Награждение победителей конкурса фотожурналистики им. А. Стенина

Алехандро Велес Мартинес барандаи ҷоизаи озмуни ёдбуди Андрей Стенин шуд

18
(Таҷдидшуда 15:43 26.09.2017)
Ҷоизаи бузурги Озмуни байналмилалии фотожурналистии ёдбуди Андрей Стенин ва мақоми аввал дар бахши "Муҳимтарин хабарҳо. Серия"-ро аксбардори испониёӣ Алехандро Велес Мартинес барои силсилаи аксҳояш "Паноҳҷӯён дар Белград" дарёфт кард

ДУШАНБЕ, 7 сен — Sputnik. Ҷоизаҳои ин озмун дар маросими ифтитоҳи намоишгоҳи аксҳои ғолибони он дар Маркази аккосии "Бародарон Лумиер" дар Маскав ба барандагон тақдим шуданд.

Ин озмунро хабаргузории байналмилалии "Россия сегодня" бо ҳамкорӣ ва сарпарастии Кумисюни Русия дар умури ЮНЕСКО баргузор мекунад.

Алехандро Мартинес Велес, Испания. Беженцы в Белграде
© Sputnik Алехандро Мартинес Велес
Алехандро Мартинес Велес, Испания. Беженцы в Белграде

"Ҳар сол дар оғози тирамоҳ мо аз дӯстамон Андрей Стенин, хабарнигори аксии "Россия сегодня", ёд мекунем, ки ҳангоми иҷрои супориши хабаргузорӣ дар Укроин кушта шуда буд. Имрӯз хабарнигорони ҷавон аз саросари ҷаҳон, ки номи Андрей Стенин муттаҳидашон кардааст, аз падидаҳое мегӯянд, ки таваҷҷуҳашонро ҷалб мекунанд, — гуфт дар ин маросим мудири кулли хабаргузории "Россия сегодня" Дмитрий Киселёв.

Велес Ҷоизаи бузургро барои силсилаи аксҳои "Паноҳҷӯён дар Белград" ба даст овард, ки саргузашти мардумеро бозгӯ мекунад, ки ояндаашонро аз даст додаанд. Аксҳои суратгири ҷавони испониёиро Кумитаи байналмилалии Салиби Сурх низ бо ҷоизаи вижаи "Барои акси башардӯстона" тақдир кардааст.

Фотография участника фото конкурса имени Андрея Стенина
© Sputnik Елена Янкович
Фотография участника фото конкурса имени Андрея Стенина

Ҷоизаҳои ин озмунро ҳамчунин рӯзноманигор аз Африқои Ҷанубӣ Фандулвазӣ Ҷайкло барои гузориши аксии "Тазоҳурот дар шаҳри Грабу", суратгири сербӣ Еоена Янкович барои акси "Фарҳанги selfie", суратгири итолиёӣ Данило Гарсиа Ди Мео барои силсилаакси "Чӣ?", ҳамкори русамон Валентин Егоршин барои аксҳои портретии "Чеҳраҳое аз гузашта" ва бисёре дигар дарёфт карданд.

Дар Маркази аккосии "Бародарон Лумиер" беш аз 200 акси аксбардорони ҷавон ба намоиш гузошта шудаанд.

Варзиш яке аз мавзуъҳои калидии намоишгоҳи имсола буда, ки барои фотожурналистҳои Русия пирӯзиовар шуд — ҳама ҷоизаҳо дар бахши "Варзиш" аз они аксбардорони русӣ шуданд.

Ин намоишгоҳ то 17-уми сентябр идома хоҳад ёфт.

18
Барчаспҳо:
фотожурналистика, озмун, Россия сегодня, Андрей Стенин, Русия
Мавзуъ
Поёни қабули дархостҳо ба озмуни ба номи Стенин
“Россия сегодня" қабули дархост ба озмуни Стенинро ба анҷом мерасонад
“Россия сегодня” аксҳои хотирмони Андрей Стенинро мунташир кард
Ҷоизадорони озмуни аксҳои ба номи Андрей Стенин эълом шуданд
Озмуни аккосони ба номи Стенин ба марҳалаи ниҳоӣ наздик мешавад
Даъвати “Россия сегодня” барои ширкат дар озмуни ба номи Стенин
Памятник Рудаки, архивное фото

Имрӯз дар Тоҷикистон аз Рӯдакӣ ёд мекунанд: бузургдошти рӯзи Одамушуаро дар ҷумҳурӣ

21
(Таҷдидшуда 16:55 22.09.2020)
Имрӯз 22 сентябр - рӯзи бузургдошти Абуабдуллоҳ Рӯдакӣ, бунёдгузори адабиёти порсӣ-тоҷикӣ дар Тоҷикистон аст

ДУШАНБЕ, 22 сен — Sputnik. Аз соли 2002 бад ин сӯ дар Тоҷикистон ҳамасола 22 сентябр бо номи рӯзи Рӯдакӣ гиромӣ дошта мешавад.

Абуабдуллоҳ Ҷаъфар ибни Муҳаммад ибни Ҳаким ибни Абдураҳмон ибни Одам Рӯдакӣ дар соли 858 дар рустои Панҷрӯди шаҳристони Панҷакент (воқеъ дар Тоҷикистони имрӯза) ба дунё омаду дар дарбори Сомониён аз иззату эҳтироми зиёде бархурдор буд.

Шоирро дар охирҳои умр тибқи навиштаи бархе тазкираҳо бадхоҳонаш кӯр мекунанду ӯ бо анбӯҳи андӯҳ ба зодгоҳаш бармегардад ва дар ҳамон ҷо вафот мекунад.

Дар мавриди шумори ашъори Рӯдакӣ назарҳои мухталифе мавҷуд аст, ки бархе онро як миллиону сесад ҳазор байт гуфтаанд, ки муттаассифона аз он ашъор то замони мо камтар аз 1000 мисраъ боқӣ монда, ки ҳамин миқдори андак аз табъи равону самимияти гуфтори ӯ ҳикоят медиҳанд.

Барои гиромидошти номи устод Абуабдуллоҳ Рӯдакӣ дар гӯшаву канори Тоҷикистон номи яке аз ноҳияҳо ба номи Рӯдакӣ гузошта шудаасту, дар вилояту ноҳияҳо хиёбону кӯчаҳову ва маҳалҳои аҳолинишин номгузорӣ карда шудаанд.

Дар пойтахт шаҳри Душанбе Боғи Устод Рӯдакӣ, хиёбони марказии шаҳр ба номи Хиёбони Рӯдакӣ, муҷассамаи Рӯдакӣ дар хиёбони номбурда, якчанд муассисаҳои давлатӣ номгузорӣ шудаанд.  

Ҳазорҳо нусха китобу нашрияҳо дар бораи эҷодиёти А. Рӯдакӣ пайваста маводҳои илмиву бадеӣ ҳамасола нашр карда истодаанд. Рузи 22- юми сентябр хамчун Рӯзи Рӯдаки ҷашн гирифта мешавад.

21
Барчаспҳо:
ёдбуд, бузургдошт, адабиёт, Абӯабдуллоҳ Рӯдакӣ, Рӯдакӣ, Тоҷикистон
Ҳунраманд Ҷонибек Муродов

"Нурияҷон": нашри таронаи нави Ҷонибек Муродов-садо

311
Овозхони шинохтаи мусиқии попи тоҷик Ҷонибек Муродов таронаи нави худро пас аз чанд моҳи таваққуф пешкаши мухлисонаш кард

ДУШАНБЕ, 21 сен - Sputnik. Таронаи нави Ҷонибек Муродов  таҳти унвони “Нурияҷон” се рӯз қабл нашр шуда, мақбули ҳаводоронаш гаштааст.

Таронаи ҷадиди овозхон дар канали JM Company мунташир шуда, давоми ин муддат ҳазорҳо маротиба бозбинӣ шудаву беш аз ду ҳазор лайк гирифтааст.

Оҳанги тарона аз Муқтадо Ғарбавӣ буда, нависандаи тарона Ризо гуфта мешавад.

Қаблан Ҷонибек ҳамроҳи овозхони шинохтаи ӯзбек Юлдуз Турдиева бо забони тоҷикиӣ  “дуэт”-и “Азизи дилам”-ро сароида буд, ки аз ҷониби корбарони интернетии тоҷикону ӯзбекон хуб истиқбол шуд.

Ҳамзамон пештар аз он Ҷонибек бо падараш Ҷӯрабек Муродов, ҳунармандони номӣ таронаи “Мусофир”-ро ба муҳоҷирон бахшида буданд.

311
Барчаспҳо:
тарона, Ҷонибек Муродов, овозхон, Тоҷикистон
Человек пишет в блокноте, архивное фото

Бори нахуст дар Колумбия шеъри тоҷикӣ садо дод

0
(Таҷдидшуда 18:03 22.09.2020)
Дар озмуне дар ин кишвар бори аввал аз Тоҷикистон шоири тоҷик, журналист ва мутарҷим Абдуқаҳҳори Қосим иштирок намуда, бо забони тоҷикӣ шеърҳои худро қироат намуд

ДУШАНБЕ, 22 сен — Sputnik. Бори нахуст дар Фестивали адабии байналмилалии Меделин шеъри тоҷикӣ садо дод, гузориш медиҳад Вазорати фарҳанги Тоҷикистон.

Бино бар иттилои манбаъ, дар 30-юмин солгарди Фестивали адабии байналмилалии Меделин, ки ба таври онлайн дар шаҳри Меделини Колумбия баргузор гардид ва дар он 40-умин солгарди таъсиси мукофоти алтернативии Нобел низ ҷашн гирифта мешавад, бори аввал аз Тоҷикистон шоири тоҷик, журналист ва мутарҷим Абдуқаҳҳори Қосим иштирок намуда, бо забони тоҷикӣ шеърҳои худро қироат намуд. 

Имсол дар Фестивал 180 нафар шоирону олимони маъруф ва 20 дорандаи мукофоти алтернативии Нобел аз 103 давлати дунё ширкат намуданд.

Фестивали мазкур соли 1991 аз ҷониби шоир, файласуф ва арбоби ҷамъиятӣ Фернандо Рендон таъсис дода шуда, соли 2006 ба Ҷоизаи алтернативии Нобел – “Барои ҳақиқат,  сулҳ ва адолати иҷтимоӣ” сазовор гаштааст.

Инчунин Фестивали адабии байналмилалии Меделин аз ҷониби ЮНЕСКО ҳамчун мероси фарҳангии Колумбия эътироф гардидааст.

Абдуқаҳҳори Қосим дар суҳбат бо "Ховар" иброз намуд, ки “фестивал аз  моҳи октябри соли 2019 оғоз гардида, шоирону нависандагон маҳсули эҷоди худро тавассути сабти видеоӣ пешниҳод намуданд. Ман 15 шеъри худро, ки тараннумгари сарзамини Тоҷикистон, модар, ишқу муҳаббат ва Ватан буданд, қироат намудам”.

Сабти қироати муаллиф бо забони тоҷикӣ ва бо тарҷума ба забони испанӣ тӯли як соат дар ин фестивал тариқи сомонаҳои Ютуб, Зум, Фейсбук ва ғайра намоиш дода шуд. Инчунин аз ҷониби тарҷумонҳо маълумот дар бораи сарзамини Тоҷикистон  ва аксҳои табиати дилрабои мамлакатамон бо забони испанӣ пешниҳод гардиданд.

Эрдуғон дар маросими кушоиши масҷиди Аёсофия ба забони форсӣ шеър хонд- видео

Хусусияти дигари ҳамоиш он аст, ки намояндаи ҳар миллат бо забони худ суханронӣ ва шеър қироат мекунад.

Фестивали адабии байналмилалии Меделин то 10 октябр идома меёбад. То имрӯз дар ин фестивал зиёда аз 1800 шоир аз 170 давлати панҷ қитъаи рӯи дунё ва 165 миллат ширкат варзидаанд. Имсол ҳамоишро дар сомонаҳои иҷтимоӣ зиёда аз 350 ҳазор нафар тамошо кардаанд.

0