Дастгоҳи идораи ТВ. Акс аз бойгонӣ

ВАО: гузаштан ба пахши рақамии ТВ дар ҶТ то соли 2020 ба таъхир афтод

44
(Таҷдидшуда 13:38 02.12.2015)
Гузариш ба пахши рақамӣ барномаи умумиҷаҳонӣ аст, ки бар асоси "Нақшаи минтақавии пахши рақамии Иттиҳоди байнулмилалии робитаи электронӣ" роҳандозӣ шудааст, аммо барои комилан фаро гирифтани қаламрави Тоҷикистон бо пахши диҷитол на кам аз 5 соли дигар зарур аст.

ДУШАНБЕ, 2 дек — Sputnik. Барномаи давлатии гузаштан ба пахши рақамии телевизионҳо, ки қарор буд соли 2015 пурра амалӣ шавад, барои панҷ соли дигар ба таъхир афтод, менависанд расонаҳои маҳаллии Тоҷикистон.

Қарор буд, ин барнома соли 2015 анҷом ёбад, аммо ширкати "Телерадиком"-и Кумитаи телевизион ва радиои Тоҷикистон мегӯяд, ки бинобар 93 дарсад кӯҳистон будани Тоҷикистон натавонистаанд, ин барномаро дар вақташ анҷом диҳанд.

"То ҳанӯз ҳудуди 55 дарсади ҷумҳурӣ бо пахши рақамӣ фаро гирифта шуда, иҷрои ин барнома ҳанӯз ҷараён дорад. То охири ҳамин сол имкон дорад 60 дарсади аҳолии кишвар бо пахши рақамӣ фаро гирифта шаванд",- иброз доштааст муовини раиси ширкати "Телерадиоком" Исфандиёри Саъдулло.

Ба қавли ӯ, сабаби аслии ба дарозо кашидани иҷрои барномаи гузаштан ба пахши рақамӣ ба камбуди молӣ ва адами дастгоҳи мавҷфиристандаи рақамӣ дар кишвар рабт дорад.

Гузариш ба пахши рақамӣ як барномаи умумиҷаҳонӣ аст, ки бар асоси "Нақшаи минтақавии пахши рақамии Иттиҳоди байнулмилалии робитаи электронӣ" роҳандозӣ шудааст. Ин созмон ба кишварҳои ҷаҳон, Созишномаи минтақавии «Женева — 2006» — ро пешниҳод кард, ки аз сӯи 119 кишвари ҷаҳон ба имзо расид ва Тоҷикистон онро 16 июни соли 2006 имзо кардааст.

Тибқи иттилоъи расмӣ дар ҳоли ҳозир дар Тоҷикистон 4 шабакаи давлатии саросарӣ ("Ҷаҳоннамо", "Шабакаи аввал", "Сафина", "Баҳористон") ва 3 шабакаи маҳаллии давлатӣ («Суғд», «Бадахшон», «Пойтахт») ва 27 телевизиони мустақил фаъолият мекунанд. Қарор аст, аз моҳи январи соли 2016 ду шабакаи нав — "Синамо" ва "Варзиш" дар Тоҷикистон ба фаъолият оғоз кунанд.

44
Барчаспҳо:
таъхир дар гузариш ба пахши рақамӣ, диҷитол, паши рақамӣ ба таъхир уфтод, Иттиҳоди байнулмилалии робитаи электронӣ, "Варзиш", ТВ "Синамо", ТВ "Баҳористон", "Ҷаҳоннамо", Шабакаи якум, "Телевизиони Сафина", ширкати "Телерадиоком", Исфандиёри Саъдулло, Душанбе, Тоҷикистон
Нигина Амонкулова

"Гуфтиву накардӣ" : нашри суруди ҷадиди Нигина Амонқулова - видео

1043
(Таҷдидшуда 20:12 18.10.2020)
Нигина Амонқулова сарояндаи шинохтаи саҳнаи тоҷик, суруди ҷадиди худро таҳти унвони "Гуфтиву накардӣ" нашр кард

ДУШАНБЕ, 18 окт — Sputnik. Нигина Амонқулова овозхони шинохтаи Тоҷикистон, дар саҳифаи Qiam Entertainment дар Ютуб, суруд ва намоҳанги нави худро пешкаши мухлисонаш гардонидааст.

Навори суруд дирӯз, 17 октябр дар шабакаи Youtube нашр шудааст. Дар давоми як рӯз ин сурудро беш аз 84 ҳазор кас тамошо карда ва зиёда аз 2 ҳазор корбар писандидааст.

Ногуфта намонад, ки ин суруди Нигина Амонқулова низ дар доираи тарҳи нави сароянда бо ширкати Qiam Entertainment сабт шудааст.

Маллифи суханони суруд Орзу Исоев буда, оҳангашро Даврони Раҳматзод эҷод кардааст. Ин суруд дар бораи ошиқест, ки маъшуқаашро қадр намекунад. 

Ёдрас мешавем, ки чанде пеш сароянда тарҳи нави худ -  "Legends live forever" оғоз кард, ки дар доираи он сурудҳои машҳури ситораҳои номдори шарқро бозхонӣ мекунад. Ба гуфти Нигина ин тарҳро ба ӯ ширкати  Qiam Entertainment, ки сароянда аз оғози соли 2020 бо он ҳамкорӣ дорад, пешниҳод кардааст.

То ҳол Нигина сурудҳои сарояндаҳои шодравон  - Аҳмад Зоҳир, Муқаддас Набиева, Зафар Нозим, Муҳаммадрафеъ ва Аминҷон Сабуриро, ки ба гуфти худаш аз ҳама бештар писандаш ҳастанд, иҷро кардааст.

Нигина Амонқулова суруди Муқаддас Набиеваро бозхонӣ кард

Нигина Амонқулова дар доираи ин тарҳи ҷадид, нахустин бор ба забони ҳиндӣ сароид. Ҳамчунин дар баробари зинда кардани ёди ҳунармандони қадимӣ, Нигина дар доираи ин тарҳ, се суруди ҷадиди худро низ месарояд.

1043
Барчаспҳо:
Тоҷикистон, нав, ҷадид, нашр, Нигина Амонқулова
Младенец, архивное фото

Машҳуртарин номҳои кӯдакона дар Ӯзбекистон маълум шуд

510
(Таҷдидшуда 09:25 18.10.2020)
Соли 2020 Муҳаммадалӣ ва Солиҳа номҳои маъмулӣ шуданд. Соли гузашта низ ба онҳо шумораи бештари волидон бартарӣ додаанд

ДУШАНБЕ, 18 окт — Sputnik. Агентии хизматрасонии давлатии назди Вазорати адлия маълумотро дар бораи номҳои маъмул дар Ӯзбекистон, ки волидон барои кӯдакони навзод интихоб кардаанд, нашр кард.

Изабелла, Сензора, Имран: Кумитаи забон 217 номи нав илова ва 223 номи аҷнабиро рад кард

Тибқи маълумоти ин ниҳоди давлатӣ, дар соли 2020 маъмултарин номҳо Муҳаммадалӣ ва Солиҳа буданд: 1582 писар ва 1601 духтар ба ин ном гузошта шудаанд.

Тибқи омори соли гузашта, ин номҳо инчунин мавқеи аввалро ишғол мекарданд.

Ҳабибҳо бисёр шуданд: Ҳукумат гуфт, навзодҳоро зиёд Ҳабиб ном мегузоранд

Дар соли гузашта, 12 461 шаҳрванд ба фарзандони худ Солиҳа ва 11 305 шаҳрванди Ӯзбекистон ба фарзандонашон Муҳаммадалӣ ном гузоштанд.

510
футзал, акс аз бойгонӣ

Барои "Сипар" як ғалабаи дигар даркор то чемпиони Тоҷикистон шавад

0
(Таҷдидшуда 22:27 19.10.2020)
Кумитаи миллии олимпии Тоҷикистон мегӯяд, барои дастаи “Сипар”-и шаҳри Хуҷанд як пирӯзии дигар даркор аст, то қаҳрамони кишвар дар риштаи футзал шавад

ДУШАНБЕ, 19 окт – Sputnik. Тибқи иттилои Кумитаи миллии олимпӣ, дастаи “Сипар”-и шаҳри Хуҷанд бар тими “Соро компания”-и пойтахт дар ду силсилабозиҳои финали лигаи касбии футзали Тоҷикистон -2020 ғалаба карда, ба дарёфти унвони чемпионӣ наздик шуд.

"Бозии аввали дастаҳои мусовӣ (1:1) анҷом ёфт, вале дар задани силсилаи пеналтӣ бахти хуҷандиҳо омад кард – 4:3. Дар бозии дуюм бошад, “Сипар” бо ҳисоби 6:2 бар “Соро компания” ғолиб омад. Ҳар ду бозии аввал дар шаҳри Хуҷанд баргузор шуданд", - омадааст дар иттилоия.

Кумитаи миллии олимпӣ афзуд, ки ҳамин тариқ, клуби Хуҷанд дар силсилаи бозиҳо бо ҳисоби 2:0 пешсаф аст ва пас аз як ғалабаи дигар аввалин бор чемпион хоҳад шуд.

Зикр гардид, ки бозии навбатии дастаҳо 24 октябр сурат мегирад. “Соро компания” дар Душанбе “Сипар”-ро қабул мекунад.

Инчунин дар ду бозӣ барои ҷои сеюм бошад, дастаи “Муҳоҷир”-и шаҳри Душанбе бар тими “Истаравшан” ғалаба кард. Дар бозии аввал бо ҳисоби 8:5, дар бозии дуюм бо ҳисоби 6:5, тавзеҳ дод Кумитаи миллии олимпӣ. 

Футболбозони “Муҳоҷир” дар силсилаи бозиҳо барои ҷои сеюм бо ҳисоби 2:0 пешсафанд ва мумкин аст дар бозии навбатӣ медалҳои биринҷии лигаи касбии футзали Тоҷикистонро ба даст биёранд.

0
Барчаспҳо:
футзал, Кумитаи миллии олимпӣ, Тоҷикистон