Сафари кории Эмомалӣ Раҳмон ба ноҳияи Ҳисор. 22 сентябри соли 2015

Оғози маросими таҷлил аз 3000-солагии Ҳисор бо ширкати Раҳмон

22
(Таҷдидшуда 09:06 27.10.2015)
Сарвари давлат биноҳои баландошёнаи истиқоматиро бо маркази хизматрасонӣ, коргоҳи дӯзандагӣ ва мағозаи фурӯши қолинҳо, ки дар қабати поёнии хонаҳо ҷой дода шудааст, мавриди истифода қарор дод.

ДУШАНБЕ, 27 окт — Sputnik. Айни замон раисҷумҳур Эмомалӣ Раҳмон барои иштирок дар тантанаҳои бахшида ба 3000-солагии Ҳисор ва ифтитоҳи чанд иншооти ҷашнӣ дар водии зарнисор қарор дорад.

Боздиди кории президент аз минтақа нахуст дар ҷамоати шаҳраки Ҳисори ноҳияи Ҳисор оғоз гардида, дар ин ҷо Раҳмон лентаи ду бинои баландошёнаи истиқоматиро бурид.

Сарвари давлат биноҳои баландошёнаи истиқоматиро бо маркази хизматрасонӣ, коргоҳи дӯзандагӣ ва мағозаи фурӯши қолинҳо, ки дар қабати поёнии хонаҳо ҷой дода шудааст, мавриди истифода қарор дод.

Эмомалӣ Раҳмон. Акс аз бойгонӣ
© Официальная страница пресс-службы президента РТ в Facebook.

Бино ба иттилоъи дафтари матбуотии президент, иншооти мазкур аз тарафи бародарони соҳибкор Қурбонмурод ва Баҳриддин Неъматзодаҳо бо сохти меъмории замонавӣ бунёд шудааст, барои 72 оила пешбинӣ гардидааст.Маблағи умумии сохтмону таҷҳизонидани биноҳо беш аз 20 миллион сомониро ташкил медиҳад.

Гуфтанист, дар оянда дар ин ҷо аз тарафи бародарони соҳибкор Қурбонмурод ва Баҳриддин Неъматзодаҳо дар асоси лоиҳа 12 бинои истиқоматии дигар, як майдончаи варзишӣ ва як боғчаи кӯдакона низ сохта мешавад.

Зимнан, Эмомалӣ Раҳмон ба ҳиммати бародарони соҳибкор барои ташаббусҳои созанда, обод кардани як гӯшаи диёр, таъсиси ҷойҳои нави корӣ, инчунин бунёду мумфарш кардани роҳҳои маҳаллӣ изҳори сипос карда, бо итминон иброз дошт, ки соҳибкорони ватандӯст минбаъд низ бо дастгирӣ аз сиёсати ояндасози роҳбарияти давлату ҳукумат иқдомҳои наҷиби худро идома медиҳанд.

Манбаъ мегӯяд, ин соҳибкорон дар доираи таҷлили ҷашни 3000- солагии Ҳисор чанд рӯз қабл роҳи аз маркази ноҳия то қалъаи бостонии Ҳисорро, ки масофааш 25 километр аст, пурра мумфарш карданд. 

22
Барчаспҳо:
ифтитоҳи чанд иншоот, 3000-солагии Ҳисор, боздиди Раҳмон аз Ҳисор, президенти Тоҷикистон, Қурбонмурод Неъматзода, Баҳриддин Неъматзода, Эмомалӣ Раҳмон, Тоҷикистон, Душанбе, Ҳисор
Зрители в кинотеатре

Дар ноҳияи Спитамен кинотеатри замонавӣ сохта мешавад

23
(Таҷдидшуда 15:26 03.08.2020)
Бино аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад

ДУШАНБЕ, 3 авг — Sputnik. Раиси вилояти Суғд Раҷаббой Аҳмадзода дар ноҳияи Спитамен бо рафти корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон ошно шуд, хабар медиҳад хадамоти матбуотии раиси вилоят.

Гуфта мешавад, ки Аҳмадзода сараввал дар Ҷамоати шаҳраки Навкат бо ҷараёни сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ ошно шудааст.

"Иншооти мазкур дар доираи омодагиҳо ба ҷашни 30 – солагии Истиқлолияти давлатии Ҷумҳурии Тоҷикистон аз ҷониби кооперативи “Гулрез” сохта шуда истодааст. Масоҳати умумии сохтмон 1000 метри мураббаъро ташкил медиҳад", - омадааст дар хабарнома.

Тибқи иттилои манбаъ, бинои сохташаванда тибқи лоиҳа аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад.

Филм барои +18 ё поинтар: тағйири қонуни Тоҷикистон “Дар бораи кино”

Мувофиқи харҷномаи пешакӣ арзиши умумии сохтмон зиёда аз 7 миллион сомониро ташкил мекунад. Корҳои сохтмониро бунёдкорони ҶДММ “Книал” бар дӯш дорад.

Раиси вилоят ҳангоми шиносоӣ барои бо сифати баланд ба итмом расонидани корҳои сохтмонӣ ва ободонии атрофи иншоот ба масъулин супоришҳо додааст.

23
Барчаспҳо:
рушду ободонӣ, Раҷаббой Аҳмадзода, Суғд, Спитамен
Джурабек Муродов

Ҷӯрабек Муродов аз се падараш, дӯстӣ бо бузургону сӯхтор дар осорхона: сахт гиристам-видео

1712
(Таҷдидшуда 16:30 02.08.2020)
Сафҳаи фейсбукии Осорхонаи Ҷурабек Муродов, ба нашри наворҳое оғоз кардааст, ки дар он устоди санъат аз дастовардҳои ҳунариву шиносоияш бо нухбагони фарҳехтаи миллат қисса мекунад

ДУШАНБЕ, 2 авг — Sputnik.  Дар шарҳи наворҳои нашркардаи Сафҳаи фейсбукии осорхона навишта шудааст, ки нақлҳои устод дар бораи зиндаги ва фаъолияти худ, ҳар ҳафта, рузи ҷумъа соати 16:00 доир мешавад.

Дар навори аввал Ҷӯрабек Мурод бо нишон додани аксҳои таърихӣ бо бузургони миллат аз қабили Мирзо Турсунзод, Боқӣ Раҳимзода, Мирсаид Миршакар, Қутби Киром, Лоиқ Шералӣ лаҳзаҳои вохӯриву нишастҳо ва ҳазҳояшонро нақл мекунад.

Ба гуфти нобиғаи санъати тоҷик, ин нафарон беҳтарин фарзандони донишмаду фарзонаи миллат буданд,  ва ҳамеша суҳбатҳои фарҳангиву созанда доштанд.

Сарояндаи шинохта ва Ҳунарманди мардумии СССР мегӯяд “се падар” дорад: падари худаш, падари маънавӣ ва падари сиёсияш.

“Муродбек Олимӣ, падари худам, Мирзо Турсунзода, падари маънавиям ва Ҷаббор Расулов, падари сиёсиям аст. Ман назди ин нафарон ҳамеша қарздорам ҷояшон биҳишт бод”,-мегӯяд ҳунарманд.

Хотироти Ҷӯрабек Муродов аз мулоқоте, ки бо Аҳмад Зоҳир як моҳ пеш аз маргаш дошт - Видео

Номбурда ҳамчунин аз сӯхтори осорхонааш ёдовар шуда, гуфт, беш аз бист фисад чизҳое, ки оригинал буд сӯхтанд.

“Ман дар ҳаётам бисёр нагиристаам. Фақат дар даргузашти падару модар дӯстои наздик гиря кардаам, аммо дар сӯхтори осорхонаам низ сахт гирифтам. Чун ин меҳнати ҳалоли эҷодии ман буд”.

Ӯ ҳамчнин гуфт, осорхона бо дастгирии раҳбарони вақти вилояти Суғд таъмир шуд ва ҳамзамон унвони давлатиро гирифт.

1712
Сотрудник милиции проверяет салон маршруток в Душанбе

Аз ронандаҳои маст то афзоиши садамаҳои ҳалокатовар дар Суғд

0
Раёсати Вазорати корҳои дохилӣ дар вилояти Суғд омори қоидавайронкунии ҳаракати роҳ аз ҷониби ронандаҳои маст ва шумори садамаҳои ҳалокатбор дар роҳ давоми шаш моҳи охирро шарҳ дод

ДУШАНЕБ, 23 авг – Sputnik. Бино ба оморе, ки дафтари матбуоти РВКД вилояти Суғд дар ихтиёри Sputnik Тоҷикистон қарор дод, давоми шаш моҳи соли ҷорӣ беш аз 300 ҳолати рондани воситани нақлиёт дар ҳолати мастӣ ошкор шудааст.

“Аз ҷониби масъулини Бозрасии давлатии автомобилӣ аз ҷумла идораи воситаи нақлиёт дар ҳолати мастӣ 301, идораи воситаи нақлиёт бе ҳуҷҷатҳои ронандагӣ 227, идораи воситаи нақлиёт бо шишаҳои сиёҳ бидуни иҷозат 182, идораи воситаи нақлиёт бо аломати қайди давлатии бегона 47 ҳолат ошкор карда шуда, дар умум ҳуқуқвайронкунандагон ба маблағи 9 милиону 17 ҳазору 750 сомонӣ ҷаримабандӣ карда шуданд”, - омадааст дар иттилоияи РВКД.

Бино ба иттилоъи манбаъ, дар ин давра аз ҷониби масъулини Бозрасии давлатии автомобилӣ 183 ҳазору 833 ҳолати қоидавайронкунии ҳаракат дар роҳ ба қайд гирифта шудааст.

Ин рақам ҳарчанд дар муқоиса ба ин давраи соли қаблӣ ба андозаи 26, 3 ҳазор ё 12, 5 % кам аст, вале рухдоди садамаҳои ҳалокатовар ба 40 маврид ё 5, 3 % ва шумори шахсони ҳалокшуда ба 58 нафар расидааст, ки ин ба андозаи 20, 8 % зиёд шудааст.

Нимашаб маст аз тарабхона баромаданд: ҳабс ва ҷаримаи 4 духтар барои дашному занозанӣ

РВКД дар Суғд мегуяд, садамаҳои ҳалокатовар дар шаҳрҳои Хуҷанд, Конибодом, Исфара, Панҷакент, ноҳияҳои Мастчоҳ, Ашт ва Шаҳристон бештар қайд гирифта шудааст.

0