Доиншҷӯён ҳангоми дарсомӯзӣ. Акс аз бойгонӣ

Рӯзаи донишҷӯёни тоҷик дар Маскав: тӯлонӣ, вале салқин

379
(Таҷдидшуда 19:36 22.06.2016)
Бар хилофи бархе боварҳо, ки Рамазон дар мавсими санҷишу имтиҳонҳо барои таҳсили донишҷӯён мушкил эҷод месозад, донишҷӯёни тоҷики Маскав мегӯянд, рӯзадорӣ барои гирифтани баҳои хубу аъло кӯмак мекунад.

ДУШАНБЕ, 14 июн — Sputnik. Моҳи шарифи Рамазон, ки аз рӯйи тақвими исломӣ ҳамасола тахминан 11 рӯз пештар фаро мерасад, имсол аз  6-уми июн оғоз шуда, то 6-июл идома мекунад. Агар дар Тоҷикистон давомнокии рӯза 17 соат бошад, барои сокинони Маскав вобаста бо тулӯъ ва ғуруби офтоб 20 соатро ташкил медиҳад.

Дар моҳи Рамазон мусулмонон аз хӯрдану ошомидан ва корҳои ношоиста дар давоми рӯз худдорӣ мекунанд. Дар каломи осмонии Худованд илова бар ин, ки масъалаи гиромӣ доштани моҳи мубораки Рамазон борҳо таъкид гардидааст, ҳамчунин барои мусулмонон як қатор сабукиҳо низ муқаррар шудаанд. Аз ҷумла онҳое, ки сабабҳои узрнок доранд, масалан беморон, занони ҳомила ва заноне, ки кӯдаки ширхора доранд, пирони барҷомондаву мусофирон метавонанд рӯза нагиранд ва ин фаризаро дар фаслу замони мувофиқ иҷро намоянд.

Намози таровеҳ дар моҳи Рамазон
© Sputnik / Тарас Литвиненко

Донишҷӯёни Донишгоҳи Давлатии Омӯзгории шаҳри Маскав дар мусоҳиба бо Sputnik дар бораи рӯзадорияшон изҳор доштанд, ки сарфи назар аз ғарибӣ ва ҳамаи мушкилиҳо талош доранд, ин фаризаро иҷро кунанд. Шаҳло,  донишҷӯи бахши 3-юми ДДОМ мегӯяд, "ман ҳар сол дар моҳи шарифи Рамазон рӯза мегирам ва дур будан аз аҳли оила барои рӯза нагирифтан баҳона намешавад. Соли гузашта ҳамин вақт ман аллаккай ба Тоҷикистон рафта будам ва моҳи Рамазонро бо аҳли оилаамон он ҷо гузарондам".

Нисбатан тӯлонӣ будани рӯзадорӣ дар Маскав, ки  20 соатро ташкил медиҳад, ба гуфтаи Манзура, донишҷӯи дигари тоҷик, набояд монеа бошад. "Рости гап, аввал боварӣ надоштам, фикр мекардам, ки дар муддати 20 соат нахӯрдану нанӯшиданро тоқат намекунам. Вале акнун ман муътақидам, ки моҳи Рамазон дар ҳақиқат ҳам моҳи шарифу пурбаракат аст. Ва Худо ба инсон барои рӯза гирифтан қувват медиҳад",-бовар дорад Манзура.

Бар хилофи Тоҷикистон, ки дар моҳи Рамазон гармии тоқатфарсо ҳукмфармост, Маскав бо боду ҳавои тирамоҳиаш рӯзадоронро шод мекунад: "Дар Тоҷикистон соли гузашта моҳи шарифи Рамазон бисёр гарм буд. Одамоне, ки рӯзадор буданд танҳо саҳари барвақт ё шомгоҳон метавонистанд ба кӯча бароянд. Вале ин ҷо дар Маскав чунин нест. Аз оғози моҳи Рамазон ҳарорати ҳаво аз 15-16 дараҷа ҳоло боло нарафтааст. Ин ҳам рӯзадориро осонтар мекунад. Умед дорам, ки чунин ҳарорат то охири моҳи Рамазон мемонад".

Ба гуфтаи Шаҳло дар мамлакатҳои мусалмоннишин, ки теъдоди рӯзадорон бештар аст, муҳит қувва мебахшад ва доштани рӯзаро осонтар мекунад. "Вақте  ҳамаи атрофиён рӯзадоранд барои ту низ осонтар аст. Вале асли рӯзадорӣ танҳо аз хӯрдану нӯшидан даст кашидан нест-маънои он амиқтар аст. Инсон бояд дар Рамазон ғолиб бар нафси худ бошад, на ғулом. Агар касе ҳам дар наздикии рӯзадор таом бихӯрад, ӯ бояд нафси худро идора кунад ва аз ҳама муҳимаш дар ин давра рӯзадор ҳиссиёти шахси гуруснаро хубтар мефаҳмад. Моҳи Рамазон-ин моҳи ишқ аст. Дар ин моҳ мардум ба якдигар сулҳу салоҳ орзу карда, дасти ҳамдигарро мегиранд, аз якдигар бахшиш мепурсанд ва гуноҳҳои ҳамдигарро мебахшанд. Инсон дар ин давра ба Худо наздиктар мешавад",-фаҳмонд Шаҳло.

Бархилофи бархе боварҳо, ки Рамазон дар мавсими санҷишу имтиҳонҳо барои таҳсили донишҷӯён мушкил эҷод месозад, донишҷӯёни тоҷики Маскав мегӯянд, рӯзадорӣ барои гирифтани баҳои хубу аъло кӯмак мекунад.

Манзура мегӯяд, ба мавсими санҷишу имтиҳонсупорӣ рост омадани Рамазон бартариятҳои худро дорад. "Албатта ҳама кӯшиш мекунанд, ки санҷишҳоро бо баҳои хубу аъло супоранд ва  барои ин моҳи Рамазон аз як тараф кӯмакгари мост. Он вақтеро, ки қаблан барои тайёр кардану истеъмоли  ғизо сарф мекардем, акнун барои омодагӣ ба имтиҳон истифода мебарем",-шарҳ дод Манзура.

Дар мавриди навъи ғизое, ки донишҷӯёни рӯзадори Маскав истеъмол мекунанд, Шаҳло гуфт, талош мекунанд аз хӯрокҳои вазнин парҳез кунанд:

"Мо панҷ нафарем ва бо навбат барои ифтор хӯрок тайёр мекунем. Медонем, ки рӯзаро бо хӯроки вазнин кушодан беақлист, чунки рӯзи дароз меъдаи инсон холӣ ҳаст ва даррав онро пур кардан ба саломатӣ зарар дорад. Умуман дар давраи моҳи шарифи Рамазон мусулмонон хӯрокҳои бисёр болаззат ва фоиданок тайёр мекунанд. Ва рӯзаро бояд бо об, мева ё хӯроки сабук кушод. Барои ҳамин ҳам мо кӯшиш мекунем, ки хӯрокҳои фоиданок ва сабук тайёр намоем".

Мусоҳибони мо гуфтанд, "нишалло"-ширинии анъанавии шарқиро, ки одатан дар моҳи шарифи Рамазон тайёр карда мешавад, хеле пазмон шудаанд.

Ба суол дар мавриди муносибати ҳамсабақҳои рус ва дигар хориҷиҳо ба рӯзадорон, донишҷӯёни тоҷикистонӣ изҳор доштанд, ки дар хобгоҳашон  ҳама дар бораи моҳи шарифи Рамазон хабар доранд.  " Онҳо медонанд, ки дар ин моҳ мусулмонон рӯза мегиранд. Аксари онҳо аллакай имтиҳонҳояшонро супурдаанд ва замоне, ки мо ними шаб бароямон хӯрок тайёр мекунем, онҳо ба бозии "Мафия" машғул мешаванд. Бо мо каме наҳорӣ карда, то саҳари рӯз бозиашонро давом медиҳанд",- гуфт бо ханда Манзура.

Эмомали Раҳмон. Акс аз бойгонӣ
© Официальная страница пресс-службы президента РТ в Facebook

Азми донишҷӯёни тоҷик дар ғарибӣ барои риояи фаризаҳои динӣ  дар ҳолест, ки Эмомалӣ Раҳмон, Президенти Тоҷикистон дар паёми табрикотиаш ба мардуми Тоҷикистон ба муносибати фарорасии Рамазон гуфт: "Ин моҳи шариф дар қалби одамон фурӯтаниву хоксорӣ ва сабру таҳаммулро ҷорӣ намуда, вуҷуди инсонро ба назрагоҳи ҳусни адабу шукрона табдил медиҳад. Дар ин моҳ одамон бо ҳам бештар меҳрубон шуда, бо якдигар самимонаву нармдилона муносибат мекунанд. Зеро моҳи шарифи Рамазон дар асоси каломи раббонӣ ва ҳадисҳои пайғамбари Худо ҳамчун моҳи файзу баракат, хайру саховат, раҳмату мағфират, омӯрзиши гуноҳҳо ва иҷобати дуоҳо шинохта шудааст".

(Номҳо иваз  шудаанд)

379
Барчаспҳо:
донишҷӯёни тоҷик, рӯзадорӣ, Рамазон, ДДОМ, Маскав
Паломничество в Мекку

Сафари Ҳаҷҷи умра боз ба таъхир гузошта шуд: то моҳи март

564
(Таҷдидшуда 20:44 14.01.2021)
Хуруҷи каронавируси навъи нав ё “вируси бритонӣ” дар як қатор аз кишварҳои ҷаҳон, сабаби мутаваққиф шудани сафари шаҳрвандон барои адои Ҳаҷҷи умра шудааст

ДУШАНБЕ, 14 янв – Sputnik. Қарор буд, дар нимаҳои дуюми моҳи январи соли ҷорӣ аввалин гурӯҳи шаҳрвандони Тоҷикистон ба Ҳаҷҷи умра раванд, аммо бо сабаби хуруҷи каронавируси навъи нав ё “бритонӣ” сафар ба таъхир монда шудааст.

Абдулмаҷид Зокиров, масъули ширкати сайёҳии "Расулсохтмон", рӯзи 14 январ дар суҳбат ба Sputnik Тоҷикистон гуфт, кишвари Арабистони Саудӣ дар бораи чунин таъхиргузорӣ дар қабули зиёраткунандагон, рӯзи гузашта аз тариқи расонаҳои ахбори умум эълон кардааст.

“Хуруҷи “вируси бритонӣ” масъулини кишвари Арабистони Саудиро андаке ба ташвиш гузоштааст, онҳо аз нав дарҳоро бастаанд. Ҷониби Арабистон тавассути расонаҳои ахбори умум иттилоъ нашр кардаанд, ки аз охирҳои моҳи март ба қабули зиёраткунандагон шурӯъ хоҳанд кард”,-гуфт намояндаи “Расулсохтмон”.

Масъулони Вазорати Ҳаҷҷи Арабистони Саудӣ баъди таъхири чандвақта, моҳи декабри соли гузашта эълон намуда буданд, ки сар аз моҳи 6 уми солшумории қамарӣ, ки ба нимаҳои дуюми моҳи январи соли 2021 рост меояд, ба қабули шаҳрвандони Тоҷикистон, барои зиёрати шаҳрҳои муқаддаси Ислом - Маккаи мукаррама ва Мадинаи мунаввара шурӯъ мекунанд.

Абдулмаҷид Зокиров иброз намуд, ки сафарбаршавии сокинон барои Ҳаҷҷи умра аз қабули масъулини Арабистони Саудӣ вобаста аст, бо сабаби вазъи беҳдоштӣ мутафаққиф мешавад.

“Мо танҳо аз беҳтаршавии вазъи саросарии беҳдоштӣ умедвор буда, то он рӯз сабр мекунем.  Агар дар ин миён то охирҳои моҳи март, ягон хабари хуш расад, ҳатман мардумро огоҳ мекунем”, - зикр кард Зикров.

Сафарбаршавии сокинони кишвар барои Ҳаҷҷи умра аз суи ширкатҳои сайёҳии "Расулсохтмон" ва "Ормон" роҳандозӣ мешавад. Вазорати Ҳаҷҷи кишвари Арабистон синну соли зиёраткунандаҳоро бо сабаби хуруҷи бемории ҳамагири COVID-19, маҳдуд намуда эълон намуд, ки танҳо, барои аз 18 то 50 - солаҳо барои сафар ба ин кишвар иҷозат дода мешавад.

Дар пайи хуруҷи бемории ҳамагирии коронавирус ва сабти он дар Арабистони Саудӣ, ин кишвар баҳори соли гузашта сафари зоирин ба шаҳрҳои муқаддаси Исломро манъ намуд ва барои аввалин бор, соли 2020 маросими Ҳаҷ баргузор нагардид. Моҳи ноябри соли 2020 баъди таваққуфи чандмоҳа Арабистони Саудӣ феҳрасти кишварҳоро нашр кард, ки сафари шаҳрвандони онҳо дар ин кишвар рухсат шудааст.

Дар ин руйхат кишварҳои қораи Осиё, мисли Тоҷикистон, Қазоқистон, Ӯзбекистон, Чин, Туркия, Озарбойҷон ва давлати Белорус шомил буданд.

Сафари шаҳрвандони давлатҳои Эрон, Миср, Қатар, Италия Қирғизистон, Кувейт, Русия, Англия ва Иёлоти Муттаҳидаи Амрико барои ба Ҳаҷҷи умра ба таври муваққат манъ гуфта мешуд.

Нимаҳои моҳи декабри соли 2020 табибон дар бораи сирояти навъи ҷадиди коронавирус дар кишварҳои Британия иттилоъ дода гуфтанд, ки вируси мазкур аз COVID-19 наздики 70 дарсад хавфноктар аст ва суръати паҳншавии он низ бамаротиб фарқ мекунад.

Дар гузашта аз Тоҷикистон ҳазорҳо нафар, барои зиёрати маконҳои муқаддаси Ислом ба кишвари Арабистони Саудӣ сафар мекарданд.

564
Барчаспҳо:
ҳоҷиён, Арабистон, ҳаҷҷи умра, Тоҷикистон
Раскопки городища Тахти-сангин (ХРАМ ОКСА)

Пешниҳоди Тоҷикистон ба ЮНЕСКО дар бораи "Тахти Сангин"-и ноҳияи Қубодиён

228
(Таҷдидшуда 19:20 12.01.2021)
Тоҷикистон ба ЮНЕСКО пешниҳод кардааст, ки 2500 - солагии ёдгории Шаҳристони "Тахти Сангин" - и ноҳияи Қубодиёнро ба рӯйхати ҷашнҳо ворид намояд

ДУШАНБЕ, 12 янв — Sputnik. Кормандони Институти таърих, бостоншиносӣ ва мардумшиносии ба номи А. Дониши АМИТ ба ЮНЕСКО пешниҳод намуданд, ки 2500 - солагии ёдгории Шаҳристони "Тахти Сангин" - и ноҳияи Қубодиёнро ба рӯйхати ҷашнҳо ва бузургдоштҳое, ки созмон солҳои 2022 - 2023  дар сатҳи ҷаҳонӣ таҷлил мекунад, ворид намояд, иттилоъ додааст рӯзномаи "Ҷумҳурият".

"Ҳуҷҷатҳои лозима, аллакай, ба  ЮНЕСКО пешниҳод шудаанд. Агар дархости мо пазируфта шавад, соли 2022  - ум 2500 - солагии ин ёдгории нодир дар сатҳи ҷаҳонӣ таҷлил хоҳад шуд", - иттилоъ додааст Институти таърих, бостоншиносӣ ва мардумшиносии ба номи А. Дониши АМИТ.

Гуфта шудааст, ки маҳз ба ҳамин хотир қарор аст, дар соли 2021 калонтарин экспедитсияи бостоншиносӣ дар мавзеи "Тахти Сангин" роҳандозӣ шавад.

Шаҳристони "Тахти Сангин" ёдгории нодири асрҳои lV то милод – III милодӣ буда, дар баробари Қалъаи Ҳисор, Дайри буддоии Аҷинатеппа, мадрасаи Хоҷа Машҳад ва шаҳри Ҳулбук барои ворид шудан ба Феҳристи ҷаҳонии фарҳангии ЮНЕСКО пешниҳод шудааст.

228
Барчаспҳо:
пешниҳод, рӯйхат, Шаҳристон, Қубодиён, ЮНЕСКО, Тоҷикистон

Эмгузаронии оммавӣ алайҳи COVID-19 дар Русия оғоз мешавад-навор

0
Дар Русия аз ҳафтаи оянда, эмгузаронии оммавӣ алайҳи коронависрус оғоз мешавад. Президенти Русия, Владимир Путин дар ин бора ҳукумати кишварашро муваззаф кардааст

Раисиҷумҳури Русия зимни дастури эмгузаронии оммавии аҳолӣ таъкид карда буд, ки ваксинаи русӣ алайҳи коронавирус шароити хоси интиқолро талаб намекунад ва зарур хонд, ки инфрасохтори зарурӣ ҳарчӣ зудтар фароҳам шавад.

Ваксинаи “Sputnik V” аллакай дар бисёр кишварҳои ҳамсоя истифода мешавад. Аз ҷумла дар як пойгоҳи низомии Русия дар Арманистон, ҳайати шахсӣ бо ин ваксина эмгузаронӣ шуданд.

Таъкид мешавад, ки дар ваксинагузаронӣ ҳама чиз ихтиёрӣ, бо розигии хаттии ҳайати низомӣ ва ҳам дигар гуруҳи шаҳрвандон сурат мегирад.

Дар Беларус "Sputnik V"-ро аввалин шуда, табибон гирифтанд.  Баъдтар, дар саросари ҷумҳурӣ беш аз 5,5 миллион нафар эм карда мешаванд.

Дар Қазоқистон ваксинагузаронӣ ҳанӯз оғоз нашудааст, аммо дар Караганда истеҳсоли доруи Русия аллакай дар авҷ аст. 

Дар Украина низ ба "Sputnik V" таваҷҷуҳ доранд. Онҳо аллакай ба ҷамъоварии имзоҳо барои сабти ном ва истеҳсоли ваксинаи Русия шурӯъ кардаанд.

Bloomberg самаранокии ваксинаи русии "Спутник V" -ро тасдиқ кард

Барои онҳое, ки имкони эмгузаронӣ ҳанӯз ба даст наомадааст, хабари хуш низ ҳаст: Озмоишҳои иловагии пӯсти тӯс барои пешгирии коронавирус ба анҷом расиданд. Даво аз ҷониби олимони ёқутистонӣ сохта шудааст. Тадқиқотҳо нишон доданд, ки он хавфи бемориҳоро кам мекунад ва инчунин раванди барқарорсозиро осон месозад.

0
Барчаспҳо:
вируси корона, беморӣ, навор, Русия, Русия