Филми "Суруди Абдул" дар ҷашнвораи Виборг намоиш дода мешавад

© Фото : Фестиваль "Артдокфест"Абдумамад Бекмамадов, архивное фото
Абдумамад Бекмамадов, архивное фото - Sputnik Тоҷикистон
Обуна шудан
Филми "Суруди Абдул" дар қадимтарини ҷашнвораи Русия "Равзанаи Урупо" намоиш дода мешавад

ДУШАНБЕ, 8 авг— Sputnik. Филми ҳуҷҷатии "Суруди Абдул" дар ҷашнвораи кинои "Равзанаи Урупо" ба намоиш гузошта мешавад.

Бино ба иттилоъи торномаи ҷашнвора ин чорабинии фарҳангӣ аз 6 август то 12 ҳамин моҳ дар шаҳри Виборги Русия баргузор хоҳад шуд.

Филми ҳуҷҷатии коргардони рус-Анна Моисеенко "Суруди Абдул" дар бораи зиндагии муҳоҷири тоҷик аз Помир қисса мекунад.

Нақши аслиро дар ин филм Абдумамад Бекмамадов, ки пештар бо намоишномаи "Акын Опера" соҳиби ҷоизаи "Ниқоби тиллоӣ" шуда буд, бозидааст.

Филми "Суруди Абдул" аз лаҳзаҳое аз зиндагии муҳоҷир ва сурурдҳои эҷодкардаи ӯ иборат мебошад.

"Ман ин филмро дар муддати чор сол ба навор гирифтам. Як моҳи наворбардорӣ дар Помир сипарӣ шуда, дигар қисмҳои он дар Маскав ба навор гирифта шудааст. Ман мехостам нишон бидиҳам, ки чӣ гуна зиндагӣ ва кор дар Русия барои як муҳоҷир мушкил аст", — гуфт коргардон дар суҳбат бо Sputnik Тоҷикистон.

Ҷашнвораи "Равзанаи Урупо" —қадимтарин ҷашнвораи филми миллии Русия мебошад. Ҳамасола ин ҷашнвора беш аз ҳазор коргардон в ҳунарпешагонро ҷамъ меорад. Ҷашнвора аз 6 август то 12 ҳамин моҳ идома мекунад.

Лентаи хабарҳо
0