Мусалмонҳо ҳангоми намоз дар моҳи Рамазон. Акс аз бойгонӣ

Диншинос: закотро Худо фарз гардонида аст

204
(Таҷдидшуда 20:08 11.02.2016)
Шӯрои уламои Тоҷикистон ҳанӯз дар ибтидои вуруди моҳи Рамазон нисоб ва ё ҳадди закотро барои мусалмонони Тоҷикистон 12 ҳазору 200 сомонӣ эълон карда буд. Яъне, ҳар мусалмоне, ки дар манзилаш ҳамин миқдор маблағи пасандоз дорад, бояд аз 305 сомониашро барои фақирон бидиҳад.

Шӯрои уламои Тоҷикистон ҳанӯз дар ибтидои вуруди моҳи Рамазон нисоб ва ё ҳадди закотро барои мусалмонони Тоҷикистон 12 ҳазору 200 сомонӣ эълон карда буд. Яъне, ҳар мусалмоне, ки дар манзилаш ҳамин миқдор маблағи пасандоз дорад, бояд аз 305 сомониашро барои фақирон бидиҳад.

Намози таровеҳ дар моҳи Рамазон
© Sputnik / Тарас Литвиненко

Саъдӣ Ворисов, диншинос дар суҳбат бо Sputnik Тоҷикистон дар бораи аҳамият ва ҷойгоҳи закот сӯҳбат кард.

Оқои Ворисов дар робита ба ин ки додани закот кай фарз ё ҳатмӣ шудааст, гуфт, санаи фарзияти закот ихтилоф дорад. Баъзе уламои Ислом мегӯянд, ки дар соли д  2 (дуввум)-и ҳиҷрӣ ва иддае ҳам бар инанд, ки закот ҳанӯз дар замоне ки Паёмбар (с) дар Макка буд, фарз шуда буд.

"Оёту ривоёте низ инро таъйид мекунанд. Зоҳиран, дурусташ ин аст, ки закот дар Макка фарз шуд, аммо ба маънои як хайри ҳатмӣ буд ва дар Мадина баъди ҳиҷрат закот ба як ибодати дорои мушаххасот фарз шуд. Ба ин маъно ки бар кӣ фарз мешавад ва бар кӣ не ва аз чӣ моле бояд закот доду аз кадомаш не ва бар кӣ бояд закот доду бар кӣ не", — меафзояд ҷаноби Ворисов.

Аз вай пурсидем, ки чӣ далоиле барои фарзияти закот мавҷуд аст? Гуфт, Қуръон пур аст аз оятҳоест, ки васфи мӯъминон бо "намозу закот" мекунанд. Вале барои исботи фарзияти закот мешавад ба оятҳои зерин аз сураи Бақара 43, 83 муроҷиат кард.

"Дар ояти 43 омадааст: "Ва ақиму салота ва оту заккота варкаъу маъа рокиъйин". Яъне: Намоз бигзоред, закот бидиҳед ва бо саҷдагузорон саҷда кунед. Ва дар ояти 83 низ гуфта шудааст: "Ва изо ахазно мисоқа бани исроила ло таъбудуна илла ллоҳа ва билволидайни иҳсонан ва зилқурба валятама вал масокини вақулулиннаси ҳуснан ва ақиму салата ва оту закота сума тавалайтум илла қалилан минкум ва антум муъризун". Яъне, Худованд инҷо ҳам мусалмононро даъват мекунад, ки аз моли худ закот бидиҳанд", — илова мекунад диншинос.

Дар идома аз вай пурсидем, ки чаро бояд закот дод? Посух дод, ки чун фарзу қарзи Худост.

"Чун рукни дину пояи Ислом аст. Чун ҳаллоли мушкилоти фақру нодорӣ аст", — илова кард Саъдӣ Ворисов.

Яке аз суолҳои дигаре, ки ҳар мусалмон мехоҳад посух бигирад, ин аст: кӣ бояд закот бидиҳад?

"Ҳар мусалмоне, ки пасандозаш ба нисоб, яъне 12 ҳазору 200 сомонӣ ва бештар аз он расида бошаду як сол бар он гузашта бошад, бояд закот бидиҳад", — мегӯяд ҷаноби Ворисов.

Табиист, ки агар ҳар шаҳрванде қавонини кишварашро риоя накунад, муҷозот хоҳад шуд. Аммо мусалмоне, ки қонунҳои динниашро риоят намекунад, аз ҷумла закот намепардозад, чӣ муҷозоте дар интизораш аст?

Ин диншинос посух дод, ки дар ҳукумате, ки қонунҳои шаръӣ, яъне қонунҳои динӣ дорад, ҳоким ҳақ дорад бо истифода аз зӯр аз он шахс закот биситонад ва муҷозоташ ин аст, ки нисфи молаш мусодира хоҳад шуд.

"Агар як гурӯҳе ё минтақае сарпечӣ кунанд, ҳокими мусулмон алайҳи онҳо ҷанг эълон мекунад. Аммо дар қиёмат тарки закот ин тарки як фаризаи илоҳӣ буда, аз гуноҳони кабира ба шумор меравад ва тарккунандаи он ҷаҳаннамист", — илова мекунад Саъдӣ Ворисов.

Мутаносибан, оне ки закот медиҳад, чи аҷре мегирад? Дар робита ба ин суол ин диншинос посух дод, ки "аҷри адои як фаризаи илоҳӣ, аҷри хидмат ба ҷомеъа, аҷри кушодани даричаи умед бар рӯйи мӯҳтоҷону фақирон ва иншоаллоҳ дар охират аҷраш ҷаннат аст".

Ва аммо дар баробари маблағи нақд аз чӣ дороии дигар бояд закот пардохт? Саъдӣ Ворисов мегӯяд, аз тилло, нуқра, молу чорво низ бояд закот дод. Ба фарзи мисол, агар як деҳқон ва ё деҳотӣ дар манзилаш 5 сар гов дошта бошад, ки арзиши умумии онҳо дар бозор бештар аз 12 ҳазору 200 сомонӣ баровард шавад, бар вай фарз аст, ки 305 сомонӣ закот диҳад.

Суоли навбатии мо аз ин диншинос дар бораи ҳаққи дарёфти закот буд. Вай посух дод, ки "фақирон, мискинон ва кормандони соҳаи садақаву закот ва ғайри динҳое, ки дилгармӣ ба Ислом доранд, ғуломон, қарздорон, онҳое ки дар роҳи Худо меҷанганд ва роҳгузарҳо ҳаққи дарёфти закотро доранд".

Мутаносибан, аз вай пурсидем, ки кӣ ҳаққи дарёфт кардани закотро надорад?

Бино бар муқаррароти дини Ислом, онҳое ки ба гуруҳҳои дар боло зикр шуда шомил намешаванд ва ҳамчунон онҳое, ки маошу даромади кофӣ доранд ва саломативу ҷисми солим ва имконияти кор карданро доро ҳастанд. Ин тоифа ҳақ надоранд закот дарёфт кунанд.

Шояд ин суол аз зеҳни бисёриҳо бигзарад, ки бисёрии онҳое, ки сарватманд ҳастанд, даромади қонунӣ доранд, дар давлат андоз месупоранд. Оё бар эшон ҳам пардохти закот ҳатмӣ аст? Айни ин суолро мо аз ҷаноби Ворисов кардем.

"Закоту андоз комилан ду мафҳуми аз ҳам ҷудо ҳастанд. Андоз як маблағи ҳатмие ҳаст, ки тақрибан аз ҳама дороии шаҳрванд ба таври ҳатмӣ аз тарафи давлат ситонида мешавад ва ҳатто аз маошу мошин ҳам. Андоз ба давлат супорида мешавад, вале закот ба нодорҳову камбағалон ва қишри камбизоат. Сониян, закот фақат ба пулдорҳову дороҳо рабт дорад, на ба ҳама ва умуми мусуслмонҳо", — гуфт диншинос.

 

204
Барчаспҳо:
дороӣ, пул, дарёфт, пардохт, мусалмонҳо, закот, Рамазон, Саъдӣ Ворисов, Тоҷикистон
Маркази шаҳри Душанбе

С ба ҷои З: парлумон номи як ноҳияи Тоҷикистонро тағйир дод

5141
(Таҷдидшуда 16:20 25.01.2021)
Маҷлиси миллии Тоҷикистон бо пешниҳоди Ҳукумати кишвар дар номи яке аз ноҳияҳои вилояти Хатлон як ҳарфро иваз намуд

ДУШАНБЕ, 25 янв — Sputnik. Маҷлиси миллӣ бо пешниҳоди Ҳукумати Тоҷикистон лоиҳаи қарор дар бораи иваз намудани номи ноҳияи Шаҳритузи вилояти Хатлон ба ноҳияи Шаҳритусро якдилона қабул кардааст. 

Ба иттилои котиботи палатаи болоии парлумон, қарори мазкур имрӯз дар иҷлосияи панҷуми Маҷлиси миллӣ, таҳти раёсати Рустами Эмомалӣ қабул шуд. 

Бар асоси Донишномаи озод, ноҳияи Шаҳритус, яке аз ноҳияҳои идории вилояти Хатлон аст, ки ҳанӯз 29 августи соли 1930 дар Тоҷикистони шӯравӣ таъсис ёфтаст.

Ноҳияи Шаҳритус бо ҳудуди наздики 2,4 ҳазор километри мураббаъ дар дараи рӯди Кофарниҳон ҷой дорад. Дар шимол бо Вилояти Сурхондарёи Ӯзбекистон, дар шарқ бо ноҳияи Қубодиён, дар ғарб бо ноҳияи Носири Хусрав аз ноҳияҳои вилояти Хатлон ва дар ҷануб бо вулусволии Хулм аз бахшҳои Вилояти Балх дар Афғонистон ҳаммарз аст.

Дар ҳудуди ноҳияи мазкур водии Бешкент ҷойгир аст, ки дарозиаш 70 километр бараш то 5 километр буда, яке аз водиҳои гармтарини ҷумҳурист.

5141
Барчаспҳо:
тағйир, парлумон, Тоҷикистон
Намоз дар Душанбе, акс аз бойгонӣ

Намоз бо ниқоб: қоидаҳои масҷидравӣ дар Тоҷикистон

1088
(Таҷдидшуда 15:45 24.01.2021)
Ситоди ҷумҳуриявии мубориза бо коронавирус дар Тоҷикистон, ки аз 1 феврали соли 2021 намозгузорӣ дар масоҷидро иҷозат дод, таъкид кардааст, ки роияи қоидаҳои беҳдоштӣ ҳатмӣ мебошанд

ДУШАНБЕ, 24 янв— Sputnik. Ситод мақомоти дахлдорро муваззаф кардааст, ки масҷидҳо риояи қатъии қоидаҳои гигенаи шахсию ҷамъиятиро ҳангоми баргузории ибодати дастаҷамъона таъмин намоянд.

Таъкид шудааст, ки шаҳрвандон  дар масҷидҳо, махсусан дар намозҳои ҷумъа ҳатман аз ниқобҳои тиббӣ истифода намоянд.

Наврӯз Ҷаъфаров, сардори Раёсати амнияти санитарию эпидемиологӣ, ҳолатҳои фавқулода ва кумаки фаврии тиббии Вазорати тандурустӣ, изҳор доштааст, ки албатта, ақоиди динӣ ва рукнҳои намозгузорӣ тартиби муайяни худро доранд.

“Вақте ки даъват ба намоз мешавад, бояд намозгузор, пеш аз ҳама, дар такопӯ нашуда, навбати ворид шудан ба масҷидро риоя намояд. Барои мисол, агар намози пешин соати 13:00  бошад, хуб мешуд намозгузорон ним соат пеш тибқи навбат дохили масҷид   шаванд”, - изҳор доштааст Ҷаъфаров дар суҳбат бо “Ховар”.

Манбаъ афзудааст, новобаста ба он ки дар масҷидҳо ҷойнамози умумӣ мавҷуд аст, хуб мешуд ҳар нафар ҷойнамози алоҳидаи худро дошта бошад, зеро ин амал ба таъмини қоидаҳои гигиениву беҳдоштии ҳар нафар равона шудааст. 

“Вақти намоз гузоштан шояд ҳолатҳое шаванд, ки ниқоб аз рӯй канда шавад ва ҳамон зарраҳои хурде, ки тавассути болооби даҳон ё ин ки бо нафаси мо ба  ҷойнамоз меафтанд, эҳтимол  сабаби сироят ёфтани нафари дигар шаванд”, - тавзеҳ додааст Ҷаъфаров.

Ӯ таъкид намуд, ки вақте шаҳрвандон вориди масҷид мешаванд ва ё аз дохил берун мебароянд, хуб мешуд бо даст салом накунанд, балки дастро болои сина гузошта, бо ишораи сар салом намоянд.

“Дар ин баробар ҳангоми намоз гузоштан аз ниқобҳои тиббӣ истифода баранд. Бояд ҳар масҷид системаи ҳавотозакунӣ дошта бошад, ки гардиши ҳаво таъмин карда шавад. Зеро дар маконе, ки ҳаво иваз мешавад, эҳтимоли хуруҷи бемориҳои вирусӣ кам мегардад”, - таъкид намуд мақомдори Вазорати тандурустӣ.

1088
Барчаспҳо:
намоз, масҷид, Тоҷикистон
Российский миротворец на блокпосту №6 на въезде в город Шуши на дороге из Степанакерта в Лачин

Ин ғайри қобили қабул аст: Қарабоғи Кӯҳӣ аз ҳамроҳ шудан бо Озарбойҷон сарпечӣ кард

0
Мақомоти Қарабоғи Кӯҳӣ дар бораи вазъи кунунии ҷумҳурии эътирофнашуда шадидан сухан гуфтанд

ДУШАНБЕ, 26 январ - Sputnik. Президенти Қарабоғи Кӯҳӣ Араик Арутунян дар мулоқот бо ҳайати шахсии Вазорати корҳои дохилии минтақа дар бораи сарнавишти минбаъдаи ҷумҳурии эътирофнашуда ҳарф зад.

Вай изҳор дошт, ки мавҷудияти Қарабоғ дар дохили Озарбойҷон ғайриимкон ва ғайри қобили қабул аст.

"Роҳи душвор ва тӯлоние моро барои барқарорсозӣ ва тақвияти кишвар интизор аст, ки дар он тамоми мардуми Артсах имкони зистан ва эҷод карданро доранд", - таъкид кард Арутунян.

Ба гуфтаи раҳбари минтақа, бо вуҷуди шароити душвор, Қарабоғи Кӯҳӣ муборизаро барои эътирофи байналмилалии истиқлолият идома хоҳад дод.

Ин масъала, ба гуфтаи Арутунян, бояд дар Гурӯҳи Минскии САҲА матраҳ шавад. Ҳамзамон, президенти Қарабоғи Кӯҳӣ гуфт, ки кишварҳои миёнарав дар ин созмон мавқеи ӯро ҳамроҳӣ мекунанд.

Арманистон сабаби шикасташ дар Қарабоғи Кӯҳиро гуфт

Дар ҷараёни мулоқот Арутунян сардори нави департамент Карен Саркисянро ба кормандони Вазорати корҳои хориҷӣ муаррифӣ кард, ки қаблан вазифаи сардори Хадамоти давлатии фавқулодаи минтақаро ба ӯҳда дошт, 

Низоъ дар Қарабоғи Кӯҳӣ

Амалиёти мусаллаҳона дар Қарабоғи Кӯҳӣ аз соли 1987 инҷониб сар мезанад. Ин муноқишаи сиёсию қавмӣ байни озарбойҷониҳо ва арманиҳо мебошад.

Бори охир он 27 сентябри 2020 дигарбора сар зад. Ҳанӯз маълум нест, ки кадом кишвар аввалин шуда тиркушоиро оғоз кардааст, дар ҳоле ки Арманистон ва Озарбойҷон дар тирборон ҳамдигарро айбдор карданд.

Муноқиша беш аз як моҳ давом кард ва бо дахолати президенти Русия Владимир Путин боздошта шуд.

Тадбири асосии оташбас имзои созишномае буд, ки баргардонидани қаламравҳои ишғолкардаи Арманистон ба Озарбойҷонро пешбинӣ мекунад.

Ин санад шаби 9 ба 10 ноябр имзо шудааст. Аз ҳамон лаҳза амалиёти ҷангӣ дар Қарабоғи Кӯҳӣ қатъ шуд.

Миёни ҷангу сулҳ: гузориши аксӣ аз Қарабоғи куҳӣ

Шартҳои риояи созишномаҳоро посдорони сулҳи Русия назорат мекунанд. Онҳо инчунин ба гурезагон кӯмак мерасонанд, корҳои тоза кардани минаҳоро анҷом медиҳанд ва инфрасохтори шаҳрҳои маҳаллиро барқарор мекунанд.

0
Барчаспҳо:
ҷанг дар Қарабоғ, Русия, низоми оташбас, ҷанг, Арманистон, Озарбойҷон