Шаҳноз Комилзода. Акс аз бойгонӣ

Global Voices 6 бонуи тоҷики маъруф дар “Facebook”-ро муаррифӣ кард

617
(Таҷдидшуда 13:18 09.03.2016)
Нашрияи маъруфи интернетӣ ва блогерӣ ба бонувони тоҷик, ки дар ин ё он бахши иҷтимоъ фаъоланду дар шабакаи Facebook маъруфият доранд, таваҷҷуҳ зоҳир кардааст.

ДУШАНБЕ, 9 мар — Sputnik. Платформаи байналмилалии блоггерии мавсум ба " Global Voices" исми 6 бонуи тоҷикро, ки дар мавриди онҳо дар шабакаи иҷтимоии Facebook таваҷҷуҳ зоҳир мешавад, муаррифӣ кардааст.

Дар ин матлаб, ки "Global Voices" нашр кардааст, дар бораи занони тоҷики бештар маъруф ва "пурнуфуз" дар шабакаи Фейсбук сухан рафта, қайд мешавад, ки онҳо махсус барои "саҳми арзанда ва босазо дар фазои Тоҷикистони муосир" баргузида шудаанд.

Дар радаи аввали ин феҳраст аз таблиғгарбонуи тоҷик, ё ба истилоҳ промоутери серкори фарҳанги тоҷикон Манзура Маҳкамова ном бурда мешавад.

"Собиқ мушовири президент оид ба масоили иқтисодӣ, модари ду фарзанд, молики тиҷорати муваффақи консалтингӣ Манзура Маҳкамова то шинохта шуданаш дар Facebook аъзои фаъоли чанд гуруҳ дар ин шабакаи иҷтимоӣ буд",- омадааст дар матлаби мазкур.

Қайд мешавад, ки ӯ дар Facebook гуруҳи "I love Хуҷанд" —ро бунёд гузошт, то ба рушди ҷаҳонгардӣ ва ҷалби сармоягузорӣ дар дуввумин шаҳри бузурги Тоҷикистон мусоидат намояд.

Дар зинаи баъдии ин рӯйхат собиқ рӯзноманигор, алъон масъули ширкати маъруфи мухобиротӣ, Шаҳноз Комилзода қарор дошта, ӯро "маликаи шабака" хондаанд. Бону Комилзода модари ду фарзанд буда, Global Voices ӯро "хонуми маъруфтарини Тоҷикистон дар Facebook" эълон кардааст.

Ҳамзамон, ба қатори "хонумҳои маъруфи Тоҷикистон", Парӣ Саидова ҳамчун "Соҳибхоназани олимақом", Манижа Ҳаитова- тоҷирзани муваффақ, Файзинисо Воҳидова- барандаи "Садои ҳақ" ва  Макнуна Ниёзова чун "Симои мӯди тоҷик" ворид гардидаанд.   

617
Барчаспҳо:
шабакаи иҷтимоии Фейсбук, бонувони саршинос, занони маъруф, эълом, муаррифӣ, Global Voices, Макнуна Ниёзова, Манижа Ҳаитова, Парӣ Саидова, Манзура Маҳкамова, Шаҳноз Комилзода, Файзинисо Воҳидова, Хуҷанд, Душанбе, Тоҷикистон
Награждение, архивное фото

Қадрдонии шоири тоҷик бо нишони "Наследие"

495
(Таҷдидшуда 16:52 23.11.2020)
Шоир ва рӯзноманигори тоҷик Карим Ҳайдар ба медали иттифоқи нависандагони Русия "Наследие" сазовор гардид

ДУШАНБЕ, 23 ноя — Sputnik. Шоир ва сармуҳаррири барномаҳои ахбори телевизиони "Тоҷикистон", Карим Ҳайдарро бо ситораи "Наследие" - 2020 қадрдонӣ мекунанд.

Қарори мукофотонидани шоири тоҷик дар Иттифоқи нависандагони Русия қабул гардид.

Ба гуфти шоир, ин мукофот дар маросими ҷоизасупории "Наследие" ба ӯ дода мешавад. Ин маросим баҳори соли 2021 бо ширкати фаъоли ҷамъиятӣ Мария Романова баргузор мешавад.

Қайд мекунем, ки ин дуввумин ҷоизаи шоир дар соли 2020 мебошад. Пештар шоир ва рӯзноманигори тоҷик Карим Ҳайдар ба медали иттифоқи нависандагони Русия "Сергей Есенин" сазовор гардид.

Шоири тоҷик Карим Ҳайдар ба медали "Сергей Есенин"-и Русия сазовор шуд

Шарҳи ҳоли Карим Ҳайдар

Карим Ҳайдар 6 январи соли 1961 дар Истаравшан дар оилаи рӯзноманигор Раҳим Ҳайдар таваллуд шудааст.

Шоир узви Иттифоқи нависандагон, Иттифоқи рӯзноманигорон ва аълочии телевизион ва радиои Тоҷикистон мебошад.

Соли 1983 факултаи забон ва адабиёти руси донишгоҳи давлатии Хуҷандро хатм карда, аз соли 2006 дар шабакаи телевизиони "Тоҷикистон" фаъолият мебарад.

Карим Ҳайдар муаллифи маҷмааҳои шеърии "Садои аҷдодон" ("Голоса предков"), "Қиссаи Ҳисор", ҳикояву очеркҳо мебошад, ки бештарагон дар маҷмааҳои кишварҳои ИДМ мунташир шудаанд.

Ӯ суруди миллии Тоҷикистонро ба забони русӣ тарҷума кардааст ва муаллифи филмҳои мустанади Роберт Рождественский", "Тимур Зулфиқоров", "Михаил Синелников - шоир ва тарҷумон" мебошад.

Гулчине аз ҳаёту эҷодиёти устод Гулназар Келдӣ-тасвирбаён

Афзун бар ин, Карим Ҳайдар барои  Донишгоҳи славянии Тоҷикистону Русия гимн навиштааст.

Бо медалҳои "Хизмати шоиста" ва  МГТРК "Мир" мукофотонида шудааст. Карим Ҳайдар соли 2018 ордени дараҷаи якуми "Достаевский"-и Русияро гирифта буд.

495
Барчаспҳо:
нишон, медал, шоир, Карим Ҳайдаров
Книги Рахмона подарили библиотеке Малайзии

Қодирӣ китобҳои президенти Тоҷикистонро ба китобхонаи миллии Малайзия тақдим кард

162
(Таҷдидшуда 16:43 23.11.2020)
Ардашер Қодирӣ, сафири Тоҷикистон дар Малайзия аз Китобхонаи миллии Малайзия боздид намуда, китобҳои президенти Тоҷикистонро ба китобхонаи миллии ин ин кишвар тақдим кард

ДУШАНБЕ, 23 ноя – Sputnik. Сафири Тоҷикистон дар Малайзия Ардашер Қодирӣ аз Китобхонаи миллии Малайзия боздид намуда, бо мудири кулли Китобхонаи мазкур хонум Майзан бинти Исмоил мулоқот кардааст.

Бино ба гузориши Вазорати корҳои хориҷии Тоҷикистон, дар мулоқот ҷонибҳо оид ба роҳандозии ҳамкорӣ миёни китобхонаҳои миллии Тоҷикистон ва Малайзия мубодилаи афкор намуда, дар ин замина имзо кардани Ёддошти тафоҳумро зарур шуморидаанд.

Китоби “Уфуқҳои истиқлол”-и Эмомалӣ Раҳмон, соҳиби Шоҳҷоизаи озмуни “Санъати китоб” шуд

Дар ин дидор ҷонибҳо ҳамчунин аҳамияти талошҳои муштаракро барои рушду таҳкими ҳамкорӣ ба нафъи мардумони ду давлат таъкид доштаанд.

“Ҷанг барои “Маснавӣ”: дар Душанбе тайи 5 соат 10 ҳазор китоб фурӯхта шуд

Манбаъ афзуда, ки дар ҷараёни мулоқот сафири Тоҷикистон китобҳои Президенти Тоҷикистон  Эмомалӣ Раҳмонро ба Китобхонаи миллии Малайзия тақдим кард.

162
Барчаспҳо:
боздид, Ардашер Қодирӣ, китобхона
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

0
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

0
Барчаспҳо:
ҶБВ, куҳансарбоз, собиқадорон, Норак, Тоҷикистон