Моҳпайкар Ёрова. Акс аз бойгонӣ

Моҳпайкар Ёрова: ҳунари ман даҳ сол зери парда нуҳуфта буд

565
(Таҷдидшуда 18:55 02.11.2016)
Намоишномаи “Шабе дур аз Ватан”-и Нозим Меликов тибқи асари Бозор Собир дар ҷашнвораи байналмиллалӣ ду ҷоиза ба даст овард. Моҳпайкар Ёрова- ҳунарманди саҳна ҳамчун офарандаи беҳтарин нақши занона дониста шуд ва Абдулмӯъмин Шарифӣ ҷоизаи беҳтарин нақши мардонаро ба даст овард

Худи Моҳпайкар дар сӯҳбат бо Sputnik Тоҷикистон иброз намуд, ки ба тамоми муваффақиятҳои хеш нигоҳ накарда, ҳунарманд даҳ сол аз саҳна дур  буд.  Пас аз бозгашт, актриса тавонистаст, ки дар муддати кӯтоҳ дар байни тамошобинон шинохта шавад. Сирри муваффақиятҳои худро зани ҳунарманд дар сӯҳбат бо Sputnik Тоҷикистон ифшо кард.

"Шабе дур аз Ватан" ба устод Бозор Собир писанд омада бошад?

— Бале, ба устод хело писанд омад. Устод бо дидани ғарибиҳои хеш дар муҳоҷират, аз чашмонашон ашк ҷорӣ шуд. Мо пеш аз сафар ба Алмаато ба хонаи устод меҳмон шудем. Устод аз иштироки ин намоишнома дар ҷашнвораи байналмиллалӣ  хело  хурсанд буданд  ва бароямон дар ин сафар комёбиҳо таманно карданд. Бозор Собир гуфтанд, ки ман дар саҳнаи шумо худро дидам, ки замоне дур аз ватан ва ғариб будам.

Дар ҷашнвораи байналмиллӣ соҳиби ҷоиза шудан машкил буд?

— Бале, албатта мушкил буд,  чун ман ин нақшро бо қалбам қабул кардам ва тамоми қувваи худро барои табиӣ бозидани нақши хеш бахшидам. Нақш бароям фарзанди ман аст, ки ман онро тавлид мекунам. Барои табиӣ нишон додани як тан муҳоҷир, ман низ худро ғариб ҳис кардам, то бинанда ин эҳсосро дар худ дарк кунад.

VI Международный фестиваль «Казахстан – сердце Центральной Азии»
Моҳпайкар Ёрова дар фестивали байналмиллалии "Қазоқистон-дили АвруОсиё"

Ҷойи худро дар театр мебинед ё дар синамо?

— Ман ҳунарманд ҳастам ва ман иҷрокунанда ҳастам. Чун ба ман нақшеро бовар карданд,  бояд аз ӯҳдаи он баромада тавонам.  Нақши ман, чуноне ки аллакай гуфтам  фарзанди ман аст — дар куҷое набошад бароям азиз аст, хоҳ дар саҳна ва хоҳ дар филм. Бароям ҳам дар театр нақш офаридан хуш аст ва ҳам дар кино. Дар театр ту зинда ҳастӣ, дар филм бошад тамоми ҳиссиёт аз чашмонат баён мегардад.

Ба фикри Шумо ба театри имрӯзаи тоҷик чӣ намерасад?

— Пеш аз ҳама маблағ намерасад. Барои пешрафти ҳар як соҳа бояд маблағ бошад. Пас аз он ба мо муаллифони ҷавон намерасанд. Муаллифоне, ки диди нав ва замонавӣ дошта бошанд. Зеро, ҳоло асри 21 расидааст ва бояд бо мурури он қадам зад. Вақте ки мо ба давлатҳои хориҷа сафар мекунем, моро намоишномаҳои онҳо мафтун мегардонад. Мо орзу мекунем, ки дар Тоҷикистон низ ҳамин гуна муаллифон пайдо гарданд ва театри тоҷикро пеш баранду замонавӣ созанд. Мо бояд мухлисонро ба худ чунон ҷалб кунем, ки барои чипта дар навбат истанд ва майли ба театр омаданро дошта бошанд.

Имрӯз, албатта дар даврони истиқлолият теарт нисбатан пеш рафтааст ва мардум ҳам омада истодаанд. Аммо орзуи ман он аст, ки бинанда дар толор рӯз то рӯз зиёдтар шавад.

Оё дар ягон филми хориҷӣ нақш бозидаед?

Бале, соли 1993 дар филми муштараки Тоҷикистону Русия "Четвёртая сторона треугольника", соли 2012 "Золотой запас"(Русия) ва ниҳоят соли 2014 дар филми "Турецкий транзит" дар нақши Гулнора- ҳамсари Иброҳим иштирок намудаам.

 Тоҷикистонро бошад дар саҳнаҳои  Русия, Молдова, Украина Қазоқистон муаррифӣ кардаам.

Нақшҳои офаридаи Шуморо зуд бинандагон қабул карданд ва дар байни мухлисон машҳур шудед. Сирри муваффақиятҳои худро дар чӣ мебинед?

Ростӣ ман даҳ сол аз саҳна дур будам. Тайи солҳои 1991, пас аз хатми донишгоҳ то солҳои 1999 фаъолиятамро давом медодам, аммо баъд аз он то соли  соли 2007 бо сабабҳои оилавӣ  ман саҳнаро тарк кардам. Якбора, баъди ин қадар фосила ба саҳна баргаштан бароям мушкил буд, бояд заҳмат мекашидам, аммо чун кӯшиш намудам ин мушкилиҳоро паси сар карда, ҳунари худро давом додам.

Таджикская актриса Мохпайкар Ёрова, архивное фото
© Фото : Из личного архива Мохпайкар Ёровой
Моҳпайкар Ёрова дар филми "Арӯси замонавӣ"

Дар зиндагӣ хушбахтии хешро   дар чӣ мебинад, шояд барои Моҳпайкар ҷойи аввалро саҳна гирад?

Не, бо вуҷуди он ки аз касби интихобнамудаам сад дар сад розиям, хушбахтии хешро дар оила мебинам. Оила манбаи илҳоми ман аст. Аммо саҳна хушбахтии маро пурра мекунад, он чизеро, ки пеши наздиконам иброз карда наметавонам, дар саҳна баён мекунам. Яъне, ман худро дар саҳна ва оила якҷо месозам, аз ин ҷост, ки дарди худро дар саҳна иброз мекунам.

Киро дар ҷодаи ҳунар рақиби хеш мешуморед ва умуман, оё дар театр низ рақобат ҳаст?

Не, афсус ки нест. Ҳунармандоне, ки синну солашон бо ман баробар мебошанд, дар театр хело каманд. Шояд барои ҳамин бошад, ки рақобат нест. Агар мешуд хуб мешуд.

Аз нақшҳои офаридаатон бароятон бештар кадомаш писанд аст?

— Ман яке аз нақшҳои дӯстдоштатарини худамро дар намоишномаи Чингиз Айтматов мебинам, ки он нақши модар мебошад: дарди модаре, ки фарзанди худро мекобад, пазмони фарзандаш аст, аммо ҳангоми дарёфт намудан, фарзандаш аз ҷурми ҷоҳилӣ ва нашинохтани модари хеш, ба модар тир мезанад. Бароям ин нақши бозидаам аз лиҳози ҳам маъно, ҳам ҷаззобият хело писанд омадааст.

Шумо, ки Донишгоҳи театри Маскавро хатм кардаед, оё  таклифи кор  дар Русия буд?

— Албатта, ба мо пешниҳодҳои зиёд буданд. Устодонамон ҳатто хоҳиш намуданд, ки мо дар ин ҷо монем ва таҳсил ва фаъолияти хуро давом диҳем. Аммо гурӯҳи мо махсус барои Театри ҷавонон ташкил карда шуда буд ва бояд ба театр бар мегашт. Ман  ҳоло дар Русия бисёр ҳамсабақоне дорам, ки  муваффақ шудаанд.

Аммо ман аз он афсус намехӯрам, ки дар Русия намондам. Чун манбаи пешравии худро на дар ягон кишвари алоҳида, балки дар ҳунар мебинам ва шодам, ки барои ватани хеш хидмат мекунам.

Бароятан офаридани нақши манфӣ мушкил аст ё мусбӣ?

Ҳар ду баробаранд. Бароям ягон фарқият нест. Аммо агар аз дигар ҷанба назар афканем,  бозидани нақши  мазҳакавӣ дар саҳна, аз ҳама мушкил аст. Ин жанр мураккаб аст. Зеро боз ба гурӯҳҳо ҷудо мешавад: мазҳакаи нозук ва ё сиёҳ, ки аз актёр маҳорати хосро талаб мекунад. Ва ин мақсади ояндаи ман аст. Яъне ман бисёр мехоҳам, ки дар оянда дар ин гуна намоишномаҳо нақш офарам.

Гиряҳоятон дар саҳнаҳо самимианд?

— Бале, ман наметавонам бо гиряҳои сохта бинанда ва мухлиси худро фиреб кунам, зеро имрӯз тамошобин  хело зирак шудааст ва зуд ҳаракатҳои дурӯғинро дарк мекунад, барои ҳамин- ман ҳамавақт дар ҳама нақшҳоям гиря  мекунам.

Аз нигоҳи Шумо зани тоҷики  бояд чӣ гуна бошад?

— Пеш аз ҳама зани муосир бояд мубориз бошад. Мубориз барои пешравӣ, илмомӯзӣ ва мукаммал гардониданидани хеш. Зеро, зан пеш аз ҳама модар аст ва тарбиятгари насли оянда мебошад.

Моҳпайкар дар оянда чӣ нақшаҳо дошта бошад ва чӣ орзуҳо?

— Ман пеш аз ҳама ба эҷодиёт машғул ҳастам ва барои намоишномаҳои дигар тайёрӣ дида истодаам. Мехоҳам боз ҳам ҳунари хешро пешниҳоди бинанда кунам.

Ҳамчун зан- модар пеш  аз ҳама, ба тамоми занони Тоҷикистон тинҷиву оромӣ мехоҳам.  Бигзор, ҳеҷ гоҳ ба ғами фарзандон гирифтор набошанд ва хушбахт бошанд. Дар ҷодаи ҳунар бошад,  орзуи ман дар филми хориҷӣ нақш бозида, ҳудуди ҳунари хешро васеътар намудан аст.

565
Барчаспҳо:
Театри ҷавонони ба номи Маҳмудҷон Воҳидов, Моҳпайкар Ёрова, Тоҷикистон
Маркази шаҳри Душанбе

С ба ҷои З: парлумон номи як ноҳияи Тоҷикистонро тағйир дод

4645
(Таҷдидшуда 16:20 25.01.2021)
Маҷлиси миллии Тоҷикистон бо пешниҳоди Ҳукумати кишвар дар номи яке аз ноҳияҳои вилояти Хатлон як ҳарфро иваз намуд

ДУШАНБЕ, 25 янв — Sputnik. Маҷлиси миллӣ бо пешниҳоди Ҳукумати Тоҷикистон лоиҳаи қарор дар бораи иваз намудани номи ноҳияи Шаҳритузи вилояти Хатлон ба ноҳияи Шаҳритусро якдилона қабул кардааст. 

Ба иттилои котиботи палатаи болоии парлумон, қарори мазкур имрӯз дар иҷлосияи панҷуми Маҷлиси миллӣ, таҳти раёсати Рустами Эмомалӣ қабул шуд. 

Бар асоси Донишномаи озод, ноҳияи Шаҳритус, яке аз ноҳияҳои идории вилояти Хатлон аст, ки ҳанӯз 29 августи соли 1930 дар Тоҷикистони шӯравӣ таъсис ёфтаст.

Ноҳияи Шаҳритус бо ҳудуди наздики 2,4 ҳазор километри мураббаъ дар дараи рӯди Кофарниҳон ҷой дорад. Дар шимол бо Вилояти Сурхондарёи Ӯзбекистон, дар шарқ бо ноҳияи Қубодиён, дар ғарб бо ноҳияи Носири Хусрав аз ноҳияҳои вилояти Хатлон ва дар ҷануб бо вулусволии Хулм аз бахшҳои Вилояти Балх дар Афғонистон ҳаммарз аст.

Дар ҳудуди ноҳияи мазкур водии Бешкент ҷойгир аст, ки дарозиаш 70 километр бараш то 5 километр буда, яке аз водиҳои гармтарини ҷумҳурист.

4645
Барчаспҳо:
тағйир, парлумон, Тоҷикистон
Намоз дар Душанбе, акс аз бойгонӣ

Намоз бо ниқоб: қоидаҳои масҷидравӣ дар Тоҷикистон

1081
(Таҷдидшуда 15:45 24.01.2021)
Ситоди ҷумҳуриявии мубориза бо коронавирус дар Тоҷикистон, ки аз 1 феврали соли 2021 намозгузорӣ дар масоҷидро иҷозат дод, таъкид кардааст, ки роияи қоидаҳои беҳдоштӣ ҳатмӣ мебошанд

ДУШАНБЕ, 24 янв— Sputnik. Ситод мақомоти дахлдорро муваззаф кардааст, ки масҷидҳо риояи қатъии қоидаҳои гигенаи шахсию ҷамъиятиро ҳангоми баргузории ибодати дастаҷамъона таъмин намоянд.

Таъкид шудааст, ки шаҳрвандон  дар масҷидҳо, махсусан дар намозҳои ҷумъа ҳатман аз ниқобҳои тиббӣ истифода намоянд.

Наврӯз Ҷаъфаров, сардори Раёсати амнияти санитарию эпидемиологӣ, ҳолатҳои фавқулода ва кумаки фаврии тиббии Вазорати тандурустӣ, изҳор доштааст, ки албатта, ақоиди динӣ ва рукнҳои намозгузорӣ тартиби муайяни худро доранд.

“Вақте ки даъват ба намоз мешавад, бояд намозгузор, пеш аз ҳама, дар такопӯ нашуда, навбати ворид шудан ба масҷидро риоя намояд. Барои мисол, агар намози пешин соати 13:00  бошад, хуб мешуд намозгузорон ним соат пеш тибқи навбат дохили масҷид   шаванд”, - изҳор доштааст Ҷаъфаров дар суҳбат бо “Ховар”.

Манбаъ афзудааст, новобаста ба он ки дар масҷидҳо ҷойнамози умумӣ мавҷуд аст, хуб мешуд ҳар нафар ҷойнамози алоҳидаи худро дошта бошад, зеро ин амал ба таъмини қоидаҳои гигиениву беҳдоштии ҳар нафар равона шудааст. 

“Вақти намоз гузоштан шояд ҳолатҳое шаванд, ки ниқоб аз рӯй канда шавад ва ҳамон зарраҳои хурде, ки тавассути болооби даҳон ё ин ки бо нафаси мо ба  ҷойнамоз меафтанд, эҳтимол  сабаби сироят ёфтани нафари дигар шаванд”, - тавзеҳ додааст Ҷаъфаров.

Ӯ таъкид намуд, ки вақте шаҳрвандон вориди масҷид мешаванд ва ё аз дохил берун мебароянд, хуб мешуд бо даст салом накунанд, балки дастро болои сина гузошта, бо ишораи сар салом намоянд.

“Дар ин баробар ҳангоми намоз гузоштан аз ниқобҳои тиббӣ истифода баранд. Бояд ҳар масҷид системаи ҳавотозакунӣ дошта бошад, ки гардиши ҳаво таъмин карда шавад. Зеро дар маконе, ки ҳаво иваз мешавад, эҳтимоли хуруҷи бемориҳои вирусӣ кам мегардад”, - таъкид намуд мақомдори Вазорати тандурустӣ.

1081
Барчаспҳо:
намоз, масҷид, Тоҷикистон
Выборы президента Узбекистана

Санаи интихоботи президентӣ дар Ӯзбекистон эълон шуд

375
Мақомоти Узбакистон санаи пешбинишудаи интихоботи президентӣ дар ин кишварро эълон карданд

ДУШАНБЕ, 26 январ - Sputnik. Интихоботи навбатии президентӣ дар Узбакистон дар назар аст моҳи октябри соли равон баргузор шавад, менависад Sputnik Ӯзбекистон.

"Интихоботи президентӣ дар Ӯзбекистон метавонад рӯзи якшанбеи даҳаи сеюми октябр баргузор шавад",-менависад, агентӣ.

Таъкид шудааст, ки санаи интихобот дар ҷаласаи фраксияҳои ҳизбҳои сиёсӣ дар палатаи поёнӣ муҳокима карда шуд.

Ба иттилои манбаъ, як рӯз пеш дар Ӯзбекистон ҷаласаи Комиссияи марказии интихоботи ҷумҳурӣ баргузор гардид, ки дар он қайд карда шуд, ки ҳайати САҲА ва Бюро оид ба институтҳои демократӣ ва ҳуқуқи инсон, ки интихоботи парлумониро мушоҳида кард, як қатор тағйироти мусбатро дар системаи миллии интихоботии кишвар эътироф кардааст.

Бояд қайд кард, ки дар Узбакистон номзадҳои президентиро танҳо аз ҷониби ҳизбҳои сиёсӣ пешбарӣ кардан мумкин аст. Айни замон, дар кишвар панҷ ҳизби сиёсӣ сабти ном шудаанд.

Интихоботи президентӣ дар Ӯзбекистон ҳар панҷ сол як маротиба баргузор мешавад.

Натоиҷи интихоботи такрории Узбакистон эълон гардид: се вакил тоҷиктабор ҳастанд

4 декабри соли 2016 дар Ӯзбекистон интихоботи пеш аз муҳлат баргузор шуд, ки дар он Мирзиёев, ки сарвазир буд, пирӯз шуд. 88,61% интихобкунандагон ба ӯ овоз доданд.

Президент Ислом Каримов, ки аз соли 1989 инҷониб кишварро идора мекунад, 2 сентябри соли 2016 дар синни 78-солагӣ бар асари сактаи мағзӣ даргузашт.

375
Барчаспҳо:
парлумон, номзад, Шавкат Мирзиёев, Санаи интихоботи президентӣ дар Ӯзбакистон муайян шуд