Шӯрои уламо: 18 июн – оғози Рамазон дар Тоҷикистон

© Sputnik / Амир ИсаевВ центральной мечети Душанбе. Архивное фото
В центральной мечети Душанбе. Архивное фото - Sputnik Тоҷикистон
Обуна шудан
Бино бар фатвои Шӯрои уламои кишвар, ки 11 июн содир шуд, рӯзи нахустини моҳи Рамазон 18 июн хоҳад буд.

ДУШАНБЕ, 11 июн — Sputnik. Шӯрои уламои Маркази исломии Тоҷикистон фарорасии моҳи шарифи Рамазон дар кишварро 18 июн эълон кард, менависад хабаргузории "Озодагон".

Шӯрои уламо, ягонаи ниҳоди расмии содиркунандаи фатво дар Тоҷикистон зимни ҷаласаи худ дар рӯзи 11 июн ин фатворо содир кардааст.

Сомонаи ин шӯро қаблан аз таъсиси комиссияи босалоҳият барои муайян кардани вақтҳои дақиқи субҳу ифтори моҳи Рамазон хабар дода буд.

Масҷид - Sputnik Тоҷикистон
Панҷоҳ масҷиди “ғайрирасмӣ” ба маркази фарҳангӣ табдил мешавад

Ин комиссия ҳамчунин рӯзи иди Фитр, меъёри садақаи фитр ва нисоби закотро ҳам муайян хоҳад кард.

Роҳбарии комиссияи мазкурро муовини аввали hаиси Маркази исломӣ Абдулбасир Саидов бар дӯш дошта, ба ҳайъати он уламои маъруф,  мутахассисони варзида шомиланд. Комиссия дар муайянсозии вақтҳои дақиқ бо олимони Институти астрофизикаи Академияи илмҳои Тоҷикистон ҳамкорӣ дорад.

"Умед аст, ки мусалмонони кишвар аз маълумотномаи пешниҳоднамудаи комиссияи мазкур самаранок истифода бурда, дар моҳи мубораки Рамазон, ки ба зудӣ фаро мерасад, ба ибодату корҳои хайр ва ваҳдату якдилӣ саъй хоҳанд намуд", — навиштааст сомона.

Моҳи шарифи Рамазон аз моҳҳои солшумории ҳиҷрии қамарӣ ба ҳисоб рафта, дар тақвими исломӣ баъд аз моҳи шаъбон ва қабл аз моҳи шаввол меояд. Мусулмонон дар ин моҳ рӯза гирифта, бештар ба ибодат ва қироати Қуръон машғул мешаванд.

Лентаи хабарҳо
0