Барзу Абдураззоқов. Акс аз бойгонӣ

Барзу Абдураззоқов дар Душанбе “Форсҳо”-и Эсхилро ба саҳна мегузорад

22
Таҳиягари саршиноси тоҷик мехоҳад дубора ба Душанбе баргашта ҳамроҳ бо гурӯҳи ҳунармандони кишвар намоишномае рӯи саҳна оварад. Ба қавлаш, ҳадафи ӯ дар асл табодули таҷриба бо ҳунармандони тоҷик баъд аз чанд соли кораш дар театрҳои Қирғизистону Қазоқистон аст ва мехоҳад “чизеро омӯзаду чизеро омӯзонад”.

ДУШАНБЕ, 5 мар — Sputnik. Коргардони шинохта Барзу Абдураззоқов мегӯяд, ҳунармандони саршиносро дар Душанбе гирдиҳам меоварам то намоишномаи "Форсҳо"-и драмнависи Юнони Қадим Эсхилро иҷро кунанд, менависад радиои Озодӣ.

"Аммо ин кори берун аз театрҳои давлатӣ мешавад",- мегӯяд таҳиягар.

"Маҳз ба хотири таҳияи ин намоишнома ман чанд пешниҳод аз театрҳои дигарро рад кардам",-афзудааст Абдураззоқов.

Коргардони тоҷик мегӯяд, дар баробари таҳияи ин намоишнома мехоҳад таҷрибаи андӯхтаашро ба ҳамтоёни тоҷик пешниҳод намояд.

Намоишномаи "Форсҳо"-и Эсхил соли 472-и то қарни мо эҷод шудааст ва он қазияи ҷанги юнониён ва форсҳоро бозгӯӣ мекунад.

Ба иттилои расонаҳо, нахустнамоиши спектакли "Муфаттиш", ки таҳиягари тоҷик Барзу Абдураззоқов дар театри ба номи Собит Муқанови шаҳри Петропавловск рӯи саҳна овард, муҳимтарин рӯйдоди фарҳангӣ дар шимолитарин шаҳри Қазоқистон буд.

Роҳ ба театри тоҷик барои Барзу Абдураззоқов баъди намоиши «Девонагӣ. Соли 93»     бар асоси асари драманависи фаронсавӣ Петер Вайс «Таъқиб ва қатли Жан Пол Марат…», баста шуд. Ҳарчанд, ҳодисаҳои дар намоишнома тасвиршаванда воқеъаҳои замони инқилоби буржуазии соли 1793 дар Фаронсаро дар бар мегирифтанду ба Тоҷикистон рабте надоштанд.

Зимнан, Барзу Абдураззоқов солҳои ахир дар ду кишвари минтақа — Қирғизистон ва Қазоқистон ба таҳияи намоишномаҳои театрӣ машғул аст. Ӯ ду соли охир ба ҷоизаи "Беҳтарин коргардони театри Қирғизистон" сарфароз гардид. Абдураззоқов соли гузашта дар театрҳои Бишкек намоишномаи "Плаха"-и Чингиз Айтматов, "Дон Жуан"-и Жан Батист Молиер, "Хандаи лангуст"-и Ҷон Моррелро таҳия кард. "Хандаи лангуст" ва асари худи Барзу  "Роҳи дури дур ба Макка" дар Ҷашнвораи байналмиллалии театр дар Қазоқистон чаҳор ҷоизаи асосӣ "Асари беҳтарин, "Гурӯҳи беҳтарин" ва нақшҳои беҳтарини зан ва мардро соҳиб шуданд.

22
Барчаспҳо:
коргарони маъруф, таҳиягари саршиноси тоҷик, намоишнома, "Форсҳо"-и Эсхил, театри Қазоқистон, театри Бишкек, Барзу Абдураззоқов, Қазоқистон, Қирғизистон, Душанбе, Тоҷикистон
Мавзуъ
Барзу Абдураззоқов - барандаи "Гран-при"-и ҷашнвораи байналмиллалӣ
Театри ноҳияи Ёвон

Театри ноҳияи Ёвон касбӣ мешавад

49
(Таҷдидшуда 13:14 03.07.2020)
Мақомоти иҷроияи Хатлон хабар дод, ки теъдоди театрҳои касбӣ дар вилоят афзоиш ёфта, ба чор адад баробар мешавад

ДУШАНБЕ, 3 июл — Sputnik. Бо дастгирии раиси вилояти Хатлон, Қурбон Ҳакимзода театри халқии ноҳияи Ёвон ба театри касбӣ табдил хоҳад ёфт, хабар дод Носирҷон Маъмурзода, мудири Шуъбаи иттилоотию таҳлилии дастгоҳи раиси вилояти Хатлон.

Ба иттилои манбаъ, дар доираи сафари кории худ ба ноҳияи Ёвон раиси вилоят дар Қасри фарҳангии ноҳия композитсияи ҳунармандони театри халқиро бахшида ба 5500-солагии Саразм тамошо карда, бо ҳунармандон мулоқот орост.

Котибот афзуд, ки пешниҳоди ба театри касбӣ табдил ёфтани театри халқӣ пазируфта шуда, Қурбон Ҳакимзода барои дастгирии ҳамаҷиҳатаи фаъолияти он дастур дод.

Феълан дар ин театри халқӣ 15 ҳунарманди ҳирфаии театр фаъолият мекунанд. Раиси вилоят ваъда дод, ки дар нахустин намоиши саҳнавии театри касбӣ иштирок хоҳад кард.

Котиботи ҳукумати Хатлон илова намуд, ки то имрӯз дар ҳудуди вилояти Хатлон се театри ксбӣ фаъолият мекунанд. Дар сурати мақоми театри касбиро гирифтани театри халқии ноҳияи Ёвон, теъдоди театрҳои касбии вилоят ба чор адад мерасад.

49
Барчаспҳо:
касбӣ, театр, Ёвон, Тоҷикистон
Министр культуры Таджикистана Зульфия Давлатзода

Ҳамдардии вазири фарҳанг бо хонаводаи Амонулло Қодиров

728
(Таҷдидшуда 19:02 02.07.2020)
Раҳбарияти Вазорати фарҳанги Тоҷикистон бо аҳли хонаводаи Амонулло Қодиров, Ҳунарпешаи халқии Тоҷикистон изҳори ҳамдардӣ кардааст

ДУШАНБЕ, 2 июл — Sputnik. Фарҳангиёни Тоҷикистон ба аҳли хонаводаи Амонулло Қодиров, Ҳунарпешаи халқии Тоҷикистон изҳори таслият кард, хабар медиҳад Вазорати фарҳанг.

"Вазорати фарҳанги Ҷумҳурии Тоҷикистон ва аҳли фарҳанги кишвар аз даргузашти собиқадори соҳаи театр, Ҳунарпешаи халқии Тоҷикистон Амон Қодиров андӯҳгин буда, ба наздикону пайвандони марҳум изҳори тасаллият менамоянд", - омадааст дар номаи таслият.

Ёдрас мешавем, ки Амонулло Қодиров, Ҳунарпешаи халқии Тоҷикистон, рӯзи 28 июн дар шаҳри Душанбе дар синни 75-солагӣ аз олам чашм пӯшид.

Амонулло Қодиров 10 июни соли 1945 дар ноҳияи Шаҳринав ба дунё омада, соли 1965 Омӯзишгоҳи ҷумҳуриявии маданӣ-равшаннамоии ноҳияи Ленин (ҳоло Коллеҷи фарҳанги ноҳияи Рӯдакӣ) ва соли 1971 Институти давлатии санъати театрии ба номи А.Луначарскийи шаҳри Маскавро хатм кардааст.

Ӯ қариб тамоми умр дар театри ҷавонони ба номи Маҳмудҷон Воҳидов ҳунарнамоӣ карда, соли 1982 сазовори унвони Ҳунарпешаи шоистаи Тоҷикистон ва соли 1994 соҳиби унвони Ҳунарпешаи халқии Тоҷикистон шуд.

Қодиров бо даҳҳо нақшаш дар театр ва синамои тоҷик, бахусус бо нақши Ҳодӣ дар дуэти Шодию Ҳодӣ ҳамроҳ бо Шодӣ Солеҳов дар ёдҳо мемонад.

"Дар ҳаҷв доди ҳунарро медиҳад. Ҳарчанд образҳои лирикӣ, драмавӣ, фоҷиавиро низ бо маҳорати баланд иҷро мекунад, ҳолати рӯҳию дунёи ботинии қаҳрамононашро ҳамаҷониба мекушояд. Тамошогарон ба истеъдодаш дар беш аз шаст спектакли театр, аз қабили «Дон Жуан», «Умри ҷовид», «Латифаҳои деҳот», «Якпула савдо, садпула ғавғо», «Робиаи Балхӣ», «Умед», «Табиби зӯракӣ» баҳои баланд додаанд", - омадааст дар маълумоти Википедия.

Амонулло Қодиров ҳамчунин дар филмҳои «Субҳи Ганг», «Достони Сиёвуш», «Ҳафт арӯси дуздидашуда», «Аспҳо дар моҳтобшаб», «Хоби хирси сафед» ва дар чандин намоишномаи телевизионӣ нақшҳои мондагор офарида, дар дубляжи даҳҳо филм ба забони тоҷикӣ низ иштирок кардааст.

728
Барчаспҳо:
вазир, Вазорати фарҳанги ҶТ, ҳамдардӣ, ҳунарпеша, Тоҷикистон
Гипермаркет Ашан в Душанбе, архивное фото

Сигоркашӣ дар ҳоҷатхонаи занона: сабаби сӯхтор дар Ашан маълум шуд

81
(Таҷдидшуда 19:52 07.07.2020)
Омили сар задани сӯхтор дар бузургтарин фурӯшгоҳи маркази пойтахт "Душанбе - Мол" маълум гардид. Маъмурияти фурӯшгоҳ мегӯяд, сигоре, ки дар ҳоҷатхонаи занона кашида шуд, вале пурра хомӯш нашуда буд, ба сӯхтор оварда расонд

ДУШАНБЕ, 7 июл — Sputnik. Сигоре, ки дар ҳоҷатхонаи занона пас аз дуд задан пурра хомӯш нашуда буд, ба оташсӯзӣ дар бузургтарин фурӯшгоҳи пойтахт "Душанбе - Мол" оварда расонд. Дар ин бора маъмурияти фурудгоҳ дар сафҳаи расмии худ дар Фейсбук хабар доданд.

"Сӯхтор ба иллати дар ҳоҷатхонаи занона дар ошёнаи сеюм хомӯш нагардидани сигор сар задааст", - гуфта мешавад дар сафҳаи расмии ин марказ дар Фейсбук.

Қайд гардидааст, ки кормандони маркази савдо фавран барои хомӯш кардани сӯхтор чораандешӣ намуданд. Аммо дуд тавонист тавассути вентилятсия то қабатҳои поён ва ҳатто то таваққуфгоҳ паҳн шавад.

Маъмурияти марказ таъкид намуданд, ки дар зудтарин фурсат "Душанбе - Мол" ба қабули муштариён шурӯъ мекунад.

81
Барчаспҳо:
маркази савдо, сӯхтор