Нимпайкараи биринҷии ҳунарманди маъруфи филмҳои Шӯравӣ Элдар Рязанов дар Санкт-Петербург

Таасуфи ҳунармандони тоҷик аз даргузашти Рязанов

29
(Таҷдидшуда 13:42 01.12.2015)
Ҳунарманди мардумии Тоҷикистон ва ровии маъруфи кишвар Ортиқи Қодир, ки хабари даргузашти Рязановро аз хабарнигори Sputnik шунид, бисёр шигифтзада шуд.

ДУШАНБЕ, 1 дек — Sputnik. Мардуми шӯравӣ коргардони барҷастаи худро аз даст доданд, ки ёди он тавассути филмҳояш барои ҳамешагӣ дар қалби мухлисон боқӣ хоҳад монд ва хабари марги Элдар Рязанов ҳунармандону коргардони тоҷикро ҳам сахт андуҳгин кардааст.

Директори театри драмавии русии ба номи Маяковский Мунира Додоева мегӯяд, дар мавриди аз даст додани филмсози афсонавӣ барои фикр кардан хеле душвор аст.

"Дар ин бора фикр кардан бисёр мушкилу ғамангез аст, — изҳор медорад ӯ. — Мо коргардони барҷастаеро аз даст додем. Одамоне ба мисли Рязанов дар 100 сол як бор ба дунё меоянд. Ёди ӯ дар қалбу хотираҳои мо боқӣ хоҳад монд. Бидуни шак филмҳои афсонавию барҷастаи он. Барои ин ҳама аз ӯ ташаккур мекунам ва бигзор охираташ обод бошад".

"Муаллими беҳтарин"

Ҳунарманди мардумии Тоҷикистон ва ровии саршиноси тоҷик Ортиқи Қодир, ки хабари даргузашти Рязановро аз хабарнигори Sputnik шунид, бисёр шигифтзада шуд.

"Даргузашти ӯро талафоти бузург дар фарҳанги маҳдудаи пасошӯравӣ метавон гуфт, — мегӯяд ҷаноби Қодир. — Рязанов яке аз коргардонҳои барҷастаи шӯравӣ ба шумор мерафт. Ӯ бо филмҳои наворгирифтаи худ меҳру муҳаббатро дар қалби мухлисонаш ҷой дод, тамоми филмҳояш дар бораи зиндагии мардуми одӣ буду ӯ коре мекард, ки чизҳои одӣ моро водор кунанд, то табассум намоем".

Ин ҳунарманди тоҷик мегӯяд, Рязанов дар давоми фаъолияти худ тавонист, унвони устодиро касб кунад.

"Ӯ дар тамоми мактабҳо ҳунармандонеро тарбия кардааст, ки метавонанд, ҳангоми иҷрои нақше олами ботинии худро ба таври комил ба намоиш гузоранд", — меафзояд Қодир.

"Устоди иқтибос"

Муовини директори Театри драмавии русии ба номи Маяковский Гулнора Ахмедова ҳам Рязановро яке аз ҳунармандони барҷастаи рус медонад.

"Элдар Александрович яке аз ҳунармандони барҷастаи рус мебошад, ки дар филми русию шӯравӣ саҳми бузурге гузоштааст, — мегӯяд ӯ. — Иқтибосҳои ӯро ба қитъаҳо пора-пора мекардем. Мо имрӯз дар бораи Рязанов хеле суҳбати тулонӣ доштем ва даргузашти ӯро метавон талафоти бузурге барои Русия номид".

"Офаранда ва шахсият"

Ҳунарманди мардумӣ ва узви Иттиҳоди филмсозони шӯравӣ ва Иттиҳоди филмсозони Тоҷикистон Асламшо Раҳматуллоев аз даргузашти Рязанов бисёр мутаассиф аст.

"Ӯ бисёр инсони бузург, офаранда ва шахсияте буд, мегӯяд Раҳматуллоев. — Ман бисёр мутаассифам. Ӯ корҳи зиёдеро анҷом дода буд. Аз тамошои филмҳои ӯ тамоми шӯравӣ лаззат мебурд. Ман ҳамдардии амиқи худро ба наздикону пайвандони Рязанов баён мекунам ва шунидани ин хабар бисёр андуҳгинам".

29
Барчаспҳо:
Шӯравӣ, ишқ, ҳамдардӣ, театр, даргузашт, талафот, ҳунармандон, коргардон, беморхона, Иттиҳоди филмсозони Тоҷикистон, Асланшо Раҳматуллоев, Элдар Трояновский, Гулнора Ахмедова, Элдар Рязанов, Тоҷикистон, Русия, Маскав
Историк Гафур Шерматов

Рӯнамоии китоби таърихнигори тоҷик дар бораи Ҷанги Бузурги Ватанӣ: видео

51
(Таҷдидшуда 11:38 08.08.2020)
Таърихнигори тоҷик Ғафур Шерматов китоби худро дар бораи аҳамияти иштироки Тоҷикистон дар Ҷанги Бузурги Ватанӣ муаррифӣ кард

ДУШАНБЕ, 8 авг — Sputnik. Рӯнамоии китоби тозанашри таърихшинос оид ба ҶБВ дар Маркази илму фарҳанги Русия сурат гирифтааст, дар ин бора телевизиони “Мир 24”гузориш додааст.

Китоби тозанашр "Ҷанг ва Ғалаба. Тоҷикистон дар Ҷанги Бузурги Ватанӣ"  унвон дошта, муаллиф барои таҳияи он панҷ сол заҳмат кашидааст.

Собиқадори ҶБВ аз Тоҷикистон, чӣ гуна пулемёти ҷангиашро дар осорхонаи Маскав шинохт?

Ба гуфтаи Шерматов, тамоми саҳмҳо ва ҷангҳоеро, ки зодагони ҶШС Тоҷикистон кардаанд, дар як китоб ҷой додан номумкин аст, аммо ӯ дар матн муҳимтарин марҳилаҳои Ҷанги Бузурги Ватаниро, ки ба  Тоҷикистон рабт дорад, қайд кардааст.

Аз Сталинград то Берлин: саргузашти собиқадори 112-солаи ҶБВ аз Тоҷикистон

Аксари сафҳаҳои китоб ба ҳаёти аҳолии ҷумҳурӣ дар рӯзҳои Ҷанги Бузурги Ватанӣ бахшида шудаанд.

Дар муаррифии китоб инчунин намояндагони пойгоҳи низомии 201-и Русия ва сафири фавқулодда ва мухтори Русия дар Тоҷикистон Игор Лякин-Фролов ширкат варзиданд.

51
Барчаспҳо:
таърих, рӯнамоӣ, Ҷанги Бузурги Ватанӣ, муҳаққиқ, Ғафур Шерматов
Народний артист Таджикистана Афзалшо Шодиев

Мақоми нави Афзалшоҳ Шодиев баъди барканорӣ аз раҳбарии Филармония ва муддате истироҳат

2912
(Таҷдидшуда 16:43 06.08.2020)
Ҳунарманди шинохтаи тоҷик, пас аз барканорияш аз раҳбарии Филармонияи давлатӣ тӯли шаш моҳ дар истироҳат буд. Қаблан гуфта буд , ки вақти холигияшро мехоҳад сарфи эҷод кунад.

ДУШАНБЕ, 6 авг — Sputnik. Афзалшоҳ Шодиев, ҳунарманди шинохтаи тоҷик, ки моҳи феврали соли ҷорӣ аз вазифаи раҳбарии Филармонияи давлатӣ барканор шуда буд, мақоми нав гирифт, дар ин бора бародари ӯ Набиҷон Шодиев дар сафҳаи фейсбукияш хабар додааст.

Ба иттилои манбаъ, ҳунарманди шинохта роҳбарии Муассисаи давлатии "Ансамбли тарона ва рақси "Сомон" таъйин шудааст.

Таъйини раиси нав дар Филармонияи давлатӣ: Афзалшоҳ Шодиев барканор шуд

Гуфта мешавад таъйини Афзалшоҳ Шодиев ба ин мақом бо фармони вазири фарханг Зулфия Давлатзода  ва пешниҳоди президент Эмомалӣ Раҳмон сурат гирифтааст. 

Ӯ қаблан тӯли панҷ сол Филармонияи давлатиро роҳбарӣ кард ва замони барканорияш зимни суҳбат ба Sputnik Тоҷикистон гуфт, рафтанаш аз ин вазифа бо розигии худаш сурат гирифтаст ва аз фаъолияташ дар ин макон хурсанд аст ва мехоҳад каме ба эҷод машғул шавад.

Гиряи кормандон барои раис: Афзалшоҳ Шодиев дар бораи барканорӣ ва нақшаҳои баъдӣ

Ӯ ҳунарманди мардумии Тоҷикистон аст ва дар моҳи феврали соли 2013 дар Русия ҷоизаи "Хиради Миллат"-ро дарёфт кардааст.

 

2912

ТУТ ҳолатҳои "пневмония" -ро дар Туркманистон мустақилона тафтиш мекунад

0
(Таҷдидшуда 16:24 08.08.2020)
Намояндагони Созмони ҷаҳонии тандурустӣ зарурати дубора санҷидани ҳолатҳои пневмония дар Туркманистонро эълом карданд

ДУШАНБЕ, 8 авг — Sputnik. Рӯзи гузашта видеоконфронс миёни президенти Туркманистон Гурбангули Бердимуҳаммадов, директори генералии ТУТ Тедрос Адан Гебрейюс ва Директори минтақавии ин созмон Ханс Клуге баргузор гардид.

Дар ин бора Ханс Клуге дар сафҳаи Facebook-и худ хабар дод.

"ТУТ аз афзоиши шумораи бемориҳои пневмония дар Туркманистон бо озмоишҳои манфӣ барои COVID-19 изҳори нигаронӣ карда, аз мутахассисони маҳаллӣ даъват кард, ки мустақилона санҷишҳоро барои COVID-19 дар кишвар гузаронанд ва инчунин онҳоро ба лабораторияҳои аврупоии ТУТ фиристанд" гуфтааст Клуге.

Гурбангулӣ Бердимуҳаммадов, тибқи маълумоти Созмони ҷаҳонии тандурустӣ, ба зарурати ин тадбирҳо розӣ шудааст.

Инчунин, Президенти Туркманистон дар бораи "пневмонияи этимологияи номаълум, ки дар минтақа зуд паҳн мешавад, хабар додааст. Нуктаи назар вуҷуд дорад, ки ин беморӣ дар пайи коронавируси нав ба вуҷуд омадааст", иқтибос овардааст нашрияи "Хроники Туркменистана" аз Бердимуҳаммадов.

Пас аз муколама бо СУТ, Бердимуҳаммадов вазири корҳои хориҷӣ Рашид Мередов ва вазири тандурустӣ Нурмуҳаммад Аманнепесовро ба наздаш хондааст, ки ҷузъиёти гуфтугӯи онҳо мушаххас нашудааст.

Коронавирус нест, аммо: дар Туркманистон пӯшидани ниқоби тиббӣ ҳатмӣ шуд

Ёдовар мешавем, ки тибқи маълумоти расмии Туркманистон, то ҳол ҳамчун кишвари бидуни коронавирус боқӣ мондааст. Ҳамзамон, ташрифи Созмони умумиҷаҳонии тандурустӣ ба ҷумҳурӣ якчанд маротиба мавқуф гузошта шуд ва расонаҳои маҳаллӣ дар бораи ҳолатҳои вуҷуди COVID-19 бо истинод ба манбаъҳо иттилоъ доданд.

Ташрифи ҳайати СҶБ ба Туркманистон, кишваре, ки худро озод аз COVID-19 медонад

Пас аз ташрифи ТУТ ба ҷумҳурӣ ва шӯрои "чораҳое андешида шаванд, ки гӯё коронавирус аллакай дар ин кишвар аст" Туркманистон масҷидҳоро баста, режими ниқоб ва дигар чораҳоро барои пешгирии паҳншавии COVID-19 ҷорӣ кардааст.

0