Аз таҷҳизот то автобусу КамАЗ: тоҷикистониҳо сифати маҳсулоти Русияро интихоб мекунанд

340
(Таҷдидшуда 22:57 30.09.2019)
Суботи сиёсӣ ва рушди иқтисодие, ки дар Тоҷикистон ба даст омадааст, густариши равобити ширкатҳои Русия бо масрафкунандагони Тоҷикистониро дар пай овардааст

ДУШАНБЕ, 29 сен — Sputnik. Дар нимсолаи аввали соли авон гардиши молу маҳсулот миёни ду кишвар наздик ба 500 миллион доллар расида буд. Соҳибкорони Русия содироти маҳсулот аз ин кишвар ба Тоҷикистонро ояндадор арзёбӣ мекунанд.

Тоҷикистон баъд аз буҳрони иқтисодӣ дар ҳоли рушд қарор гирифта, дар тиҷорати байналмилалӣ фаъолтар гаштааст. Яке аз самтҳои иқтисоди Тоҷикистон, ки ҳоло дар он рушд мушоҳида мешавад, бахши нақлиёт аст.

Русия –шарики муҳим барои ворид намудани технологияи нав

Идораи роҳи оҳани Тоҷикистон мегуяд мо дар ҳамкори бо Русия мушкил надорем ва равобити мо рӯз то рӯз сабуки пайдо мекунад. Мо аз Русия дастгоҳ ва қисмҳои эхтиётӣ дастрас мекунем.

Умуман ба гуфтаи Анвар Латифов, як мутахассиси Роҳи оҳани Тоҷикистон, корхона Роҳи оҳани Тоҷикистон дар ҳамлу нақл ва мусофиркашонӣ бо роҳи оҳани Русия фаъолияти ногусастани дорад ва рушди фаъолияти роҳи оҳан ва  ворид кардани фановариҳои нав дар ин соҳаро бидуни ҳамкорӣ бо Русия тасвур кардан ғайри имкон аст.

Раёсати идораи наклиёти рӯизминии Вазорати нақлиёти Тоҷикистон низ ба ояндаи ҳамкориҳои Русия ва Тоҷикистон хушбин ҳаст. Ба гуфтаи Фирдавс Раҳимов, мутахассиси идораи наклиёти рӯизминии Вазорати нақлиёт,  ҳачми ҳамлу нақли коло миёни Русия ва Тоҷикистон сол то сол ру ба афзоиш аст.

Вай афзуд, дигар аломати рушди ҳамкорӣ бо Русия дар он аст, ки раванди ҳамлу нақл миёни Русия ва Тоҷикистон бидуни рухсатнома сурат мегирад, ки дар раванди ҳамлу нақл бо дигар кишваҳо вуҷуд дорад.

ЛиАЗ, ЗИЛ, КамАЗ –дар Тоҷикистон чӣ кор мекунанд

Тоҷикистон дар навсозии порки автомобили мусофиркашонии дохили низ бо Русия ҳамкорӣ дорад.

Барои мисол Тоҷикистон дар ҳамкорӣ бо БАТР  барои сокинони Хуҷанҷ аз Русия 100 адад автобуси тамғаи ЛИАЗ –и сохти ин кишвар харидааст. Гузашта аз ин бархе аз корхонаҳои вилояти Суғди Тоҷикистон бо корхонаҳои мошинсозии Русия аз кабили ЗИЛ ҳамкории муштарак ба роҳ монда, бархе аз тамғаи мошин дар корхонаҳои вилояти Суғд тавлид мешавад.

Ширкатҳои хусусии Тоҷикистон бо ширкатҳои бузурги Русия монанди КАМАЗ, корхонаи мошинсозии ба номи Лихачов, корхонаи мошинсозии Урал ва ғайра ҳамкорӣ доранд. Таҷхизоту кисмхои эхтиётӣ навъхои мухталифи аккумуляторҳо, чарх, резина, равган ва гайра ворид мекунанд. Дар як соли ахир теъдоди хатсайрхои мусофиркашонӣ миёни Русия ва Тоҷикистон афзииш ёфт.

Мардуми Тоҷикистон натанҳо бо ҳавопаймову қатор, балки бо атобус ҳам вориди Русия мешаванд

Дар чанд соли ахир миёни Русияву Тоҷикистон ҳамлу нақли мусофирон тариқи автобусҳо афзоиш ёфтааст.

Ҳоло мусофирон аз Душанбе ва Хучанд ба шаҳрҳои Екатеринбург, Маскав Новосибирск, Самара сафар мекунанд. Дар тули хатсайр шароит барои мусофирон муҳайё шудааст. Дар оянда фаъол кардани хатсайрхои ҷадид дар назар аст.

Баъзе аз коршиносон дар равнақи ҳамкории ду кишвар дар оянда хушбин ҳастанд.

Симои нави Душанбе ва электроавтобусҳои Русия

Ин дар ҳолест, ки шаҳри Душанбе дар ин авохир симои тоза касб мекунад ва ба навъхои ҷадиди наклиёти шаҳрӣ ниёз дорад.

Душанбе ягона пойтахти пасошуравист, ки хатти трамвай надорад ва сохтмони хатти метро дар ин шаҳр дар даҳсолаҳои наздик дар назар нест ва мушкили сокинони ин шаҳрро шояд танҳо хариди автобусу тролйбус ва электроавтобусҳои чадиди сохти Русия аз байн бубарад.

“Мушкилоти нақлиёти мусофиркаш бо хариди троллейбус ва электроавтобусҳои нав аз Русия метавонад бартараф шавад. Ба назари ман ин иқдом метавонад ин мушкилотро комилан аз байн бубарад”, - гуфт як мутахассиси Кумитаи меъморӣ ва сохтмон ҷумҳурӣ.

Чанд соли пеш ба ҳамин мақсад дар Душанбе дар ҳамкорӣ бо Русия корхонаи тавлиди тролйбус ташкил шуд вале то баҳол аз хатти тавлиди ин корхона тролйбусе берун наомадааст.

Ва агар ин корхона дар оянда низ фаъол нашавад, Тоҷикистон метавонад ин анвои наклиёти мусофирбарро аз Русия ворид кунад.

КамАЗ ва Уралҳо дар роҳҳои Тоҷикистон

Чанд соли пеш ширкати КАМАЗ-и Русия дар ҳудуди 30 миллион доллар ба Тоҷикистон таҷхизоти мошин ворид карда буд, ки ҳудуди 60 фоизи бозор дар ин бахшро ташкил медод. Аммо ин арқом дар солҳои ахир ба маротиб коҳиш ёфтааст, чунки ҳоло соҳибкорони тоҷик кушиш менамоянд таҷҳизот барои мошинҳоро бо нархи дастрас аз Чин ворид намоянд. Аммо аксари ронандаҳои бо таҷриба дар бозорҳои кишвар дар ҷустуҷӯи таҷҳизоти русӣ ҳастанд. Чун кайфияти ин таҷҳизоти Русия нисбат ба Чин ба маротиб болотар аст.

Ширкати КАМАЗ ва Урали Русия барои Вазорати дифоъ, Кумитаи ҳолатҳои фавқулодда, Вазорати нақлиёти Тоҷикистон ҳамчунин ширкатҳои хориҷӣ, ки дар ин ҷумҳурӣ ба кашфу истихроҷи захираҳои табии машғуланд низ мошинолот ворид мекунад.

Бино ба омори мавҷуда дар ҳоли ҳозир дар Тоҷикистон ҳудуди панҷ ҳазор мошини КАМАЗ ҳазорҳо мошини сабукрави тамғаи ВАЗ мошинҳои сабукрави ГАЗ ҳамчунин мошинҳои боркаши ЗИЛ ва ғайра фаъол ҳаст, ки қисмҳои эҳтиётӣ барои ин мошинҳо аз Русия ворид мешавад.

Матлаб дар заминаи шарикии тиҷорӣ таҳия шудааст.

340
Барчаспҳо:
автобус, корхона, сифат, воридот, содирот, таҷҳизот, мошин, Русия, ҳамкорӣ, Тоҷикистон
Қаҳрамонии миллии WorldSkills Russia дар шакли ҷадид баргузор мешавад

Қаҳрамонии миллии WorldSkills Russia дар шакли ҷадид баргузор мешавад

127
(Таҷдидшуда 12:14 07.09.2020)
WorldSkills Russia VIII-умин Қаҳрамонии миллиро дар формати ҷадид яъне дистансионӣ баргузор мекунад

ДУШАНБЕ, 7 сен — Sputnik. Даври ниҳоии VIII-умин Қаҳрамонии миллии WorldSkills Russia аз 6 то 21 сентябри соли 2020 нахустин бор пурра ба таври дистансионӣ баргузор мешавад.

Ҳамагирии коронавирус ба зиндагии муқаррарӣ дар саросари ҷаҳон дигаргуниҳо ворид кард. Дар баробари ин марзҳои дигар боз шуданд: майдонҳои рақамӣ ин замон дар авҷи кор аст. Ҷаласаҳо, варзиш, вохӯрӣ бо дӯстон, тиҷорат, мактаб, донишгоҳҳо ва осорхонаҳо ҳама ба фаъолияти онлайнӣ гузаштанд.

WorldSkills Russia низ аз навгониҳои технологӣ ақиб намонд. Барои он, ки рӯзи баргузории даври ниҳоии қаҳрамонии миллӣ ба таърих наафтад, дар низоми WorldSkills тарзи дистансионӣ коркард карда шуд. Дар ин низом барномаҳои тозатарини технологӣ ворид шудааст, ки баъдан дигар кишварҳо дар тарбияи кадрҳо ва баргузории қаҳрамониҳо ба кор хоҳанд бурд.

Фаъолияти мунтазас оид ба рушди WorldSkills дар Тоҷикистон низоми омода намудани мутахассисонро ба сатҳи нав мебардорад
WorldSkills Russia
Қаҳрамонии миллии WorldSkills Russia дар шакли нав баргузор мешавад

Дар чорчӯби даври ниҳоии қаҳрамонии миллӣ, сабқатҳо аз рӯи 130 намуд (барои наврасон то 71 намуд) баргузор мешавад. Дар мусобиқа беш аз 2800 кас, миёни онҳо наврасон ва шаҳрвандони хориҷӣ низ хоҳанд буд. Барои муқоиса: соли 2018 – 700 кас ва соли 2019 – 1500 нафар ширкат карда буд. Ҷомеаи коршиносонро 700 кас намояндагӣ мекунанд. Формати ҷадид, ки аз ҷониби WorldSkills Russia коркард шудааст, имкон дод, то шумораи бештари иштироккунандагон аз тамоми гӯшаю канори кишвар ба сабқат роҳ ёбанд. Ҳамин тавр, даври ниҳоии VIII –умин Қаҳрамонии миллии WorldSkills Russia, дар 8 соли баргузории ин сабқат дар Русия, бузургтарин хоҳад буд. Хоҳишмандон аз тамоми гӯшаю канори дунё метавонанд, тариқи пахши мустақим сабқатро тамошо кунанд.

Сабқат дар доираи 7 касб баргузор мешавад: сохтмон ва технологияи сохтмонӣ; технологияҳои иттилоотӣ ва коммуникатсионӣ; эҷодкорӣ ва тарроҳӣ; технологияи истеҳсолӣ ва муҳандисӣ; бахши хизматрасонӣ; нақлиёт ва логистика; Future Skills (Малакаҳои оянда).

Даври ниҳоӣ дар коллеҷҳо ва ҳамчунин марказҳои байналмилалии баланд бардоштани салоҳият баргузор мешаванд. Саркоршиносон дар замони воқеъӣ тарзи баргузории сабқатро мушоҳида ва мувофиқи қоида гузаронидани онро идора мекунанд.

Баромади ширкаткунандагон тариқи барномаи вижаи технологӣ баҳогузорӣ мешавад. Низоми баҳогузориро ба чанд бахш тақсим мекунанд. Кори ширкаткунандагон аз ҷониби коршиносон дар минтақаи баргузории сабқат ё тариқи онлайн арзёбӣ мешавад. Он озмунҳое, ки баҳогузориашон тариқи онлайн ғайри имкон аст, ба воситаи эскпресс-почта ба Маркази идораи сабқатҳо дар Новокузнетск ё марказҳо дар Маскав ва Қазон равон карда мешаванд.

Дар баробари ин, барои меҳмонони барномаи «Билет в будущее» (Чипта барои оянда), барномаи вижаи дистансионӣ Try-a-- skill – «Попробуй себя в профессии» (Касби худро бисанҷ) роҳандозӣ мешавад. Ҳар хоҳишманд метавонад, дар сайёҳати маҷозӣ ва бо истифода аз фаъолиятҳои муосири онлайн қувваи худро бо ёрии бозиҳо ва вазифаҳои интерактивӣ аз ҷониби мураббиён, санҷад.

Ин табадуллот, ки баёнгари дигаргуниҳо дар низоми кори ҷаҳонӣ ва рушди иқтисоди рақамӣ, натиҷаи фаъолияти якҷоя мебошад. WorldSkills Russia аз кай боз дар пажӯҳиш ва коркарди методҳои нави баргузории қаҳрамонии миллӣ ба таври дистансионӣ буда, аллакай аз ҷониби Вазорати маорифи ФР, мақомоти Кузбасс, Ожонси ташаббусҳои стратегӣ ва шарикон аз 50 ширкатҳои бонуффузи ҷаҳонӣ дастгирӣ ёфтааст.

Даври ниҳоии Қаҳрамонии миллии WorldSkills Russia дар шакли дистансионӣ баргузор мешавад
WorldSkills Russia
Даври ниҳоии Қаҳрамонии миллии WorldSkills Russia дар шакли дистансионӣ баргузор мешавад

Кузбасс – яке аз майдонҳои бузургтарини истеҳсоли ангишт – маркази баргузории даври ниҳоии VIII-умин Қаҳрамонии миллӣ хоҳад шуд. Ин ҷо корхонаҳои бузурги саноатӣ ва металлургӣ мавҷуданд. Имрӯзҳо Кузбасс босуръат рушд мекунад ва дар заводҳо охирин технологияи замонавии сатҳи ҷаҳонӣ роҳандозӣ мешавад. Ба ин минтақа мутахассисони сатҳи баланд лозиманд. Барои ҳамин баргузории даври ниҳоии Қаҳрамонии миллӣ – имконияти хубе барои муаррифӣ ба ҷавонон маҷмӯи пурраи ихтисосҳои корӣ хоҳад буд.

Ширкаткунандагони хориҷӣ чун анъана имкон доранд ба қаҳрамонии миллии WorldSkills Russia ҳамроҳ шаванд, омӯзанд ва дар бархе аз озмунҳо ширкат кунанд. Дар доираи қаҳрамонӣ барои ширкаткунандагон аз кишварҳои Уросиё “имтиҳони уросиёӣ” баргузор мешавад.

"WorldSkills Russia дар самти ҳамкориҳои байналмилалӣ бо кишварҳои шарик дар сохтани низоми омӯзиши босалоҳият, ташкили қаҳрамониҳои малакаҳои касбӣ, инчунин эҷод ва таҳияи қарорҳои рақамӣ барои омӯзиш дорои таҷрибаи бой мебошад, - гуфт Роберт Уразов, директори кулли WorldSkills Russia. – Дар ҳоли ҳозир мо чунин низоми омода намудани мутахассисонро дар кишварҳои УрОсиё аз ҷумла ИДМ роҳандозӣ мекунем. Дар доираи ин корҳо мо тамринҳои муштараки пайваст ба марказҳои дистансионии русиягӣ ва захираҳои WorldSkills Russia ва муассисаҳои таълимӣ пайваст мебошанд. Ин равиш ба мо имкон медиҳад, ки технологияҳои таҳияшударо такмил диҳем, ба афзоиши муштарак ва минбаъд таъмин намудани бозори меҳнати маъмул бо кишварҳои ИДМ бо мутахассисони баландихтисос мусоидат намоем".

Тоҷикистон низоми таҳсилоти касбиро рушд медиҳад ва дар оянда нақша дорад ба WorldSkills пайваст шавад.  Феълан WorldSkills Russia бо ҳамкорони тоҷикаш таҷрибаи беҳтарини ҷорӣ намудани стандартҳои WorldSkills дар низоми таълими кадрҳоро, ки таҳияи он барои кишвар дар заминаи афзоиши муҳоҷирати меҳнатӣ аз вазифаҳои муҳим мебошад, роҳандозӣ мекунад. Дар нақша ҳаст, ки дар якҷоягӣ бо намояндагони WorldSkills Russia тарҳи баргузории чорабиниҳо: ҷаласаи комиссияҳои байниҳукуматӣ ва гурӯҳҳои корӣ оид ба ҳамкориҳои тиҷоративу иқтисодӣ, фарҳангӣ ва илмӣ-техникӣ ба роҳ монда шавад.

Формати нави баргузории сабқатҳо ва омӯзиш, ки аз ҷониби WorldSkills Russia коркард шудааст, ба баъзе аз дигаргуниҳои глобалӣ нигоҳ накарда, имкон медиҳад, бо Тоҷикистон ҳамкориҳои муассир идома дода шавад. Дар доираи даври ниҳоии VIII-умин Қаҳрамонии миллии WorldSkills Russia технологияҳои навтаъсисёфтаи рақамиро на танҳо дар сайтҳои худ, балки дар сайтҳои кишварҳои шарик низ месанҷад ва ба ин васила онҳоро такмил медиҳад ва ба ин ё он системаи миллии омӯзишӣ мутобиқ менамояд.

В рамках финала VIII Национального чемпионата WorldSkills Russia апробирует вновь разработанные цифровые технологии не только на своих площадках, но и на площадках стран-партнеров
WorldSkills Russia
Дар доираи Қаҳрамонии миллии WorldSkills Russia навгониҳои технологиро на танҳо дар майдонҳои худӣ, балки дар кишварҳои шарик низ озмоиш мекунанд.

Чун анъана кишварҳо ба иштирок дар қаҳрамониҳои миллии Русия оид ба малакаҳои касбӣ таваҷҷӯҳи зиёд зоҳир мекунанд, барномаҳои тозаеро, ки дар пажӯҳишгоҳҳои WorldSkills Russia омода мешаванд, дар низоми миллии омода намудани мутахассисон, роҳандозӣ кунанд. Ҳамин тавр, WorldSkills Russia таҷрибаҳои худро ҷаҳонӣ мекунад.

Имсол барномаи вижаи онлайн, ки аз ҷониби намояндагони WorldSkills Russia барои шарикони хориҷӣ муаррифӣ мешавад, ба баргузории сабқатҳои онлайн бахшида мешавад. Ширкаткунандагон аз 40 кишвари дунё чун нозирон ва коршиносони мустақил аб барнома пайваст карда мешаванд. Дар доираи ин барнома: сессияҳо бахшида ба формати нави баргузории қаҳрамонии миллии WorldSkills Russia, бо истифода аз технологияи навтарин, тренинг оид ба баҳогузории мустақил бо стандартҳои WorldSkills дар шакли дистансионӣ; business talk дар бораи ҳамкориҳои ва муносибат бо шарикони саноатӣ ва ширкатҳо барои ташкил ва гузаронидани тренингҳо ва озмунҳои онлайн; сессия оид ба роҳандозии сабқатҳои дистансонӣ аз рӯи 7 гузаронида мешавад.

Шарту шароити замон низоми таълими касбиро зери шубҳа қарор дод. Ин шароитҳо марҳилаи нави беназири рушди онро муайян кард. Натанҳо баргузории қаҳрамониҳо ба таври дистансионӣ мегузарад, балки фаъолияти корӣ ва омӯзиш низ ва дар замина мудели нави фаъолият ва ҷои корро дар бозори меҳнат ба вуҷуд ме03,орад.

Кори мураттаб дар самти рушди WorldSkills дар Тоҷикистон низоми миллии омода намудани мутахассисонро ба сатҳи нав мебарорад ва ба баланд бардоштани сифати тайёр кардани мутахассисони ҷавон, ки барои таҳкими иқтисодиёти кишвар муҳиманд, мусоидат мекунад. Ғайр аз ин, воситаҳои WorldSkills ба кишвар имкон медиҳанд, ки дар рушди захираҳои инсонӣ дар кишварҳои ИДМ ва фазои Иқтисодии УрОсиё дар ҳоли рушд қарор гиранд ва ба навгониҳо ҳамқадам шаванд.

Мусобиқот бо дастгирии ширкатҳои KNAUF, IEK, 1С, Элфорт баргузор мешавад.

Маълумоти бештарро аз торномаи  https://wsr.online  дарёфт кунед.

Шарики лоиҳа

127
Барчаспҳо:
қаҳрамонӣ, сабқат, Русия, ҷаҳон
Ронандаи фирорӣ Менглиев Журабек

Ронандаи фирорие, ки сабаби марги чаҳор нафар гардид, боздошт шуд

3269
(Таҷдидшуда 20:03 17.08.2020)
Вазорати умури дохилаи Тоҷикистон хабар додааст, ки ронандаи 32-сола, ки чаҳор пиёдагардро пахш намуда, сипас аз ҷои ҳодиса ёрӣ нарасонда фирор кардааст, боздошт шуд

ДУШАНБЕ, 17 авг — Sputnik. Бино бар иттилои дафтари матбуоти Вазорати умури дохилаи Тоҷикистон, ин ҳодисаи мудҳиш санаи 6-уми августи соли равон, тахминан соатҳои 19:50-дақиқа, дар ноҳияи Шаҳритузи вилояти Хатлон сурат гирифтааст.

ВУД Тоҷикистон таъкид доштааст, ки Менглиев Журабек, соли таваллудаш 1988, ҳангоми харакат дар ҳудуди роҳи автомобилгарди маҳаллаи аҳолинишини деҳаи Чинор, ҷамоати деҳоти Холматов, дар ҳолати мастӣ бо  автомашинаи “Опел-Астра”, суръати ҳаракати воситаи нақлиётро аз меъёри муқарраргардида зиёд намуда, бо қисми пеши автомобил сараввал ба як сар чорвои калони шохдор бармехӯрад, ва пас аз бархӯрд ба қисмати канори рости роҳ баромада, чор нафар аз пиёдагардон, сокинони деҳаи Чинорро бо қисми пеши автомобилаш зада пахш менамояд.

Гуфта шудааст, ки ин нафарон бо гирифтани ҷароҳатҳои гуногуни ҷисмонӣ, дар ҷои ҳодиса ба ҳалокат расиданд.

Дар ҳамин ҳол, ронанда Менглиев Журабек баъди рух додани садамаи нақлётии марговар нақлиёташро партофта ва ба ҷароҳатгирифтагон ёрӣ нарасонида, аз ҷои ҳодиса ғайб мезанад.

ВУД Қайд кардааст, ки вобаста ба ҳолати мазкур барои муайян намудани ронандаи фирорӣ аз ҷониби кормандони ШВКД корҳои дохилӣ дар ноҳияи Шаҳритуз як қатор чорабиниҳои оперативӣ-ҷустуҷӯӣ роҳандозӣ карда шуд.

“Дар натиҷа гумонбаршуда боздошт ва нисбаташ дар Шуъбаи тафтишотии РВКД дар вилояти Хатлон парвандаи ҷиноятӣ бо моддаҳои 212 қисми 5 ва 127 қисми 3 банди “а” Кодекси ҷиноятии ҶТ оғоз карда шуд”, - зикр намудаст ВУД.

Инчунин манбаъ таъкид доштааст, ки дар ҳоли ҳозир кормандони милитсияи Тоҷикистон тафтишоти ин ҳодисаро идома доранд.

3269
Барчаспҳо:
боздошт, пиёдагард, ёрӣ, фирор, ҳодиса, ронанда, Вазорати умури дохилаи Тоҷикистон, Тоҷикистон
День 20 сентября

Ҷашнҳои рӯзи 20 сентябр дар Тоҷикистон ва ҷаҳон

0
(Таҷдидшуда 19:25 19.09.2020)
Рӯзи бистуми сентябр ҳамчун Рӯзи байналмилалии варзиши донишҷӯён ба ҳисоб меравад. Ҳамчунин Ҷумҳурии Қирғизистон дар ин рӯз аз Рӯзи соҳибкорон ҷашн мегирад

Рӯзи 20 сентябр дар ҷаҳон чӣ рух дод

Соли 1802 дар Россия аввалин маротиба вазоратҳои мудофиа, корҳои хориҷӣ ва корҳои дохилӣ таъсис дода шуданд.

Соли 1902 дар натиҷаи сӯхтор дар калисои шаҳри  Бирмингеми Англия зиёда аз 100 нафар ба ҳалокат расиданд.

День 18 сентября
© Sputnik / Стас Этвеш / Вишнякова Мария

Соли 1917 Парлумони Канада ба модар, ҳамсар ва хоҳари аскари дар майдони ҷанг муборизабаранда ҳуқуқи овоздиҳӣ пешниҳод кард.

Соли 1992 аксарияти аҳолии Фаронса  дар раъйпурсӣ барои шомил шудани кишварашон ба ҳайати Иттиҳоди Аврупо овоз доданд.

Соли 1993 Парлумони Озарбойҷон барои шомил шудан ба Иттиҳоди Давлатҳои Мустақил қарор қабул кард.

Рӯзи 20 сентябр дар Тоҷикистон чӣ рух дод

Соли 2010  Эмомалӣ Раҳмон дар Маҷлиси умумии сатҳи олии Маҷмаи кулли СММ бахшида ба масъалаҳои Ҳадафҳои Рушди Ҳазорсола суханронӣ намуд.

Ҷашнҳои рӯзи 17 сентябр дар Тоҷикистон ва ҷаҳон

Соли 2013 Сарвари давлат ҷиҳати иштирок дар ҷаласаи сарони давлатҳои узви Созмони Аҳдномаи амнияти дастаҷамъӣ ба шаҳри Сочии Федератсияи Русия сафар кард.

Соли 2016 Агентии омори назди Президенти Ҷумҳурии Тоҷикистон аввалин маҷаллаи стратегии "Тоҷикистон: 25 соли истиқлолияти давлатӣ"-ро нашр намуд.

День 15 сентября
© Sputnik / Стас Этвеш / Вишнякова Мария

Соли 2016 узви собиқи дастаи мунтахаби Тоҷикистон оид ба бокс Сергей Харитонов дар рӯйхати навшудаи беҳтарин муборизони ҷаҳон шомил шуд.

Соли 2017 дар шаҳри Ню-Йорк Эмомалӣ Раҳмон дар мубоҳисаҳои умумии Иҷлосияи 72-юми Маҷмаи Умумии Созмони Милали Муттаҳид иштирок намуда, яке аз аввалинҳо шуда, суханронӣ карданд.

Соли 2018 Раисҷумҳури Тоҷикистон Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Шоҳмансури пойтахт Муассисаи таълимии таҳсилоти умумии ғайридавлатии "Академияи умумиҷаҳонии Кембриҷ" - ро дар вазъияти тантанавӣ ифтитоҳ карданд.

Ҷашнҳои рӯзи 20 сентябр

  • Рӯзи байналмилалии варзиши донишҷӯён.
  • Дар Белорус – Рӯзи гумрукчиён.
  • Дар Қирғизистон – Рӯзи соҳибкорон.
  • Дар Осетияи Ҷанубӣ – Рӯзи истиқлолият.

Рӯзи 20 сентябр дар Тоҷикистон кӣ ба дунё омадааст

Солҳои (1909-1993)  Нависандаи халқии Тоҷикистон, дорандаи ҷоизаи ба номи А. Рӯдакӣ Ҷалол Икромӣ.

Солҳои (1916-1986)  Ҳунарманди театр ва халқии Тоҷикистон Тӯтӣ Ғафорова.

Соли 1945 Шоири халқии Тоҷикистон, дорандаи ҷоизаи ба номи А. Рӯдакӣ, муаллифи суруди миллии Тоҷикистон Гулназар Келдӣ.

Солҳои (1946-2010) дорандаи ҷоизаи ба номи А.Рӯдакӣ Музаффар Неъматов.

Соли 1947 Профессори илмҳои иқтисодӣ Амир Катаев.

0
Барчаспҳо:
ҷашн, ҷаҳон, Тоҷикистон