Бинои театри ба номи Владимир Маяковский дар Душанбе. Акс аз бойгонӣ

Масъули ВФ: бинои театри Маяковский ба талаботи муосир ҷавобгӯ нест

27
Театри давлатии драмавии русии ба номи Владимир Маяковский ягона театри русӣ дар ҷумҳурӣ набуда, Театри ҷумҳуриявии драма ва мазҳакаи русии ба номи А.С.Пушкини вилояти Суғд низ аз калонтарин театрҳои мамлакат маҳсуб мешавад, иброз медорад ин масъули Вазорати фарҳанги Тоҷикистон.

ДУШАНБЕ, 4 май — Sputnik. Бинои Театри давлатии драмавии русии ба номи Владимир Маяковский аввали солҳои 1930 сохта шуда, аз як ошёна ва 300 ҷойи нишаст иборат аст ва бо сабаби куҳнаву фарсуда гардидани бино ба талаботи театри замонавӣ мувофиқат надорад, иброз доштааст сардори Раёсати санъати Вазорати фарҳанги Тоҷикистон Олим Акрамов дар суҳбат бо расонаҳо.

Ба қавли ӯ, ҳайати кормандони ин театр фаъолияти минбаъдаашонро дар "Кохи Тоҷикистон" идома  хоҳанд дод ва барои эшон кулли шароити кору эҷод омода мешавад.

Маврид ба ёдоварист, нақшаи генералии шаҳри Душанбе марҳила ба марҳила, дар мадди аввал бо ташакулёбии маркази шаҳр, бо назардошти навсозӣ ва сохтмони биноҳои баландошёна дар қисмати марказии шаҳри Душанбе, аз ҷумла, дар хиёбони Рӯдакӣ бо назардошти аз байн бурдани иншооти як, ду ва сеошёнае, ки ба талаботи шаҳрсозӣ ва конструктивӣ ҷавобгӯ нестанд ва симои меъмориашон коста гардидааст, амалӣ мегардад.

Эмомалӣ Раҳмон дар Хоруғ дар маросими оғози эҳдоси чанд таъсисот ширкат кард
© Официальная страница пресс-службы президента РТ в Facebook.

Нақшаи генералии пойтахт, ки солҳои 1975-1983 таҳия гардида, роҳандозии он соли 2006 бо Қарори Ҳукумати Ҷумҳурии Тоҷикистон дар давраи то соли 2030 тамдид гардидааст, зарурати кӯчонидани бинои Театри давлатии драмавии русии ба номи Владимир Маяковскийро низ ба миён овард.

Сардори Раёсати санъати Вазорати фарҳанги Тоҷикистон афзудааст, бинои "Кохи Тоҷикистон" ки барои ҳунармандони театри русии Маяковский пешниҳод шудааст, дорои 500 ҷои нишаст буда, дар қабати Боғи фарҳангиву фароғатии "Дӯстии халқҳо" ҷойгир аст.    

"Ҷиҳати фароҳам овардани шароити мусоид барои фаъолияти муназзами ҳайати эҷодӣ ташкилотҳои марбута супоришҳои мушаххас гирифтанд, ки дар муҳлати кутоҳтарин чораҷӯӣ мешаванд. Дар ин замина, вобаста ба тақозои фаъолияти театр корҳои мутобиқсозӣ, насби таҷҳизоти техникӣ дар саҳна ва толор, ҷобаҷогузории декоратсия, таъмиру тармими утоқҳои корӣ оғоз гардидаанд",- илова кардааст Олим Акрамов.

Тибқи маълумоти расмӣ театри давлатии драмавии русии ба номи Маяковский 7 ноябри соли 1937 таъсис ёфта, яке аз калонтарин театрҳои русӣ дар Ҷумҳурии Тоҷикистон мебошад. Дар ҳоли ҳозир он бо теъдоди 149 нафар корманд фаъолият дошта, соли равон ба буҷаи театр ҳудуди 2 миллион сомонӣ маблағ ҷудо гардидааст.

Театри давлатии драмавии русии ба номи Владимир Маяковский ягона театри русӣ дар ҷумҳурӣ набуда, Театри ҷумҳуриявии драма ва мазҳакаи русии ба номи А.С.Пушкини шаҳри Чкалови вилояти Суғд низ аз калонтарин театрҳои мамлакат маҳсуб мешавад.

27
Барчаспҳо:
азнавсозӣ, бинои театр, зарурати кӯчонидан, тамдид, Театри давлатии драмавии русии ба номи Владимир Маяковский, Вазорати фарҳанги Тоҷикистон, Олим Акрамов, Душанбе, Тоҷикистон
Мавзуъ
Левитская: орзуи рӯзеро дорам, ки дар назди театр билети изофӣ пурсанд
Народний артист Таджикистана Афзалшо Шодиев

Мақоми нави Афзалшоҳ Шодиев баъди барканорӣ аз раҳбарии Филармония ва муддате истироҳат

2832
(Таҷдидшуда 16:43 06.08.2020)
Ҳунарманди шинохтаи тоҷик, пас аз барканорияш аз раҳбарии Филармонияи давлатӣ тӯли шаш моҳ дар истироҳат буд. Қаблан гуфта буд , ки вақти холигияшро мехоҳад сарфи эҷод кунад.

ДУШАНБЕ, 6 авг — Sputnik. Афзалшоҳ Шодиев, ҳунарманди шинохтаи тоҷик, ки моҳи феврали соли ҷорӣ аз вазифаи раҳбарии Филармонияи давлатӣ барканор шуда буд, мақоми нав гирифт, дар ин бора бародари ӯ Набиҷон Шодиев дар сафҳаи фейсбукияш хабар додааст.

Ба иттилои манбаъ, ҳунарманди шинохта роҳбарии Муассисаи давлатии "Ансамбли тарона ва рақси "Сомон" таъйин шудааст.

Таъйини раиси нав дар Филармонияи давлатӣ: Афзалшоҳ Шодиев барканор шуд

Гуфта мешавад таъйини Афзалшоҳ Шодиев ба ин мақом бо фармони вазири фарханг Зулфия Давлатзода  ва пешниҳоди президент Эмомалӣ Раҳмон сурат гирифтааст. 

Ӯ қаблан тӯли панҷ сол Филармонияи давлатиро роҳбарӣ кард ва замони барканорияш зимни суҳбат ба Sputnik Тоҷикистон гуфт, рафтанаш аз ин вазифа бо розигии худаш сурат гирифтаст ва аз фаъолияташ дар ин макон хурсанд аст ва мехоҳад каме ба эҷод машғул шавад.

Гиряи кормандон барои раис: Афзалшоҳ Шодиев дар бораи барканорӣ ва нақшаҳои баъдӣ

Ӯ ҳунарманди мардумии Тоҷикистон аст ва дар моҳи феврали соли 2013 дар Русия ҷоизаи "Хиради Миллат"-ро дарёфт кардааст.

 

2832
Кинопленка, архивное фото

Филми коргардони тоҷик дар ҷашнвораи Англия намоиш дода мешавад

84
(Таҷдидшуда 14:30 06.08.2020)
Барои аввалин бор филми яке аз коргардонҳои тоҷик Комил Каримов дар ҷашнвораи филми Англия намоиш дода мешавад

ДУШАНБЕ, 6 авг — Sputnik. Филми кӯтоҳи "Шахсият", ки моли коргардони тоҷик Комил Каримов мебоша, ба марҳалаи ниҳоии ҷашнвораи филми Англия роҳ ёфт, хабар медиҳад Авеста.

Ромфурди Англия мизбони дуввумин ҷашнвораи филми Авросиё дар соли 2020 аст.

Кумитаи баргузоркунандаи ҷашнвораи филм умедвор аст, ки дар оянда ширкаткунандагони бештаре аз Тоҷикистонро бо корҳои фохир дар ин ҷашнвора бибинанд.

Филми "Дӯғоб"-и коргардони тоҷик дар ҷашнвораи Бишкек намоиш дода мешавад

Дар ин ҷашнвора 60 филм ба забони англисӣ дар бахшҳои филмҳои баланд, кӯтоҳ ва мусиқии филм ширкат карданд.

Илова бар ширкат кунандагони тоҷикистонӣ , намояндагони кишварҳои Қазоқистон , Италия, Финландия , Иёлоти Муттаҳида  , Белорус , Суид , Олмон, Эрон, Украина, Арманистон, Русия ва Ӯзбекистон ҳам осори худро ба ин ҷашнвора ирсол карданд.

Маросими эҳдои ҷавоиз низ 18 август дар шаҳри Ромфурд баргузор мешавад.

84
Барчаспҳо:
тоҷик, коргардон, филм, Англия
Садамаи маргборе, ки дар пайи он Баҳром Ғафурӣ ба ҳалокат расид

КҲФ низ садамаи Баҳром Ғафуриро шарҳ дод ва чанд акс аз ҷои ҳодиса нашр кард

0
Кумитаи ҳолатҳои фавқуллода менависад, ки агар ҳодиса соати 4:00 рух дода бошад, соати 4:18 дастаи наҷоти КҲФ ба ҷои ҳодиса сафарбар шуданд. Аммо мутаассифона ҳунармандро натавонистанд аз марг наҷот диҳанд

ДУШАНБЕ, 7 авг — Sputnik. КҲФ низ садамаи мудҳишеро, ки дар пайи он овозхони номӣ Баҳром Ғафурӣ ҳалок шуд шарҳ додааст.

Бино бар иттилои манбаъ, 04:16 дақиқа ба навбатдори Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон дар шаҳри Душанбе хабар расид, ки дар кўчаи  Рудакӣ  106 ноҳияи И.Сомонӣ, садамаи нақлиёти рўх додааст.

Соати 04:18 дақиқа Дастаи зудамали наҷоти Раёсат ба ҷои ҳодиса сафарбар шуд, афзудааст манбаъ.

Садамаи маргбори Баҳром Ғафурӣ
Дафтари матбуоти КҲФ
Садамаи маргбори Баҳром Ғафурӣ

Гуфта мешавад, дар натиҷа муаян карда шуд, ки ронандаи автомашинаи тамғаи «Тайота-Ланкурузер» (200)  рақами давлатиаш 1991 КК 01ТҶ, аз ўҳдаи идораи мошин набаромада, ба автомашинаи партовкаши тамғаи «Камаз»  бармехӯрад.

Бар асари ин бархурди мудҳиш як нафар мусофири он сарояндаи хушхону маъруф Баҳром Ғафурӣ ба ҳалокат расидааст. Дар ин садама ду нафари дигар: Зарипов Баҳодур ва Анварзода Ислом бо ҷароҳатҳои вазнини ҷисмонӣ ба беморхонаи Қарияи Боло интиқол дода шудаанд.

Сабаби ҳодисаи мазкур аз ҷониби кормандони шуъбаи ВКД ва БДА-и ноҳияи Исмоили Сомонӣ муаяйн карда мешавад.

0