Ҷашни 60-солагии фаъолияти Ҳошим Гадо

Тоҷикистон 60-солагии фаъолияти Ҳошим Гадоро ҷашн гирифт

78
(Таҷдидшуда 17:14 06.09.2017)
Шоми 5 сентябр саҳни Театри Лоҳутӣ мисли ҷашнгоҳ ороста буд. Тоҷикистон 60-солагии фаъолияти арбоби ҳунар Ҳошим Гадоро ҷашн гирифт

ДУШАНБЕ, 6 сен — Sputnik. Бино бар гузориши Вазорати фарҳанги ҶТ, барои ҷашни 60-солагии фаъолияти арбоби ҳунари тоҷик аз тамоми гӯшаву канори кишвар мухлисони театр ва ҳунар, ҳунарпешагону санъаткорон, адибон, инчунин намояндагони корпусҳои дипломатӣ ва сафоратхонаҳои муқими кишвар ҷамъ омаданд. Оҳанги карнаю доира танинандоз буд.

Пештоқи бинои театрро акси Арбоби ҳунари Тоҷикистон, Ҳунарпешаи халқии Иттиҳоди Шӯравӣ, Барандаи Ҷоизаи давлатии ИҶШС, Ҷоизаи давлатии Тоҷикистон ба номи Абӯабдуллоҳи Рӯдакӣ, дорандаи ордени Ситораи раисҷумҳури Тоҷикистон Ҳошим Гадо зеб медод. Инчунин девори даромадгоҳ ва долонҳои театрро бо аксҳо аз лаҳзаҳои нақшҳои дар саҳнаи театр ва синамо иҷро кардаи Ҳошим Гадо, ки 60-сол қабл фаъолияти эҷодии худро оғоз карда буд, оро дода буданд. Толори нишаст аллакай бо меҳмонони чорабинӣ пур буд, аммо паси дар ҳанӯз мухлисони бисёри Ҳошим Гадо хоҳиши ба толор даромадан доштанд.

88-умин мавсими театрӣ дар кишвар бо таҷлили 60-солагии фаъолияти Ҳошим Гадо ифтитоҳ гардид, ки он ба иди пуршукӯҳи аҳли фарҳанг ва театр табдил ёфт. Чорабиниро шеъри дар васфи соҳибҷашн иҷро намудаи ҳунарпешагони театрҳои Душанбе, Кӯлоб ва Қӯрғонтеппа ҳусни оғоз бахшид.

Сипас, аз фаъолияти ҳунарии Ҳошим Гадо дар синамо филмномае бо номи "Марди ҳунар" манзури аҳли толор гардид. Филмномаи мазкур тамошобинонро бо симои машҳури Сӯҳроб аз филми "Рустам ва Сӯҳроб", сарбоз Расулов аз филми "Зане аз диёри дур", Қурбошӣ Аҳмадбек аз филми "Ҷӯра Шикорчӣ" ва дигар нақшҳои дар синамо офаридаи Ҳошим Гадо, ки дар дилу дидаи мардум ҷо гирифтаанд, бори дигар рӯ ба рӯ гардонид.

Гулчини нақшҳои бозидаи Ҳошим Гадо дар саҳнаҳои театр таҳти унвони "Нақшҳои ҷовидона" дар пешниҳоди ҳунарпешагони театрҳои гуногуни кишвар тӯҳфаи арзандае барои соҳибҷашн ва оғози шоистаи мавсими 88-уми театрӣ дар кишвар буд. Дар иҷрои шогирдони Ҳошим Гадо, ки ҳоло дар театрҳои шаҳри Душанбе, вилоятҳои Суғду Хатлон фаъолият мебаранд, рӯи саҳна нақшҳои Афросиёб аз аз намоиши "Бежан ва Манижа", Эдип аз намоиши "Шоҳ Эдип", Темур аз "Қиссаи модар", Ҳамлет аз намоиши "Ҳамле", Фердинанд аз намоиши "Макр ва муҳаббат", Хлестаков аз намоиши "Муфаттиш" ва дигар нақшҳои Ҳошим Гадо оварда шуданд.

Ҳунарпешагон дар саҳна нотакрории санъат ва истеъдоди Ҳошим Гадоро васф карда, таманно менамуданд, ки ин ситораи театр ва синамо боз солҳои сол бо нақшҳои наву ҷолиб дили мухлисонашро шод гардонад ва роҳнамои шогирдон бошад. Силсиланамоиш аз ҷониби тамошобинон бо кафкӯбиҳои бардавом ва нидоҳои "офарин" пазируфта шуданд.

Аз номи аҳли ҳунари кишвар муовини якуми Вазири фарҳанг Ибодулло Машраб ҳозиринро бо оғози мавсими 88-уми театрӣ ва 60-солагии фаъолияти эҷодии Ҳошим Гадо табрик гуфта, зикр намуд, ки он силсиланамоише, ки аз эҷодиёти соҳибҷашн нақл мекард, далели рушди театри тоҷик аст.

78
Барчаспҳо:
60-солагии фаъолият, Ҳошим Гадо, Тоҷикистон
Писатель-юморист, народный артист РФ Евгений Петросян

Петросян мубталои коронавирус шуд ва ба бемористон интиқол ёфт

131
(Таҷдидшуда 17:58 27.10.2020)
Евгений Петросян, ки аллакай давоми як шабонарӯз дар бемористон қарор дорад, тавассути доруи сохти русӣ -"Коронавир" ба табобат фаро гирифта шудааст

ДУШАНБЕ, 27 октября — Sputnik. Ҳунарманди халқӣ, нависанда - ҳаҷвнигор, муҷрии барномаҳои телевизионӣ Евгений Петросян мубталои маризии коронавирус гардида, фавран тавассути мошини "Ёрии таъҷилӣ" ба бемористон интиқол ёфт, хабар медиҳад шабакаи телевизионии "360".

Ба иттилои манбаъ, Петросян муддати як шабонарӯз бо доруи сохти Русия алайҳи маризи коронавирус, ки "Коронавир" ном дорад, табобат мешавад.

Пизишкон аллакай ташхиси ҳаҷвнигори русро вируси COVID - 19 арзёбӣ намуданд.

4 фавт ва 600 маризи нав: омори Қирғизистон аз коронавирус барои имрӯз

Манбаъ меафзояд, вазъи Евгений Петросян қаноатбахш буда, табобати ӯ давом дорад.

Ҳунарманди рус соли 1945 дар шаҳри Боку таваллуд шудааст. Ӯ нахустин бор дар синни 12 - солагӣ рӯи саҳна баромада буд. Пас аз хатми мактаби миёна, Петросян дар соли 1961 ба Маскав кӯчид. 

Сар аз соли 1962 Евгений Петросян ба фаъолияти худ дар саҳнаҳои калон шурӯъ намуд. Авохири соли гузашта ӯ барои маротибаи панҷум хонадор шуд. Ҳамсафари зиндагии ӯ духтари 31 - сола шуд.

131
Барчаспҳо:
маризӣ, ҳунарманд, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Сафари имоми 49-уми исмоилиён Оқохони 4 ба Тоҷикистон

Пешрафти Оқохони IV дар феҳрасти таъсиргузортарин мусалмонҳои ҷаҳон

1100
Шоҳ Карим ал-Ҳусайнӣ, Оқохони IV, имоми 49-уми исмоилиёни ҷаҳон дар феҳрасти 500 мусалмони таъсиргузортарини ҷаҳон тайи солҳои охир пеш рафта, дар радабандии ҷадид барои соли 2021 дар зинаи 30-юм ҷой гирифтааст

ДУШАНБЕ, 27 окт — Sputnik. Оқохони IV, ки теъдоди муридонаш дар Тоҷикистон ҳудуди 200 ҳазор нафар арзёбӣ мешавад, ба 30-гонаи мусалмонҳои таъсиргузортарин шомил гардид.

Дар ин радабандӣ, ки ҳамасола нашр мешавад, Оқохони IV соли пешӣ дар мақоми 31 ва пештар аз он дар мақомҳои 36 ва 40 қарор гирифта буд.

Муаллифони пажуҳиш теъдоди пайравони Шоҳ Карим ал-Ҳусайниро дар ҷаҳон ҳудуди 15 миллион нафар арёзбӣ карда, зикр намудаанд, ки ӯ 49-умин имоми исмоилиён буда, ин шаҷара ба Алӣ, амӯзодаи Муҳаммад (с) мепайвандад.  

Инчунин аз амалҳои хайри Оқохони IV дар бахшҳои гуногун тавсиф шудааст, ки аз фарҳанг то маорифу тандурустӣ ва бахшҳои дигарро фаро мегирад.

Ҳабиб Нурмуҳаммадов ба феҳрасти 500 мусалмони таъсиргузори дунё шомил шуд

Шоҳзода Карим Оқохон 13 декабри соли 1936 дар шаҳри Женеваи Швейсария дар хонаводаи шоҳзода Алӣ Салмонхон ва бону Тоҷуддавла Алихон ба дунё омадааст. Вай дастпарвари донишкадаи исломшиносии Донишгоҳи Ҳарвард буда, бунёдгузор ва сарвари Шабакаи тавсеъаи Оқохон (AKDN) аст. Ӯ пас аз падарбузургаш Султон Муҳаммадшоҳ дар рӯзи 11 июли соли 1957, дар 20-солагӣ пешвои руҳонии исмоилиёни ҷаҳон шудааст.

1100
Барчаспҳо:
Оқохони IV, Мусалмонон, ҷаҳон

Вакил гуфт, бекор кардани патент барои муҳоҷирон чӣ пайомад дорад

0
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

0
Барчаспҳо:
муҳоҷирон, хатар, патент, Русия