Ҷӯрабек Муродов ва Шералӣ Ҷӯраев, акс аз бойгонӣ

Ҷӯрабек Муродов дар Узбакистон ҳунарнамоӣ кард

463
(Таҷдидшуда 21:01 25.07.2017)
Устод Ҷӯрабек Муродов чанде пеш ба Узбакистон сафар кард. Ҳунарманд мардуми ҳамсоякишварро ба муносибати бузургдошти 100-солагии арбоби ҳунари Узбакистон Комилҷон Отаниёзов муборакбод намуд ва ҳамзамон ҳунарнамоӣ низ кард

ДУШАНБЕ, 25 июл — Sputnik. Ҳунарпешаи мардумии Иттиҳоди Шӯравӣ, устоди ҳунар Ҷӯрабек Муродов чанде пеш ба Узбакистон сафар кард.  Дар пайи ин сафар устод мардуми ҳамсоякишварро аз номи мардуми тоҷик ба муносибати ҷашни 100-солагии ҳунарпешаи машҳур Комилҷон Отаниёзов  муборакбод гуфт ва ҳамзамон дар ҳисоби ҳунармандони машҳури узбакистонӣ ҳунарнамоӣ кард.

Устод Муродов дар сӯҳбат бо хабарнигори Sputnik Тоҷикистон таъйид кард, ки ба ҳамсоякишвар сафари серӯза дошт ва пас аз солиёни зиёд аз вилояти Хоразми Узбакистон дидан кард.

"Узбакистон чанде қабл 100-солагии арбоби ҳунари кишвар Комилҷон Отаниёзовро ҷашн гирифт. Мо аслан барои шодбошии мардуми кишвар ба муносибати ин ҷашн ба Узбакистон рафтем ва аз номи тоҷикон онҳоро шодбош гуфтем",- қайд кард устод Ҷӯрабек Муродов.

Устод аз қабули мардуми узбак аз ҳунарманди тоҷик ибрози қаноатмандӣ кард.

"Дар Узбакистон моро хело хуб пазируфтанд. Дар чанд маҳфиле, ки бахшида ба гиромидошти арбоби ҳунар баргузор шуда буд, ба мо сухан доданд ва суханронӣ карем",- афзуд Ҷӯрабек Муродов.

Илова бар ин тавре ки Ҷӯрабек Муродов қайд кард, ҳангоми суханронӣ дар қатори ҳунармандони узбакистонӣ суруд сароид.

"Шаби дувум дар Хева дар маҳфиле  бисёр меҳмонон гирд омаданд. Ёвари раисҷумҳури Узбакистон суханро ба ман доданд ва ман пас аз табрикот як ду суруд замзама кардам",- гуфт устод.

Илова бар ин,  устод бо ҳунарманони ҳамсоякишвар дидорбинӣ кардааст.

"Се рӯз бароямон мисли афсона сипарӣ шуд",- қайд кард вай.

Ёдовар мешавем, чанде пеш Sputnik Тоҷикистон чанде пеш бо устод Ҷӯрабек Муродов дар доираи тарҳи расона- "Тоҷикону узбакон-бародарони ҷонианд"  сӯҳбат ороста буд.

Устод дар сӯҳбат аз дӯстии худ бо Ҳунарпешаи мардумии Узбакистон Шералӣ Ҷӯраев нақл кард.

Ҷонибек Муродов- овозхони тоҷик ва писари ҳунарманд дар сӯҳбати кӯтоҳе бо сомона қайд карда буд, ҳоло аз ҷониби Вазорати фарҳанги Узбакистон барои ҳунарнамоии ҳунармандони тоҷик дар Узбакистон иҷоза нест.

463
Барчаспҳо:
бузургдошт, ҳунарманд, дӯстӣ, Ҷӯрабек Муродов, Тоҷикистон-Узбакистон
Народний артист Таджикистана Афзалшо Шодиев

Мақоми нави Афзалшоҳ Шодиев баъди барканорӣ аз раҳбарии Филармония ва муддате истироҳат

780
(Таҷдидшуда 16:43 06.08.2020)
Ҳунарманди шинохтаи тоҷик, пас аз барканорияш аз раҳбарии Филармонияи давлатӣ тӯли шаш моҳ дар истироҳат буд. Қаблан гуфта буд , ки вақти холигияшро мехоҳад сарфи эҷод кунад.

ДУШАНБЕ, 6 авг — Sputnik. Афзалшоҳ Шодиев, ҳунарманди шинохтаи тоҷик, ки моҳи феврали соли ҷорӣ аз вазифаи раҳбарии Филармонияи давлатӣ барканор шуда буд, мақоми нав гирифт, дар ин бора бародари ӯ Набиҷон Шодиев дар сафҳаи фейсбукияш хабар додааст.

Ба иттилои манбаъ, ҳунарманди шинохта роҳбарии Муассисаи давлатии "Ансамбли тарона ва рақси "Сомон" таъйин шудааст.

Таъйини раиси нав дар Филармонияи давлатӣ: Афзалшоҳ Шодиев барканор шуд

Гуфта мешавад таъйини Афзалшоҳ Шодиев ба ин мақом бо фармони вазири фарханг Зулфия Давлатзода  ва пешниҳоди президент Эмомалӣ Раҳмон сурат гирифтааст. 

Ӯ қаблан тӯли панҷ сол Филармонияи давлатиро роҳбарӣ кард ва замони барканорияш зимни суҳбат ба Sputnik Тоҷикистон гуфт, рафтанаш аз ин вазифа бо розигии худаш сурат гирифтаст ва аз фаъолияташ дар ин макон хурсанд аст ва мехоҳад каме ба эҷод машғул шавад.

Гиряи кормандон барои раис: Афзалшоҳ Шодиев дар бораи барканорӣ ва нақшаҳои баъдӣ

Ӯ ҳунарманди мардумии Тоҷикистон аст ва дар моҳи феврали соли 2013 дар Русия ҷоизаи "Хиради Миллат"-ро дарёфт кардааст.

 

780
Кинопленка, архивное фото

Филми коргардони тоҷик дар ҷашнвораи Англия намоиш дода мешавад

54
(Таҷдидшуда 14:30 06.08.2020)
Барои аввалин бор филми яке аз коргардонҳои тоҷик Комил Каримов дар ҷашнвораи филми Англия намоиш дода мешавад

ДУШАНБЕ, 6 авг — Sputnik. Филми кӯтоҳи "Шахсият", ки моли коргардони тоҷик Комил Каримов мебоша, ба марҳалаи ниҳоии ҷашнвораи филми Англия роҳ ёфт, хабар медиҳад Авеста.

Ромфурди Англия мизбони дуввумин ҷашнвораи филми Авросиё дар соли 2020 аст.

Кумитаи баргузоркунандаи ҷашнвораи филм умедвор аст, ки дар оянда ширкаткунандагони бештаре аз Тоҷикистонро бо корҳои фохир дар ин ҷашнвора бибинанд.

Филми "Дӯғоб"-и коргардони тоҷик дар ҷашнвораи Бишкек намоиш дода мешавад

Дар ин ҷашнвора 60 филм ба забони англисӣ дар бахшҳои филмҳои баланд, кӯтоҳ ва мусиқии филм ширкат карданд.

Илова бар ширкат кунандагони тоҷикистонӣ , намояндагони кишварҳои Қазоқистон , Италия, Финландия , Иёлоти Муттаҳида  , Белорус , Суид , Олмон, Эрон, Украина, Арманистон, Русия ва Ӯзбекистон ҳам осори худро ба ин ҷашнвора ирсол карданд.

Маросими эҳдои ҷавоиз низ 18 август дар шаҳри Ромфурд баргузор мешавад.

54
Барчаспҳо:
тоҷик, коргардон, филм, Англия

Табодули таҷрибаву дониш: пизишкони Русия ба хотири кумак озими Қазоқистон шуданд - навор

0
Пизишкони Русия ба хотири имдод расондан ба ҳамтоёни қазоқи худ озими Қазоқистон шуданд ва муддати як моҳ бо онҳо табодули таҷрибаву дониш мекунанд

Пизишкони Русия ба хотири мубориза бурдан алайҳи маризии коронавирус озими Қазоқистон шуданд ва бо ҳамтоёни худ аз ин кишвар табодули донишу таҷриба мекунанд.

Таъкид мегардад, ки пизишкони Русия давоми яе моҳ дар Қазоқистон мемонанд ва роҳи дурусти мубориза алайҳи ин маризиро ба табибони қазоқ нишон медиҳанд.

Русия ба Қирғизистон барои мубориза бо коронавирус кӯмаки навбатӣ расонид

Ба ҳайати табибони рус, ки озими ин кишвар шуданд, пизишкони кӯдакона, анестизологу реанимотолог ва табибони бемориҳои сироятӣ қарор доранд.

Русия дар баробари ирсол намудани пизишкони ботаҷриба ба Ҷумҳурии  Қазоқистон, инчунин маводи доруворӣ ва таҷҳизоти тиббиро низ кумак кард.

0
Барчаспҳо:
навор, Қазоқистон, кумак, Русия