Шаҳри Қазон. Акс аз бойгонӣ

Ифтитоҳи фестивали кинои мусулмонон дар Қазон

28
(Таҷдидшуда 12:05 06.09.2016)
Дар шаҳри Қазони Русия 12-умин фестивали кинои мусулмонон кушода шуд. Миляуша Айтуганова ба Sputnik иброз дошт, ки мавзӯҳои и асосии кинофестивал-тарғиби арзишҳои маънавӣ, таҳаммулпазирӣ, меҳру муҳаббати инсонӣ мебошанд.

ДУШАНБЕ, 5 сен — Sputnik. Имрӯз дар шҳари Қазон фестивали байналмиллалии кинои мусулмонон расман ифтитоҳ шуд.

Ҷашнвораи кинои мусулмонон то рӯзи 11 сентябр идома хоҳад кард. Имсол дар фестивал давлатҳои зиёди ҷаҳон иштирок хоҳанд кард. Наворҳо ва филмҳои худро дар фестивал синамочиёни Узбакистон, Қазоқистон, Тоҷикистон, Қирғизистон, Арманистон, Эрон, Ироқ, Сурия, Чин,  Гурҷистон, Украина, Белорус ва ҳамчунин Курдистони Ироқ намоиш хоҳанд дод.

Имсол ҳатто синомочиёни Аврупо низ дар фестивал ширкат меварзанд. Синамочиёни Испания, Фаронса, Финляндия, Норвегия, Сербия низ дар ҷашнвора филмҳои худро ба намоши мегузоранд. Русияро филмҳои истеҳсоли студияҳои минтақавии Татаристон, Бошқирдистон ва Ёқутистон муаррифӣ менамоянд.

Намоишҳои асосӣ дар киностудияҳои марказии шаҳри Қазон гузаронида шуда, ҳамчунин дар дигар ҷойҳои фарҳангӣ низ филмсозон бо тамошобинон вомехӯранд.

Меҳмони асосии фестивал коргардони эронӣ-Маҷид Маҷидӣ хоҳад буд, ки ӯ дар ни ҷашнвора филми сесоатаи "Муҳаммад-Паёмбари Худо"-ро пешниҳод хоҳад кард.

Дар кори ҷашнвора ситоразҳои кинои Русия-Людмила Хитяева, Юрий Назаров, ҳунарманди мардумии Абхазия ва Оситияи Шимолӣ- Алани Тамара Яндиева иштирок мекунанд.

"Ҷашнвора дорои шиори рамзӣ: "Аз муколамаи фарҳанг ба фарҳанги муолама", мебошад, иброз дошт ба Sputnik директори фестивал, Миляуша Айтуганова". —Ӯ ҳамчунин қайд намуд, ки мавзӯҳои  асосии кинофестивал-тарғиби арзишҳои маънавӣ, таҳаммулпазирӣ, меҳру муҳаббати инсонӣ мебошанд. Мо бо кишварҳои зиёди мусулмоннишин ва ғайри мусулмон ҳамкорӣ дорем. Мо ҳамаи одамонеро, ки кори нек мекунанд ба ҳам меорем".

Қаблан хабар дода шуд, ки Тоҷикистонро дар ин ҷашнвора коргардони тоҷик Муҳиддин Музаффар бо кинои "Коса", ки 25 дақиқа идома карда,  соли 2015 ба навор гирифта шудааст, муаррифӣ менамояд. Коргардони ҷавон дар бораи дар кадом мавзӯъ будани филм маълумот дода, дар бораии нақшаҳои ояндааш дар мусоҳиба бо Sputnik Тоҷикистон нақл кард.

28
Барчаспҳо:
ҷашнвораи байналмиллалии кинои мусулмонон, Миляуша Айтуганова, Муҳиддин Музаффар, Қазон
Памятник Рудаки, архивное фото

Имрӯз дар Тоҷикистон аз Рӯдакӣ ёд мекунанд: бузургдошти рӯзи Одамушуаро дар ҷумҳурӣ

41
(Таҷдидшуда 16:55 22.09.2020)
Имрӯз 22 сентябр - рӯзи бузургдошти Абуабдуллоҳ Рӯдакӣ, бунёдгузори адабиёти порсӣ-тоҷикӣ дар Тоҷикистон аст

ДУШАНБЕ, 22 сен — Sputnik. Аз соли 2002 бад ин сӯ дар Тоҷикистон ҳамасола 22 сентябр бо номи рӯзи Рӯдакӣ гиромӣ дошта мешавад.

Абуабдуллоҳ Ҷаъфар ибни Муҳаммад ибни Ҳаким ибни Абдураҳмон ибни Одам Рӯдакӣ дар соли 858 дар рустои Панҷрӯди шаҳристони Панҷакент (воқеъ дар Тоҷикистони имрӯза) ба дунё омаду дар дарбори Сомониён аз иззату эҳтироми зиёде бархурдор буд.

Шоирро дар охирҳои умр тибқи навиштаи бархе тазкираҳо бадхоҳонаш кӯр мекунанду ӯ бо анбӯҳи андӯҳ ба зодгоҳаш бармегардад ва дар ҳамон ҷо вафот мекунад.

Дар мавриди шумори ашъори Рӯдакӣ назарҳои мухталифе мавҷуд аст, ки бархе онро як миллиону сесад ҳазор байт гуфтаанд, ки муттаассифона аз он ашъор то замони мо камтар аз 1000 мисраъ боқӣ монда, ки ҳамин миқдори андак аз табъи равону самимияти гуфтори ӯ ҳикоят медиҳанд.

Барои гиромидошти номи устод Абуабдуллоҳ Рӯдакӣ дар гӯшаву канори Тоҷикистон номи яке аз ноҳияҳо ба номи Рӯдакӣ гузошта шудаасту, дар вилояту ноҳияҳо хиёбону кӯчаҳову ва маҳалҳои аҳолинишин номгузорӣ карда шудаанд.

Дар пойтахт шаҳри Душанбе Боғи Устод Рӯдакӣ, хиёбони марказии шаҳр ба номи Хиёбони Рӯдакӣ, муҷассамаи Рӯдакӣ дар хиёбони номбурда, якчанд муассисаҳои давлатӣ номгузорӣ шудаанд.  

Ҳазорҳо нусха китобу нашрияҳо дар бораи эҷодиёти А. Рӯдакӣ пайваста маводҳои илмиву бадеӣ ҳамасола нашр карда истодаанд. Рузи 22- юми сентябр хамчун Рӯзи Рӯдаки ҷашн гирифта мешавад.

41
Барчаспҳо:
ёдбуд, бузургдошт, адабиёт, Абӯабдуллоҳ Рӯдакӣ, Рӯдакӣ, Тоҷикистон
Ҳунраманд Ҷонибек Муродов

"Нурияҷон": нашри таронаи нави Ҷонибек Муродов-садо

336
Овозхони шинохтаи мусиқии попи тоҷик Ҷонибек Муродов таронаи нави худро пас аз чанд моҳи таваққуф пешкаши мухлисонаш кард

ДУШАНБЕ, 21 сен - Sputnik. Таронаи нави Ҷонибек Муродов  таҳти унвони “Нурияҷон” се рӯз қабл нашр шуда, мақбули ҳаводоронаш гаштааст.

Таронаи ҷадиди овозхон дар канали JM Company мунташир шуда, давоми ин муддат ҳазорҳо маротиба бозбинӣ шудаву беш аз ду ҳазор лайк гирифтааст.

Оҳанги тарона аз Муқтадо Ғарбавӣ буда, нависандаи тарона Ризо гуфта мешавад.

Қаблан Ҷонибек ҳамроҳи овозхони шинохтаи ӯзбек Юлдуз Турдиева бо забони тоҷикиӣ  “дуэт”-и “Азизи дилам”-ро сароида буд, ки аз ҷониби корбарони интернетии тоҷикону ӯзбекон хуб истиқбол шуд.

Ҳамзамон пештар аз он Ҷонибек бо падараш Ҷӯрабек Муродов, ҳунармандони номӣ таронаи “Мусофир”-ро ба муҳоҷирон бахшида буданд.

336
Барчаспҳо:
тарона, Ҷонибек Муродов, овозхон, Тоҷикистон

Оғози машқҳои низомии “Қафқоз-2020”

0
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

0
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия