Шабнами Сурайё. Акс аз бойгонӣ

Шабнами Сурайё ба Русия меравад. Бо вижасафари ҳунарӣ

376
(Таҷдидшуда 16:14 12.05.2016)
Овозхони шинохтаи тоҷик Шабнами Сурайё ва сарояндаи попи кишвар Ҷонибек Муродов охири моҳи май ба чанд шаҳри Русия барои анҷоми як сафари ҳунарӣ раҳсипор мегарданд.

ДУШАНБЕ, 12 май — Sputnik. Сарояндагони шинохтаи тоҷик ба шаҳрҳои Русия сафари ҳунарӣ анҷом медиҳанд.

"Мӯҳтарам дӯстдорони мусиқии тоҷик, шуморо ба консерти Шабнами Сурайё ва Ҷонибек Муродов даъват менамоем",- омадааст дар як иттилоъия, ки ахиран дар шабакаҳои иҷтимоӣ ба нашр расид.

Дар ҳошияи ин чорабинӣ овозхонон дар шаҳрҳои Маскав, Санкт-Петербург ва Екатеринбург ҳунарнамоӣ хоҳанд кард. Дар пойтахти Русия консерти сарояндагони маъруфи тоҷик рӯзи 22 май дар толори консертии марказии "Россия" баргузор хоҳад гардид. Рӯзи 23 май онҳо дар Санк-Петербург дар толори "Хонаи Фарҳанг"-и ба номи Горкий баромад намуда, консерти ниҳоӣ рӯзи 25 май дар шаҳри Екатеринбург дар толори "Кохи Фарҳанг"-и ба номи Лавров баргузор мегардад.

Шабнами Сурайё, аз маъруфтарин овозхонҳои эстрадаи тоҷик мебошад. Ӯ 14 октябри соли 1981 дар шаҳри Кӯлоб ба дунё омада, фаъолияти ҳунариашро ҳанӯз 12 сол муқаддам, дар соли 2004 оғоз кардааст. Дар соли 2006 Шабнами Сурайё бо иҷрои таронаҳои марғубу дилнишинаш ба дили мухлисони кишвар ҷо гирифта, алъон дар тамоми мамолики форсизабон, махсусан дар Афғонистон машҳур аст.

Ӯ чандин дафъа бо дигар сарояндагони саршиноси тоҷик аз қабили Парвина Шукруллоева, Ҷонибек Муродов, Баҳром Ғафурӣ, Сӯҳроб Сафарзод ва бо ҳунармандони афғон чун- Ҷовид Шариф ва Наҷиб Навабӣ, ҳамчунин бо Лайло Фуруҳари эронитабор аз ИМА муштаракан ҳунарнамоӣ кардааст.

Соли 2007 Шабнами Сурайё сафири СММ аз Тоҷикистон дар доираи барномаи Рушди СММ оиди мубориза бар зидди СПИД таъин гардид.

Ҷонибек Муродов-сароянда, писари ҳунарманди шинохтаи тоҷик, шоҳи мусиқии мардумӣ, ҳунармандии халқии Иттиҳоди Шӯравӣ Ҷурабек Муродов мебошад.

Қаблан ин овозхон дар гурӯҳи "Боло" ва баъдан бо гурӯҳи "Вазир" ҳунарнамоӣ кардааст. Аз аввоили соли 2007 инҷониб Ҷонибек дар алоҳидагӣ ҳунарнамоӣ мекунад.

Дар муддати кӯтоҳ Ҷонибек аллакай се албоми ҳунарии худро пешкаши мухлисон гардонидааст. Овозхон дар Тоҷикистон, Русия ва дигар мамлакатҳо маъруф аст. Яке аз албомҳои Ҷонибек дар якҷоягӣ бо Шабнами Сурайё сабт шуда, дуэти онҳо писанди ҳамагон гардидааст.

376
Барчаспҳо:
сарояндагони машҳур, мусиқӣ, сафари ҳунарӣ, Шабнами Сурайё, Ҷонибек Муродов, Екатеринбург, Санкт-Петербург, Маскав
На территории больницы Истиклол

Муҳаммадҷон Шодӣ аз бемористон мураххас шуд

401
(Таҷдидшуда 12:44 15.09.2020)
Муҳаммадҷон Шодӣ, ҳунарманди шинохтаи синамо ва театри тоҷик, ки ахиран бо гумони гирифторӣ бо вируси корона бистарӣ шуд, шифо ёфтааст

ДУШАНБЕ, 15 сен - Sputnik. Наздикони Муҳаммадҷон Шодӣ хабар доданд, ки ҳунарманд шифо ёфта, аз бемористон мураххас шудааст.

Ӯ ба ҳамаи мухлисон ва онҳое, ки дар рӯзҳои беморӣ дуогӯяш буданду шифои комил хостаанд, изҳори миннатдорӣ намудааст. Шодиеви 66-сола аз нимаи солҳои 80-уми асри гузашта то ҳол дар Театри давлатии академии драмавии ба номи Лоҳутӣ кор мекунад.

Дар ҳамин ҳол Вазорати тандурустии Тоҷикистон, 14 сентябр хабар дод, ки тайи як шабонарӯз дар ҷумҳурӣ 39 ҳолати нави сироят ба COVID-19 ба қайд гирифта шуд.

Ин ниҳод таъкид карда буд, ки дар як шабонарӯзи охир 112 нафар гумонбарон зери назорати табибон қарор дошта, 37 нафар баъд аз муолиҷа ба хонаҳояшон рухсат дода шуданд.

Дар маҷмӯъ шумораи гирифторони ин беморӣ дар Тоҷикистон расман 9088  нафар арзёбӣ мешавад, ки 7853 нафар ё худ 86,4%-ашон шифо ёфтаанд.

401
Барчаспҳо:
театр, фарҳанг, Тоҷикистон
Книга, архивное фото

Китоби шоири тоҷик дар Эрон нашр шуд

221
(Таҷдидшуда 17:36 14.09.2020)
Интишороти Хирадгон дар Теҳрон китоби Абдуҷаббори Суруш, шоири муосири тоҷикро мунташир кард

ДУШАНБЕ, 14 сен — Sputnik. Ба нақл аз сомонаи Тоҷикистон Таймз, Сафар Абдуллоҳ, донишманди тоҷики муқими Қазоқистон ва узви Фарҳангистони забон ва адаби форсӣ гуфтааст, ки ин дувумин китоби ашъори Абдуҷаббори Шоҳаҳмад- мутахаллис ба Суруш мебошад, ки дар Эрон мунташир мешавад.

Қаблан маҷуъаи ашъори ин шоири тоҷик бо унвони Дарахт, Сапеда ва Ойина дар Эрон мунташир шуда буд.

Дар Тоҷикистон низ китобҳои Фарёди силсилаи хомӯшӣ, Ҷазираи танҳоӣ, Шабнами нафас, Фарёди ёдҳо, Салиби сафед ва Бишунав аз най аз ин шоири тоҷик мунташир шудааст.

Абдуҷаббори Суруш ҳамчунин китоби тафсири фарҳанги ашъори Камоли Хуҷандиро, ки шомили 17 ҳазор вожа мешавад мунташир кардааст.

Вай мегӯяд, ки барои таҳқиқи ашъори Камоли Хуҷандӣ ва интишори ин китоб 20 сол заҳмат кашидааст.

221
Барчаспҳо:
Эрон, нашр, китоб, шоир, Тоҷикистон
День 20 сентября

Ҷашнҳои рӯзи 20 сентябр дар Тоҷикистон ва ҷаҳон

0
(Таҷдидшуда 19:25 19.09.2020)
Рӯзи бистуми сентябр ҳамчун Рӯзи байналмилалии варзиши донишҷӯён ба ҳисоб меравад. Ҳамчунин Ҷумҳурии Қирғизистон дар ин рӯз аз Рӯзи соҳибкорон ҷашн мегирад

Рӯзи 20 сентябр дар ҷаҳон чӣ рух дод

Соли 1802 дар Россия аввалин маротиба вазоратҳои мудофиа, корҳои хориҷӣ ва корҳои дохилӣ таъсис дода шуданд.

Соли 1902 дар натиҷаи сӯхтор дар калисои шаҳри  Бирмингеми Англия зиёда аз 100 нафар ба ҳалокат расиданд.

День 18 сентября
© Sputnik / Стас Этвеш / Вишнякова Мария

Соли 1917 Парлумони Канада ба модар, ҳамсар ва хоҳари аскари дар майдони ҷанг муборизабаранда ҳуқуқи овоздиҳӣ пешниҳод кард.

Соли 1992 аксарияти аҳолии Фаронса  дар раъйпурсӣ барои шомил шудани кишварашон ба ҳайати Иттиҳоди Аврупо овоз доданд.

Соли 1993 Парлумони Озарбойҷон барои шомил шудан ба Иттиҳоди Давлатҳои Мустақил қарор қабул кард.

Рӯзи 20 сентябр дар Тоҷикистон чӣ рух дод

Соли 2010  Эмомалӣ Раҳмон дар Маҷлиси умумии сатҳи олии Маҷмаи кулли СММ бахшида ба масъалаҳои Ҳадафҳои Рушди Ҳазорсола суханронӣ намуд.

Ҷашнҳои рӯзи 17 сентябр дар Тоҷикистон ва ҷаҳон

Соли 2013 Сарвари давлат ҷиҳати иштирок дар ҷаласаи сарони давлатҳои узви Созмони Аҳдномаи амнияти дастаҷамъӣ ба шаҳри Сочии Федератсияи Русия сафар кард.

Соли 2016 Агентии омори назди Президенти Ҷумҳурии Тоҷикистон аввалин маҷаллаи стратегии "Тоҷикистон: 25 соли истиқлолияти давлатӣ"-ро нашр намуд.

День 15 сентября
© Sputnik / Стас Этвеш / Вишнякова Мария

Соли 2016 узви собиқи дастаи мунтахаби Тоҷикистон оид ба бокс Сергей Харитонов дар рӯйхати навшудаи беҳтарин муборизони ҷаҳон шомил шуд.

Соли 2017 дар шаҳри Ню-Йорк Эмомалӣ Раҳмон дар мубоҳисаҳои умумии Иҷлосияи 72-юми Маҷмаи Умумии Созмони Милали Муттаҳид иштирок намуда, яке аз аввалинҳо шуда, суханронӣ карданд.

Соли 2018 Раисҷумҳури Тоҷикистон Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Шоҳмансури пойтахт Муассисаи таълимии таҳсилоти умумии ғайридавлатии "Академияи умумиҷаҳонии Кембриҷ" - ро дар вазъияти тантанавӣ ифтитоҳ карданд.

Ҷашнҳои рӯзи 20 сентябр

  • Рӯзи байналмилалии варзиши донишҷӯён.
  • Дар Белорус – Рӯзи гумрукчиён.
  • Дар Қирғизистон – Рӯзи соҳибкорон.
  • Дар Осетияи Ҷанубӣ – Рӯзи истиқлолият.

Рӯзи 20 сентябр дар Тоҷикистон кӣ ба дунё омадааст

Солҳои (1909-1993)  Нависандаи халқии Тоҷикистон, дорандаи ҷоизаи ба номи А. Рӯдакӣ Ҷалол Икромӣ.

Солҳои (1916-1986)  Ҳунарманди театр ва халқии Тоҷикистон Тӯтӣ Ғафорова.

Соли 1945 Шоири халқии Тоҷикистон, дорандаи ҷоизаи ба номи А. Рӯдакӣ, муаллифи суруди миллии Тоҷикистон Гулназар Келдӣ.

Солҳои (1946-2010) дорандаи ҷоизаи ба номи А.Рӯдакӣ Музаффар Неъматов.

Соли 1947 Профессори илмҳои иқтисодӣ Амир Катаев.

0
Барчаспҳо:
ҷашн, ҷаҳон, Тоҷикистон