Тоҷикон дар Ню Йорк

Палавхӯрӣ дар Ню-Йорк: видеои амрикоиҳо дар Faceboоk ғурури миллии тоҷиконро барангехт

1473
(Таҷдидшуда 14:36 10.03.2017)
Чанд рӯз пештар як тоҷики муқими Амрико дар сафҳааш дар Facebook навори видеоиеро мунташир кард ки дар андак муддате 35 ҳазор бор боздид ва 800 бор ҳамрасонӣ шуд

ДУШАНБЕ, 10 мар — Sputnik. Дар яке аз рӯзҳои баҳорӣ чанд ҷавони амрикоӣ аз шаҳри Ню-Йорк дар бораи як дӯсташон аз Тоҷикистон навори видеоӣ омода карданд. Аммо дар гӯшаи хаёлашон ҳам намеомад, ки ин навор ғурури миллии тоҷиконро хоҳад барангехт.

Амрикоиҳо дар ин навор дар бораи шаҳри Ню Йорк мегуфтанд ки дар ин шаҳр ҳар касе метавонад хостаашро пайдо кунад. Тоҷикҷавоне Шероз ном аз Вилояти мухтори Кӯҳистони Бадахшон яке аз касонест ки дар Ню-Йорк хостаашро ба даст овардааст. Вай чанд сол пеш ба ин шаҳр омада ва то кунун бо бисёр тоҷикон ошно шудааст. Вай ҳар аз гоҳе дар ошхонае хӯрок мехӯрад ки ҳамеша оши палави тоҷикӣ омода дорад. Шероз дар ин рестурон ташнагияш ба ёди Меҳанро мешиканад.

Навори мунташиршуда дар Facebook дар андак замоне 35 ҳазор бор боздид ва 800 бор ҳамрасонӣ шуд

Даниел Заретски (Daniel Zaretsky), яке аз корбарони Facebook, навиштааст: "Бисёр аҷиб аст. Ман худ аз Ню-Йоркам. Ҳамакнун дар Тоҷикистон ҳастам. Ҳарчанд аз палав "сер" шудаам, вале бо худ қарор гузоштаам ҳамин ки Ню-Йорк баргаштам, он ошхона рафта палавашро хоҳам чашид".

Шероз пас аз дарёфти грин-корт Амрико рафта буд. Вай аввал дар иёлати Теннесси муқим шуд, аммо пас аз чанде ба Ню-Йорк кӯчид. Ӯ гуфт дар Мемфис ҳамшаҳрие пайдо накард ва тасмим гирифт ба Ню-Йорк биравад.

"Дар Ню-Йорк зуд ҳаммеҳанонамро пайдо кардам. Ҳамчунин дар ин шаҳр ошхонаеро пайдо кардам ки хушмаззатарин палави тоҷикро мепазад ва фазояш ҳам комилан тоҷикона аст", — мегӯяд Шероз.

Бисёре аз тоҷикон ки зодбумашонро ёд кардаву пазмон шудаанд, дар зери он навор дар бораи оши палав ва меҳмоннавозии тоҷикон навиштаанд. Онҳо бо сипос аз созандагони он навор даъват кардаанд, ки ҳатман ба Тоҷикистон оянд ва маззаи палавро дар хостгоҳаш бичашанд.

1473
Барчаспҳо:
навор, ғурури миллӣ, оши палав, тоҷикон, ИМА
Памятник Рудаки, архивное фото

Имрӯз дар Тоҷикистон аз Рӯдакӣ ёд мекунанд: бузургдошти рӯзи Одамушуаро дар ҷумҳурӣ

41
(Таҷдидшуда 16:55 22.09.2020)
Имрӯз 22 сентябр - рӯзи бузургдошти Абуабдуллоҳ Рӯдакӣ, бунёдгузори адабиёти порсӣ-тоҷикӣ дар Тоҷикистон аст

ДУШАНБЕ, 22 сен — Sputnik. Аз соли 2002 бад ин сӯ дар Тоҷикистон ҳамасола 22 сентябр бо номи рӯзи Рӯдакӣ гиромӣ дошта мешавад.

Абуабдуллоҳ Ҷаъфар ибни Муҳаммад ибни Ҳаким ибни Абдураҳмон ибни Одам Рӯдакӣ дар соли 858 дар рустои Панҷрӯди шаҳристони Панҷакент (воқеъ дар Тоҷикистони имрӯза) ба дунё омаду дар дарбори Сомониён аз иззату эҳтироми зиёде бархурдор буд.

Шоирро дар охирҳои умр тибқи навиштаи бархе тазкираҳо бадхоҳонаш кӯр мекунанду ӯ бо анбӯҳи андӯҳ ба зодгоҳаш бармегардад ва дар ҳамон ҷо вафот мекунад.

Дар мавриди шумори ашъори Рӯдакӣ назарҳои мухталифе мавҷуд аст, ки бархе онро як миллиону сесад ҳазор байт гуфтаанд, ки муттаассифона аз он ашъор то замони мо камтар аз 1000 мисраъ боқӣ монда, ки ҳамин миқдори андак аз табъи равону самимияти гуфтори ӯ ҳикоят медиҳанд.

Барои гиромидошти номи устод Абуабдуллоҳ Рӯдакӣ дар гӯшаву канори Тоҷикистон номи яке аз ноҳияҳо ба номи Рӯдакӣ гузошта шудаасту, дар вилояту ноҳияҳо хиёбону кӯчаҳову ва маҳалҳои аҳолинишин номгузорӣ карда шудаанд.

Дар пойтахт шаҳри Душанбе Боғи Устод Рӯдакӣ, хиёбони марказии шаҳр ба номи Хиёбони Рӯдакӣ, муҷассамаи Рӯдакӣ дар хиёбони номбурда, якчанд муассисаҳои давлатӣ номгузорӣ шудаанд.  

Ҳазорҳо нусха китобу нашрияҳо дар бораи эҷодиёти А. Рӯдакӣ пайваста маводҳои илмиву бадеӣ ҳамасола нашр карда истодаанд. Рузи 22- юми сентябр хамчун Рӯзи Рӯдаки ҷашн гирифта мешавад.

41
Барчаспҳо:
ёдбуд, бузургдошт, адабиёт, Абӯабдуллоҳ Рӯдакӣ, Рӯдакӣ, Тоҷикистон
Ҳунраманд Ҷонибек Муродов

"Нурияҷон": нашри таронаи нави Ҷонибек Муродов-садо

336
Овозхони шинохтаи мусиқии попи тоҷик Ҷонибек Муродов таронаи нави худро пас аз чанд моҳи таваққуф пешкаши мухлисонаш кард

ДУШАНБЕ, 21 сен - Sputnik. Таронаи нави Ҷонибек Муродов  таҳти унвони “Нурияҷон” се рӯз қабл нашр шуда, мақбули ҳаводоронаш гаштааст.

Таронаи ҷадиди овозхон дар канали JM Company мунташир шуда, давоми ин муддат ҳазорҳо маротиба бозбинӣ шудаву беш аз ду ҳазор лайк гирифтааст.

Оҳанги тарона аз Муқтадо Ғарбавӣ буда, нависандаи тарона Ризо гуфта мешавад.

Қаблан Ҷонибек ҳамроҳи овозхони шинохтаи ӯзбек Юлдуз Турдиева бо забони тоҷикиӣ  “дуэт”-и “Азизи дилам”-ро сароида буд, ки аз ҷониби корбарони интернетии тоҷикону ӯзбекон хуб истиқбол шуд.

Ҳамзамон пештар аз он Ҷонибек бо падараш Ҷӯрабек Муродов, ҳунармандони номӣ таронаи “Мусофир”-ро ба муҳоҷирон бахшида буданд.

336
Барчаспҳо:
тарона, Ҷонибек Муродов, овозхон, Тоҷикистон

Оғози машқҳои низомии “Қафқоз-2020”

0
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

0
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия