Марат Орифов дар филми Муаллим-и Носир Саидов. Навор аз филм

Ду филми тоҷикӣ ба ҷашнвораи Қазон роҳ ёфтанд

35
(Таҷдидшуда 16:08 11.08.2015)
Барои иштирок дар ҷашнвора 700 филм пешниҳод шуда, тибқи нишондоди комиссияи интихобии фестивали синамо танҳо 50 филм ҳаққи намоишро пайдо кардааст.

ДУШАНБЕ, 11 авг — Sputnik. Ду филми тоҷикӣ ба 11-умин Ҷашнвораи байналмилалии филмҳои мусалмонони Қазон дар ыумщурии Тотористони Русия роҳ ёфтааст, менависад хабаргузории Озодагон.

"Кумитаи тадорукоти ҷашнвора мегӯяд, имсол Тоҷикистонро филмҳои "Муаллим"-и коргардон Носир Саидов ва филми кӯтоҳи "Гунҷишки сафед" ("Белий воробушек")-и таҳиягар Диловар Султонов дар синамобазм намояндагӣ хоҳанд кард",-меафзояд манбаъ.

Бар пояи хабари сарчашма, барои иштирок дар ҷашнвора 700 филм пешниҳод шуда, тибқи нишондоди комиссияи интихобии ҷашнвора танҳо 50 филм ҳаққи намоишро пайдо кардааст.

Ҷашнвораи байналмилалии филмҳои мусалмонон аз 5 то 11 сентябр дар Қазон баргузор шуда, барои дарёфти ҷоизаи фестивал 50 филм аз 25 давлат намоиш дода мешавад.

Филми "Муаллим"-и Носир Саидов ба қатори 10 филми асоии ҷашнвора — "Курманжан Датка Королева Гор"-и Содиқ Шерниёз (Қирғизистон), "Риба"-и Дервиша Займа (Туркия),   "Побег из Москвабада"-и Дари Полторатский (Русия) ва "Муравиная история"-и М.С.Фаруки (Бангладеш) шомил шудааст.

Гуфтанист, филми "Гунҷишки сафед"-и Диловар Султонов дар баробари филмҳои кӯтоҳи ҷашнвора намоиш дода мешавад. Аз Осиёи Марказӣ танҳо аз Тоҷикистон ду филм ба намоиш роҳ ёфтааст. Қирғизистону Узбакистонро яктоӣ филм намояндагӣ мекунад.

 

35
Барчаспҳо:
фестивали синамо, ҷашнвораи кино, намоиши киноҳои беҳтарин, филми "Муаллим", Кумитаи тадорукоти синамобазми Қазон, Диловар Султонов, Носир Саидов, Қазон, Тотористон, Туркия, Ӯзбакистон, Тоҷикистон, Русия
Маросими пешвози меҳмонон, акс аз бойгонӣ

Сафари фарҳангиёну адибони Ӯзбекистон ба Тоҷикистон

106
(Таҷдидшуда 14:31 28.09.2020)
Ҳукумати вилояти Суғд аз сафари як ҳайати намояндагони илму адаб ва фарҳанги Ӯзбекистон ба Тоҷикистон хабар дод

ДУШАНБЕ, 28 сен — Sputnik. Гуруҳи намояндагони аҳли илму адаб ва фарҳанги ҷумҳурии Ӯзбекистон тавассути гузаргоҳи сарҳадии “Фотеҳобод” ба вилояти Суғди Тоҷикистон ташриф оварданд, хабар дод котиботи ҳукумати Суғд.

Манбаъ афзуд, ки ҳайати меҳмононро муовини раиси вилояти Суғд, Анвар Яъқубӣ ва намояндагони Вазорати фарҳанги  Тоҷикистон гарму самимӣ истиқбол гирифтанд.

“Ҳадаф аз ташрифи меҳмонон таҳкими муносибатҳои дӯстона миёни миллатҳои тоҷику ӯзбек, тақвияти ҳамкориҳои адабӣ, илмиву фарҳангӣ миёни ду давлати дӯст арзёбӣ мешавад”, - омадааст дар иттилоия.

Таъкид шудааст, ки меҳмонон давоми рӯз аз Маҷмааи фарҳангию “Қалъаи Хуҷанд”, Осорхонаи вилоятӣ, Хона — музейи Камоли Хуҷандӣ боздид намуда, бо таъриху фарҳанги миллати тоҷик шинос гардиданд.

Манбаъ афзуд, ки сипас, меҳмонон тибқи барномаи сафар ба пойтахти мамлакат — шаҳри Душанбе равон шуданд. 

Дар шаҳри Душанбе феълан сафари ҳайати Ӯзбекистон давом дорад.

106
Барчаспҳо:
илм, фарҳанг, Ӯзбекистон, Тоҷикистон
Сангҳои сари роҳ, акс аз бойгонӣ

Раҳмон аз бошишгоҳи одамони асри санг ва шаҳри Мунк дар Ховалинг гуфт

176
Эмомалӣ Раҳмон, раисиҷумҳури Тоҷикистон, аз мавзеъҳои таърихӣ дар ноҳияи Ховалинг гуфта, дастур дод, ки сайёҳони дохилию хориҷӣ ба онҳо бештар ҷалб карда шаванд

ДУШАНБЕ, 27 сен — Sputnik. Тибқи иттилои котиботи раисҷумҳури Тоҷикистон, Эмомалӣ Раҳмон гуфт, ноҳияи Ховалинг бо таърихи бостонӣ ва фарҳанги ғании худ маълуму машҳур мебошад.

Ӯ афзуд, дар ҳудуди он шумораи зиёди ёдгориҳои таърихиву фарҳангӣ, аз қабили мазори Султон Увайси Қаранӣ, Боғ – осорхонаи Восеъ, шаҳри Мунки қадим, бошишгоҳҳои одамони асри санг ва маъбади буддоии Чепол мавҷуданд, ки барои сайёҳони дохиливу хориҷӣ бисёр ҷолиб мебошанд.

“Аз ин лиҳоз, обод нигоҳ доштани мавзеъҳои табииву таърихӣ ва ҳарчи бештар ҷалб кардани сайёҳони дохиливу хориҷӣ аз ҷумлаи вазифаҳои муҳимтарини роҳбарону масъулони ноҳия ва Кумитаи рушди сайёҳӣ ба ҳисоб меравад.”, - омадааст дар матни суханронии раисиҷумҳур.

Ба гуфтаи Раҳмон, илова ба ёдгориҳои нодири таърихӣ ва табиати зебои ин диёр муҳайё сохтани инфрасохтори зарурӣ барои рушди сайёҳӣ, бахусус, сайёҳии табобативу экологӣ ва ҷалби сайёҳони дохиливу хориҷӣ яке аз воситаҳои асосии бо ҷойи кор таъмин намудани аҳолӣ ва беҳтар гардонидани сатҳи зиндагии сокинони ноҳия мебошад.

Ӯ таъкид кард, ки ин раванд бояд дар доираи чорабиниҳои солҳои рушди деҳот, сайёҳӣ ва ҳунарҳои мардумӣ вусъат дода шавад.

176
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1807
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1807