Бинои Фарҳангистони улуми Тоҷикистон. Акс аз бойгонӣ

Раиси Фарҳангистон: ҳамкорӣ бо ВАК-и Русия аз сар гирифта шуд

21
(Таҷдидшуда 17:46 09.07.2015)
Ба далели аз сар гирифтани ҳамкорӣ бо ВАК миқдори рисолаҳои дифоъшуда афзоиш ёфта ва то авохири соли ҷорӣ фаъолияти куллияи шӯроҳои маҳаллии дифоъи рисолаҳо оғоз мешавад, гуфт ба хабарнигорон раҳбари Фарҳангистони улуми Тоҷикистон.

ДУШАНБЕ, 9 июл — Sputnik. Вазъияти дифоъи рисолаҳо ва шӯроҳои дифоъи рисолаҳои илмӣ дар муқоиса бо соли гузашта беҳбуд ёфтааст, гуфт раиси Фарҳангистон улум (Академияи улум) Фарҳод Раҳимӣ рӯзи панҷшанбе дар нишасти матбӯъотӣ.

Қаблан комиссияи олии таъйиди рисолаҳои (ВАК) Русия ки масъули дифоъи рисолаҳо дар Тоҷикистон аст, фаъолияти даҳҳо шӯроҳои дифоъи рисолаҳоро ба далели мутобиқ набуданашон қатъ сохта буд.

"Дар нисбати соли гузашта вазъияти шӯроҳои дифоъи рисолаҳо беҳтар шудааст. Мо иртиботот бо Комиссияи олии дифоъи Русия барқарор кардем, — зикр кард Раҳимӣ. — Дар соли ҷорӣ ду маротиба ҳайъатҳои онҳо ба Тоҷикистон сафар карданд. Дар натиҷа ҳоло 22 шӯрои дифоъи рисолаҳо, ки беш аз 60 бахшҳоро фаро мегиранд, фаъол шуданд".

Ба гуфтаи вай, аз авоили соли ҷорӣ 201 рисола (18 адади онҳо рисолаҳои докторӣ аст) дифоъ шуданд, ки аз миқдори соли гузашта дар маҷмӯъ бештар аст.

"Фаъолияти бархе аз шӯроҳо ҳамчун мавриди баррасии ВАК-и Русия қарор доранд. Вале то авохири соли ҷорӣ онҳо низ бояд ба фаъолият шурӯъ кунанд. Дар ин замина мо бо ҳамтоёни руси худ ҳамкорӣ дорем", — таъкид кард Раҳимӣ.

Дар нишасти матбӯъотӣ хабар дода шуд, ки нимсолаи аввал олимони Фарҳангистон 594 пажӯҳишро анҷом додаанд, ки аз он 44 пажӯҳиши илмӣ ва 550 матлаби илмӣ буда, 41 адади онҳо дар маҷаллаҳои кишварҳои ИДМ ва хориҷи дур мунташир шудаанд.

Олимон 7 муҷаввиз барои ихтироъот ва як гувоҳнома дар бораи сабти номи моликияти зеҳнӣ ба даст овардаанд.

Ниҳодҳои марбут ба Фарҳангистон 15 ҳамоиши илмӣ, аз ҷумла як ҳамоиши густурдаи байналмиллалӣ ва се ҳамоили илмии байналмиллалӣ баргузор кардаанд.

21
Барчаспҳо:
ҳамкорӣ, барқарор шудани равобит бо бо Комиссияи олии дифоъи Русия, Шӯрои дифоъи рисолаҳои илмӣ, Фарҳод Раҳимӣ, Тоҷикистон
Памятник крестьянину Восе, организовавшему восстание против политики бухарских чиновников (Восстание Восе)

Соҳибкорон дар шаҳраки Ҳулбук муҷассамаи 11-метрии Восеъ - ро гузоштанд

261
(Таҷдидшуда 20:21 24.09.2020)
Муҷассамаи қаҳрамони халқи тоҷик Восеъ аз ҷониби ҳайкалтарош Хушбахт Саъдиев сохта шуда, баландии он бо назардошти таҳкурсӣ 11 метрро ташкил медиҳад

ДУШАНБЕ, 24 сен — Sputnik. Дар маркази ноҳияи Восеи вилояти Хатлон-шаҳраки Ҳулбук президенти Тоҷикистон Эмомалӣ Раҳмон гулгашти Восеъро ба баҳрабардорӣ расонид ва аз рӯйи лавҳаи рамзии муҷассама парда бардошт.

Тибқи иттилои котиботи раисиҷумҳур, ҳайкал бо истифода аз металли ранга сохта шуда, таҳкурсӣ ва атрофи он бо санги хоро оро дода шудааст.

"Баландии муҷассама бо назардошти таҳкурсӣ 11 метрро ташкил медиҳад. Таҷдиди гулгашт ва гузоштани муҷассама дар ин майдон бо саҳми шахсони эҳсонкор ва соҳибкорони хайрхоҳи маҳаллӣ сурат гирифтааст", - омадааст дар хабарнома.

Тибқи иттилои манбаъ, масоҳати умумии гулгашт 1 гектарро ташкил дода, дорои беҳтарин шароит барои истироҳату фароғат ва сайру гашти сокинону меҳмонон мебошад.

Гуфта мешавад, ки лоиҳаи гулгашти мазкур аз ҷониби Ҷамъияти дорои масъулияти маҳдуди "Аҳмадҷон Ҳулбук" тарҳрезӣ шуда, корҳои сохтмонӣ бо ҷалби кормандони Корхонаи воҳиди давлатии "Манзилию коммуналӣ"-и ноҳияи Восеъ ва Ҷамъияти дорои масъулияти маҳдуди "Ниагара-А" анҷом дода шудаанд.

Дар давраи таҷдиди ин иншооти фарҳангӣ ва гузоштани муҷассамаи Восеъ беш аз 50 нафар сокини маҳаллӣ барои иҷрои корҳои сохтмонӣ ҷалб гардида, бо маоши хуб таъмин шуданд.

Гуфта мешавад, ки дар атрофи муҷассама бо композитсияи бадеӣ 3 фаввораи замонавӣ бунёд гардида, ҳамчунин гулҳои ранга ва дарахтони ҳамешасабзи ороишӣ шинонида шудаанд.

Манбаъ афзуда, ки Эмомалӣ Раҳмон ба сифати корҳои сохтмонӣ баҳои баланд дода, ҷиҳати истифодаи самаранок ва  зебо нигоҳ доштани гулгашт масъулонро муваззаф намудааст.

261
Барчаспҳо:
муҷассама, муҷассама, Восеъ, Эмомалӣ Раҳмон, Кӯлоб, Ҳулбук
Памятник Рудаки, архивное фото

Имрӯз дар Тоҷикистон аз Рӯдакӣ ёд мекунанд: бузургдошти рӯзи Одамушуаро дар ҷумҳурӣ

67
(Таҷдидшуда 16:55 22.09.2020)
Имрӯз 22 сентябр - рӯзи бузургдошти Абуабдуллоҳ Рӯдакӣ, бунёдгузори адабиёти порсӣ-тоҷикӣ дар Тоҷикистон аст

ДУШАНБЕ, 22 сен — Sputnik. Аз соли 2002 бад ин сӯ дар Тоҷикистон ҳамасола 22 сентябр бо номи рӯзи Рӯдакӣ гиромӣ дошта мешавад.

Абуабдуллоҳ Ҷаъфар ибни Муҳаммад ибни Ҳаким ибни Абдураҳмон ибни Одам Рӯдакӣ дар соли 858 дар рустои Панҷрӯди шаҳристони Панҷакент (воқеъ дар Тоҷикистони имрӯза) ба дунё омаду дар дарбори Сомониён аз иззату эҳтироми зиёде бархурдор буд.

Шоирро дар охирҳои умр тибқи навиштаи бархе тазкираҳо бадхоҳонаш кӯр мекунанду ӯ бо анбӯҳи андӯҳ ба зодгоҳаш бармегардад ва дар ҳамон ҷо вафот мекунад.

Дар мавриди шумори ашъори Рӯдакӣ назарҳои мухталифе мавҷуд аст, ки бархе онро як миллиону сесад ҳазор байт гуфтаанд, ки муттаассифона аз он ашъор то замони мо камтар аз 1000 мисраъ боқӣ монда, ки ҳамин миқдори андак аз табъи равону самимияти гуфтори ӯ ҳикоят медиҳанд.

Барои гиромидошти номи устод Абуабдуллоҳ Рӯдакӣ дар гӯшаву канори Тоҷикистон номи яке аз ноҳияҳо ба номи Рӯдакӣ гузошта шудаасту, дар вилояту ноҳияҳо хиёбону кӯчаҳову ва маҳалҳои аҳолинишин номгузорӣ карда шудаанд.

Дар пойтахт шаҳри Душанбе Боғи Устод Рӯдакӣ, хиёбони марказии шаҳр ба номи Хиёбони Рӯдакӣ, муҷассамаи Рӯдакӣ дар хиёбони номбурда, якчанд муассисаҳои давлатӣ номгузорӣ шудаанд.  

Ҳазорҳо нусха китобу нашрияҳо дар бораи эҷодиёти А. Рӯдакӣ пайваста маводҳои илмиву бадеӣ ҳамасола нашр карда истодаанд. Рузи 22- юми сентябр хамчун Рӯзи Рӯдаки ҷашн гирифта мешавад.

67
Барчаспҳо:
ёдбуд, бузургдошт, адабиёт, Абӯабдуллоҳ Рӯдакӣ, Рӯдакӣ, Тоҷикистон

Амрико ба хотири қатъи сохтмони “Маҷрои шимолӣ-2” шарик меҷуяд

0
(Таҷдидшуда 21:15 24.09.2020)
Мақомоти Амрико эълон кардааст, ки эътилофи зидди “Маҷрои шимолӣ-2”- ро ташкил хоҳад кард

Нашрияи Die Welt  навиштааст, ки Амрико фишорашро бар зидди ширкатҳое, ки дар лоиҳаи “Маҷрои шимолӣ-2” иштирок доранд зиёд кардааст.

Вазири хорҷаи Амрико Майк Помпео, ахиран эълон кардааст, ки кишвараш барои қатъи сохтмони “Маҷрои шимолӣ-2” эътилоф ташкил хоҳад дод.

Ба гуфтаи вай, ин лоиҳа метавонад вобастагии Аврупоро аз Русия зиёд намояд ва ба амнияти Украин хатар ворид кунад. Ба ҳамин хотир амрико набояд гузорад ин лоиҳа иҷро шавад.

Бояд гуфт, ки Русия борҳо таъкид кард, ки тарҳҳои энержии ин кишвар, аз ҷумла "Маҷрои шимолӣ-2" дар Аврупо бо ҳадафҳои сиёсӣ дучори монеа шудаанд.

Лоиҳаи “Маҷрои шимолӣ-2” бунёди ду лӯлаи газ бо иқтидори умумии 55 миллиард метри мукааб газ дар як сол аз соҳили Русия тавассути баҳри Балтика то Олмонро дар бар мегирад.

Владимир Путин борҳо таъкид кардааст, ки Русия ба лӯла танҳо ба унвони як лоиҳаи иқтисодӣ ишора мекунад. Маскав даъват мекунад, ки онро ҳамчун воситаи таъсирот қабул накунед. Сохтмони “Маҷрои шимолӣ-2” аз ҷониби Олмон, Австрия ва Норвегия фаъолона дастгирӣ карда мешавад.

0
Барчаспҳо:
мақомот, ташкил, эътилоф, Амрико, Русия