз ҷумла ба Тоҷикистон содирот мекунад.  

Содирот ба Тоҷикистон дар рақам

Русия - шарики асосии тиҷоратии Тоҷикистон ба ҳисоб меравад.

Аз аввали соли равон байни Тоҷикистону Русия ба андозаи 570 миллион доллар гардиши молу коло сурат гирифтааст, ки дар байни дигар кишварҳои хориҷӣ ҷои аввалро ишғол намудааст. Ғайр аз Русия (29,6 дарсад) шарики асосии содиротии Тоҷикистон Қазоқистон(21,9 дарсад) ва Чин(17,2 дарсад) будааст.

Боздиди Эмомалӣ Раҳмон аз ноҳияи Хуросони вилояти Хатлон. Акс аз бойгонӣ
© Официальная страница пресс-службы президента РТ в Facebook.

Дар маҷмӯъ, аз моҳи январи то моҳи июли соли равон ба Тоҷикистон ба маблағи 1,8 миллиард доллар маҳсулоти гуногун ворид шудааст.  

Аксари коршиносон бар он боваранд, ки тамоюли мусбати савдои хориҷӣ миёни кишварҳо сол аз сол дар ҳоли рушд қарор дорад. Тибқи иттилои Вазорати кишоварзии Русия дар семоҳаи аввали соли 2019 гардиши маҳсулоти кишоварзӣ ва дигар молу коло миёни Русияву Тоҷикистон нисбат ба ҳамин давраи соли гузашта  ба 34,8 дарсад ё 43 миллион доллар афзоиш ёфтааст.  

Мавсими содироти зардолуи тар аз Тоҷикистон ба Русия шурӯъ шуд

Роҳбари кулли Маркази содироти Русия Андрей Слепнев зимни Конфронси ҳафтуми ҳамкориҳои байниминтақавии Тоҷикистону Русия, ки 17 апрели соли равон дар Маскав баргузор шуд, таъкид карда буд, ки соли гузашта содироти маҳсулоти ғайри маводи сухт Русия ба Тоҷикистон 22 дарсад афзоиш ёфта ба 848 миллион доллар расидааст.

“Мо барои тақвияти ҳамкориҳо имконияти хуб дорем. Ва ҳоло нуқтаи рушдро низ пайдо кардаем. Мо ният дорем навъ ва теъдоди маҳсулоти содиротиро афзоиш диҳем”,- қайд кард Слепнев.

Бо ӯ Вазири рушди иқтисоди Русия максим Орешкин муътақид аст. Вай гуфт дар 11 соли ахир Русия – яке аз шарикони асосии тиҷоратии Тоҷикистон ба ҳисоб меравад.

“Ҳамкориҳои байниминтақавӣ яке аз омилҳои асосии ҳамкорӣ миёни кишварҳои мо ба ҳисоб меравад. Дар ҳоли ҳозир Тоҷикистон фаъолона ба беш аз 60 минтақаи Русия ҳамкориҳои тиҷориву иқтисодӣ дорад. Ҳоло беш аз 70 созишномаву ёддоштҳои тафоҳум ба имзо расидааст. Ин ҳамкориҳо дар оянда тақвият ва беҳтар хоҳанд шуд”, - зикр намуд вай.

Тибқи омори Вазорати кишоварзии Русия тамоюли мусбии рушди содироти ғайри маводи сӯхти Русия ба Тоҷикистон аз ҳисоби содироти равғани маъсар, равғани омехтаи наботот, орд ва маҳсулоти қанодӣ ташаккул ёфтааст. Инчунин Русия ба Тоҷикистон содироти маҳсулоти ширӣ, гушти мурғ, нӯшокиҳои спиртӣ ва ғайри спиртӣ, маҳсулоти тайёр аз растаниро ба роҳ мондааст.

Матлаб дар заминаи шарикии тиҷорӣ таҳия шудааст. 

427
Барчаспҳо:
Тоҷикистон, Русия, мағозаҳо, маҳсулоти ғизоӣ, воридот, содирот, тиҷорат, ҳамкорӣ
Министр финансов республики Таджикистан Файзиддин Каххорзода

Вазорати молия: нақшаи буҷет иҷро нашуд

688
Вазорати молияи Тоҷикистон мегӯяд, дар шашмошаи аввали соли равон нақнаи буҷа дар кишвар иҷро нагашт

ДУШАНБЕ, 29 июл — Sputnik. Файзиддин Қаҳҳорзода, вазири молияи кишвар дар нишасти хабарияш гуфт, имсол ба буҷа 462,3 миллион сомонӣ нисбат ба ҳамин давраи соли гузашта  кам ворид шуд.

Ба иттилои манбаъ, нақшаи даромади буҷа дар нимсолаи якуми соли ҷорӣ аз ҳисоби ҳама манбаъҳои воридот дар сатҳи 95,5 фисад иҷро шуда, ба буҷа 9,8 миллиард сомонӣ ворид гашт, ки нисбат ба соли гузашта камтар мебошад.

Номбурда гуфт, ба буҷаи давлатӣ дар ин давра аз ҳисоби даромади ҷорӣ 7,7 миллиард сомонӣ, азхудкунии маблағҳои лоиҳаҳои давлатии сармоягузорӣ 1146,1 миллион сомонӣ ва аз ҳисоби маблағҳои махсуси ташкилоту муассисаҳои буҷетӣ 658,1 миллион сомонӣ ворид гардид.

“Иҷрои қисми даромади буҷаи ҷумҳуриявӣ дар сатҳи 93,3 фоизи нақшаи аниқшуда таъмин гашта, ба буҷа 4,5 миллиард сомонӣ ворид гардид. Ҳаҷми воридоти маблағҳо нисбат ба нақша 331,4 миллион сомонӣ кам мебошад”,-афзудааст, вазири молия.

Хароҷоти буҷет соли - 2020: кадом бахшҳо муҳиманд 

Ба гуфти вазири молия, дар ин давра ҳамзамон нақшаи буҷетҳои маҳаллӣ низ иҷро нашуда, 2,2 миллиард сомонӣ ворид шудааст, ки он нисбат ба нақшаи аниқшуда 55,3 миллион ва  нисбат ба ҳамин давраи соли гузашта 162,3 миллион сомонӣ кам ворид гаштааст.

688
Ҷаласаи 37-уми Шӯрои ҳамоҳангсозӣ ва гуруҳи ҳамоҳангсози коршиносони “Евразия”

Ҷаласаи 37-уми Шӯрои ҳамоҳангсозии “Авруосиё” дар Қазоқистон

99
(Таҷдидшуда 12:34 04.10.2019)
Ҷаласаи 37-уми Шӯрои ҳамоҳангсозӣ ва гуруҳи ҳамоҳангсози коршиносони “Авруосиё”, ки дастраскунандаҳои хадамоти аэронавигатсионии кишварҳои ИДМ-ро ба ҳам меорад, рӯзҳои 23 – 26 сентябр дар шаҳри Алматои Қазоқистон баргузор шуд

Дар ҳамоиш намояндагони ниҳодҳои дастраскунандаи хадамоти аэронавигатсионии Тоҷикистон, Озорбойҷон, Арманистон, Белорус, Қазоқистон, Қирғизистон, Узбакистон, инчунин ҳайатҳо аз корхонаҳои саноатии соҳавӣ, Созмони байналмилалии ҳавонавардии мулкӣ – ICAO, Ассотсиатсияи байналмилалии нақлиёти ҳавоӣ – IATA ва Кумитаи байнидавлатии ҳавонавардӣ иштирок карданд.  

Корхонаҳои ҳавонавардии узви Шӯрои ҳамоҳангсозии “Авруосиё” аз фаъолияташон баъди ҷаласаи қаблӣ, ки моҳи апрели соли равон баргузор шуд, гузориш дода, ҳисоботи натиҷаи кори Гуруҳи ҳамоҳангсози коршиносонро шуниданд.

Ҷонибҳо инчунин дурнамои татбиқи тарҳҳои муштаракро баррасӣ карда, таҳкими ҳамкориҳои байналмилалӣ дар умури ташкили ҳаракати ҳавоиро таъкид намудаанд.   

Зимни чорабинӣ салоҳияти раёсат дар “Авруосиё” аз зиммаи корхонаи воҳиди федералии “Корпоратсияи давлатии ташкили  ҳаракати ҳавоӣ дар Федератсияи Русия” ба уҳдаи муассисаи давлатии “Казаэронавигатсия” мунтақил шуд.

Пресс-служба ФГУП «Госкорпорация по ОрВД»
Ҷаласаи 37-уми Шӯрои “Авруосиё” бо иштироки масъулини ниҳодҳои дастраскунандаи хадамоти аэронавигатсионии Тоҷикистон, Озорбойҷон, Арманистон, Белорус, Қазоқистон, Қирғизистон, Узбакистон ва бархе аз созмонҳои байналмилалии ҳавонавардии мулкӣ баргузор шуд

Игор Моисеенко, мудири кулли Корпоратсияи давлатии ташкили ҳаракати ҳавоӣ дар Русия, аз натиҷаҳои кори Шӯрои “Авруосиё” дар аҳди раёсати Русия - аз соли 2016 то 2019 гузориш дод. Ӯ ҳамчунин авлавиятҳои рушди созмонро дар дурнамо қайд кард.

Роҳбари Корпоратсияи давлатии ташкили ҳаракати ҳавоӣ дар Русия дар бораи тағйири миқёси ҳаракат ва дастоварди барномаҳо барои таҳкими марказҳои идораи ҳаракати ҳавоӣ дар Русия суҳбат намуд. Ӯ аз ҷумла дар бораи таъмини мунтазамию амнияти парвозҳо дар лаҳзаҳои зиёд будани шиддат, дар бораи ба истифода додани фурудгоҳи Гагарин дар Саратов ва хатти сеюми фуруду парвоз дар майдони ҳавоии Шереметево нақл кард.

Моисеенко муфассалтар аз навсозии Низоми ягонаи ташкили ҳаракати ҳавоӣ дар Русия гуфта, авлавиятҳо дар масоили омодасозии мутахассисону бозомӯзиро зикр намуд. Ӯ муҳимияти табодули таҷриба дар ҳамгироии низомҳою ҳавопаймоҳои бесарнишинро ба низоми воҳиди ҳавонавардӣ таъкид кард.  

Ҳайатҳо ва меҳмонони даъватшуда ташкили хуби чорабиниро аз тарафи мизбон – корхонаи давлатии “Казаэронавигатсия” таҳти роҳбарии Азат Бектуров махсус зикр намуданд. Дар охири ҳамоиш, расман эълон шуд, ки ҷаласаи 38-уми Шӯрои ҳамоҳангсозии “Авруосиё” баҳори соли оянда баргузор мешавад.

Матлаб дар заминаи тиҷоратӣ нашр шудааст.

99
Барчаспҳо:
ҷаласа, мулоқот, идора, ҳавонавардӣ, АвруОсиё, ҷаҳон, Қазоқистон

Хайр Маскав: маросими пӯшидашавии Олимпиадаи соли 1980 - аксҳои нодир

0
(Таҷдидшуда 19:45 03.08.2020)
  • Маросими пӯшидашавии Олимпиадаи XXII соли 1980
  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
Рӯзи 3 августи соли 1980 дар Маскав маросими пӯшидашавии Бозиҳои тобистона баргузор гардид. Ин маросим аз зеботарин маросимҳо дар таърихи олимпиада шинохта шудааст

Бозиҳои тобистонаи олимпии соли 1980 дар Маскав аз 19 июл то 3 август идома кард. Ин нахустин олимпиада дар қаламрави Урупои Шарқӣ буд. 

Макони асосии баргузории мусобиқаҳо шаҳри Маскав буд. Вале бархе аз рақобатҳо дар Таллин, Киев, Ленинград ва Минск низ гузаронида шуданд.

Ба Бозиҳои тобистонаи олимпии соли 1980 - 5179 варзишкор аз 80 давлати ҷаҳон омада буданд.

Номбардорони Тоҷикистон дар Олимпиадаи соли 1980

Маросими пӯшидашавии Олимпиада рӯзи 3 август баргузор гардид. Барномаи консертӣ чанд соат идома кард.

Байрақи сафеди олимпӣ фароварда шуд ва таҳти навои Эдуард Артёмов "Эй варзиш ту ҳамеша пешравӣ ҳастӣ" духтарон бо пироҳанҳои якранг ба майдон баромаданд ва композитсияи даврони Юнони қадимро нишон доданд. Оташи олимпӣ ҳамон лаҳза хомӯш шуд.

Дар рӯи экран симои Хирсак - рамзи Олимпиадаи соли 80-ум намудор шуд. Расми Хирсакро навиштаҷоти "Роҳи сафед" ҳамроҳӣ мекард.

Яке аз ҳассостарин лаҳазот ашкрезии хирсак шуд.

Дар охири маросим меҳмононро сюрприз интизор буд. Дар мобайни майдон таҳти суруди "Хайр Маскав" дар иҷрои Лев Лешенко ва Татяна Антсиферева хирси бузурге бо пуфакҳо пайдо шуд.

Таҳти суруд ва замоне, ки Хирсак ба ҳаво бармехост, аксари мардум ашк мерехтанд.

Олимпиадаи соли 1980 то ҳол дар хотири меҳмонон ва аксари тамошобинону варзишкорон нақш бастааст. Ин бозиҳо яке аз боадолаттарин дар таърихи варзиш шинохта шудаанд, зеро пас аз итмоми онҳо ягон аризаи шикоятӣ ба комиссияи варзишӣ ворид нашудааст.

0
  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Маросими пӯшидашавии Олимпиадаи XXII соли 1980, 3 август дар майдони ба номи Ленин (Лужники) баргузор гардид.

  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
    © Sputnik / Дмитрий Донской

    Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).

  • Маросими пӯшидашавии Олимпиадаи XXII соли 1980
    © Sputnik / Юрий Сомов

    Маросими пӯшидашавии Олимпиадаи XXII соли 1980.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Олимпиадаи соли 1980 натанҳо барои шаҳрвандони ИҶШС балки мардуми ҷаҳон рухдоди муҳиме шуд.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Торжественная церемония закрытия Игр XXII Олимпиады. Центральный стадион имени В.И. Ленина 3 августа 1980 года.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Барои миллионҳо меҳмони хориҷӣ Бозиҳои олимпии соли 1980 дар Маскав бо меҳмоннавозӣ ва меҳрубонии мардуми рус ёддошт шуд.

  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Оташбозӣ дар маросими пӯшидашавии Олимпиадаи XXII соли 1980 дар майдони Лужники.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Олимпиадаи соли 1980 яке аз бозиҳои боадолаттарин дар ҷаҳони варзиш шинохта шудааст, чун дар давоми мусобиқот ягон аризаи шикоятӣ дар бораи натиҷаҳои бозиҳо навишта нашудааст.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Маросими пӯшидашавии Олимпиадаи XXII соли 1980 дар майдони Лужники.

  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
    © Sputnik / Владимир Акимов

    Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд.

Барчаспҳо:
маросим, олимпиада, Маскав