Намоишгоҳ-ярмаркаи миллии Китобҳои Русия

Тоҷикистон ва Уммон меҳмони вижаи Намоишгоҳи китоби Теҳрон хоҳанд буд

19
(Таҷдидшуда 14:15 10.02.2015)
Шӯрои сиёсатгузории Намоишгоҳи китоби Теҳрон Тоҷикистон ва Уммонро ба унвони меҳмонони вижа интихоб кардааст.

ДУШАНБЕ, 10 фев — Sputnik. Тоҷикистон ва Уммон ба унвони меҳмонони вижаи Намоишгоҳи китоби Теҳрон барои имсол интихоб шудаанд, бо такя ба хабаргузории "Тасним"-и эронӣ менависад "Радиои Озодӣ".

"Тасним" дар навбати худ ба масъулини Шӯрои сиёсатгузории Намоишгоҳи китоби Теҳрон ин иттилоро ироа кардааст.

Дар намоишгоҳи соли гузашта, Афғонистон ба унвони меҳмони вижа ширкат дошт.

Масъулони баргузории ин намоишгоҳ гуфтаанд, ки ҳоло бо раванди барномарезӣ барои баргузории бисту ҳаштумин давраи ин рӯйдоди фарҳангии Эрон, дубора баҳси меҳмони вижа боз шудааст. Қарор аст ин намоишгоҳ дар моҳи майи соли ҷорӣ баргузор шавад.

Шӯрои сиёсатгузории Намоишгоҳи китоби Теҳрон пеш аз ин аз Тоҷикистон ба унвони гузинаи пешниҳодӣ барои меҳмони вижа шудан дар Намоишгоҳи китоби Теҳрон ёд карда буд, ки ба гуфтаи Маҳмуд Омӯзгор, сухангӯи ин шӯро барномаи Тоҷикистон барои ҳузур дар намоишгоҳи китоби Эрон ироа нашудааст.

Ба навиштаи "Тасним", Шӯрои сиёсатгузорӣ дар охирин нишасти худ, ки ҳафтаи гузашта баргузор шуд, як давлати дигарро низ ба унвони меҳмони вижа матраҳ кардааст ва он ҳам кишвари Уммон аст. Пешниҳоде, ки аз сӯи Уммон мавриди истиқбол қарор гирифтааст.

Уммон аз кишварҳои подшоҳӣ дар ҳошияи Халиҷи Форс мебошад ва фаъолиятҳои фарҳангӣ ва нашр китоб дар ин кишвар ба таври густурад анҷом мешавад.

Аммо мақомоти вазорати фарҳанги Тоҷикистон мегӯянд, ки даъватнома аз ҷониби Эронро дарёфт кардаанд ва раёсати табъу нашри вазорат масъули омодагӣ ба ин намоишгоҳро мебинад. Ба гуфтаи вазорати фарҳанги Тоҷикистон, ин масъала ду маротиба дар ҷаласаи вазорат мавриди баррасӣ қарор гирифтааст.

Намоишгоҳи байналмилалии китоби Теҳрон, намоишгоҳест, ки ҳамасолан дар моҳи май баргузор мешавад. Ин намоишгоҳ аз бузургтарин рӯйдодҳои фарҳангии Эрон ба шумор меравад ва дар он ноширони китоб аз бисёре аз кишварҳои дунё ширкат мекунанд.

19
Барчаспҳо:
намоишгоҳ, китоб, интихоб, меҳмони вижа, Вазорати фарҳанги Тоҷикистон, Намоишгоҳи китоби Теҳрон, Маҳмуд Омӯзгор, Теҳрон, Уммон, Эрон, Тоҷикистон
Министр культуры РТ Шамсиддин Орумбекзода

Мусибат дар хонаводаи Орумбекзода: ҳамдардӣ бо оилаи собиқ вазир

7707
(Таҷдидшуда 19:48 30.05.2020)
Раҳбарияти Вазорати фарҳанги Тоҷикистон бо хонаводаи вазири собиқи ин ниҳод Шамсиддин Орумбекзода изҳори таслият кардааст

ДУШАНБЕ, 30 май — Sputnik. Дар хонадони вазири пешини фарҳанг Шамсиддин Орумбекзода мусибат рух додааст - модари вазири собиқ даргузашт.

Дар ин робита раҳбарияти Вазорат бо хонаводаи Шамсиддин Орумбекзода изҳори таслият кардааст.

"Роҳбарияти Вазорати фарҳанги Ҷумҳурии Тоҷикистон ва аҳли фарҳангу ҳунар ба собиқ вазири фарҳанги Ҷумҳурии Тоҷикистон Шамсиддин Орумбекзода нисбати даргузашти модарашон ҳамдардии амиқ баён менамоянд", - омадааст дар номаи ҳамдардӣ.

Ёдрас мешавем, ки Шамсиддин Орумбекзода то соли 2020 вазири фарҳанги Тоҷикистон буд ва соли 2019 Орумбекзодаро мардуми Тоҷикистон "вазири дастрас" унвон карданд.

Ҳамин тавр, моҳи январи соли 2020, тибқи Қарори Ҳукумати Ҷумҳурии Тоҷикистон Орумбекзода Шамсиддин Шодибек аз вазифаи Вазири фарҳанги Ҷумҳурии Тоҷикистон бо сабаби ба нафақа баромаданаш озод карда шуда Давлатзода Зулфия Давлат ҷойгузини ӯ гардид.

7707
Барчаспҳо:
Вазорати тандурустӣ, изҳори ҳамдардӣ, Тоҷикистон
Парвин Юсуфи

"Ҳамааш мегузарад": Парвин Юсуфӣ ба хотири дастгирӣ аз мардум таронаи ҷадид хонд - навор

225
(Таҷдидшуда 19:09 29.05.2020)
Сарояндаи маъруфи Тоҷикистон Парвин Юсуфӣ ба хотири дастгирӣ намудани тоҷикистониён дар замони авҷи маризии коронавирус таронаи ҷадид нашр кард

ДУШАНБЕ, 29  май — Sputnik. Парвин Юсуфӣ сарояндаи маъруфи Тоҷикистон чанде пеш дар сафҳаи Фейсбукии худ таронаи навашро мунташир намуд. Ӯ ба кулли мардуми Тоҷикистон муроҷиат намуда, ҳамагонро ба сабурӣ даъват кард.

"Ҳамеша боварӣ дошта бошед ки ҳамааш мегузарад! Худованди Бузург ҳамеша нигаҳбони Шумо бошад, ва даст ба ДУО бардорем ки ин бемории марговарро Худованд нест кунад аз рӯйи замин", - навиштааст Юсуфӣ зери навори таронаи наваш.

Сарояндаи саршинос мегӯяд, дар ин лаҳзаҳои барои мардуми Тоҷикистон мушкил, тамоми ҳунармандони тоҷик бо замир ва ҳунари худ дар паҳлуи мардум мебошанд.

"Шукри Ватан! Шукри Тоҷикистон! Шукри Меҳру Муҳаббати Халки азизам! Шукри забон! Шукри зиндагӣ! Шукри Муҳаббати Худо!
225
Мавзуҳо:
Пайомадҳои COVID-19 дар Тоҷикистон ва ҷаҳон
Рынок в Душанбе Корвон

Эълони ҳукумати Душанбе дар бораи кори бозорҳо, кошонаҳои ҳусну нуқтаҳои мошиншӯйӣ

1161
(Таҷдидшуда 21:25 31.05.2020)
Ҳукумати Душанбе қарор кардааст, ки бозорҳои либосфурӯшӣ, нуқтаҳои мошиншӯӣ, телефонфурӯшӣ ва кошонаҳои ҳусну сартарошхонаҳо то нимаи июн баста мемонанд

ДУШАНБЕ, 31 май - Sputnik. Котиботи ҳукумати Душанбе ҳадафи қарорро ҷилавгирӣ аз сирояти  COVID-19 гуфта, таъкид намудааст, ки ҳамаи бозорҳои либосфурӯшию кошонаҳои ҳусн, сарфи назар аз моликияташон то 15 июн баста хоҳанд буд.

“Мақомоти иҷроияи ҳокимияти давлатии шаҳри Душанбе бо мақсади ҳифзи тандурустии сокинони пойтахт, пешгирии бемории сироятии коронавирус (COVID-19) қатъ намудани фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, сарфи назар аз шакли моликият ва тобеияти идоравӣ то 15 июни соли 2020 тамдид намуд”, - омадааст дар иттилоия.

Сохторҳои дахлдори шаҳрдорӣ вазифадор гардиданд, ки дар ҳамкорӣ бо роҳбарон ва масъулини бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд.

Ҳукумати шаҳри Душанбе охири моҳи апрел ба хотири ҷилавгирӣ аз густариши “вируси корона” кори бозорҳои либосфурӯшии шаҳрро пурра қатъ ва дар онҳо рӯзҳои санитарӣ эълон карда буд.

1161
Барчаспҳо:
бозор, нуқтаи назар, Тоҷикистон