Акбарали Сатторов. Акс аз бойгонӣ

Дар Ҳисор як мактабро бо номи Акбар Саттор гузоштанд

25
(Таҷдидшуда 22:09 12.10.2015)
Дар ноҳияи Ҳисор як мактаб бо номи Акбар Саттор, раҳбари пешини Иттифоқи журналистони Тоҷикистон гузошта шудааст.

ДУШАНБЕ, 7 окт — Sputnik. Мактаби миёнаи рақами 25-и деҳаи Мортеппаи Ҳисор ба номи Акбари Саттор, раҳбари пешини Иттифоқи журналистони Тоҷикистон гузошта шуд, гуфт, Наҷмиддини Шоҳинбод, котиби масъули ин иттифоқ дар суҳбат бо Sputnik.

Намояндаи ИЖТ афзуд, ки қарор дар бораи ба номи Акбар Саттор гузоштани мактаби рақами 25 дар маҷлиси вакилони ноҳияи Ҳисор рӯзи 7 октябр қабул шудааст.

Пешниҳоди ба номи Акбари Саттор гузоштани мактаби Мортеппа баъд аз даргузашти ӯ садо дода буд. Инчунин, бархеҳо пешниҳод карданд, як кӯча дар Душанбе ҳам ба номи вай гузошта шуда, рустои Мортеппаи Ҳисор ба "Акбаробод" табдили ном кунад.

Акбари Саттор 10 феврали соли 1965 дар деҳаи Мортеппаи ноҳияи Ҳисор ба дунё омада, фориғуттаҳсили факултаи журналистикаи Донишгоҳи давлатии Ленинград ба номи Жданов (ҳоло Донишгоҳи давлатии Санкт-Петербург) мебошад.

Фаъолияти кориашро дар соли 1990 аз нашрияи "Ҷумҳурият" оғоз кардааст, баъд аз он ба рӯзномаи "Тоҷикистони советӣ" даъват шуда, сипас то соли 1994 дар нахустин нашрияи парлумонӣ- "Садои мардум" ба ҳайси хабарнигор, мудири шӯъбаи сиёсат ва ҳуқуқ кор кардааст.

Аввалин нашрияи худро дар соли 1994 бо номи "Дайджес пресс" рӯйи чоп оварда, ба дунболи он дар соли 1994 "Чархи гардун"-ро таъсис дод. Иттиҳодияи эҷодии "Чархи гардун"-и Акбари Саттор бар иловаи ин ду нашрия ҳамчунин "Вечерний Душанбе", "Аладдин" ва "Марду зан"-ро фаро мегирифт. Аз соли 2007 то дами маргаш вазифаи раисии Иттифоқи Журналистони Тоҷикистонро ба ӯҳда дошт. Акбари Саттор оиладор ва соҳиби чаҳор фарзанд буд.

25
Барчаспҳо:
Мортепа, Ҳисор, Акбари Саттор, мактаб, номгузорӣ, Иттифоқи журналистони Тоҷикистон, Акбари Саттор, Ҳисор, Тоҷикистон
Одиночная фотография журналиста из Приморья Юрия Смитюка «Остров Врангеля»

Озмуни ёдбуди аксбардор Андрей Стенин ғолиби овоздиҳии онлайниро эълон кард

29
(Таҷдидшуда 14:53 04.08.2020)
Корбарони интернет ғолиби Озмуни байналмилалии фотожурналистии ёдбуди Андрей Стенинаро интихоб карданд

ДУШАНБЕ, 4 авг — Sputnik.  Беҳтарин кори Озмуни байнулмилалии ёдбуди Андрей Стенин, ба андешаи корбарони интернет, акси ягонаи рӯзноманигор аз Юрий Ситюк таҳти унвони"Ҷазираи Врангел" шинохта шуд.

Павел Кулемеев, корманди илмӣ ва нозири мамнуъгоҳи "Ҷазираи Врангел" бо истиқбол ва таассуроти зиёд акси рӯзноманигорро табиӣ ва воқеӣ хонадаас.

Ҷазираи Врангелел шимолтарин ҷазираи муҳофизатшаванда дар Арктикаи Русия аст. Уқёнуси Арктика ҷазираро аз ҷониби меридиан 180 дараҷа тақсим кардааст ва аз ин рӯ он дар ду ҷониб ҳам ғарб ва ҳам шарқи сайёраи мо ҷойгир аст.

Сафарҳо ба мамнуъгоҳҳои табиии “Ҷазираи Врангел” маҳдуданд, аммо дар тобистон ва тирамоҳ тақрибан даҳҳо хатсайрҳои сайёҳӣ мавҷуданд.

Моҳи сентябр Озмуни байналмилалии фотожурналистии ёдбуди Андрей Стениндар ғолибонашро дар сомонаи stenincontest.ru | эълон хоҳад кард, ҳамзамон дар Маскав намоишгоҳи аксҳои барандагони он кушода мешавад.

Озмун инчунин ният дорад, ки намоиши анъанавии аксҳои ғолибонро дар шаҳрҳои ҷаҳон то охири сол ба роҳ монад.

Озмуни байналмилалии фотожурналистии ёдбуди Андрей Стенин ҳамасола барои аксбардорони ҷавони аз 18 то 33 сола доир мешавад. Имсол, озмун беш аз 5000 асарро аз 75 кишвари ҷаҳон ҷамъ овардааст.

Аз оғози роҳандозии озмун соли 2014 то кунун аксҳои ғолибони он дар Москва, Кейп Таун, Будапешт, Мадрид, Деҳлӣ, Милан, Ню Йорк, Анқара, Буэнос-Айрес ва дигар шаҳрҳои ҷаҳон ба намоиш гузошта шуданд.

Қабули дархостҳо барои ширкат ҳамасола 22 декабр дар зодрӯзи аксбардор МИА "Россия сегодня" Андрей Стенин, ки дар вақти адои хизмат вафот кард, қабул карда мешаванд.

Шарикони байналмилалии ВАО-и озмун: агентии хабарӣ ва радиои Sputnik, агентии иттилоотии Askanews, медиахолдинги Independent Media, агентии хабарии Notimex, агентии иттилоотии ANA, шабакаи телевизион ва сомонаи RT, Shanghai United Media Group (SUMG), сомонаи рӯзномаи интернетии China Daily, сомонаи интернетии The Paper, шабакаи расонаҳои Al Mayadeen, агентии хабарии Prensa Latina, агентии хабарии News1, сомонаи хабарии DBW, пойгоҳи хабарии Brasil247.

Ҳамчун шарикони соҳа озмунро дастгирӣ мекунанд: Маҷаллаи National Geographic Россия, портали Russian Photo, портали Photo-study.ru, мактабӣ аккосии “Академияи аксбардорӣ”, портали иттилоотӣ YOung JOurnalists, маҷаллаи Fotoargenta, клуби фотожурналистикаи Ню-Дели, маҷаллаи Enfoque Visual, маҷалла LF Magazine, сайти шарики байналмилали шарик - фестивали PhotON.


29
Барчаспҳо:
ёдбуд, ғолиб, намоиш, Аккос, Озмун, Русия
Зрители в кинотеатре

Дар ноҳияи Спитамен кинотеатри замонавӣ сохта мешавад

137
(Таҷдидшуда 15:26 03.08.2020)
Бино аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад

ДУШАНБЕ, 3 авг — Sputnik. Раиси вилояти Суғд Раҷаббой Аҳмадзода дар ноҳияи Спитамен бо рафти корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон ошно шуд, хабар медиҳад хадамоти матбуотии раиси вилоят.

Гуфта мешавад, ки Аҳмадзода сараввал дар Ҷамоати шаҳраки Навкат бо ҷараёни сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ ошно шудааст.

"Иншооти мазкур дар доираи омодагиҳо ба ҷашни 30 – солагии Истиқлолияти давлатии Ҷумҳурии Тоҷикистон аз ҷониби кооперативи “Гулрез” сохта шуда истодааст. Масоҳати умумии сохтмон 1000 метри мураббаъро ташкил медиҳад", - омадааст дар хабарнома.

Тибқи иттилои манбаъ, бинои сохташаванда тибқи лоиҳа аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад.

Филм барои +18 ё поинтар: тағйири қонуни Тоҷикистон “Дар бораи кино”

Мувофиқи харҷномаи пешакӣ арзиши умумии сохтмон зиёда аз 7 миллион сомониро ташкил мекунад. Корҳои сохтмониро бунёдкорони ҶДММ “Книал” бар дӯш дорад.

Раиси вилоят ҳангоми шиносоӣ барои бо сифати баланд ба итмом расонидани корҳои сохтмонӣ ва ободонии атрофи иншоот ба масъулин супоришҳо додааст.

137
Барчаспҳо:
рушду ободонӣ, Раҷаббой Аҳмадзода, Суғд, Спитамен
Люди в городе Душанбе

Ҳушдори Ожонси ҳавошиносӣ аз гармии тоқатфарсо дар моҳи август

0
(Таҷдидшуда 16:12 05.08.2020)
Агентии обуҳавошиносӣ: Моҳи август дар Тоҷикистон гармии ҳаво аз меъёри иқлимӣ 1-2 дараҷа баланд пешгӯӣ мешавад

ДУШАНБЕ, 5 авг — Sputnik. Тибқи пешгӯии Ожонси ҳавошиносии  Кумитаи ҳифзи муҳити зисти назди Ҳукумати Ҷумҳурии Тоҷикистон, моҳи август ҳарорати ҳаво тибқи меъёри иқлимӣ ва дар баъзе ноҳияҳо аз меъёри иқлимӣ 1-2 дараҷа баланд дар назар аст.

Дар ин давра ҳарорати миёнаи ҳаво дар вилояти Хатлон ва водиҳои ноҳияҳои тобеи марказ 1 дараҷа баланд аз меъёри иқлимӣ пешгӯӣ шуда, ҳаво дар водиҳо 25+29 ва дар ноҳияҳои доманакӯҳӣ 21+24 дараҷа  гарм мешавад, хабар медиҳад АМИТ "Ховар" бо такя ба Ожонси ҳавошиносӣ.

"Давоми моҳ ҳарорати ҳаво шабона 16+21  ва дар рӯзҳои алоҳида то +25 дараҷа гарм мешавад. Рӯзона ҳарорат тағйир ёфта, аз 32+37 то 35+40 дараҷа гарм мешавад. Дар ноҳияҳои ҷанубӣ то 41+43 дараҷа гармӣ пешбинӣ шудааст", - омадааст дар хабарнома.

Миқдори моҳонаи бориш дар вилояти Хатлон аз меъёр кам пешгӯӣ шуда, дар водиҳо 0,1-1,9 мм  ва дар ноҳияҳои доманакӯҳӣ 2-4 мм-ро ташкил медиҳад.

Дар ин минтақа аввали моҳ боронҳои кӯтоҳмуддат борида, раъду барқ  ба амал меояд. Шамол дар рӯзҳои алоҳида аз самти ғарб бо шиддати то 17-22 метр дар як сония вазида, дар водиҳо тӯфони чангу ғубор ба амал меояд.

Ҳарорати миёнаи моҳонаи ҳаво дар вилояти Суғд тибқи меъёри иқлимӣ  ва дар водиҳо 1 дараҷа  баланд пешбинӣ шудааст. Ҳаво дар водиҳо 25+27 дараҷа  гарм, дар ноҳияҳои доманакӯҳӣ 23+24 ва дар ноҳияҳои кӯҳӣ 15+18 дараҷа гармиро ташкил медиҳад.

Давоми моҳ ҳарорати ҳаво дар водиҳо шабона 17+22 ва рӯзона 33+38 дараҷа гарм пешгӯӣ шуда, дар ноҳияҳои кӯҳӣ шабона 6+11 ва рӯзона аз 17+22 то 24+29 дараҷа мерасад.

Миқдори моҳонаи бориш дар ҳудуди меъёри иқлимӣ дар баъзе ноҳияҳо кам буда, дар водиҳо 1-2мм,  дар доманакӯҳҳо ва кӯҳӣ 3-4мм ва дар ноҳияҳои кӯҳӣ 7-14мм пешбинӣ шудааст. Дар даҳрӯзаи аввали моҳ боронҳои кӯтоҳмуддат, раъду барқ пешгӯӣ шуда, дар баъзе ноҳияҳо шамол бо шиддати то 15-20 метр дар як сония мевазад.

Дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон низ ҳарорати миёнаи моҳонаи ҳаво дар ҳудуди меъёри иқлимӣ пешгӯӣ шудааст.

Дар ин давра ҳаво шабона аз 10+15 то +18 дараҷа гарм шуда, рӯзона ҳарорат аз 23+28 то 30+35 дараҷа мерасад. Дар ноҳияи Дарвоз то +38 дараҷа  гармӣ пешгӯӣ мешавад.

Миқдори моҳонаи бориш аз меъёри иқлимӣ кам ва дар баъзе ноҳияҳо дар ҳудуди меъёри иқлимӣ пешбинӣ шудааст.

Нимаи дуюми моҳ боридани борон бо раъду барқ дар назар дошта шудааст.

Дар шарқи  Вилояти Мухтори Кӯҳистони Бадахшон ҳарорати миёнаи моҳонаи ҳаво аз меъёри иқлимӣ 1 дараҷа  паст шуда, 8+12 дараҷа гармиро ташкил медиҳад. Давоми моҳ ҳарорати ҳаво дар ин вилоят  шабона аз 2 дараҷа хунук то 3 дараҷа гарм ва рӯзона аз 11+16 то 18+23 дараҷа  гарм мешавад.

Миқдори моҳонаи бориш аз меъёри иқлимӣ камтар пешгӯӣ шуда, 5-17 мм-ро ташкил медиҳад.

0
Барчаспҳо:
гармӣ, Ожонси ҳавошиносӣ, Тоҷикистон