Паради форсӣ дар Ню-Йорк

Меҳр дар чашм аст: таасуроти бадахшониҳо пас аз боздид аз мавзеҳои Суғд

238
(Таҷдидшуда 12:06 23.08.2017)
Ширкаткунандагони ҳафтаи фарҳангии ВМКБ ба рӯзноманигорон аз таасуротҳои хеш пас аз боздиди маконҳои таърихиву фарҳангӣ дар вилояти Суғд нақл карданд. Ҳамаи онҳо бар он буданд, ки баргузор шудани ин маросми дӯстии байни шаҳвандони Тоҷикистонро мустаҳкамтар мекунад

ДУШАНБЕ, 23 авг — Sputnik. Фарҳангиёни Бадахшон ба рӯзноманигорон аз таасуротҳои хеш пас аз боздиди маконҳои таърихиву фарҳангии вилояти Суғд нақл карданд. Дар ин бора дафтари матбуотии Ҳукумати вилоят иттилоъ медиҳад.

Ҳафтаи фарҳангии Бадахшон дар вилояти Суғд 21 август оғоз гардид. Меҳмононро дар даромадгоҳи нақби "Истиқлол"-и ноҳияи Айнӣ муовини якуми раиси вилоят Раҳматзода Рустам Мирзо, муовини раиси вилоят Назира Fаффорӣ ва намояндагони шаҳру навоҳии вилоят бо гулу гулдаста, карнаю сурнай ва нону ширинӣ пешвоз гирифтанд.

Сипас, меҳмонон ба деҳаи Зоосуни ноҳияи Айнӣ раҳсипор гардида, дар пояи Муҷассамаи шоир Нақибхон Туғрали Аҳрорӣ гулчамбар гузошта, аз Хона — мӯзейи ин шоири номдор дидан намуданд ва таассуроти хешро баён намуданд.

Азима Шодмонбекова ном донишомӯзи яке аз мактабҳои шаҳри Хоруғ гуфтааст, хело хурсанд аст, ки аз хона музейи шоири маъруфи тоҷик Нақибхони Туғрал дар ноҳияи Айнӣ бори нахуст дидан кард.

Таҳмина Назархудоева —сокини ВМКБ ва донишҷӯӣ Донишгоҳи давлатии Хуҷанд таасуроти худро чунин баён мекунад:

— Мо имрӯз хеле хурсанд ҳастем, ки дар чунин як чорабинии бошукӯҳ иштирок дорем ва дар ин сафар мо аз мавзеъҳои таърихии ноҳияи Айнӣ дидан кардем.  Аз ҷумла муҷассамаи шоир Нақибхон Туғрали Аҳрорӣ ва Хона — мӯзейи ин шоири шинохтаи тоҷик таассуроти бой бахшиданд. Мардуми ин минтақа меҳмондӯсту меҳмоннавоз, моро хеле хуб пешвоз гирифтанд. Мо, мардуми Бадахшон миннатдории худро ба Пешвои муаззами миллат мерасонем, ки чунин як рӯзҳои фарҳангиро эҳё карданд, мо бо ин васила тавонистем, байни ҳамдигар дӯстиву рафоқат пайдо намоем, аз суханони ҳамдигар илҳоми тоза гирем. Чунонки мегӯянд, меҳр дар чашм аст.

 

Ника Баранова  ном омӯзгоре аз ноҳияи Ишкошим миннатдории худро барои пешвози самимона ба мардуми вилояти Суғд баён мекунад ва мегӯяд, мақсади баргузор шудани ин ҳафтаи фарҳангӣ мустаҳкам гардидани дӯстӣ зиёд шудни иртиботҳо байни сокинони вилоятҳост.

238
Барчаспҳо:
ҳафтаи фарҳангӣ, сокинон, ВМКБ, Суғд, Тоҷикистон
Мавзуҳо:
Ҳафтаи фарҳанги ВМКБ дар вилояти Суғд (11)
Народний артист Таджикистана Афзалшо Шодиев

Мақоми нави Афзалшоҳ Шодиев баъди барканорӣ аз раҳбарии Филармония ва муддате истироҳат

2851
(Таҷдидшуда 16:43 06.08.2020)
Ҳунарманди шинохтаи тоҷик, пас аз барканорияш аз раҳбарии Филармонияи давлатӣ тӯли шаш моҳ дар истироҳат буд. Қаблан гуфта буд , ки вақти холигияшро мехоҳад сарфи эҷод кунад.

ДУШАНБЕ, 6 авг — Sputnik. Афзалшоҳ Шодиев, ҳунарманди шинохтаи тоҷик, ки моҳи феврали соли ҷорӣ аз вазифаи раҳбарии Филармонияи давлатӣ барканор шуда буд, мақоми нав гирифт, дар ин бора бародари ӯ Набиҷон Шодиев дар сафҳаи фейсбукияш хабар додааст.

Ба иттилои манбаъ, ҳунарманди шинохта роҳбарии Муассисаи давлатии "Ансамбли тарона ва рақси "Сомон" таъйин шудааст.

Таъйини раиси нав дар Филармонияи давлатӣ: Афзалшоҳ Шодиев барканор шуд

Гуфта мешавад таъйини Афзалшоҳ Шодиев ба ин мақом бо фармони вазири фарханг Зулфия Давлатзода  ва пешниҳоди президент Эмомалӣ Раҳмон сурат гирифтааст. 

Ӯ қаблан тӯли панҷ сол Филармонияи давлатиро роҳбарӣ кард ва замони барканорияш зимни суҳбат ба Sputnik Тоҷикистон гуфт, рафтанаш аз ин вазифа бо розигии худаш сурат гирифтаст ва аз фаъолияташ дар ин макон хурсанд аст ва мехоҳад каме ба эҷод машғул шавад.

Гиряи кормандон барои раис: Афзалшоҳ Шодиев дар бораи барканорӣ ва нақшаҳои баъдӣ

Ӯ ҳунарманди мардумии Тоҷикистон аст ва дар моҳи феврали соли 2013 дар Русия ҷоизаи "Хиради Миллат"-ро дарёфт кардааст.

 

2851
Кинопленка, архивное фото

Филми коргардони тоҷик дар ҷашнвораи Англия намоиш дода мешавад

84
(Таҷдидшуда 14:30 06.08.2020)
Барои аввалин бор филми яке аз коргардонҳои тоҷик Комил Каримов дар ҷашнвораи филми Англия намоиш дода мешавад

ДУШАНБЕ, 6 авг — Sputnik. Филми кӯтоҳи "Шахсият", ки моли коргардони тоҷик Комил Каримов мебоша, ба марҳалаи ниҳоии ҷашнвораи филми Англия роҳ ёфт, хабар медиҳад Авеста.

Ромфурди Англия мизбони дуввумин ҷашнвораи филми Авросиё дар соли 2020 аст.

Кумитаи баргузоркунандаи ҷашнвораи филм умедвор аст, ки дар оянда ширкаткунандагони бештаре аз Тоҷикистонро бо корҳои фохир дар ин ҷашнвора бибинанд.

Филми "Дӯғоб"-и коргардони тоҷик дар ҷашнвораи Бишкек намоиш дода мешавад

Дар ин ҷашнвора 60 филм ба забони англисӣ дар бахшҳои филмҳои баланд, кӯтоҳ ва мусиқии филм ширкат карданд.

Илова бар ширкат кунандагони тоҷикистонӣ , намояндагони кишварҳои Қазоқистон , Италия, Финландия , Иёлоти Муттаҳида  , Белорус , Суид , Олмон, Эрон, Украина, Арманистон, Русия ва Ӯзбекистон ҳам осори худро ба ин ҷашнвора ирсол карданд.

Маросими эҳдои ҷавоиз низ 18 август дар шаҳри Ромфурд баргузор мешавад.

84
Барчаспҳо:
тоҷик, коргардон, филм, Англия

Ҷашнҳои рӯзи 8 август дар Тоҷикистон ва ҷаҳон

0
(Таҷдидшуда 23:06 07.08.2020)
Рӯзи ҳаштуми август Рӯзи байналмилалии кӯҳнавардон буда дар Чин – Рӯзи падар ва дар Бутан –Рӯзи истиқлолият таҷлил мешавад

Рӯзи 8 август дар ҷаҳон чӣ рух дод

Соли 1925 дар Вашингтон аввалин конгресси миллии Ку-Клукс-Клана оғоз гардида буд.

© Sputnik / Стас Этвеш / Вишнякова Мария

Соли 1925 аввалин маротиба дар шаҳри Торонтои Канада чароғаки роҳ насб гардид.

Соли 1927 дар Фаронса эълони сохтани ваксина бар зидди вабои саг паҳн гардид.

Соли 1932 Иттиҳоди Шӯравӣ истифодаи меҳнати занонро дар конҳо иҷозат дод.

Соли 1937 тасарруфи Пекин аз ҷониби Ҷопон.

Соли 1949 дар шаҳри Страсбурги Фаронса аввалин ҷаласаи Шӯрои Аврупо баргузор гардид.

Соли 1959  дуюмин Бозиҳои тобистонаи халқҳои Иттиҳоди Шӯравӣ баргузор гардид.

Соли 1967 баргузории рӯзҳои фарҳангии Тоҷикистон дар Маскав.

Рӯзи 8 август дар Тоҷикистон чӣ рух дод

Соли 2006 дар ноҳияи Ховалинги вилояти Хатлон мақбараи Султон Увайси Қаранӣ баъд аз тармим кушода шуд.

© Sputnik / Стас Этвеш / Вишнякова Мария

Соли 2011 бо иштироки раисиҷумҳур Эмомалӣ Раҳмон дар маҳаллаи навбунёди «Зарринкӯҳ»-и шаҳри Кӯлоби вилояти Хатлон мактаби замонавӣ ба истифода дода шуд.

Соли 2011 дар шаҳри Кӯлоби вилояти Хатлон Президент  Эмомалӣ Раҳмон Маҷмааи истироҳативу фароғатӣ ва варзишии «Кӯли ҷавонон» — ро мавриди баҳрабардорӣ   қарор доданд.

Соли 2016  Эмомалӣ Раҳмон ва муовини Дабири кулли СММ, Намояндаи олӣ оид ба масъалаҳои кишварҳои камтараққӣ, кишварҳои тараққикунандаи маҳсур дар хушкӣ ва ҷазиракишварҳои хурди тараққикунанда Гян Ачария вазъи ҳамонвақта ва дурнамои муносибатҳои Тоҷикистон ва Созмони Милали Муттаҳид дар бахшҳои муҳими ҳаёти ҷаҳони муосирро мавриди баррасӣ қарор дод.

Ҷашнҳои рӯзи 8 август

  • Рӯзи байналмилалии кӯҳнавардон.
  • Дар Чин – Рӯзи падар.
  • Дар Бутан –Рӯзи истиқлолият.

Рӯзи 8 август дар Тоҷикистон кӣ ба дунё омадааст

Ғаюр Ашўров (1960) – доктори илми тиб, профессор.

Надежда Бутовская (1890- 1977)- Китобдори шоистаи Тоҷикистон.

Абдумаҷид Воҳидов (1942) – доктори илми тиб, профессор.

Григорий Масич (1925) – сарояндаи оркестр, Ҳунарпешаи шоистаи Тоҷикистон.

Муҳаммад Шодӣ (1959)- шоир, нависанда.

Раҷаб Насим (1935) – нависанда.

Камолиддин Нодиров (1957)- рассом.

Ҳамид Обидӣ (1911 – 1948) – нависанда, драматург.

Акрам Ризоев (1946)- олими соҳаи техника, профессор.

Александр Соловёв (1892 – 1959) – астрофизик, Ходими шоистаи илми Тоҷикистон.

Одилҷон Умурзоқов (1954) – сароянда, Ҳунарпешаи шоистаи Тоҷикистон.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон
Ҷашнҳои рӯзи 4 август дар Тоҷикистон ва ҷаҳон
Ҷашнҳои рӯзи 5 август дар Тоҷикистон ва ҷаҳон
Ҷашнҳои рӯзи 6 август дар Тоҷикистон ва ҷаҳон
Ҷашнҳои рӯзи 7 август дар Тоҷикистон ва ҷаҳон