Марат Орифов дар филми Муаллим. Акс аз ыараёни танзими филм

“Муаллим”-и Носир Саидов аз Қазон бо ҷоиза баргашт

29
(Таҷдидшуда 09:32 16.09.2015)
Дар филм тамошобини тоҷик баъди зиёда аз 20 сол шоҳиди ба саҳна баргаштани ҳунарманди саршинос Марат Орифов шуд. Филми мазкур қаблан дар ҷашнвораҳои синамои Эрону Озарбойҷон ва Австрия бо ҷоизаҳо қадрдонӣ шуда буд.

ДУШАНБЕ, 16 сен — Sputnik. Филми "Муаллим"-и коргардони маъруфи тоҷик Носир Саидов дар ҷашнвораи байналмилалии "Минбари тиллоӣ", ки дар шаҳри Қазони Русия баргузор шуд, соҳиби ҷоизаи "Беҳтарин филмнома" гардид, иттилоъ медиҳад ОИ Tojnews.

Таҳиягари филм мегӯяд, филмаш дар қатори 700 филм дар ҷашнвораи "Минбари тиллоӣ" иштирок карда, ба феҳрасти 50 филми ниҳоӣ роҳ ёфт ва дар қатори 50 филм аз 25 кишвари дунё мақоми чорумро ишғол кард.

Қаблан филми "Муаллим" дар Кинофестивали байналмилалии шаҳри Инсбруки Австрия барандаи ҷоизаи беҳтарин филм гардида буд.

Филми "Муаллим" дар бораи сарнавишти омӯзгор ва насли солҳои навадуми асри гузашта қисса  мекунад. Филми "Муаллим" соли 2014 бо ҷалби ҳунармандон аз хориҷи кишвар ба саҳна омада буд.

Дар филм ҳунарманди маъруфи эронӣ Маҳнози Афшор нақши асосиро бозидааст. Инчунин дар филм тамошобини тоҷик баъди зиёда аз 20 сол шоҳиди ба саҳна баргаштани ҳунарманди саршинос Марат Орифов шуд. Филми мазкур қаблан дар кинофестивалҳое дар Эрону Озарбойҷон ва Австрия бо ҷоизаҳои мухталиф қадрдонӣ шуда буд.

Ҳамчунин, дар ҷашнвораи "Минбари тиллоӣ" аз Тоҷикистон филми "Гунҷишки сафед" дар қатори филмҳои кӯтоҳ муаррифӣ гардид. Ин филм аз ҷониби коргардон Диловар Султонов таҳия шуда, соҳиби ҷоизаи вижаи доварон гардид.

 

29
Барчаспҳо:
беҳтарин филм, ҷашнвораи синамо, ҷоизаи навбатии филми "Муаллим", ҷашнвораи байналмилалии “Минбари тиллоӣ, филми “Муаллим, Марат Орифов, Носир Саидов, Қазон, Тотористон, Тоҷикистон, Русия
Мавзуъ
“Муаллим”-и Носир Саидовро дар Теҳрон ба намоиш даромад
Маросими пешвози меҳмонон, акс аз бойгонӣ

Сафари фарҳангиёну адибони Ӯзбекистон ба Тоҷикистон

106
(Таҷдидшуда 14:31 28.09.2020)
Ҳукумати вилояти Суғд аз сафари як ҳайати намояндагони илму адаб ва фарҳанги Ӯзбекистон ба Тоҷикистон хабар дод

ДУШАНБЕ, 28 сен — Sputnik. Гуруҳи намояндагони аҳли илму адаб ва фарҳанги ҷумҳурии Ӯзбекистон тавассути гузаргоҳи сарҳадии “Фотеҳобод” ба вилояти Суғди Тоҷикистон ташриф оварданд, хабар дод котиботи ҳукумати Суғд.

Манбаъ афзуд, ки ҳайати меҳмононро муовини раиси вилояти Суғд, Анвар Яъқубӣ ва намояндагони Вазорати фарҳанги  Тоҷикистон гарму самимӣ истиқбол гирифтанд.

“Ҳадаф аз ташрифи меҳмонон таҳкими муносибатҳои дӯстона миёни миллатҳои тоҷику ӯзбек, тақвияти ҳамкориҳои адабӣ, илмиву фарҳангӣ миёни ду давлати дӯст арзёбӣ мешавад”, - омадааст дар иттилоия.

Таъкид шудааст, ки меҳмонон давоми рӯз аз Маҷмааи фарҳангию “Қалъаи Хуҷанд”, Осорхонаи вилоятӣ, Хона — музейи Камоли Хуҷандӣ боздид намуда, бо таъриху фарҳанги миллати тоҷик шинос гардиданд.

Манбаъ афзуд, ки сипас, меҳмонон тибқи барномаи сафар ба пойтахти мамлакат — шаҳри Душанбе равон шуданд. 

Дар шаҳри Душанбе феълан сафари ҳайати Ӯзбекистон давом дорад.

106
Барчаспҳо:
илм, фарҳанг, Ӯзбекистон, Тоҷикистон
Сангҳои сари роҳ, акс аз бойгонӣ

Раҳмон аз бошишгоҳи одамони асри санг ва шаҳри Мунк дар Ховалинг гуфт

176
Эмомалӣ Раҳмон, раисиҷумҳури Тоҷикистон, аз мавзеъҳои таърихӣ дар ноҳияи Ховалинг гуфта, дастур дод, ки сайёҳони дохилию хориҷӣ ба онҳо бештар ҷалб карда шаванд

ДУШАНБЕ, 27 сен — Sputnik. Тибқи иттилои котиботи раисҷумҳури Тоҷикистон, Эмомалӣ Раҳмон гуфт, ноҳияи Ховалинг бо таърихи бостонӣ ва фарҳанги ғании худ маълуму машҳур мебошад.

Ӯ афзуд, дар ҳудуди он шумораи зиёди ёдгориҳои таърихиву фарҳангӣ, аз қабили мазори Султон Увайси Қаранӣ, Боғ – осорхонаи Восеъ, шаҳри Мунки қадим, бошишгоҳҳои одамони асри санг ва маъбади буддоии Чепол мавҷуданд, ки барои сайёҳони дохиливу хориҷӣ бисёр ҷолиб мебошанд.

“Аз ин лиҳоз, обод нигоҳ доштани мавзеъҳои табииву таърихӣ ва ҳарчи бештар ҷалб кардани сайёҳони дохиливу хориҷӣ аз ҷумлаи вазифаҳои муҳимтарини роҳбарону масъулони ноҳия ва Кумитаи рушди сайёҳӣ ба ҳисоб меравад.”, - омадааст дар матни суханронии раисиҷумҳур.

Ба гуфтаи Раҳмон, илова ба ёдгориҳои нодири таърихӣ ва табиати зебои ин диёр муҳайё сохтани инфрасохтори зарурӣ барои рушди сайёҳӣ, бахусус, сайёҳии табобативу экологӣ ва ҷалби сайёҳони дохиливу хориҷӣ яке аз воситаҳои асосии бо ҷойи кор таъмин намудани аҳолӣ ва беҳтар гардонидани сатҳи зиндагии сокинони ноҳия мебошад.

Ӯ таъкид кард, ки ин раванд бояд дар доираи чорабиниҳои солҳои рушди деҳот, сайёҳӣ ва ҳунарҳои мардумӣ вусъат дода шавад.

176
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1806
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1806