Акси Мунира Мирзоева дар саҳифаи фейсбукии Михаэл Норок

Гулпарвари 19-сола ба "Харитаи зебоӣ" роҳ ёфт

248
(Таҷдидшуда 11:16 20.08.2015)
Дар миёни даҳҳо бонуи зебо аз кишварҳои мухталифи ҷаҳон ба лоиҳаи “Харитаи зебоӣ” аз Тоҷикистон акси духтаре роҳ ёфтааст, ки аз ӯ дар ин харита “зеботарин кӯчарӯб” ном бурдаанд.

ДУШАНБЕ, 20 авг — Sputnik. Акси духтари 19-солаи гулпарваре аз Душанбе ба лоиҳаи "харитаи зебоӣ", ки бо ибтикори аккоси руминиягӣ роҳандозӣ шудааст, роҳ ёфтааст, омадааст дар саҳифаи фейсбукии аккос Меҳоил Норок.

"Харитаи зебоӣ" як лоиҳаи интернетиест. Муаллифи лоиҳа бо дурбини худ ба сайри ҷаҳон баромада, мехоҳад зеботарин чеҳраҳоро аз ҳар гӯшаи дунё аксбардорӣ кунад ва баъди анҷоми сафар ин аксҳоро дар шакли китоб ба нашр расонад. Моҳе қабл чеҳраи Мунира Мирзоева, духтари гулпарвар аз Душанбе ба дурбини суратгир афтод, ки ин дафъа Тоҷикистонро макони сафар интихоб кард.

Ин акси Мунира, ки дар саҳифаи фейсбукии Меҳоил Норок бо зернавишти "Кӯчарӯби зебои Душанбе" нашр шудааст, дар чанд соати аввал ҳазорҳо "лайк" овардааст. Азбаски либос ё камзӯли кории роҳрӯб ва гулпарварон дар Душанбе якранг аст, аз ин рӯ суратгир ӯро "кӯчарӯб" пиндоштааст.

Мунира Мирзоева
Мунира Мирзоева

Аммо худи Мунираи 19-сола, ки дар бахши кабудизоркунии ноҳияи Шоҳмансури пойтахт кор мекунад, аз ситоиши зебоиаш дар шабакаҳои иҷтимоӣ аслан хабар надорад, менависад Радиои Озодӣ. Ӯ ноновари аслии хонаводаи 7-нафарааш аст ва тамоми рӯзаш ба ороиши гулгашту хиёбонҳои Душанбе сипарӣ мешавад.

Вай гуфтааст, ки фарзанди бузурги хонадон аст ва 4 бародари дигар дорад. Шароити бади молии хонавода ӯро гулпарвар кард. Мунира мегӯяд, нонашро бо арақи ҷабин ҳалол мекунад, вале аз ин машғулияташ ифтихор дорад. Мунира, ҳамон тавре, ки дар акси "Харитаи зебоӣ" тасвир шудааст, бо вуҷуди он ки дасташ ҳамеша олуда ба обу лой аст, ба зоҳири худ таваҷҷӯҳ мекунад ва мутмаин аст, ки  зан новобаста аз хусусияти кораш, бояд ҳамеша тозаву зебо бошад.

"Шояд ҳамин одатам буд, ки диққати он зани хориҷӣ ба ман афтид ва хоҳиш кард чанд аксамро бигирад. Рӯзе, ки ҳамин аксро бардоштанд, мо каме аз кор таннафус карда, бо духтарон сӯҳбат доштем. Он суратгир ҳам наздамон омаду хоҳиш кард аксамро бигирад. Гуфт, барои як барномааш лозим аст", — гуфтааст Мунира. 

Мунираи 19-сола танҳо духтаре нест, ки аз Тоҷикистон диққати аккосро ба худ ҷалб кардааст. Меҳоил ҳангоми гузаштан аз ҳудуди Тоҷикистон даҳҳо чеҳраҳои дигарро ҳам аксбардорӣ кардааст, аммо дар саҳфаи фейсбукиаш дӯстон маҳз акси Мунираро барои нашр дар китоби ояндааш тавсия кардаанд.

248
Барчаспҳо:
гулпарвар, аккос, роҳ ёбӣ, акс, ""Харитаи зебоӣ", Мунира Мирзоева, Руминия, Тоҷикистон
Кирилл Медников

Кирилл Медников - ҷавони душанбегӣ барои филми "Доктор Лиза" суруд эҷод кард

234
(Таҷдидшуда 14:55 30.10.2020)
Сарояндаи ҷавони зодаи Тоҷикистон Кирилл Медников барои филми истеҳсоли Русия "Доктор Лиза" суруд эҷод кард

ДУШАНБЕ, 30 окт — Sputnik. Суруди Кирилл Медников таҳти унвони "Двумя руками" (Бо ду даст) саундтреки филми "Доктор Лиза", интихоб шуд. Дар ин бора Кирилл дар саҳифааш дар Instagram хабар додааст.

"Ман дарҳол қарор кардам, ки як чизи зебое аз умқи дил эҷод мекунам. Нақшофарии Чулпан Хаматова ва Константин Хабенский дарки сюжети филмро дар ман тақвият бахшиданд", - навиштааст сароянда.

Кирилл изҳор дошт, ки то нашри филм дар бораи фаъолияти Елизавета Глинки кам чизе шунида буд, вале пас аз суҳбат бо таҳиягарони филм дарёфт, ки ҳимоятгари русиягӣ чӣ корҳоеро анҷом додааст.

Овозхон аз Душанбе дар озмуни "Песни" ба марҳилаи навбатӣ гузашт

Филми "Доктор Лиза" таърихи як рӯз аз зиндагии Елизавета Петровна Глинкиро тасвир мекунад.

Посмотреть эту публикацию в Instagram

Случилось очень важное событие в моей карьере автора и исполнителя. Да в целом, в жизни, пожалуй. Радую вас и себя прекрасной новостью: я написал песню к фильму «Доктор Лиза». ⠀ Ровно неделю назад фильм вышел в широкий прокат в России. Художественно-биографическая работа рассказывает про один день из жизни Елизаветы Петровны Глинки. Её больше знают, как Доктора Лизу. Месяц назад я только вскользь слышал об этом человеке, немного владел информацией о том, что Елизавета Петровна помогала онкобольным. Паша показал мне трейлер, и я сразу решил написать что-то красивое, из глубины. Игра прекрасной Чулпан Хаматовой, потрясающего Константина Хабенского только усилили моё восприятие сюжетной линии фильма. ⠀ Тема тяжёлая, больная, не оставляющая равнодушным. Она касается лично меня, моих близких людей и кого-то из вас или ваших семей. Даже когда невыносимо, когда тьма съедает всё пространство и жизнь – не жизнь, а выживание, нужно быть сильным и находить свет. Крайне нужно. Обнимаю каждого, кого хоть каким-то образом затронула эта страшная штука. ⠀ Скоро песня будет в ваших ушах. Надеюсь, и сердцах тоже. Большое спасибо ребятам, чьи идеи и реализация помогли создать что-то важное. ⠀ prod: @artistmusiclab creative prod: @kantata_360, @damian_sky guitar: @zelenkov_ivan_guitar

Публикация от Kirill Mednikov (@kirill_mednikov)

Ӯ корманди ҷамъиятӣ ва ҳомии ҳуқуқ ҳамчунин директори Созмони байналмилалии "Справедливая помощ" (Кумаки боадолатона) мебошад.

Гуфт бачаи одист аз Душанбе: суҳбати Медников аз авлоду хонадоршавӣ то орзую мушкилот

Кирилл Медников дар  Душанбе ба дунё омада ва бузург шудааст. Хонаводаи ӯ солҳои 1960 дар Тоҷикистон муқим шудааст.

Дар 17 - солагӣ Кирилл пас аз хатми Мактаби Вазорати дифоъи ФР таҳсилашро дар Русия идома дод. Соҳиби касби муҳандисӣ шуд ва ҳунармандиро пеша кард.

234
Барчаспҳо:
филм, эҷодиёт, марди душанбегӣ, суруд
Китоб, акс аз бойгонӣ

Тақдими аз 5 то 10 ҳазор сомонӣ ба ғолибони озмуни “Фурӯғи субҳи доноӣ китоб аст”

77
(Таҷдидшуда 18:33 29.10.2020)
Шаҳрдории Душанбе гуфт, имрӯз даври шаҳрии озмуни ҷумҳуриявии “Фурӯғи субҳи доноӣ китоб аст” ҷамъбаст гардида, 58 ғолиб дар бахшҳои гуногун ба даври ҷумҳуриявӣ роҳхат гирифтанд

ДУШАНБЕ, 29 окт — Sputnik. Дар даври шаҳрии озмуни мазкур аз чор ноҳияи пойтахт 174 нафар ғолибони даври дуюми озмун ширкат карданд.

Сбор урожая хлопка в Турсунзаде
© Официальная страница пресс-службы президента РТ в Facebook

Шаҳрдорӣ афзуд, довталабон дар бахшҳои озмун аз рӯи номинатсияҳои “Хондан ва аз ёд кардани осори адибони классики тоҷик”,  “Хондан ва аз ёд кардани осори адибони муосири тоҷик”, “Хондан ва аз ёд кардани ашъори бачагона ва афсонаҳои халқи тоҷик”, “Хондан ва аз ёд кардани осори адабиёти ҷаҳон” ва номинатсияи “шоирӣ” байни худ рақобат намуда, ба ҳайати ҳакамон истеъдоди худро муаррифӣ намуданд.

“Даври шаҳрии озмун бо рақобати солими довталабон ҷамъбаст гардида, барои иштирок ба  даври ҷумҳуриявии он 58 нафар аз рӯйи наминатсияҳои озмун роҳхат гирифтаанд. Аз ҷумла, 12 нафар ҷойҳои якум, 27 нафар ҷойҳои дувум ва 19 нафар ҷойҳои сеюмро ишғол намуданд”, - омадааст дар иттилоия.

Шаҳрдорӣ таъкид намуд, ки ба ғолибони ҷойҳои якум 10 ҳазор сомонӣ, ҷойҳои дувум 7 ҳазор сомонӣ ва ҷойҳои сеюм 5 ҳазор сомонӣ аз ҳисоби маблағузории фонди захиравии раиси шаҳри Душанбе бо инобати пардохти андозҳо мукофотпулӣ ва диплом тақдим карда шуд.

77
Барчаспҳо:
шаҳр, китоб, Душанбе, Тоҷикистон
Новая операционная в районой больнице №5 в джамоате Далион Боло Деваштичского района

Дар вилояти Суғд 459 иншооти соҳаи тандурустӣ таъмир мегардад

0
(Таҷдидшуда 20:35 31.10.2020)
Дар нӯҳ моҳи соли равон дар вилояти Суғд, сохтмон, азнавсозӣ ва таъмири 64 оншооти тандурустӣ ба итмом расонида шудааст

ДУШАНБЕ, 31 окт — Sputnik. Ба муносибати ҷашни 30-солагии истиқлоли Тоҷикистон дар вилояти Суғд давоми солҳои 2019-2021 сохтмон, азнавсозӣ ва таъмири 459 иншооти соҳаи тандурустӣ ба нақша гирифта шудааст.

Бино ба гузориши Вазорати тандурустӣ, аз ин шумора 64 адад беморхонаҳо, 118 адад бунгоҳҳои саломатӣ, 86 адад марказҳои саломатӣ, 18 адад таваллудхонаҳо, 101 адад нуқтаҳои хатна ва 72 адад дорухонаҳо мебошанд.

Бино ба иттилои Раёсати тандурустии вилояти Суғд, соли 2020 бояд, 123 адад иншооти соҳаи тандурустӣ , аз ҷумла 15 адад беморхонаҳо, 39 адад бунгоҳҳои саломатӣ, 20 адад марказҳои саломатӣ, 5 адад таваллудхонаҳо, 13 адад нуқтаҳои хатна ва 31 адад дорухонаҳо бо маблағгузорӣ аз ҳамаи сарчашмаҳо сохтмон, азнавсозӣ ва таъмиру тармими онҳо ба итмом расонида шавад.

"Дар нуҳ моҳи соли равон сохтмон, азнавсозӣ ва таъмиру тамими 64 адад иншоотҳои тандурустӣ, аз ҷумла 10 адад беморхонаҳо, 16 адад бунгоҳҳои саломатӣ, 14 адад марказҳои саломатӣ, 2 адад таваллудхона, 8 адад нуқтаҳои хатнаи кӯдакон ва 14 адад дорухонаҳо ба итмом расонида шудааст", - омадааст дар хабарнома.

Манбаъ афзуда, ки ба муносибати истиқболи сазовори 30-солагии истиқлол корҳои ободонию созандагӣ, сохтмон, азнавсозӣ ва таъмиру тармим дар тамоми муассисаҳои тандурустии вилоят идома дорад.

0
Барчаспҳо:
азнавсозӣ, таъмир, беморхона, Суғд