Намози таровеҳ дар моҳи Рамазон

Фазилатҳои моҳи Рамазон

336
(Таҷдидшуда 16:15 26.06.2015)
Яке аз бузургтарин фазилатҳои моҳи Рамазон он аст, ки дар ин моҳ чаҳор китоби осмонӣ – Қуръони Карим, Инҷили ҳазрати Мусо, Тавроти ҳазрати Исо ва Забури ҳазрати Довуд нозил шудааст.

ДУШАНБЕ, 26 июн — Sputnik. Рамазон дар луғати араб аз "рамазо" ба маънои шиддати ҳарорат гирифта шуда ва ба маънои сузонидан мебошад, омадааст дар сомонаи илмӣ-иҷтимоии Тоҷикон.

Сомона аз ҳадиси Пайғамбар мисол меорад, ки гуфта шудааст, "Моҳи Рамазон ба ин ном хонад шуда аст, зеро гуноҳонро месузонад."

Рамазон номи яке аз моҳҳои қамарӣ ва танҳо моҳи қамарӣ аст, ки номаш дар Қуръон омада аст ва яке аз чаҳор моҳе аст, ки Худованд ҷангро дар он ҳаром карда аст.

Фазилати дигари ин моҳ дар он аст, ки ҳар чаҳор китобҳои осмонӣ: Қуръони Карим, Инҷили ҳазрати Мусо, Тавроти ҳазрати Исо ва Забури ҳазрати Довуд дар ин моҳ нозил шудаанд.

Дар ин моҳ дар ҳадисҳои исломи моҳи Худо ва меҳмонии уммати Паёмбари Акрам (с) хонда шуда ва Худованди Мутаол аз бандагони худ дар  ин моҳ дар ниҳояти каромат ва меҳрубони пазирои мекунад, менависад муаллифи матлаби Фазилати моҳи Рамазон.

"Ҳар кас ҳамаи ин моҳро рӯза бигирад, бар Худо воҷиб аст, ки ҳамаи гуноҳонашро бибахшад, бақияи умрашро тазмин кунад ва ӯро аз ташнагии дардноки рӯзи қиёмат амон диҳад", — омадааст дар ҳадиси пайғамбар.

Аз ин ҷиҳат ин моҳ дар миёни мусумонон аз эҳтиром, аҳамият ва ҷойгоҳи вижае бархурдор ва моҳи сулуки руҳии онон аст. Мусалмонон бо ҳулули ин моҳ бо шуру иштиёқ ва додани таъом ва ифтор ба ниёзмандон, шабзиндадорӣ ва ибодат, тиловати Қуръон, дуо, ифтиғфор ва тавба, додани садақа ва рӯзадорӣ руҳу ҷони худро аз сарчашмаи файзи илоҳӣ сероб мекунанд.

Ҳангоми ифтор. Акс аз бойгонӣ
© Sputnik / Максим Богодвид
Ҳангоми ифтор. Акс аз бойгонӣ

Гарчи зикри тамоми фазилатҳои моҳи мубораки Рамазон аз доираи ин мақола хориҷ аст, вале пардохтан ва зикри баъзе аз фазилатҳои он аз назари Қуръон ва ҳадисҳои исломи холӣ аз фоида нест.

Бартарии ин моҳи сол

Моҳи Рамазон ба ҷиҳати нозил шудани Қуръони Карим дар он ва вижагиҳои мунҳасире, ки дорад дар миёни моҳҳои соли қамарӣ бартарин аст.

"Моҳи Рамазон моҳе аст, ки Қуръон барои ҳидояти инсонҳо дар он нозил шуда аст", — омадааст дар Қуръони Карим.

Инсон илова бар ҷанбаи моддӣ ва ҷисмӣ, дорои буъди маънавӣ ва руҳӣ ҳам ҳаст ва ҳар кадом дар расидан ба камоли матлуби худ, барномаҳои вижаеро ниёз доранд. Яке аз барномаҳо барои тақвият ва рушди буъди маънавӣ, тақво ва парҳезгорӣ аст. Яъне агар инсон бихоҳад худашро аз ҷанбаи маънавӣ рушд ва парвариш диҳад ва ба таҳорат ва камоли матлуб бирасонад, бояд ҳавои нафси худро маҳор кунад ва манеъҳои рушдро яке пас аз дигаре бар дорад ва худро саргарми лаззатҳо ва шаҳватҳи ҷинсӣ накунад. Яке аз аъмоле, ки дар ин росто муасиир ва муфид аст, бешубҳа, рӯзадорӣ аст.

Масҷид
© Sputnik / Руслан Кривобок

"Эй афроде, ки имон овардаед! Рӯза бар шумо навишта шуд (фарз шуд), ҳамонгуна ки бар пешиниён аз шумо фарз шуда, то парҳезгор шавед", — омадааст дар ояти 183 сураи Бақараи Қуръони Карим.

Яке аз фазилатҳои Рамазон ин аст, ки рӯзадорӣ руҳ ва равон ва қалбу дилу ҷисмро оромиш дода ва боиси саломатии руҳ ва тандурустии ҷисм мешавад.

"Рӯза бигиред то солим бимонед", — омадааст дар ҳадиси пайғамбар.

Ошкор аст фазилатҳо ва савобҳое, ки барои моҳи мубораки Рамазон ва рӯзадорӣ зикр шуд ва ба бархе аз онҳо ишора шуд, аз они касоне аст, ки ҳақиқати онро дарк кунанд ва ба муҳтавои он амал ва дар гуфтор ва кирдор ба кор гиранд ва ба онҳо ҷомаи амал бипушонанд, навиштааст муаллифи матлаб.

336
Барчаспҳо:
сиҳатӣ, саломатӣ, оят, ҳадис, фазилат, рӯзадорӣ, таровеҳ, Рамазон
Помощник президента по вопросам социального развития и связям с общественностью Абдуджаббор Рахмонзода

Раҳмонзода зарурати эҷоди асарҳои мусиқии баландғояи замонавиро таъкид кард

282
(Таҷдидшуда 14:33 16.01.2021)
Дар ҷаласаи Ситоди корӣ оид ба таҷлили 30-солагии истиқлолияти давлатӣ татбиқи сиёсати фарҳангии Ҳукумати Ҷумҳурии Тоҷикистон ва рушду такомули санъати мусиқии миллии тоҷик баррасӣ шуд

ДУШАНБЕ, 16 январ - Sputnik. Ба нақл аз рӯзномаи “Ҷумҳурит” ахиран дар Вазорати фарҳанг Тоҷкистон омодагӣ ба Ҷашни 30-солагии Истиқлолияти давлатӣ ва баргузории чорабиниҳои сатҳи байналмилалӣ таҳти раёсати Ёрдамчии Президенти Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода ҷаласаи ситоди корӣ баргузор шуд.

Манбаъ таъкид доштааст, ки зимни ҷаласа масъалаҳои татбиқи сиёсати фарҳангии Ҳукумати Тоҷикистон ва рушду такомули санъати мусиқии миллии тоҷик баррасӣ гардиданд.

Гута шудааст, ки Абдуҷаббор Раҳмонзода вобаста ба ташаккули раванди неруи эҷодӣ, дарёфти истеъдодҳои нави бахши оҳангсозӣ ва иҷрокунандагӣ, рушди санъати мусиқии касбии миллӣ, эҷоди асарҳои мусиқии баландғояи замонавӣ таъкид доштааст.

Ҳадафи ҳукумат: бунёди 941 иншооти тиббӣ то 30 солагии Истиқлолият дар Хатлон

Инчунин, зимни ҷаласа Ёрдамчии Президенти Тоҷикистон оид ба масъалаҳои рушди иҷтимоӣ ва робита бо ҷомеа оммавигардонии жанрҳои гуногуни мусиқии касбӣ ва ташаккули фарҳанги мусиқии муосири тоҷик дар назди масъулини дахлдори мамлакат вазифаҳои мушаххас гузошт.

282
Барчаспҳо:
Абдуҷаббор Раҳмонзода, фарҳанг, мусиқӣ, истиқлолият, Тоҷикистон
Паломничество в Мекку

Сафари Ҳаҷҷи умра боз ба таъхир гузошта шуд: то моҳи март

583
(Таҷдидшуда 20:44 14.01.2021)
Хуруҷи каронавируси навъи нав ё “вируси бритонӣ” дар як қатор аз кишварҳои ҷаҳон, сабаби мутаваққиф шудани сафари шаҳрвандон барои адои Ҳаҷҷи умра шудааст

ДУШАНБЕ, 14 янв – Sputnik. Қарор буд, дар нимаҳои дуюми моҳи январи соли ҷорӣ аввалин гурӯҳи шаҳрвандони Тоҷикистон ба Ҳаҷҷи умра раванд, аммо бо сабаби хуруҷи каронавируси навъи нав ё “бритонӣ” сафар ба таъхир монда шудааст.

Абдулмаҷид Зокиров, масъули ширкати сайёҳии "Расулсохтмон", рӯзи 14 январ дар суҳбат ба Sputnik Тоҷикистон гуфт, кишвари Арабистони Саудӣ дар бораи чунин таъхиргузорӣ дар қабули зиёраткунандагон, рӯзи гузашта аз тариқи расонаҳои ахбори умум эълон кардааст.

“Хуруҷи “вируси бритонӣ” масъулини кишвари Арабистони Саудиро андаке ба ташвиш гузоштааст, онҳо аз нав дарҳоро бастаанд. Ҷониби Арабистон тавассути расонаҳои ахбори умум иттилоъ нашр кардаанд, ки аз охирҳои моҳи март ба қабули зиёраткунандагон шурӯъ хоҳанд кард”,-гуфт намояндаи “Расулсохтмон”.

Масъулони Вазорати Ҳаҷҷи Арабистони Саудӣ баъди таъхири чандвақта, моҳи декабри соли гузашта эълон намуда буданд, ки сар аз моҳи 6 уми солшумории қамарӣ, ки ба нимаҳои дуюми моҳи январи соли 2021 рост меояд, ба қабули шаҳрвандони Тоҷикистон, барои зиёрати шаҳрҳои муқаддаси Ислом - Маккаи мукаррама ва Мадинаи мунаввара шурӯъ мекунанд.

Абдулмаҷид Зокиров иброз намуд, ки сафарбаршавии сокинон барои Ҳаҷҷи умра аз қабули масъулини Арабистони Саудӣ вобаста аст, бо сабаби вазъи беҳдоштӣ мутафаққиф мешавад.

“Мо танҳо аз беҳтаршавии вазъи саросарии беҳдоштӣ умедвор буда, то он рӯз сабр мекунем.  Агар дар ин миён то охирҳои моҳи март, ягон хабари хуш расад, ҳатман мардумро огоҳ мекунем”, - зикр кард Зикров.

Сафарбаршавии сокинони кишвар барои Ҳаҷҷи умра аз суи ширкатҳои сайёҳии "Расулсохтмон" ва "Ормон" роҳандозӣ мешавад. Вазорати Ҳаҷҷи кишвари Арабистон синну соли зиёраткунандаҳоро бо сабаби хуруҷи бемории ҳамагири COVID-19, маҳдуд намуда эълон намуд, ки танҳо, барои аз 18 то 50 - солаҳо барои сафар ба ин кишвар иҷозат дода мешавад.

Дар пайи хуруҷи бемории ҳамагирии коронавирус ва сабти он дар Арабистони Саудӣ, ин кишвар баҳори соли гузашта сафари зоирин ба шаҳрҳои муқаддаси Исломро манъ намуд ва барои аввалин бор, соли 2020 маросими Ҳаҷ баргузор нагардид. Моҳи ноябри соли 2020 баъди таваққуфи чандмоҳа Арабистони Саудӣ феҳрасти кишварҳоро нашр кард, ки сафари шаҳрвандони онҳо дар ин кишвар рухсат шудааст.

Дар ин руйхат кишварҳои қораи Осиё, мисли Тоҷикистон, Қазоқистон, Ӯзбекистон, Чин, Туркия, Озарбойҷон ва давлати Белорус шомил буданд.

Сафари шаҳрвандони давлатҳои Эрон, Миср, Қатар, Италия Қирғизистон, Кувейт, Русия, Англия ва Иёлоти Муттаҳидаи Амрико барои ба Ҳаҷҷи умра ба таври муваққат манъ гуфта мешуд.

Нимаҳои моҳи декабри соли 2020 табибон дар бораи сирояти навъи ҷадиди коронавирус дар кишварҳои Британия иттилоъ дода гуфтанд, ки вируси мазкур аз COVID-19 наздики 70 дарсад хавфноктар аст ва суръати паҳншавии он низ бамаротиб фарқ мекунад.

Дар гузашта аз Тоҷикистон ҳазорҳо нафар, барои зиёрати маконҳои муқаддаси Ислом ба кишвари Арабистони Саудӣ сафар мекарданд.

583
Барчаспҳо:
ҳоҷиён, Арабистон, ҳаҷҷи умра, Тоҷикистон
День 17 января

Аз зодрӯзи Аҳмад Бобоқулов то таҷдиди сохтори Дастгоҳи президент: имрӯзи таърих

0
(Таҷдидшуда 19:43 15.01.2021)
Рӯзи ҳабдаҳуми январ дар ҷаҳон ҳамчун Рӯзи байналмилалии ихтирооти кӯдакон мебошад. Дар ин рӯз сарояндаи опера, Ҳунарпешаи халқии ИҶШС Аҳмад Бобоқулов ба дунё омадааст

Рӯзи 17 январ дар ҷаҳон чӣ рух дод

Соли 1920 дар Русияи Шӯравӣ расман ҳукми қатл бекор карда шуд.

Соли 1950 Ҳизби коммунистии Боливия таъсис дода шуд.

Соли 1995 дар шаҳри Кобеи Ҷопон дар пайи зилзилаи шадид зиёда аз 6 ҳазору 400 нафар ба ҳалокат расиданд.

Рӯзи 17 январ дар Тоҷикистон чӣ рух дод

Соли 2011 сомонаи интернетии Сафорати Тоҷикистон дар Озарбойҷон  фаъол гардид.

Соли 2012 дар Тоҷикистон Маркази коркарди миллӣ кушода шуд.

Соли 2017 дар маркази маъмурии вилояти Суғд-шаҳри Хуҷанд филиали КВД "Коргоҳи протезӣ ва ортопедӣ" ифтитоҳ гардид.

Соли 2014  Президенти Тоҷикистон Эмомалӣ Раҳмон  дар бораи таҷдиди сохтори Дастгоҳи иҷроияи Президенти Ҷумҳурии Тоҷикистон фармон ба имзо расониданд.

Соли 2018 дар шаҳри Маскав аввалин бор дар ин сол ҷаласаи Камиссияи ҳамкории иқтисодии Шӯрои иқтисодии ИДМ баргузор гардид. Ҷаласаи мазкурро намояндаи ваколатдори Тоҷикистон дар Комиссия, Сафири Тоҷикистон дар  Россия Имомуддин Сатторӣ роҳбарӣ намуд.

Соли 2013 дар шаҳри Душанбе вакилони палатаи поёнии Парлумони Тоҷикистон –Маҷлиси намояндагон Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Мардумии Чин оид ба низоми сарҳади давлатии Тоҷикистону Чинро тасдиқ карданд.

Соли 2015 дастаи ҷавонони Тоҷикистон оид ба футбол (U-21), бо роҳбарии сармураббӣ Алишер Тӯхтаев дар доираи мусобиқаи байналмилалии "Ҷоми Иттиҳод", ки аз 16 то 26 январ дар шаҳри Санкт-Петербург баргузор гардид, бо дастаи Қазоқистон вохӯрӣ намуд.

Ҷашнҳои рӯзи 17 январ

  • Рӯзи байналмилалии ихтирооти кӯдакон.

Рӯзи 17 январ кӣ ба дунё омадааст

Соли 1893 – Шоира Розия Озод, модари академик Бобоҷон Ғафуров.

Соли 1893 –яке аз муборизон дар роҳи таъсис додани ҳукумати Шӯравӣ дар Тоҷикистон Борис Вячеславович Толпиго.

Соли 1927 – Сарояндаи опера, Ҳунарпешаи халқии ИҶШС Аҳмад Бобоқулов таваллуд шудааст.

Соли 1950 – Давлатов Матлубхон Султонович, собиқ роҳбари Дастгоҳи иҷроияи Президенти Ҷумҳурии Тоҷикистон.

0
Барчаспҳо:
Ҷаҳон, ҷашн, Тоҷикистон