Ҷашнвораи Тоҷикистону Русия дар Маскав. Акс аз бойгонӣ

Барномаи фарҳангии бадахшониҳо дар Суғд: аз намоиши театрӣ то рақсу суруд

306
(Таҷдидшуда 11:34 22.08.2017)
Ҳафтаи фарҳангии вилояти мухтори Кӯҳистони Бадахшон дар вилояти Суғд идома дорад

ДУШАНБЕ, 22 авг — Sputnik. Ба гузориши равобити умумии ҳукумати вилояти Суғд имрӯз, меҳмонон аз ВМКБ ба чаҳор гурӯҳ ҷудо шудаву дар шаҳрҳо ва ноҳияҳои гуногуни Суғд барномаи фарҳангӣ намоиш хоҳанд дод.

Гурӯҳи якуми меҳмонон дар шаҳри Хуҷанд қарор доранд. Онҳо аз Минтақаи озоди иқтисодии "Суғд", Донишгоҳи давлатии Хуҷанд, Маҷмааи таърихию фарҳангии "Қалъаи Хуҷанд", маркази таълимӣ-истеҳсолии "Дугонаҳо" боздид менамоянд.

Гурӯҳи дуюм дар шаҳри Панҷиканд қарор доранд. Онҳо дар Кохи фарҳанги ин шаҳр намоишномаи театриро пешниҳоди тамошобинони ин ҷо мекунанд.

Қарор аст, ки меҳмонон аз Осорхонаи ҷумҳурияӣ-таърихӣ ва кишваршиносии ба номи устод Абӯабдуллоҳи Рӯдакӣ ва мавзеи таърихии Саразм боздид намуда, дар маҳфили адибон дар толори мактаби №71 шаҳр ва барномаи фарҳангӣ дар назди муҷассамаи Исмоили Сомонӣ ширкат кунанд.

Гурӯҳи сеюми меҳмонон дар шаҳри Истаравшан қарор доранд. Ин гурӯҳи фарҳангиён, намоишномаи Театри мусиқӣ-мазҳакавии ноҳияи Ишкошимро пешниҳоди сокинони шаҳри Истаравшан мегардонанд.

Дар назар аст, ки меҳмонон аз корхонаи қолинбофии ҳунарманд Абдуҷаббор Ҳамдамов, Коллеҷи ҳунарҳои мардумӣ, Литсейи касбии рақами 14, растаи оҳангарон, Маркази фарҳанги "Ҳушанг", Маҷмааи Ҳазрати Шоҳ, Осорхонаи таърихӣ-кишаршиносӣ, ёдгории таърихии Сабристон, корхонаи "Оби зулол" боздид намоянд.

Бегоҳии ҳамин рӯз ҳунармандони Шуғнон ва Ишкошим дар назди Маҷмааи Садбарги шаҳр барномаи фарҳангӣ иҷро мекунанд.

Гурӯҳи чаҳоруми меҳмонон, ки дар ноҳияи Ҷаббор Расулов қарор доранд, дар маҳфили ҷавонон ва адибон ширкат карда, дар Кохи фарҳанги Гулистони ноҳия намоишномаи театриро пешкаши сокинон менамоянд.

Шоми имрӯз ҳунармандони  Рӯшон, Ванҷ ва Мурғоб дар кохи фарҳанги Гулистон барномаи фарҳангӣ намоиш медиҳанд.

Пештар хабар дода будем, ки фарҳангиёни Бадахшонро дар вилояти Суғд бо нону асал таҳти навои карнаю сурнай пешвоз гирифтанд.

Ҳафтаи фарҳанги вилояти мухтори Кӯҳистони Бадахшон дар шаҳру ноҳияҳои вилояти Суғд аз 21 то 26-уми августи соли 2017 баргузор мешавад.

306
Барчаспҳо:
ҳафтаи фарҳангӣ, Суғд, Тоҷикистон
Мавзуҳо:
Ҳафтаи фарҳанги ВМКБ дар вилояти Суғд (11)
Историк Гафур Шерматов

Рӯнамоии китоби таърихнигори тоҷик дар бораи Ҷанги Бузурги Ватанӣ: видео

52
(Таҷдидшуда 11:38 08.08.2020)
Таърихнигори тоҷик Ғафур Шерматов китоби худро дар бораи аҳамияти иштироки Тоҷикистон дар Ҷанги Бузурги Ватанӣ муаррифӣ кард

ДУШАНБЕ, 8 авг — Sputnik. Рӯнамоии китоби тозанашри таърихшинос оид ба ҶБВ дар Маркази илму фарҳанги Русия сурат гирифтааст, дар ин бора телевизиони “Мир 24”гузориш додааст.

Китоби тозанашр "Ҷанг ва Ғалаба. Тоҷикистон дар Ҷанги Бузурги Ватанӣ"  унвон дошта, муаллиф барои таҳияи он панҷ сол заҳмат кашидааст.

Собиқадори ҶБВ аз Тоҷикистон, чӣ гуна пулемёти ҷангиашро дар осорхонаи Маскав шинохт?

Ба гуфтаи Шерматов, тамоми саҳмҳо ва ҷангҳоеро, ки зодагони ҶШС Тоҷикистон кардаанд, дар як китоб ҷой додан номумкин аст, аммо ӯ дар матн муҳимтарин марҳилаҳои Ҷанги Бузурги Ватаниро, ки ба  Тоҷикистон рабт дорад, қайд кардааст.

Аз Сталинград то Берлин: саргузашти собиқадори 112-солаи ҶБВ аз Тоҷикистон

Аксари сафҳаҳои китоб ба ҳаёти аҳолии ҷумҳурӣ дар рӯзҳои Ҷанги Бузурги Ватанӣ бахшида шудаанд.

Дар муаррифии китоб инчунин намояндагони пойгоҳи низомии 201-и Русия ва сафири фавқулодда ва мухтори Русия дар Тоҷикистон Игор Лякин-Фролов ширкат варзиданд.

52
Барчаспҳо:
таърих, рӯнамоӣ, Ҷанги Бузурги Ватанӣ, муҳаққиқ, Ғафур Шерматов
Народний артист Таджикистана Афзалшо Шодиев

Мақоми нави Афзалшоҳ Шодиев баъди барканорӣ аз раҳбарии Филармония ва муддате истироҳат

2914
(Таҷдидшуда 16:43 06.08.2020)
Ҳунарманди шинохтаи тоҷик, пас аз барканорияш аз раҳбарии Филармонияи давлатӣ тӯли шаш моҳ дар истироҳат буд. Қаблан гуфта буд , ки вақти холигияшро мехоҳад сарфи эҷод кунад.

ДУШАНБЕ, 6 авг — Sputnik. Афзалшоҳ Шодиев, ҳунарманди шинохтаи тоҷик, ки моҳи феврали соли ҷорӣ аз вазифаи раҳбарии Филармонияи давлатӣ барканор шуда буд, мақоми нав гирифт, дар ин бора бародари ӯ Набиҷон Шодиев дар сафҳаи фейсбукияш хабар додааст.

Ба иттилои манбаъ, ҳунарманди шинохта роҳбарии Муассисаи давлатии "Ансамбли тарона ва рақси "Сомон" таъйин шудааст.

Таъйини раиси нав дар Филармонияи давлатӣ: Афзалшоҳ Шодиев барканор шуд

Гуфта мешавад таъйини Афзалшоҳ Шодиев ба ин мақом бо фармони вазири фарханг Зулфия Давлатзода  ва пешниҳоди президент Эмомалӣ Раҳмон сурат гирифтааст. 

Ӯ қаблан тӯли панҷ сол Филармонияи давлатиро роҳбарӣ кард ва замони барканорияш зимни суҳбат ба Sputnik Тоҷикистон гуфт, рафтанаш аз ин вазифа бо розигии худаш сурат гирифтаст ва аз фаъолияташ дар ин макон хурсанд аст ва мехоҳад каме ба эҷод машғул шавад.

Гиряи кормандон барои раис: Афзалшоҳ Шодиев дар бораи барканорӣ ва нақшаҳои баъдӣ

Ӯ ҳунарманди мардумии Тоҷикистон аст ва дар моҳи феврали соли 2013 дар Русия ҷоизаи "Хиради Миллат"-ро дарёфт кардааст.

 

2914
Люди в защитных масках

Сабти 39 мавриди тозаи сироятшавӣ ба коронавирус дар Тоҷикистон: омори нави вазорат

0
Дар Тоҷикистон шабонарӯзи ахир 39 мавриди тозаи гирифторшавӣ ба маризии коронавирус сабт гардид. Вазорат мегӯяд, ягон ҳолати фавт сабт нашуд

ДУШАНБЕ, 8 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 94 нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 39 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба 7745  нафар баробар гардид.

10 миллион нафар дар Афғонистон мубталои коронавирус шуданд

Ҳамзамон, то санаи  8 август дар мамлакат  6528  (84,2%) нафар аз бемории COVID-19 шифо ёфта,  бар асари он 62  нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

0
Барчаспҳо:
омор, Вазорати тандурустӣ ва ҳифзи иҷтимоии аҳолии ҶТ, Тоҷикистон