Ҷаласаи 37-уми Шӯрои ҳамоҳангсозӣ ва гуруҳи ҳамоҳангсози коршиносони “Евразия”

Ҷаласаи 37-уми Шӯрои ҳамоҳангсозии “Авруосиё” дар Қазоқистон

99
(Таҷдидшуда 12:34 04.10.2019)
Ҷаласаи 37-уми Шӯрои ҳамоҳангсозӣ ва гуруҳи ҳамоҳангсози коршиносони “Авруосиё”, ки дастраскунандаҳои хадамоти аэронавигатсионии кишварҳои ИДМ-ро ба ҳам меорад, рӯзҳои 23 – 26 сентябр дар шаҳри Алматои Қазоқистон баргузор шуд

Дар ҳамоиш намояндагони ниҳодҳои дастраскунандаи хадамоти аэронавигатсионии Тоҷикистон, Озорбойҷон, Арманистон, Белорус, Қазоқистон, Қирғизистон, Узбакистон, инчунин ҳайатҳо аз корхонаҳои саноатии соҳавӣ, Созмони байналмилалии ҳавонавардии мулкӣ – ICAO, Ассотсиатсияи байналмилалии нақлиёти ҳавоӣ – IATA ва Кумитаи байнидавлатии ҳавонавардӣ иштирок карданд.  

Корхонаҳои ҳавонавардии узви Шӯрои ҳамоҳангсозии “Авруосиё” аз фаъолияташон баъди ҷаласаи қаблӣ, ки моҳи апрели соли равон баргузор шуд, гузориш дода, ҳисоботи натиҷаи кори Гуруҳи ҳамоҳангсози коршиносонро шуниданд.

Ҷонибҳо инчунин дурнамои татбиқи тарҳҳои муштаракро баррасӣ карда, таҳкими ҳамкориҳои байналмилалӣ дар умури ташкили ҳаракати ҳавоиро таъкид намудаанд.   

Зимни чорабинӣ салоҳияти раёсат дар “Авруосиё” аз зиммаи корхонаи воҳиди федералии “Корпоратсияи давлатии ташкили  ҳаракати ҳавоӣ дар Федератсияи Русия” ба уҳдаи муассисаи давлатии “Казаэронавигатсия” мунтақил шуд.

Пресс-служба ФГУП «Госкорпорация по ОрВД»
Ҷаласаи 37-уми Шӯрои “Авруосиё” бо иштироки масъулини ниҳодҳои дастраскунандаи хадамоти аэронавигатсионии Тоҷикистон, Озорбойҷон, Арманистон, Белорус, Қазоқистон, Қирғизистон, Узбакистон ва бархе аз созмонҳои байналмилалии ҳавонавардии мулкӣ баргузор шуд

Игор Моисеенко, мудири кулли Корпоратсияи давлатии ташкили ҳаракати ҳавоӣ дар Русия, аз натиҷаҳои кори Шӯрои “Авруосиё” дар аҳди раёсати Русия - аз соли 2016 то 2019 гузориш дод. Ӯ ҳамчунин авлавиятҳои рушди созмонро дар дурнамо қайд кард.

Роҳбари Корпоратсияи давлатии ташкили ҳаракати ҳавоӣ дар Русия дар бораи тағйири миқёси ҳаракат ва дастоварди барномаҳо барои таҳкими марказҳои идораи ҳаракати ҳавоӣ дар Русия суҳбат намуд. Ӯ аз ҷумла дар бораи таъмини мунтазамию амнияти парвозҳо дар лаҳзаҳои зиёд будани шиддат, дар бораи ба истифода додани фурудгоҳи Гагарин дар Саратов ва хатти сеюми фуруду парвоз дар майдони ҳавоии Шереметево нақл кард.

Моисеенко муфассалтар аз навсозии Низоми ягонаи ташкили ҳаракати ҳавоӣ дар Русия гуфта, авлавиятҳо дар масоили омодасозии мутахассисону бозомӯзиро зикр намуд. Ӯ муҳимияти табодули таҷриба дар ҳамгироии низомҳою ҳавопаймоҳои бесарнишинро ба низоми воҳиди ҳавонавардӣ таъкид кард.  

Ҳайатҳо ва меҳмонони даъватшуда ташкили хуби чорабиниро аз тарафи мизбон – корхонаи давлатии “Казаэронавигатсия” таҳти роҳбарии Азат Бектуров махсус зикр намуданд. Дар охири ҳамоиш, расман эълон шуд, ки ҷаласаи 38-уми Шӯрои ҳамоҳангсозии “Авруосиё” баҳори соли оянда баргузор мешавад.

Матлаб дар заминаи тиҷоратӣ нашр шудааст.

99
Барчаспҳо:
ҷаласа, мулоқот, идора, ҳавонавардӣ, АвруОсиё, ҷаҳон, Қазоқистон
Қаҳрамонии миллии WorldSkills Russia дар шакли ҷадид баргузор мешавад

Қаҳрамонии миллии WorldSkills Russia дар шакли ҷадид баргузор мешавад

128
(Таҷдидшуда 12:14 07.09.2020)
WorldSkills Russia VIII-умин Қаҳрамонии миллиро дар формати ҷадид яъне дистансионӣ баргузор мекунад

ДУШАНБЕ, 7 сен — Sputnik. Даври ниҳоии VIII-умин Қаҳрамонии миллии WorldSkills Russia аз 6 то 21 сентябри соли 2020 нахустин бор пурра ба таври дистансионӣ баргузор мешавад.

Ҳамагирии коронавирус ба зиндагии муқаррарӣ дар саросари ҷаҳон дигаргуниҳо ворид кард. Дар баробари ин марзҳои дигар боз шуданд: майдонҳои рақамӣ ин замон дар авҷи кор аст. Ҷаласаҳо, варзиш, вохӯрӣ бо дӯстон, тиҷорат, мактаб, донишгоҳҳо ва осорхонаҳо ҳама ба фаъолияти онлайнӣ гузаштанд.

WorldSkills Russia низ аз навгониҳои технологӣ ақиб намонд. Барои он, ки рӯзи баргузории даври ниҳоии қаҳрамонии миллӣ ба таърих наафтад, дар низоми WorldSkills тарзи дистансионӣ коркард карда шуд. Дар ин низом барномаҳои тозатарини технологӣ ворид шудааст, ки баъдан дигар кишварҳо дар тарбияи кадрҳо ва баргузории қаҳрамониҳо ба кор хоҳанд бурд.

Фаъолияти мунтазас оид ба рушди WorldSkills дар Тоҷикистон низоми омода намудани мутахассисонро ба сатҳи нав мебардорад
WorldSkills Russia
Қаҳрамонии миллии WorldSkills Russia дар шакли нав баргузор мешавад

Дар чорчӯби даври ниҳоии қаҳрамонии миллӣ, сабқатҳо аз рӯи 130 намуд (барои наврасон то 71 намуд) баргузор мешавад. Дар мусобиқа беш аз 2800 кас, миёни онҳо наврасон ва шаҳрвандони хориҷӣ низ хоҳанд буд. Барои муқоиса: соли 2018 – 700 кас ва соли 2019 – 1500 нафар ширкат карда буд. Ҷомеаи коршиносонро 700 кас намояндагӣ мекунанд. Формати ҷадид, ки аз ҷониби WorldSkills Russia коркард шудааст, имкон дод, то шумораи бештари иштироккунандагон аз тамоми гӯшаю канори кишвар ба сабқат роҳ ёбанд. Ҳамин тавр, даври ниҳоии VIII –умин Қаҳрамонии миллии WorldSkills Russia, дар 8 соли баргузории ин сабқат дар Русия, бузургтарин хоҳад буд. Хоҳишмандон аз тамоми гӯшаю канори дунё метавонанд, тариқи пахши мустақим сабқатро тамошо кунанд.

Сабқат дар доираи 7 касб баргузор мешавад: сохтмон ва технологияи сохтмонӣ; технологияҳои иттилоотӣ ва коммуникатсионӣ; эҷодкорӣ ва тарроҳӣ; технологияи истеҳсолӣ ва муҳандисӣ; бахши хизматрасонӣ; нақлиёт ва логистика; Future Skills (Малакаҳои оянда).

Даври ниҳоӣ дар коллеҷҳо ва ҳамчунин марказҳои байналмилалии баланд бардоштани салоҳият баргузор мешаванд. Саркоршиносон дар замони воқеъӣ тарзи баргузории сабқатро мушоҳида ва мувофиқи қоида гузаронидани онро идора мекунанд.

Баромади ширкаткунандагон тариқи барномаи вижаи технологӣ баҳогузорӣ мешавад. Низоми баҳогузориро ба чанд бахш тақсим мекунанд. Кори ширкаткунандагон аз ҷониби коршиносон дар минтақаи баргузории сабқат ё тариқи онлайн арзёбӣ мешавад. Он озмунҳое, ки баҳогузориашон тариқи онлайн ғайри имкон аст, ба воситаи эскпресс-почта ба Маркази идораи сабқатҳо дар Новокузнетск ё марказҳо дар Маскав ва Қазон равон карда мешаванд.

Дар баробари ин, барои меҳмонони барномаи «Билет в будущее» (Чипта барои оянда), барномаи вижаи дистансионӣ Try-a-- skill – «Попробуй себя в профессии» (Касби худро бисанҷ) роҳандозӣ мешавад. Ҳар хоҳишманд метавонад, дар сайёҳати маҷозӣ ва бо истифода аз фаъолиятҳои муосири онлайн қувваи худро бо ёрии бозиҳо ва вазифаҳои интерактивӣ аз ҷониби мураббиён, санҷад.

Ин табадуллот, ки баёнгари дигаргуниҳо дар низоми кори ҷаҳонӣ ва рушди иқтисоди рақамӣ, натиҷаи фаъолияти якҷоя мебошад. WorldSkills Russia аз кай боз дар пажӯҳиш ва коркарди методҳои нави баргузории қаҳрамонии миллӣ ба таври дистансионӣ буда, аллакай аз ҷониби Вазорати маорифи ФР, мақомоти Кузбасс, Ожонси ташаббусҳои стратегӣ ва шарикон аз 50 ширкатҳои бонуффузи ҷаҳонӣ дастгирӣ ёфтааст.

Даври ниҳоии Қаҳрамонии миллии WorldSkills Russia дар шакли дистансионӣ баргузор мешавад
WorldSkills Russia
Даври ниҳоии Қаҳрамонии миллии WorldSkills Russia дар шакли дистансионӣ баргузор мешавад

Кузбасс – яке аз майдонҳои бузургтарини истеҳсоли ангишт – маркази баргузории даври ниҳоии VIII-умин Қаҳрамонии миллӣ хоҳад шуд. Ин ҷо корхонаҳои бузурги саноатӣ ва металлургӣ мавҷуданд. Имрӯзҳо Кузбасс босуръат рушд мекунад ва дар заводҳо охирин технологияи замонавии сатҳи ҷаҳонӣ роҳандозӣ мешавад. Ба ин минтақа мутахассисони сатҳи баланд лозиманд. Барои ҳамин баргузории даври ниҳоии Қаҳрамонии миллӣ – имконияти хубе барои муаррифӣ ба ҷавонон маҷмӯи пурраи ихтисосҳои корӣ хоҳад буд.

Ширкаткунандагони хориҷӣ чун анъана имкон доранд ба қаҳрамонии миллии WorldSkills Russia ҳамроҳ шаванд, омӯзанд ва дар бархе аз озмунҳо ширкат кунанд. Дар доираи қаҳрамонӣ барои ширкаткунандагон аз кишварҳои Уросиё “имтиҳони уросиёӣ” баргузор мешавад.

"WorldSkills Russia дар самти ҳамкориҳои байналмилалӣ бо кишварҳои шарик дар сохтани низоми омӯзиши босалоҳият, ташкили қаҳрамониҳои малакаҳои касбӣ, инчунин эҷод ва таҳияи қарорҳои рақамӣ барои омӯзиш дорои таҷрибаи бой мебошад, - гуфт Роберт Уразов, директори кулли WorldSkills Russia. – Дар ҳоли ҳозир мо чунин низоми омода намудани мутахассисонро дар кишварҳои УрОсиё аз ҷумла ИДМ роҳандозӣ мекунем. Дар доираи ин корҳо мо тамринҳои муштараки пайваст ба марказҳои дистансионии русиягӣ ва захираҳои WorldSkills Russia ва муассисаҳои таълимӣ пайваст мебошанд. Ин равиш ба мо имкон медиҳад, ки технологияҳои таҳияшударо такмил диҳем, ба афзоиши муштарак ва минбаъд таъмин намудани бозори меҳнати маъмул бо кишварҳои ИДМ бо мутахассисони баландихтисос мусоидат намоем".

Тоҷикистон низоми таҳсилоти касбиро рушд медиҳад ва дар оянда нақша дорад ба WorldSkills пайваст шавад.  Феълан WorldSkills Russia бо ҳамкорони тоҷикаш таҷрибаи беҳтарини ҷорӣ намудани стандартҳои WorldSkills дар низоми таълими кадрҳоро, ки таҳияи он барои кишвар дар заминаи афзоиши муҳоҷирати меҳнатӣ аз вазифаҳои муҳим мебошад, роҳандозӣ мекунад. Дар нақша ҳаст, ки дар якҷоягӣ бо намояндагони WorldSkills Russia тарҳи баргузории чорабиниҳо: ҷаласаи комиссияҳои байниҳукуматӣ ва гурӯҳҳои корӣ оид ба ҳамкориҳои тиҷоративу иқтисодӣ, фарҳангӣ ва илмӣ-техникӣ ба роҳ монда шавад.

Формати нави баргузории сабқатҳо ва омӯзиш, ки аз ҷониби WorldSkills Russia коркард шудааст, ба баъзе аз дигаргуниҳои глобалӣ нигоҳ накарда, имкон медиҳад, бо Тоҷикистон ҳамкориҳои муассир идома дода шавад. Дар доираи даври ниҳоии VIII-умин Қаҳрамонии миллии WorldSkills Russia технологияҳои навтаъсисёфтаи рақамиро на танҳо дар сайтҳои худ, балки дар сайтҳои кишварҳои шарик низ месанҷад ва ба ин васила онҳоро такмил медиҳад ва ба ин ё он системаи миллии омӯзишӣ мутобиқ менамояд.

В рамках финала VIII Национального чемпионата WorldSkills Russia апробирует вновь разработанные цифровые технологии не только на своих площадках, но и на площадках стран-партнеров
WorldSkills Russia
Дар доираи Қаҳрамонии миллии WorldSkills Russia навгониҳои технологиро на танҳо дар майдонҳои худӣ, балки дар кишварҳои шарик низ озмоиш мекунанд.

Чун анъана кишварҳо ба иштирок дар қаҳрамониҳои миллии Русия оид ба малакаҳои касбӣ таваҷҷӯҳи зиёд зоҳир мекунанд, барномаҳои тозаеро, ки дар пажӯҳишгоҳҳои WorldSkills Russia омода мешаванд, дар низоми миллии омода намудани мутахассисон, роҳандозӣ кунанд. Ҳамин тавр, WorldSkills Russia таҷрибаҳои худро ҷаҳонӣ мекунад.

Имсол барномаи вижаи онлайн, ки аз ҷониби намояндагони WorldSkills Russia барои шарикони хориҷӣ муаррифӣ мешавад, ба баргузории сабқатҳои онлайн бахшида мешавад. Ширкаткунандагон аз 40 кишвари дунё чун нозирон ва коршиносони мустақил аб барнома пайваст карда мешаванд. Дар доираи ин барнома: сессияҳо бахшида ба формати нави баргузории қаҳрамонии миллии WorldSkills Russia, бо истифода аз технологияи навтарин, тренинг оид ба баҳогузории мустақил бо стандартҳои WorldSkills дар шакли дистансионӣ; business talk дар бораи ҳамкориҳои ва муносибат бо шарикони саноатӣ ва ширкатҳо барои ташкил ва гузаронидани тренингҳо ва озмунҳои онлайн; сессия оид ба роҳандозии сабқатҳои дистансонӣ аз рӯи 7 гузаронида мешавад.

Шарту шароити замон низоми таълими касбиро зери шубҳа қарор дод. Ин шароитҳо марҳилаи нави беназири рушди онро муайян кард. Натанҳо баргузории қаҳрамониҳо ба таври дистансионӣ мегузарад, балки фаъолияти корӣ ва омӯзиш низ ва дар замина мудели нави фаъолият ва ҷои корро дар бозори меҳнат ба вуҷуд ме03,орад.

Кори мураттаб дар самти рушди WorldSkills дар Тоҷикистон низоми миллии омода намудани мутахассисонро ба сатҳи нав мебарорад ва ба баланд бардоштани сифати тайёр кардани мутахассисони ҷавон, ки барои таҳкими иқтисодиёти кишвар муҳиманд, мусоидат мекунад. Ғайр аз ин, воситаҳои WorldSkills ба кишвар имкон медиҳанд, ки дар рушди захираҳои инсонӣ дар кишварҳои ИДМ ва фазои Иқтисодии УрОсиё дар ҳоли рушд қарор гиранд ва ба навгониҳо ҳамқадам шаванд.

Мусобиқот бо дастгирии ширкатҳои KNAUF, IEK, 1С, Элфорт баргузор мешавад.

Маълумоти бештарро аз торномаи  https://wsr.online  дарёфт кунед.

Шарики лоиҳа

128
Барчаспҳо:
қаҳрамонӣ, сабқат, Русия, ҷаҳон
Ронандаи фирорӣ Менглиев Журабек

Ронандаи фирорие, ки сабаби марги чаҳор нафар гардид, боздошт шуд

3269
(Таҷдидшуда 20:03 17.08.2020)
Вазорати умури дохилаи Тоҷикистон хабар додааст, ки ронандаи 32-сола, ки чаҳор пиёдагардро пахш намуда, сипас аз ҷои ҳодиса ёрӣ нарасонда фирор кардааст, боздошт шуд

ДУШАНБЕ, 17 авг — Sputnik. Бино бар иттилои дафтари матбуоти Вазорати умури дохилаи Тоҷикистон, ин ҳодисаи мудҳиш санаи 6-уми августи соли равон, тахминан соатҳои 19:50-дақиқа, дар ноҳияи Шаҳритузи вилояти Хатлон сурат гирифтааст.

ВУД Тоҷикистон таъкид доштааст, ки Менглиев Журабек, соли таваллудаш 1988, ҳангоми харакат дар ҳудуди роҳи автомобилгарди маҳаллаи аҳолинишини деҳаи Чинор, ҷамоати деҳоти Холматов, дар ҳолати мастӣ бо  автомашинаи “Опел-Астра”, суръати ҳаракати воситаи нақлиётро аз меъёри муқарраргардида зиёд намуда, бо қисми пеши автомобил сараввал ба як сар чорвои калони шохдор бармехӯрад, ва пас аз бархӯрд ба қисмати канори рости роҳ баромада, чор нафар аз пиёдагардон, сокинони деҳаи Чинорро бо қисми пеши автомобилаш зада пахш менамояд.

Гуфта шудааст, ки ин нафарон бо гирифтани ҷароҳатҳои гуногуни ҷисмонӣ, дар ҷои ҳодиса ба ҳалокат расиданд.

Дар ҳамин ҳол, ронанда Менглиев Журабек баъди рух додани садамаи нақлётии марговар нақлиёташро партофта ва ба ҷароҳатгирифтагон ёрӣ нарасонида, аз ҷои ҳодиса ғайб мезанад.

ВУД Қайд кардааст, ки вобаста ба ҳолати мазкур барои муайян намудани ронандаи фирорӣ аз ҷониби кормандони ШВКД корҳои дохилӣ дар ноҳияи Шаҳритуз як қатор чорабиниҳои оперативӣ-ҷустуҷӯӣ роҳандозӣ карда шуд.

“Дар натиҷа гумонбаршуда боздошт ва нисбаташ дар Шуъбаи тафтишотии РВКД дар вилояти Хатлон парвандаи ҷиноятӣ бо моддаҳои 212 қисми 5 ва 127 қисми 3 банди “а” Кодекси ҷиноятии ҶТ оғоз карда шуд”, - зикр намудаст ВУД.

Инчунин манбаъ таъкид доштааст, ки дар ҳоли ҳозир кормандони милитсияи Тоҷикистон тафтишоти ин ҳодисаро идома доранд.

3269
Барчаспҳо:
боздошт, пиёдагард, ёрӣ, фирор, ҳодиса, ронанда, Вазорати умури дохилаи Тоҷикистон, Тоҷикистон

Пизишки олмонӣ барои табобати беморони коронавирус ба Тоҷикистон омад

28
(Таҷдидшуда 10:28 22.10.2020)
Иммануэл Лейфер иброз намуд, ки пас аз анҷоми давраи омӯзишӣ дар самти боз ҳам беҳтар намудани фаъолияти Озмоишгоҳи миллии референсӣ дар ташхиси бемории COVID-19 кумак мерасонад

ДУШАНБЕ, 22 окт — Sputnik. Бо ташаббуси Вазорати тандурустӣ ва ҳифзи иҷтимоии аҳолии  Ҷумҳурии Тоҷикистон ва Озмоишгоҳи миллии референсии мамлакат мутахассиси лоиҳаи "Дастгирии ташхиси SARS-CoV-2 дар Тоҷикистон тавассути интиқоли ноу-хау ва маводи озмоишӣ" Иммануэл Лейфер ба Озмоишгоҳи миллии референсӣ омад.

Тавре  Вазорати тандурустӣ ва ҳифзи иҷтимоии аҳолӣ  хабар медиҳад, мақсад аз ташрифи мутахассиси немис ба Тоҷикистон табодули таҷриба бо мутахассисони озмоишгоҳҳои мамлакат, хусусан мутахассисони Озмоишгоҳи миллии референсӣ дар самти ташхис ва табобати гирифторони бемории COVID-19 мебошад.

Иммануэл Лейфер иброз намуд, ки пас аз анҷоми давраи омӯзишӣ дар самти боз ҳам беҳтар намудани фаъолияти Озмоишгоҳи миллии референсӣ дар ташхиси бемории COVID-19 кумак мерасонад.

Фавт нест, аммо 41 нафар тоза мубтало шуданд: омори нави коронавирус дар Тоҷикистон

Ҳамчунин мутахассиси лоиҳаи "Дастгирии ташхиси SARS-CoV-2 дар Тоҷикистон тавассути интиқоли ноу-хау ва маводи озмоишӣ" Иммануэл Лейфер  бо худ 3 ҳазор тести ташхисӣ барои омӯзиш оварда, онро  дастраси Озмоишгоҳи миллии референсӣ гардонид.

Бояд гуфт, ки давраи омӯзишии мутахассиси лоиҳаи «Дастгирии ташхиси SARS-CoV-2 дар Тоҷикистон тавассути интиқоли ноу-хау ва маводи озмоишӣ» Иммануэл Лейфер бо мутахассисони  Озмоишгоҳи миллии референсӣ то 2 ноябр идома меёбад.

28